بنات لظروف ما انقطعت عن القروب هنا وعن التطبيق..
الحين بقولكم تجربتي
قبل شهر من ولادتي قررت اولد في مستشفى الحبيب في الخبر لان سمعت عن دكتوره هناك عليها مدح
رحت وفتحت ملف وانا في التاسع
تابعت اسبوعين تقريبا عندها(دكتوره لوا بربر) وولدت هناك بصراحه روووعه اهتمام وعنااايه ورعايه من باب الطواري من يوم جيتهم لحد ماخرجت بالسلامه انا والبيبي الحمدلله
غرفه الولاده شرحه ونظيفه
وغرف التنويم حسب البكج اللي انتي مختارته وحسب دفعك للفلوس
ولادتي بسبعه الاف وشوي
وابره الظهر لها سعر لحاله غير الولاده انتي وطلبك
دكتور التخدير حق ابره الولاده متمكن وفاهم شغله عدل
الدكتوره اللي تراجعين عندها هي اللي تولدك
معاك ممرضه خاصه فيك في غرفه الولاده ماتفارقك تجلس على راسك على مكتبها والجهاز تراقب الطلق وتراقب النبض وكل شي واذا احتجتي شي ماتقصر
يوافقون للزوج بالدخول معاك لغرفه الولاده لحد ماتقربي وتولدي وفي ستاره كبيره بامكانه يجلس خلف الستاره او يطلع خارج الغرفه
وبرضو عنايتهم بمولودك بعد الولاده مرره حلوه ويساندو الولاده بدون شق اذا طلبتي الا للضروره ..ويساندو الرضاعه الطبيعيه بعد الولاده تجيك مرشده رضاعه طبيعيه تثقفك وتنصحك وتحثك على الرضاعه الطبيعيه وتعرفك باسمها وشغلها وتحط لك عنوان مكتبها في المستشفى لو حبيتي اي استشاره ترجعين لها ..
غرفه التنويم ممتازه وكل شي حولك مايحتاج تقومي الا لدوره المياه ..
النظافه تمام تتنظف يوميا واذا طلبتي كمان النظافه يجونك
الاكل اللي يقدموه صحي ولاصحاب الدايت
وبس والله
اي استفسار انا بالخدمه
العضوة: 1499816 , 3 years ago
الحمدلله على سلامتك ويتربى بعزك ❤️ بسألك ابرة الظهر شاملها التأمين(بوبا) او لاالعضوة: 689518 , 3 years ago
اي تشملهاالعضوة: 74884 , 3 months ago
بنات بضيف شي لموضوعي ويارب يفيدكم ولادتي اللي قبل كتبتها فوق بأيام كورونا وماكان في زحمه والتجربه كانت حلوه مره الحمدلله اما بعد ثلاث سنوات ونص من هذيك الولاده كانت لي تجربه ثانيه معاهم جيتهم في الطواري وكالعاده اهتمام من اول ساعه في الطواري لين وصلنا للولادة وكلشي تمام وابره الظهر تمام ولكن بعد الولاده اخذو الطفل للحضانه وخلوني انتظر في غرفه الولاده يمكن اربع ساعات بحجه انو نتطمن عليك من البنج وكذا وبعدها خيروني بين غرفتين بالأرقام تبين الغرفه رقم كذا وكذا .. او الغرفه رقم كذا وكذا سالتها وش الفرق قالت مافي فرق قلت اوك اي وحده وبعدها ودوني قسم غريب طلع قسم تنويم الاطفال !! نعم وماقالو لي ابد انو منومينك في قسم الاطفال وادق عليهم اسأل ليه الغرفه كذا مو مجهزه ووين اغراضي ووين الشاشه اللي اتابع البيبي فيها وهو في غرفه الحضانه ويتعللو بأشياء وكل وحده تقول الثانيه بتجي تحل مشكلتك واخر شي جت وحده سعوديه الله يجزاها بالخير منقبه مااعرفها لكن تحمدت لي بالسلامه وقالت معليش ليه انتي هنا انتي مفترض تكوني في قسم تنويم النساء والولاده؟ قلت اجل انا وين قالت في قسم تنويم الاطفال !! نعممم وانا اقول ليه السرير غبي والغرفه مو زي ولادتي قبل بعدها دقيت عليهم واشتكيت وزوجي راح يخاصم لانا دافعين كل شي كاش يفترض الاقي خدمه كويسه وغرفه كويسه وجو سكتوني بفوط صحيه ومناديل وانو بننقلك على ١٠ الليل !! وانا والده من الظهر يعني راح اليوم الأول بدون راحه وبدون رضا قال ايش قال زحمه ! طيب تستقبلوني ليه اذا مابتوفرو لي خدمه قد المبلغ اللي دافعينه المهم نقلوني اخر الليل لغرفه تحت في الدور اللي فيه قسم تنويم الوالدات والغرفه كانت حلوه وشرحه وكل شي فيها بس بعد ايش!! اليوم الثاني طلعت المغرب ..العضوة: 74884 , 3 months ago
نصيحه اللي تولد فيه تتأكد انهم مايرمونها اي قسم تنويم لان تنويم الوالدات مختلف السرير اريح ، دورة المياه تناسبك كأم والده ، كمان تكون مجهزه بسليبر وشنطه صغيره فيها أدوات الشاور وفوط صحيه في حال نسيتي شي يكونون هم موفرينه وكمان غالبا تكون شرحه وواسعه وفيها شاشه تلفزيون تراقبين البيبي في الحضانه، وكمان يكون بجنبك شاشه صغيره تساعدك تتواصلي مع خدمه المطبخ او الحضانه او تطفين الانوار او تقفلين الستاره يعني وانتي مسدوحه و مريحه تسوي كل شي مو زي حالتي في قسم الاطفال مافيه شي وكل شوي اقوم واجلس تعبوني اول يوم حسبي الله 😩😩😩😩😩مانسى كم انغبنت وانقهرت بس يلا الحمدلله عدت بسلام وأمان واللي قاهرني بعدها بسنه جاني فضول اشوف تعليقات المستشفى بقوقل ماب لقيت مثلي متضررات انو بعد الولاده رامينهم بقسم تنويم الاطفال!! طيب ليه تخلون الواحد يدفع مبلغ وقدره ويتكلف ويتعنى من مكان بعيد علشان يلاقي خدمه كويسه ومريحه واخرتها يلاقي نفسه في قسم تنويم اطفال ولا احد يلتفت له نقعد ندقدق ونطالب كأننا نشحذ الشي مو كأننا دافعين مقابل خدمه !!