خسوف القمر - الثأر
انت قمري ،، تشبهين النجوم بوسط السماء انت وحدك التي تستحقين مُسمى قمري
🥀🥀🥀🥀🥀🥀🥀
المقدمة
بصوت يحيى : الشعور بالضعف بعز قوتك هدا اصعب شعور ممكن يمرق على البني ادم ،، لما تشوف روحك بين ايديك بتنزف وانت ما طالع بإيدك تعمل شي ،، روحك عم تنسحب منك وانت قاعد قدامها عاجز عن عمل اي شي ،، تمنيت بهاي اللحظة اكون انا الي عم بموت ، اكون انا الي عم بطلع بالروح ،، يمكن كان الوجع اقل ،، الموت لما بيجي ما بوجع الي عم يموت ، بوجع الناس الي حولييه ،، هاي اللحظة ما راح انساها ،، انا وجعت قمري بكل مرة بقرب منها ،، انا ما كنت قد الامانة ... وهاي المرة اخدت القرار الصعب بس كان الحياة بالنسبة لغيري ،، وجودي مع الناس الي بحبها كان اذى الهم ،، قربي كان بوجع اكتر من بعدي ،، بس انا بني ادم ضعيف ... ضعيف كتير قدام عيون قمري …بس دايماً كنت مؤمن ما بعد الضيق الا الفرج
🥀🥀🥀🥀🥀🥀🥀
بصوت قمر - انا بالنسبة الي اصعب شعور لما تفقد الامان مع شخص كان امانك ، كنت انت بالنسبة الو امانة امنو فيها اغلى حدا على قلبهُ والاصعب ما تكون قدها ... اصعب شعور لما امانك يشكل خطر على حياتك ، عارف لما تصل للموت وترجع! الموت بارد كثير .. كنت دايما اشوف يحيى بمناماتي , كنت اشوفهُ نار بتلسعني لما اقرب عليه .. يااااه ما اصعب الشعور يكون الشخص الي ساكن بقلبك واقف بعيد عنك فاتح دراعاتهُ ليستقبلك بحضنه وبس تقرب على حضنه يحرقك ،، بس الاصعب من هيك تفقد الثقة بالشخص الي كان بالنسبة الك هو الثقة .. بس متل ما المثل بقول .. القط ما بحب الا خناقه .. وهاي انا ما بقدر ابعد عنو .. كل ما ابعد برجع بتعلق فيه اكثر من الأول .. كيف لا وهو الهوا الي بتنفسو..
🥀🥀🥀🥀🥀🥀🥀
..: معقول بعد الحب الي حبيتك ياه تتهميني اني بدي اقتلك ، انا روحي بعطيكي ياها وما بسأل وانت تتهميني اني بدي اقتلك 🥀
..: كنت اضل تقلي اني نقطة ضعفة ،، وكلهم ماسكينك من ايدك الي بتوجعك ..وانا قررت اقطع هاي الايد ،، انا الايد الي بتوجعك بدي اقطعها
..:ذكرياتنا الحلوة مع شخص بنحبو،، هي الي بتخلينا نغفر ونسامح على كل الاخطاء الي بتصير منو🥀
...: انت مستنية مني آذيكي لحتى تقولي يحيى مانو منيح !!!🥀
..: اهـهـهـهـهـه لو تعرفي قدي اشتقتلك 🥀
...: بابا يحيى خلص راح وتركني اتعذب لحالي🥀
..: خليكي قوية ، بدنا نربي ابنا انا وانت مع بعض ، بدنا نبعد عن كل الدنيا ونكون جنب بعض🥀
..: اهلا وسهلا فيك حبيب ابوه البطل .. عمر الصغير .. راح تكون قوي متل ابوك .. 🥀 لا تصدق اي حدا اذا قلك اني تخليت عنك وعن قمري بيوم من الايام
..: .. لي ما حدا عم يرحمني .. لي مكتوب عليي اعيش بعذاب كل عمري .. لي كل حبايبي راحوا .🥀🥀
🖤🖤🖤🖤🖤🖤🖤
العضوة: 825077 , منذ سنتين
..:الملازم ابراهيم يحيى اشر عالبنت ..: وانت؟؟ ..:الملازم ليلى يحيى : حلو شباب متل الحديد ، يلا روحوا شوفوا شغلكوا بعيد عني ،، يلاااااا قطع صراخه صوت رنت الموبايل يحيى: احترامي سيدي ،، سيدي انت باعتلي ولاد ،، هاي قضية خطيرة جمال: يحيى ما في اعتراض ، راح يكونو بالفريق معك ، وحازم راح يجيي على اخر الشهر ،، راح تكون مشرف على تدريبهم لحتى يصل حازم يحيى بغيظ : حاضر سيدي سكر الخط ورمق الشباب نظرة قسمتهم نصين ..: تفضلوا نشوف هالمصيبة الي وقعت على راسي ،، وراح ورا مكتبو صاروا يطلعوا ببعض خبط يحيى عالمكتب ..: ما بدي سرحان هون ، هاي قضية صعبة وخطيرة ، السرحان راح ينهي حياتكوا ،، وادعوا