إوعى تغـ. ضب على طفلك.. إوعى تعملها في يوم! ظهرلي من كام يوم فيديو لأم رافعة قضـ. ية على جوزها إللي بتحيه وبيحبها بقالهم سنين بسبب حاجة مكنتش تتخيلها! على مايبدو انها كانت لسه مخلفة من كام شهر، واضطرت تخرج بره البيت تجيب حاجة لرضيعها، وسابته مع أبوه. طبيعي بيعـ. يط عايز مامته وأبوه مش عارف يسكته إزاي! لا باللعب ولا بلفت الانتباه ولا الشيل ولا الهز ولا البزازة ولا أي حاجة، فللأسف من يأسه وصوت العيـ. اط كان غضـ. بان، فهز البيبي جامد، وفوجئ إنه فقد الوعي! إفتكر إنه نام وسابه، لغاية ما رجعت الأم ولقت أبنها شاحب شوية وبيقوم يعـ. يط وينام تاني ورافض الرضاعة ومابيبطلش، فشكت يكون حصله حاجة لغاية ما حكالها باللي حصل، فخدته وطلعت تجري عالدكتور وللي للأسف قالها انه ابنها اصيب بمتلازمة هز الرضيع! للأسف كان فات الأوان بمجرد ما هو هزه خلاص ومفيش راجعه! متلازمة هز الرضيع هي متلازمة شهيره بتحصل لما حد من الأهل او الكبار بيمسك البيبي يهزه بشكل عنـ. يف من باب الاحباط أو اليأس من التعامل معاه! رقبة وعظام البيبي بتبقى طرية جدًا لسه، مابتقدرش تتحمل التحكم في الرأس وتمسكها كويس، فلما بتمسكه جامد وتهزه، المخ جوه الرأس بيتهز بشكل كبير وإللي للأسف بينتج عنه طريقين ملهمش تالت. بيبدأ يظهر عليه صعوبة في التنفس، ترجيع، فقدان الوعي، عدم رغبة في الرضاع او الأكل، شحوب الجلد، نوبات تشبه الصـ. رع، وبعدها ممكن يحصل حاجة من اتنين، يا إما نـ. ز. يف في العين والرأس مع كسور ينتُج عنها شـ. لل دائم ومشاكل في الوعي والإدراك والحركة والتفكير باقي عمره، غير العمى، الصرع، تأخر النمو ومشاكل في التعليم والسلوك والصحة باقي عمره! ولو دا محصلش، للأسف مفيش مهرب من الو. فاة! عشان مفيش تجنُب ولا علاج لنواتج الهزة دي، غير توعيه الأهل من البداية. كل دا بس لمجرد إنه حد كان شايله ومعندهوش صبر أو مش عارف يتعامل معاه! وبتحصل كتير جداً للأسف من أحد الأهالي وبيسكت مابيقولش ومحدش يعرف هو الطفل بيعاني من المشـ. اكل دي ليه! أو هو نفسه مابيبقاش مدرك إنه إللي عمله دا اصلا هو سبب اللي عند الطفل باقي عمره! فخذوا بالكم بالله علبكم، لو مش قدها من البداية، ماتخلفش، أو عالأقل ماتشيلهوش ولا تتعامل معاه! *منقول