صباح الخير صبايا ..هالبرنامج ساوى عنا رفقة وعم نقضي اوقات حلوة بالحكي ومساعدة بعض والاستفسارات .
اغلب حوامل مارس نزلو تجهيزاتهن وهلئ اجى دوري
منبلش اول صورة :الحرابات والكفوف وطواقي مع زنانير البطن واللفّة اول ٤٠ يوم حسب الطقوم يلي جايبتا
التانية:التياب الداخلية مع الكولونات
التالتة :هية المنشفة والفوط الصغيرة للصدر وبشكير صغيرة وكم قطعة بتشبه الشاش هي مشان تغطي فيها صدرك او ممكن كمان تلفي فيها البيبي وبعدا تلفي الانداء
الرابعة :البجامات شي للبيت وشي للطلعة
الخامسة :الافارولات لاول شهر وفي ١ مدري ٢ لتاني شهر
السادسة :طقم قطن كمان للبيت
السابعة :طقم قطن للطلعة واللفة تبعو بالصورة الاولى
التامنة والتاسعة كمان طقوم للطلعة
والعاشرة هية الكوفر الخارجي مع طاقية بتتلبس ع اغلب التياب لانو جايبتا سكري
الكوفر المطري رح جييو بس يجي البيبي لانو اصلا اول ٤٠ يوم مارح اطلع من البيت غير بالسيارة يعني العرباية كلها مارح اعتازها
بعدا بيجي المستلزمات وانشالله يكونو مبينين بالصورة لانو كتار مابعتقد يكفي كتابة
هي البوكس الازرق رح حط بقلبو الشغلات يلي بدي ياها تحت ايدي ع طول (الفوط المحارم المعطرة البودرة وزيت جونسون والكولونيا نكاشات الادان وكريم المغص او "السماط" ) والعلبة الزرقا يلي جنبا الصغيرة هي رح حط بقلبا البودرة حتى مايرشم رشم وتكون نسبة البودرة خفيفة يلي بتابع رولا قطامي رح يعرفا
نزلت صورة التخت بس لسا مازبطو كلو مكيستو حتى مايتغبر لانو حبتو باول الشهر التامن وماحبيت يتوسخ. جبت العازل للفرشة حنى اذا البيبي وسخ حالو ماتتوسخ الفرشة معو المخدة والحرام والبوكس من نفس النوع صوف مع قطن لاضمن انو البيبي دفيان واللفة حوالين التخت كمان حاولت زبطا انو تكون نفس اللون طبعا كلو حاليا مفشكل بس زبطو رح ببعتلكن
الشنتا هي للبيبي حبيتا كتير وعجبتني لانو بتوسع كل شي برياحة
رح ضبا باذن الله هالفترة الجاية وزبط غراض البيبي فيها
علبة الزبالة خصوصي للفوط بتمنع الريحة
العرباية نزلت صورتا لانو لساتني حاطتا بكرتونتا بس كمان تقيلة وعجبتني واللون يلي بدي ياه وطبقت لون الشنتا عليها مع انو بيجي معها شنتا بس ماعجبتني
واخر شي هو البانيو بيجي جواتو نفخ حتى ماخاف اذا بعيد الشر زحط البيبي او شي عجبني اكتر من البلاستيك حتى لو بدي حط للبلاستيك عازل بس هيك حسيت اضمن وعملي بينطوى اذا الواحد عندو حمام صغير متلي 😊
وفي كرسي الهزاز نسيتو كنت ضاببتو تحت التخت راح عن بالي وهيك شكلو كمان لساتني مغلفتو حتى مايتغبر
وهيك بكون حكيتلكن عن كل شي انشالله ماتكونو مليتو 😅
انشالله يارب بقبامة كل الحوامل بخير وصحة وعافية والخلقة التامة لكل الاطفال ويبعت لكل محروم احلى ذرية يفرح قلبكن وخاطركن ❤
