مرحبا بنات انا من حوامل نوفمبر 11/26 حابة أنقل لكم تجربتي بولادتي في مستشفى الحمادي السويدي ، الحمد لله ولدت يوم الاربعاء تاريخ 8/13 أولا كنت أراجع عند الدكتورة لونا كزكز من بداية حملي الى نهاية الشهر الثامن وبعدها الدكتورة أخذت إجازة وعلى اساس لمى ترجع بكون بنص الشهر التاسع كنا متأملين انو بولد اذا رجعت ولسى عندي وقت على انها ولادتي الثانية .. والحمد لله على ماكتب الله بعد ماخلصت أول أسبوع من التاسع علطول ولدت 🤍 ماكان فيني أعراض لا السدادة نزلت ولا دم ولا موية الجنين فمو شرط اذا ماجتكم ذي الأعراض يعني مو ولادة بس كنت بشكل عام من الشهر الثامن أحس بثقل وأحس رجولي من فوق مفككة والبيبي كان متوجه للأسفل ، المهم نرجع بعد ماوصلت الاسبوع التاسع وبعد الجماع علطول حسيت بطلق وكان منتظم كان نفس مستوى الألم تحجر وشد من البطن وأسفل الظهر بنفس الوقت ومو الوجع اللي يجي بالعادة من الساعة ١١ بالليل الى الساعة ٥ بس كان طلق حقيقي كل دقيقتين الى ثلاث دقايق ويستمر من نص دقيقه الى دقيقة تقريبا كلمت الدكتورة لونا بالواتس وقالت هذا طلق بس ممكن يكون طلق كاذب حست انو بدري على الولادة لان ولادتي الأولى خلصت شهري وزيادة بس قالت روحي تطمني في الطوارئ وشوفي اذا فيه طلق وكان الرحم مفتوح ، المهم ماكنت مجهزة كل أغراضي للأسف ف أخذت شنطة على السريع وحطيت كذا شيء وقلت احتياط اذا مو ولادة برجع أجهز الشنطة😅😂، المهم دخلوني التخطيط لمدة ساعة تقريبا وفعلا كان طلق منتظم وكنت متقروشة أقول عند مين بولد مو عارفة أحد غير الدكتورة لونا😢، وسوولي الفحص كان الرحم مفتوح ١ سانتي ونص وكتبولي تنويم وقلت لهم بطلع اجهز نفسي وأرجع وقال وقعي أنو على مسؤليتك وقعنا وطلعت رجعت البيت جهزت ورجعت تقريبا بعد ساعتين والى الان الطلق مستمر منتظم ونفس مستوى الالم دخلوني غرفة الولادة ورجعوا سوولي التخطيط والوضع نفسه الطلق واصل للأخير مبين بالجهاز انه منتظم وقوي بس الرحم ومع مرور ساعات مافتح غير ٢ سانتي لدرجه الدكتورة تقول أول حالة تمر علي كذا 😢 من ١١ الليل يوم الثلاثاء الى اليوم الثاني بين الظهر والعصر والطلق نفسه منتظم وقويي آخر مستوى من الطلق وكل شوي الدكتورة تدخل تشيك وتفحص وتقول ٢ سانتي وهي متعجبة كيف كذا تقول الرحم عندك عنيد جدا مع قوة الطلق ومو راضي يفتح! عطتني إبرتين لتليين عنق الرحم وقالت ان شاء الله يفيد والصباح عطوني إبرة محفزة قالت هذا الطلق يصير ربعة عند الحريم ويولدون لكن انا حاسة فيك وانك تتألمين وطلق قوي جدا بس الرحم مافتح و آخر شيء فتح الى ٣ وبعد وقت برضوا نفس الوضع قالت ان الطلق بيتعب البيبي وبيتعبك بيجي وقت الولادة ومافيك حيل للدفع ممكن نحولك قيصري ووقتها كنت جدا تعبانة ف ماكان عندي خيار غير إني ارضى واتوكل على الله، راحت وكلمت دكتور القيصرية ورجعت وكان ودها تعطيني مهلة اولد طبيعي ومع تكرر الفحص والتحريض ولله الحمد فتح بعد ٣ الى قريب ٤ بعدين ٤ ، ٦ ، ٧ .. ٨ وواول ماخلصت عند ٨ وطلعت