ربكوا انو تطلعوا عاشين من تحت ايدي ونقدر ننهي القضية كلهم مع بعض ..: حاضر سيدي يحيى : اها هيك انشفوا ،، يلا عالتدريب اشوف قدراتكوا اخدهن على محل كبير كان مجهزه للتدريبات وبلش يحيى يطلع كل غضبه عليهم ،، ضلوا يتدربوا ثلاث ساعات بدون راحة يحيى: اليوم خلصنا ، بكرا من الساعة خمسة الصبح بتكونوا مزروعين قدامي والي بتأخر دقيقة وحدة بكون يستنى عقاب ،، والعقاب جماعي ،، انا عند الحسنة بتخص والغلطة بتعم . .. وبالمناسبة اغلب الاجتماعات الجاية راح يكون بالشركة ، لحتى ما نثير الشبهات وانا بخبركو بالمواعيد ،،،< وصرخ> ... انصرااااف طلعوا من القاعة وسكروا الباب وراهن ،، ورموا حالهن عالارض يوسف: شكلنا راح نموت قبل ما نبدأ بالقضية .. واغمى عليه يتبعالعضوة: 825077 , منذ سنتين
#خسوف _القمر_ الثأر 💔💔 #الجزء_الثاني #بقلمي _ Bayan _Sh كانت نايمة بالتخت عيونها معلقة بالسقف سارحة لبعيد حست على حدا فات عالغرفة ،، ما اعطت ردة فعل لانها عارفة مين ،، كيف ما بدها تعرفه وريحة عطره ملت الغرفة قمر : شو بدك يحيى؟ يحيى: اشتقتلك قمر : انا قرفانة منك ، ارجوك لا تقرب مني قرب عليها ومسك ايدها ..: قمري دق قلبها بسرعة ورجف جسمها من لمسته بس حاولت تظاهر انها عادية ،، ما بدها تضعف قدامو نترت ايدها عنو ..: لا تقرب مني ما بتفهم !؟ وصارت تصرخ باعلى صوتها ..: ابعد عني لا تقرب .. تعالو خدوه من هون ما بدي ياه اجت الممرضة على صوتها ..: مدام قمر شو في قمر والدموع على خدودها ..: قوليلو يطلع من هون ما بدي ياه ما بدي اموووووووت ما بدي اموووووت رنت الممرضة على الجرس الي جنب التخت واجت ممرضة ومعها دكتور باسل باسل: شو صاير هون رجعت قمر صرخت بصوت اعلى من الاول ..: بعدو عني بدو يموتني ،، بدو يموتني بعدوه اطلع باسل على يحيى الي كان واقف بعيد ومجمد مكانه باسل : يحيى اطلع من هون .. وجه كلامو للممرضة .. اعطوها مهدئ بسرعة الممرضة: دكتور ما عم ينفع المهدئ باسل ؛ اعطوها منوم بعد ما اعطوها المنوم بلش جسمها يرتخى شوي شوي وراحت بالنوم كل هدا ويحيى واقف مجمد بدون اي حركة قرب باسل لعنده ..: امشي معي على غرفتي ضل يحيى واقف مكانه ،، ما عم يصدق الي صار ، رغم انو الموقف تكرر كثير معو بكل مرة كان يجي يشوفها ،، بس هالمرة كان اصعب عليه ،، اتهمتو وهي حاطة عينها بعينو انه بدو يقتلها ويموتها ، كيف يقتلها وهي روحو في حدا بقتل روحو !! مسك باسل ايد يحيى ومشى معو وراحوا للمكتب باسل: اقعد يحيى قعد يحيى بدون ولا اي كلمة باسل : يحيى لا بقى تيجي لهون ،، حالتها كل مالها عم تصير اسوء من قبل عصب يحيى واتخلى بسرعة عن الهدوء وفار متل البركان ...: شو يعني ما اجي لهون ،، مين انت لتقرر هيك شي هاي مرتي .. كيف بدي ابعد... كيف ما اشوفها كل يوم باسل بتفهم ..: اهدا يحيى ، انا بحكي هيك لمصلحتها ،، كل مرة بتشوفك فيها بتنفعل وبصيبها نوبة عصبية ،، المفروض تكون صحتها بتهمكالعضوة: 825077 , منذ سنتين
