بنات قبل شوي صار موقف مع زوجي صراحه للمره المليون يتكرر ع مدى زواجي منه ١٠ سنوات ماشاء الله تبارك الله البدايه لابأس به فيه ذا الطبع بس ع خفيف ال ٥ سنوات الاخيره زاد فيه صار الوضع لايطاق مره مايحب اني اتثقف او اتدلع او اسوي شي خاطري فيه يعني مدري كيف اوصل لكم تصرفاته بس مثلا عبايتي ع ذوقه من يوم تزوجت مره تفشل ياخذ كبيره مره وقديمه جوالي ممنوع اي برامج فقط واتس حتى هذا لو يدري عنه فيه تواصل حذفه الحمد لله انا عادي متأقلمه الوضع كويس احيان كذا احيان لا عادي المهم اللي صار قبل شوي ارسلت له صورت يدي فقط الكف وبدايه اليد بعد الكف زمان اخذتها الصوره وانا معه في السياره كنا في السفر المهم سويت عليها تصميم أعجبني وارسلته له إلا يتصل ويصارخ ليه مصوره كذا وش حركات المياعه والمراهقه وطبع بنات السوشال ميديا قلت عادي انت زوجي وحلالي ولا ناسي من شافها غيرك بس ارسلها لك زوجي وحلال معك كل شي الا ويصارخ ويسب الصراحه ازعجني جدا وغير مزاجي وعصبت ع اولادي هذا مثال ع طبعه بس من يوم حملت حملي هذا مازد تحملت تصرفاته مريض نفسي حتى مره في الشارع ابي اطلع معاه بالسياره كنت اطلع بناتي الصغار الا ويصارخ السيارات رايحه جايه ليش واقفه قدامهم ليش ماتطلعين السياره انتي ماتستحين تكلمت معاه هل انا عاريه مثلا في الشارع ! ابد مايرضى نقاش طبعه مع الكل حتى أخواته بس الكل بعيد وعايش حياته انا اللي اعاني من طبعه هاذا خلاص مرره ينرفز تكفون حد زيي او حد عنده نصايح هو زين معي ماودي اخرب بيتي واضيع اولادي تكفون نصايحكم او تجاربكم او اي شي يفيدني مليت والله العظيم حتى افرح واعيش حياتي باللي احبه مع زوجي ممنوع اجل اعيشه مع من اذا مع معاه ؟😔