العضوة: 1687564 , 2 years ago

ههههه ايه تقول نرقد فيها

العضوة: 1687564 , 2 years ago

حمدلله او بصحتك انا مزال مكملتش غسيل لكوزينة مزالي نص غدوا كي يروح يخدم نقيها ...ليوم غسلت لحوايج او مسحت لكولوار

العضوة: 1024508 , 2 years ago

ربي يقدرك، أنا اليوم كملت على لحداش تع الليل، دوكا راهي 12 لبنات مزال ما رقدتهمش، لوكان نخليهم عادي يرقدوني و يجيبو الصباح 🤭، لازم نرقدهم ماشي يتعبو يرقدو وحدهم

العضوة: 1687564 , 2 years ago

ايه علابالك انا نسيت حاسبة الوقت كيما حنا كي ندخل او نصيبك ننسا بناتك يسهرو شتي انا ميسهروش حنا باباهم يرقدهم بكري حدهم 22.30

العضوة: 1024508 , 2 years ago

اليوم برك خليتهم باش نلحق نكمل الميناج، موالفة 9 يكونو في فراشهم و نرقدهم بلعقل، ما نحبش السهرات تع دراري. ماشي مليح لصحتهم و الجيران يا أختي لي مريض لي كبير.. الدراري يقلقو إدا سهرو صوتهم طالع، كنت نرقدهم 8 ونص و دوكا النهار طوال شوية ندخلهم على 9 راني نحكيلهم و نهز الصغيرة حتى للعشرة.. لكن الصراحة إدا ما كنتش صارمة و دخلت معاهم و رقدتهم عادي يكملوها سهرة للصباح

العضوة: 1626221 , 2 years ago

اهلين راكي هنا عند فريدة وشراكي وليداتك بخير

العضوة: 1484486 , 2 years ago

@user-1687564 آمين يارب العالمين 🥰

العضوة: 1024508 , 2 years ago

كي كنت فدزاير كانو يسهرو بصح هنا وحدي.. دايرتلهم قانون. كانو يسهرو بصح الصباح أنوضهم بكري،ما يفوتوش 8 و نص باه يرقدولي القيلولة

العضوة: 1626221 , 2 years ago

رمضان كريم فريدة تصومي بالصحة و لهنا

العضوة: 1024508 , 2 years ago

أهلا حبيبة.. الأخت فريدة تعارفنا عند آسية.. واش أحوالك حبيبتي.. صدقيني والله اليوم جوزت النهار كلما نتفكرك ندعيلك

العضوة: 1024508 , 2 years ago

أنا بعثتلك لهيك وين حكينا المرة الماضية

العضوة: 1626221 , 2 years ago

ياعمري ربي يحفظك و يجازيك كل خير ربي يعطيك على قلبك الطيب هذا وين كانت عندي الفرملية نظفتلي الجرح قاتلي جرحك تسكر لباس و راه في تحسن انشاء الله فيها خير حكينا و ماتعارفناش انا نور من سطيف

العضوة: 1024508 , 2 years ago

الحمد لله يا رب . والله فرحت كي قلتيلي الجرح تلم، يليق تحادري على روحك ماشي ساهل لكن كلما تفشلي أعرفي بلي فترة و تعدي اللهم بارك، أختي نور، معرفة خير إن شاء الله. أنا رانية أم دانية من الجزائر ،دوكا راني فالصين

العضوة: 1626221 , 2 years ago

هذا وين شفت ربي يحفظك اني ندير كيما قلتي نحط ديما قران باه نريح خاطر النفسية و لقعاد يديرو الغمة

العضوة: 1024508 , 2 years ago

حتى النفاس صعيب، أنا في ولادتي الثانية شدتني الخلعة، وليت كي يوصل المغرب نحب غير نبكي و تشدني الخلعة نخاف مالليل لي نباتو كله قاعدة و نخاف بنتي تبات تبكي..و خفت ما نقدرش لمسؤولية زوج و الشغل و الطياب ..نصحوني ندير قرآن بعد العصر ارتحت..