صباح الخير صبايا ..هالبرنامج ساوى عنا رفقة وعم نقضي اوقات حلوة بالحكي ومساعدة بعض والاستفسارات .
اغلب حوامل مارس نزلو تجهيزاتهن وهلئ اجى دوري
منبلش اول صورة :الحرابات والكفوف وطواقي مع زنانير البطن واللفّة اول ٤٠ يوم حسب الطقوم يلي جايبتا
التانية:التياب الداخلية مع الكولونات
التالتة :هية المنشفة والفوط الصغيرة للصدر وبشكير صغيرة وكم قطعة بتشبه الشاش هي مشان تغطي فيها صدرك او ممكن كمان تلفي فيها البيبي وبعدا تلفي الانداء
الرابعة :البجامات شي للبيت وشي للطلعة
الخامسة :الافارولات لاول شهر وفي ١ مدري ٢ لتاني شهر
السادسة :طقم قطن كمان للبيت
السابعة :طقم قطن للطلعة واللفة تبعو بالصورة الاولى
التامنة والتاسعة كمان طقوم للطلعة
والعاشرة هية الكوفر الخارجي مع طاقية بتتلبس ع اغلب التياب لانو جايبتا سكري
الكوفر المطري رح جييو بس يجي البيبي لانو اصلا اول ٤٠ يوم مارح اطلع من البيت غير بالسيارة يعني العرباية كلها مارح اعتازها
بعدا بيجي المستلزمات وانشالله يكونو مبينين بالصورة لانو كتار مابعتقد يكفي كتابة
هي البوكس الازرق رح حط بقلبو الشغلات يلي بدي ياها تحت ايدي ع طول (الفوط المحارم المعطرة البودرة وزيت جونسون والكولونيا نكاشات الادان وكريم المغص او "السماط" ) والعلبة الزرقا يلي جنبا الصغيرة هي رح حط بقلبا البودرة حتى مايرشم رشم وتكون نسبة البودرة خفيفة يلي بتابع رولا قطامي رح يعرفا
نزلت صورة التخت بس لسا مازبطو كلو مكيستو حتى مايتغبر لانو حبتو باول الشهر التامن وماحبيت يتوسخ. جبت العازل للفرشة حنى اذا البيبي وسخ حالو ماتتوسخ الفرشة معو المخدة والحرام والبوكس من نفس النوع صوف مع قطن لاضمن انو البيبي دفيان واللفة حوالين التخت كمان حاولت زبطا انو تكون نفس اللون طبعا كلو حاليا مفشكل بس زبطو رح ببعتلكن
الشنتا هي للبيبي حبيتا كتير وعجبتني لانو بتوسع كل شي برياحة
رح ضبا باذن الله هالفترة الجاية وزبط غراض البيبي فيها
علبة الزبالة خصوصي للفوط بتمنع الريحة
العرباية نزلت صورتا لانو لساتني حاطتا بكرتونتا بس كمان تقيلة وعجبتني واللون يلي بدي ياه وطبقت لون الشنتا عليها مع انو بيجي معها شنتا بس ماعجبتني
واخر شي هو البانيو بيجي جواتو نفخ حتى ماخاف اذا بعيد الشر زحط البيبي او شي عجبني اكتر من البلاستيك حتى لو بدي حط للبلاستيك عازل بس هيك حسيت اضمن وعملي بينطوى اذا الواحد عندو حمام صغير متلي 😊
وفي كرسي الهزاز نسيتو كنت ضاببتو تحت التخت راح عن بالي وهيك شكلو كمان لساتني مغلفتو حتى مايتغبر
وهيك بكون حكيتلكن عن كل شي انشالله ماتكونو مليتو 😅
انشالله يارب بقبامة كل الحوامل بخير وصحة وعافية والخلقة التامة لكل الاطفال ويبعت لكل محروم احلى ذرية يفرح قلبكن وخاطركن ❤
العضوة: 442026 , منذ 4 سنوات
@user-388825 الله يسلمك لاطبيعي الحمدالللهالعضوة: 399234 , منذ 4 سنوات
ع اساس رح توصل بكرة او بعد بكرة مفرش تخت ع لازم اليوم توصل او بكرة @user-424928العضوة: 388825 , منذ 4 سنوات
الله يسلمك ويطمن قلبك يا دمدومة ويفرحك بشوفة بنوتك بخير وصحة وعافية انا حاليا عم يجيني مغوصة من سفل بطني متل وجع الدورة حطيت مي سخنة مازاد بس ماراح ...حاليا بدي ضب الشنتا لكون جاهزةالعضوة: 388825 , منذ 4 سنوات
الكريم الازرق هو للتسلخ هو والكريم يلي بالنص بس يلي بالنص هو من ماركة هامول والازرق جبتو من الدي ام ويلي بعدو هو تبع المغص للبطن العرباية تبعي دواليبها مو نفخ صب اذا بدك لساتا موحودة وصي عليها وعم يعملو عروض عم توصل لل ١٨٠ يورو ٣ شغلات بيجي معها ومريحة وظريفة فيها بالوصف شوفي كم قطعةالعضوة: 388825 , منذ 4 سنوات
يبارك بعمرك حبيبة قلبي ...عيونك الحلوة كتير فرحتوني بالتعليقات الايجابية . عم يجيني مغوصة يا رهومة عم ضب الشنتا حاليا حتى مايشتغل الركض اذا زادالعضوة: 388825 , منذ 4 سنوات
اخدتو من الايباي والله عجبني كتير عملي ومنيح انو منفوخ عرفتي رح حاول نسخلك الرابط او ابعتك الصورة كاملة https://rover.ebay.com/rover/0/0/0?mpre=https%3A%2F%2Fwww.ebay.de%2Fulk%2Fitm%2F333301546512العضوة: 388825 , منذ 4 سنوات
ليكي هلى كاتبين انو ماعاد موجود منو بس بيؤجعو بنزلو لاتخافي حطيه انتي بالمشاهدة مشان يبين معك ايمتى بيرجعو بنزلوهالعضوة: 424928 , منذ 4 سنوات
الله يقويكي ويكون معك والله انا الي أسبوع واكتر ع هالحالة وضبيت الشنتة تحسباً الله يكون معنا ويفرج علينا يااااارب❤العضوة: 424928 , منذ 4 سنوات
يسلمو يا قلبي 😘😘😘❤العضوة: 466101 , منذ 4 سنوات
بسم الله ماشااء الله 😍😍😍ذوقك مرة حلوالعضوة: 388825 , منذ 4 سنوات
هو بكون عم يتوسع الرحم او نزل البيبي بالحوض بس يعني الوحدة لازم تحسب حسابا وتراقب حالها .يارب اللهم لاسهل الا ماجعلته سهلا وانت تجعل الحزن ان شئت سهلا الله يقومنا بخير وسلامة ويفرح قلوبنا بشوفة اطفالنا بخلقة تامةالعضوة: 388825 , منذ 4 سنوات
حبيبة قلبي عيونك الحلوة تسلمي يارب والله خجلتيني ☺☺☺ انشالله بتفرحي بولادكالعضوة: 498952 , منذ 4 سنوات
بنات اني محتاجه ملابس او اغراض المولود من جدهالعضوة: 414126 , منذ 4 سنوات
من وين جبتي الدقونات القطن اذا موجوده بألمانيا؟العضوة: 388825 , منذ 4 سنوات
نسيت نزل صورة الكرسي الهزاز 😅😅😅 ضاببتو تحت التخت راح عن بالي وانشغلت بضب غراضي