من دخلت شهري التاسع وانا اشاركم قلقي وترددي باختيار المستشفى اللي ابغى اولد فيه😥😥 طبعا بحكم اني كنت بولد عند اهلي بمدينة غير جدة ..بس ظروف كرونا حالت بيني وبينهم ولله فيه امره حكمة... احترت وين اولد ؟!؟ بحكومي؟!؟ او خاص ؟!؟ فزوجي متحمس لشرق جدة لان عنده فكره ان الحكوميه عنايتهم مع كرونا افضل من الخاصه... فكنت ابغى اتطمن واقرر ..وصرت اقرأ التجارب عن مستشفى شرق جدة اللي بالنت والتطبيق ولالقيت تجارب عن الولاده الطبيعيه في هالمستشفى اكثرها عن العمليات وبرضو سلبيه للاسف ..مدري ليش الشي الايجابي ما ينكتب عشان يطمنونا... المهم التجربه هي .... ان اليوم سلفتي ولدت ولاده طبيعيه بمستشفى شرق جدة اللي بالسليمانيه ..ودوبني صكيت المكالمه منها وخذيت تجربتها.. ((حبيت اطرحها هنا للي حابه تولد فيه وللافادة )) طبعا انا من دخلت شهري التاسع ولسه مترددة وين اولد وراح زوجي وسأل عندهم قبل ٣ اسابيع يعني بداية التاسع ...اذا يستقبلوني وماعندي ملف عندهم ...وقالو اي نستقبل حتى لو ماعندها ملف بالطواري وطمنوه ان مرضى كرونا لهم مبنى وعيادة لوحدهم اسمها تطمن.. مالكم بالطويله.. وانا اقرأ التجارب عن الولاده الطبيعيه مالقيت تجارب عنها تمدح مررره ..بس لقيت فيه كم تجربه عن القصيريات ومو كثيرة للامانه يذمون فيه المهم ...امس الظهر سلفتي راحت وهي مطوفه التاسع بكم يوم وتبي تشيك وتسوي عمليه او طلق صناعي اي شي المهم تولد اخذت اغراضها معاها وراحت معها اخت زوجي وع طول استقبلوها... وسو لها كل شي من تحاليل وسونار وتخطيط ((هي عندها ربو وعندها تخثر بالدم قوي )) والحمدلله حتى عنايتهم واستقبالهم لها مدحتهم ... تقول بالتخطيط بيّن معاهم ان فيه طلق خفيف ..وخلوها عندهم قالو بنتابعك شوي واذا مازاد بندخلك عمليه((العمليه لان هي طلبتها ورفضت مره الطلق الصناعي لان لها تجربه بالثغر فاشله مع الطلق الصناعي وتعقدت منه)) المهم شوي الا ع اخر الليل يزيد الطلق الطبيعي ماشالله تبارك الله ((احس الولاده تيسير من الله والا هي راحت بدون طلق تقول يادوب احس فيه)) وفتح الرحم ٥ سم ع ١٢ الليل..وطلعوها لغرفة خاصه للولادة ((وقت ولادتها غرفه لوحدها مو مشتركه زي ماقريت بالنت 😑)) وتقول عطوها كمام ومسكن يخفف الطلق وكانت تنام وتصحى ..وخف مره الطلق وارتاحت لين ولدت بالسلامه الساعه ٣ الفجر ...وجاها نزيف لانها تاخذ حبوب سيلان بسبب التخثر اللي معها((في هالحالات احب الحكومي احس اعتمد عليهم اكثر لان خبرتهم اوسع )) خيطوها خارجي ببنج موضعي ..وسو لها تنظيف تقول حلو لرحمها بسبب التخثر اللي معاها لان يبقى دم بالرحم((شي حلووو اهتمامهم بالتنظيف )) المهم مره مرتاحه وتقول المستشفى شبه فاضي مافيه زحمه الممرات فاضيه والاجنحه ماتسمعي اصوات والاهم طفلها عندها مو بالحضانه وسمحو يدخل معها مرافق واحد بالملاحظه وبالتنويم😍 ((شي حلو عشان يساعدها بالبيبي لمن تكون فوق بالجناح ووقت تكون تحت بالملاحظه يهديها)) وشي ثاني مدحت وجباتهم تقول متنوعه وحلوة((عني مايهمني اكلهم لاني ما احب اكل المستشفيات بشكل عام )) وطلبت تخرج الصباح رفضو قالو لازم تكملين ٢٤ ساعه نتابعك ... وطبعا مدحت مرررره تعامل الكادر من ممرضات ودكاتره ..تقول حسيت بحنانهم مرره معي 💞😍 والله ييسر لنا ولادتنا يارب...ويجعلها بردا وسلامها علينا وعلى اجنتنا تحمست لمن عرفت فيه بنج وفيه مهدي للطلق وبإذن الله ولادتي بتكون فيه وسبق سلفتي اللي غيرها قبل ٨اشهر ولدت فيه مدحته بقوووة بس تخوفت لان البنت اساسا ولادتها كانت سهله ماشالله فما اعتمدت كلامها وغير التجارب السلبيه اللي تنعد ع الاصابع بالنت 😑 بالاخير التيسير من الله وقت الولاده ..البعض يعاني بالولاده حتى لو اطلق مستشفى خاص ووالبعض تتيسر ولادته لو باسوأ مستشفى حكومي فادعو الله لانفسكم كثثير بتيسير الولاده واطلبوه بركتها ❤❤❤ 🚫🚫🚫🚫🚫🚫🚫🚫🚫🚫🚫🚫 من سبيل المسؤوليه وتربئة الذمه وعشان يكون في مصداقيه حبيت اضيف تجربتي تم التعديل واضفت تجربة ولادتي بمستشفى شرق جدة وكانت سلبيه نوعا ما ..ولا عجبني المستشفى التجربه بتكون بالتعليقات تحت