العضوة: 450620 , منذ 4 سنوات
ماشاءالله حلوين وذوق يطلع الجميل بالسلامه ويلبسهم بالعافيه ياربالعضوة: 388825 , منذ 4 سنوات
تسلمي ياقلبي هاد ذوق منك ....انشالله بفرحتك باولادك يارب 😊العضوة: 403769 , منذ 4 سنوات
مألذن ما شاء الله بجننو ان شاء الله بجي رامي العسل وبلبسهن بالهنا 😍😍العضوة: 388825 , منذ 4 سنوات
دخيل قلبك لولو عيونك الحلوة انشالله عقبال جية الامورة بخير وسلامة وخلقة تامة ياااارب ويسعدك ربي وبقيامتك بالعافية . هانت هاااااه 😋 لنشوف مين بتولد قبل التانيةالعضوة: 462372 , منذ 4 سنوات
اميين يارب ربي يسعدك❤️😍العضوة: 527596 , منذ 4 سنوات
ماشاءالله حلوووين مره لبس العافيه ياربالعضوة: 507693 , منذ 4 سنوات
ماشاءالله تتهني حبيبتي ♥️العضوة: 513633 , منذ 4 سنوات
@user-388825 اختي هاد شو مشان شو ازا بيلزم امشان جيب منوالعضوة: 388825 , منذ 4 سنوات
هاد ياقلبي زيت للجسم زيت جونسون بعد الحمام منحطو للبيبي مشان مايصير في جفاف بسبب الصابون والشامبو والجلد بكةن رقيق واحيانا كمان بدفي البطن كتار بيستخدموه عواض زيت الزيتون مشان ما يتوسخو التيابالعضوة: 513633 , منذ 4 سنوات
ايوا شكرا الك اختيالعضوة: 399234 , منذ 4 سنوات
ايوة ازرق للتسلخ انا جبت تبع مغص هاي تبع dm😘😘وا تبع تشققات صدر جبت هاي عرباية معها كل قطع ب 200€ هاي لي انتي اخدتي قطعه لي بعد 6 شهر بظن مو مريحه؟ كتير حبيتها كنت رح اخدها غيرت رائي خدت هاي تبع لي بصورةالعضوة: 388825 , منذ 4 سنوات
لا والله هي اخدتها كبيرة في منها بيجي اصغر بس لست شهور انا حبتا بفرد مرة ل٣ سنين او هيك شي مدري اكتر كاتبين والله نسيت بس انو بتحمل وزن لل ٣٠ كيلو مباركة دمدوم انشالله بتشوفي فيها بنوتك عن قريبالعضوة: 403769 , منذ 4 سنوات
ابووسك انا 😍😍 امين يارب العالمين بدي اسألك السلة تبع الدايبرز من وين واديش حجمها وسعرها؟ وكمان ناح هذا البوكس الازرق في شي مدور كمان ازرق شو هذا ؟العضوة: 63617 , منذ 4 سنوات
@user-388825 ماشاء الله كتير كتير حلوات الله يهنيكي ويقومك بخير وسلامه انتي ولبيبي متى اخر دوره الك انا كمان من حوامل ١٧ مارسالعضوة: 388825 , منذ 4 سنوات
اي ام اللول هي السلة جبتا من الbabyone بتوسع ٢٥ فوطة وفيكي تستخدميلا كياس عادية مو ضروري تلتزمي بالكيس تبعها هية فيها عازل سعرا ٤٥ والعلبة يلي جنب البوكس هية علبة بدي حط فيها البودرة اذا شفتي رولا قطامي حكت عنها انو مالازم نستخدم البودرة حتى ما ترش رش وفي اطفال بيجيها حساسية بس بعد الحمام مشان نتاكد انو الجسم ناشف منستخدم البودرة وهي العلبة بتجي فيها قطنة متل كانك عم تحطي لوسباودر على وجهك فهمتي قصدي ؟؟ هي جبتا من الامازون شي ٤ يورو او هيك شي .