جاني ألم وضغط وحسيت بدفع ! كان زوجي عندي وقلت له البيبي بتطلع! نادي الدكتورة وأعيدها لين نادوها ماطولت جت وانا اقول بتجي الحين وفحصت الا قالت ولادة🥺🥹 الحمد لله جاء الفرج وماطولت بالدفع كم دقيقة وولدت 🥺🥺🥺🤍، صار شق عجان من الدكتورة وسوتلي خياطة.. كلمت دكتور القيصرية قدامي وقالت الحمد لله الحالة اللي قلت لك جهز لها ولدت طبيعي 🤍 وفحصت وهنا قالت فيه شيء غريب ! الرحم لسى ماتسكر المفترض بعد الولادة يبدأ شوي شوي والحل كان انها تركب لي بالونة بالرحم عشان ضغط البالونة يساعد الرحم يتقفل ومايصير نزيف لان كان فرصة ان يكون عندي نزيف وكمان ركبت لي قسطرة دم ماكان مسموح لي اني اوقف فركبوا كمان قسطرة بول وانتوا بكرامه كلها سوا😢، وكلن ممنوع أني آكل ، خلوني بغرفة الولادة تحت الملاحظة تقريبا ٦ ساعات بعدها طلعوني على غرفة التنويم وسوا لي فحص دم وكان تمام والحمد لله شوي شوي صرت أحسن ❤️❤️. طلعوني اليوم الثاني من الولادة لان وقتها كملت يومين متنومة ، ولدتني الدكتورة ولاء جدا عطوفة وكانت حاسة فيني وتطبطب علي والاهم ماكانت شايفه المي انه عادي بالعكس كانت مقدرة وضعي وتشرح لزوجي انه شيء غيير وحالتي نادرة مامرت عليها . المرافق كان زوجي ومن تواجدة معي وحس بتعبي من الطلق ارسل لي بشارة المولودة بالاسم اللي انا اخترته على الرغم كان ببالة اسم ثاني فضلت إني ماعلم احد أكون متطمنة أكثر ولا أشغل بال ماما واوترها او اتوتر منها . لين وقت الولادة ضل معي عند راسي وكان يهديني والحمد لله كان قرار مبسوطة إني اتخذته لان جدا قدر وضعي وحس فيني ودعمني علما بأن ولادتي الاولى رفضت انه يدخل معي .. بالنسبة لطاقم المستشفى الحمد لله رحيمين ويساعدونك اكيد واجهت كم وحده ماحبيت انها تكون عندي او تسويلي اجراء مارتحت لها بس الله سخر لي ناس كمان كويسين . نهاية الحضانه اولا بعد ماولدت جهزوا النونو على السريع وقالوا ممكن نرضعها بالحضانه او تبين فقط طبيعي حاولت لكن ماستجابت النونو وكنت تعبانه وعارفة ان الحليب مايكون لسى فيه ف سمحت انهم يرضعونها بالحضانة مايسلمون البيبي الا اذا الام متواجدة يعني ابوها دق يبي يجيبوها غرفة التنويم لان ماما واخوي وصلوا ورفضوا لين اجي انا بلفوني اني بتعامل مع وحده فقط تسلمني النونو واستلم منها وبتوقيع يعني حريصين بس بتبديل الشفتات وحدة صباح ووحدة مساء مسؤلة عن البيبي يعني ٢ . بالنسبة للبس يوفرونه واذا جاء وقت الخروج يطلبون منك لبس كامل للبيبي مع لفة وبطانية .. وفروا لي فوط النفاس بعد الولادة مباشرة .. واعطوني هدية منتجات فوط وحفايظ وكوبونات.. صرفوا لي الادوية وبلغوني ان مراجعتي بعد اسبوع والنونو صرفوا لها ادوية وعطوني كذا عينة حليب جاهزة تبع المستشفى وبلغوني انهم حجزوا لها موعد مراجعة بعد يومين وتخريم الاذن بعد اسبوعين او شهر لانها صغيرة وانتهت تجربتي اتمنى أفدت احد فيكم 🤍. أعرف إني كتبت بالتفصيل لكن متأكدة فيه أحد تهمه هالتفاصيل الصغيرة. اللي عندها اي سؤال تسألني 🤍.