كم وحدة فينا حكت ماعاد تعيدها وتحمل بعد أول ولد وكم ولد صار عندك حالياً🤣🤣
رح بلش معي بعد ولادتي ببنتي الاولى حكيت تووبة اذا بعيدها ضحكت امي وقالتلي حكيناها لهل كلمة قبلك🤣🤣
انا صار عندي بنتين وجايتني الثالثة بإذن الله
سبحان الله فعلاً الله اكرمنا نحنا الامهات بنعمة النسيان للولادة والوجع
شاركوونا ياامهات ياحلوات خلونا نتسلى
العضوة: 1832549 , منذ 12 ساعة
الله يطعمك يلي نفسك فيه ويتمملك بالخيرالعضوة: 1370897 , منذ 12 ساعة
هي التوبة كل بطن لابد منها جبت ٦ الله يحميلي ياهن وهلئ ازا بحكي توبة للصبح ماحدا بصدقني بطلت احكيها الله يحمي ولاد الجميع يارب🤲 هو اسمو الوجع المنسي سبحان الله 🤗العضوة: 1910165 , منذ 12 ساعة
@user-1832549 أنا أول ولادة كانت سهلة ولكن منعت وبعد ثلاث سنوات حملت مرة ثانية وولدت بطلق صناعي وحلفت معاد عيدها ههههههه وبعد 10 شهور حملت مرة ثالثة وهلق في الشهر التاسع😂😂😂🫣🫣العضوة: 1832549 , منذ 12 ساعة
😂😂😂عنجد انتي نفسك ماعاد تسدقي حالك ماشاءالله تبارك الله الله يحميلك ياهن يارب بتفكري تجيبي كمان؟العضوة: 1832549 , منذ 12 ساعة
😂😂😂😂ياعيني عليكي يلا ان شاءالله الولادة التالتة بتكون سهلة علي وعليكي يااربالعضوة: 1910165 , منذ 11 ساعة
@user-1832549 أمين يارب العالمين والله مافي بوادر ابدا خايفة ادخل لشهر العاشر متل حملي الثاني😑😑😑😑العضوة: 1832549 , منذ 11 ساعة
انا بالاولى والتانية ببناتي بدخل الشهر العاشر اعملي تمارين القرفصاء كتير عم يحكو بتسهل الولادةالعضوة: 1370897 , منذ 11 ساعة
ماضل قدامي غير الطلاق او الاخوة😂😂 الحمد لله كفاها رب العالمين الله يقدرني على تربايتن تربية صالحة ويجعلي ياهن من البارين يارب🤲بس انا كنت ريح حالي بين كل بطن ٤ سنين تقريبا" غير اخر تنين سنتين هدول لحالن بدي تكريم غينيس على صبري عليهن 😂😂العضوة: 1832549 , منذ 11 ساعة
ماشاءالله تبارك الله عنجد انك ام بطلة انا بحس هل بنت وبقول حاجة كفاها الله كيف انتي ماشاءالله الله يقويكي بحسنة اولادك يارب بيكبرو وبعوضوكي ان شاءاللهالعضوة: 2006858 , منذ 11 ساعة
@user-1832549 ياما حكينا هالكلمه🤣 بس مانتوب انا جبت بنتي البكر بالمشفى صرت اقول انا ماعاد اولد اذا بدو ولاد خلي يجوز وكان في شهود ع كلامي المشكله🤣 وبعدها بسنه صار عندي صبي وهلق حامل خمس شهور وقت يقولولي مو ع اساس خليه يتجوز اقلهن غيرت رأيي لساتني صغيرة 😅العضوة: 1425626 , منذ 11 ساعة
بصراحة قلتها بعد ابني الأول أن مارح احمل عليه حتى يصير عمره خمس سنين وقنعت زوجي واقتنع واشترالي حبوب منع حمل بس حملت مع الحبوب بعد ٧ أشهر من الولادة 🥲😂 والثاني منعت بعده طبيعي وكنت كتير حريصة ما احمل حملت عليه وعمره سنة و٣ أشهر والثالث لما كان صغير ركبت اللولب الهرموني لمدة سنة بس ماظبط على جسمي وتعبني كتير شلته ومنعت تمنيع طبيعي ومع التمنيع الطبيعي حملت بعد شهرين وهلق رايحة اولد الطفل الرابع وابني الاول وصل لعمر ٥ سنين 😅 الله يحفظهم نعمة من اللهالعضوة: 1832549 , منذ 10 ساعات
😂😂😂😂😂😂كأنك تحمستي قال خليه يتزوج ياروحي والله من وجعنا منخبص اشياء ومنندم عليها بعدين اهم شي الشهود الله يسعدك😂😂😂العضوة: 1832549 , منذ 10 ساعات
ماشاءالله تبارك الله ياقلبي ربي يكون بعونك صارو توأم ورا بعض😂😂😂شو الواحد طالع بإيدو عم ننحط تحت الأمر الواقع الله يتمملك بالخير ويقويكي بحسنة ولادك ياارب ويطعم كل مشتهيالعضوة: 1743038 , منذ 10 ساعات
أنا بأول ولادة لالي قلت حلوه الولادة وبدي ارجع عيدها ولو كلهم بجيبهم قيصرية عادي المهم عندي بس اول بنوته توفت بعمر الاسبوع بعد 3 أشهر من ولادتي الاولى حملت بالثانيه وكانت صعبة جداً قلت معش بفكر بالولاد أبداً بس لمن ولدت ورجعت بنتي الثانيه توفت بعمر 4 شهور ، صار عندي خوف من الحمل والولاد وبعد سنتين حملت بأبني والحمدلله بعد عذاب وعناء ولدت وقلت ما بعيدها وهلق مااجتني الدورة وخايفه كون حامل 😂العضوة: 1616849 , منذ 10 ساعات
أنا ولدت بنتي من اربع سنين وقلت ماعاد بدي لانو صار عندي ثلاث ولاد وبنت رجعت بعد بسنة طلعت حامل ولكن قدر الله وماكمل نزل بالشهر السادس وبعدين قلت ماعاد بدي وقفت سنتين ونص وهلأ حامل شهرين 😅