تجمع حوامل السعودية

العضوة: 1690343 , 1 year ago

طمنونا عنكم بنات كيفكم ؟ الي قضوا شاركونا المقاضي ومن وين وحده من قروب حوامل مايو معي تقول نكست عنده عروض واحد والثانيه مجانا احد جربهم ؟ وهي قطن 100٪ ومتى تنصحوني اقضي ؟ انا في الخامس حاليا

العضوة: 1690343 , 1 year ago

الي بتولد في الحكومي او العسكري طبيعي وش اخذ معي ؟ قالوا انه ممنوع يلبسون البيبي الا وقت الخروج صحيح ها الشي ؟؟؟؟ وايش اخذ اغراض مهمه للمستشفى ؟ ولادتي الوحيده قبل اكثر من 10 سنوات وناسيه كل شي 💔

طلعت نتيجه تحليل السكر بالمشروب سليم الحمدلله وتقول الدكتوره كثير حوامل يكون عند زيادة مويات مجهوله السبب بس اول شي نسويه لهم تحليل السكر الصائم ونعطيهم مشروب الجلوكوز اذا طلع سليمه من السكر والسونار التفصيلي سويته ع الشهر الخامس والحمدلله كل شي سليم بس الدكتوره خايفه من ان الطفل يختنق من المويات🥹💔 وحولتني ع الاستشاري ع 10/10 ميلادي موعدي بالله اللي صار معاها كذا تعلمني وش ولدت قيصري او طبيعي لان والله بطني مررره كبير احس نفس في التاسع من الثقل والضغط ع القدم النفس

العضوة: 1223336 , 1 year ago

العسكري ولدت فيه بولدي الصراحه مايجيبون طفلك عندك يكون عندهم وتروحين تشوفينه ويكون عندهم لبس للمواليد او فقط لفة كوفله من عندهم لكل المواليد مايبغون ملابس لطفل انتي تلبسينه لمن خلاص كتبوا لك الخروج اخذت ملابس للنونو من والى مع مناديل اطفال وحفائظ وفاين ورضاعه ع ان مااحتجتها الا في البيت😂😂 اما انتي خذي لك شرابات وقميص وشرشف ع راسك يكون طقم يصير شكلك مرتب لمن يزورك احد وخذ عطر ومرطب للبشره والشفايف ومرايه وفوط ع ان حصلت الحمام دولاب كامل فوط قالت لي الممرضه مدام هذا لكل الامهات اللي ولدوا مايحتاج تاخذين من اللي عندك والله فعلاً الحمدلله نوعيتها قطن اخذت لي كيس مختوم منه واستخدمته خلال جلستي بالمستشفى لان جلست 4ايام

العضوة: 1223336 , 1 year ago

المفروض سوت اشاعة تفصيليه للجنين زياده امان لك ولطفل المشيمه بأذن الله راح ترتفع المهم لا تسوين اجهاد ووقفي علاقه وارفعي ارجولك ع مسندها لان انا صارت معي ع الشهر السابع والحمدلله مع المثبتات ارتفعت

العضوة: 1016822 , 1 year ago

بنات تعرفون حل مع النزيف والدم الي ينزل انا فالاسبوع الثامن وينزل مني دم وافرزات رخت الدكتوره عطتني مثبت وتحاميل وقالت علامة اجهاض مبكر تعبت من مثلي ووقف منها وقتي كله منسدحه ووقت الحركة علطول دم ينزل مني الجنين نبضه كويس الحمد الله