يحيى : بتهمني ، بس ما بقدر اخليها بعيدة عني باسل : شوفها من بعيد ولا تخليها تشوفك يحيى:... باسل : الطبيب النفسي متابع معها ،، حالتها عم تتراجع كثير والنوبات العصبية كل مالها بتزيد يحيى: شوف شو المناسب واعملو قام باسل من مكانه وقرب على يحيى ..: للضرورة احكام ما رد يحيى بولا كلمة ،، حمل حالو وطلع من المشفى كله .......... راح على بيتو ، فات عالمطبخ حضر فنجان قهوة اخدو وراح عالبلكون ،، شعل سيجارة وصار يدخن بشراهة كل عقلو كان عند قمر والي عملته قال بقلبه : معقول بعد الحب الي حبيتك ياه تتهميني اني بدي اقتلك ، انا روحي بعطيكي ياها وما بسأل وانت تتهميني اني بدي اقتلك اخد نفس عميق ورجع شعل كمان سيجارة لا تخافي قمر راح ابعد عنك وما عاد تشوفي وجهك بس ما بتقدري تمنعيني اشوفك ، بس راح يكون بينا حساب عسير بس تصيري منيحة ................ 🖤🖤🖤🖤🖤 بعد يومين بالمشفى ...: انا ما بدي اضل هون بالمشفى بدي اطلع الممرضة: مدام قمر وضعك بعدو مو مستقر .. قاطعتها بعصبية ..: ما بهمني انا بدي ارجع على بيتي ،، نادي للدكتور حالاً الممرضة: حاضر حاضر طلعت الممرضة وراحت لمكتب الدكتور .. دقت الباب وفاتت كان الدكتور باسل مع الدكتور فؤاد قاعدين باسل: خير شو في الممرضة : المدام قمر معصبة وبدها تطلع ،، وطلبت تشوفك ضروري فؤاد: انا جاي طلع فؤاد وتوجه لغرفة قمر ،، دق الباب وفات فؤاد : قمر ،، كيفك اليوم قمر بعصبية ..: ماني منيحة ،، ماني منيحة،، بدي اطلع من هون فؤاد: ممكن تهديالعضوة: 825077 , منذ سنتين
قمر: لا تطلب مني اهدا ولا تعطوني مهدئات انا تعبت تعبت ارحموني فؤاد مسك ايدها وقومها من مكانها ، مشاها لعند البلكون وقعدها عالكرسي ..: انا راح اتركك لحالك ،، بدي منك تروقي وتهدي شوي ،، بدي تقعدي هون عالبلكون وتسترخي شوي وتفكري باكتر شغلة بتحبيها فلتت ايدها منو وغمضت عيونها .. اجت صورة يحيى قدامها ، قالت بقلبها ..: لي ما سأل عني ولا اجي الو يومين ، معقول وافق انو ننفصل ،، بس انا ما بدي يتركني ، كيف هيك بمشي معي عالغلط ،، ولا ليكون كان مستني انو ننفصل ويروح يشوف حياتو فتحت عيونها بسرعة ..؛ حقيييير حقيييير قرب عليها فؤاد..: مين الحقير ؟ قمر: يحيى مين في غيره ، بس انا بعرف كيف اخلي يندم انو عمل معي هيك قعد فؤاد قبالها هالكرسي ..: طيب شوي شوي وفهميني من الاول قمر: ما بدي احكي شي ،، وينو يحيى ما اجى عندي من يومين فؤاد: طب قوليلي مين يحيى ، وانا بروح بسأل عنو قمر: السيد جوزي .. فؤاد: .... قمر: لو سمحت بدي اضل لحالي فؤاد؛ حاضر ، اي شي بتحتاجي انا بمكتبي هزت راسها بدون ولا كلمة طلع الدكتور من عندها 🥀🥀🥀🥀🥀🥀🥀🥀 مرقوا اكثر من ثلاث ايام ويحيى ما سأل عن قمر ولا اجى عالمشفىالعضوة: 825077 , منذ سنتين
صحيت من النوم اطلعت حوليها شافت حالها بالمشفى شدت اللابرة الي بأيدها وراحت عالحمام بدلت تيابها طلعت تتسحب من المشفى اخدت اول تاكسي شافتو واعطتو العنوان وقفت قدام بيت الجبل اطلعت عالبيت بنظرة حزينة ..: هون بلشت حكايتانا يا يحيى فتحت الباب وفاتت ، صارت تتنقل بين الغرف لوصلت لغرفة النوم ،، فتحت الخزانة وطلعت قميص اسود ليحيى وصارت تشم فيه حطت ايدها عالتخت وصارت تسترجع ذكرياتها مع يحيى من يوم ما شافتو اول مرة دخل على بيتها مع ابوها ،، هربت دمعة من عينها ولحقوها دموع كثير مدت حالها عالتخت وهي حاضنة القميص وشادة عليه صارت تتمت ..: كنت دايماً احلى شي بحياتي ضلت على هاي القعدة اكثر من ثلاث ساعات 🥀........🥀.........،🥀 بالمشفى دخلت راما لعند قمر عالغرفة ، اطلعت على التخت ما كانت موجودة ،، دقت عليها باب الحمام بس ما في رد توجهت لعند الممرضات بالممر رانا: قمر مانها بغرفتها حدا شافها !؟ الممرضة : لا راما : وين بدها تروح مسكت موبايلها ورنت ليحيى راما : كيفك يحيى ،، وين انت!؟ يحيى : بالبيت لي في شي !؟ راما : انت ما اجيت عند قمر اليوم ! يحيى : لا راما: يحيى قمر مانها بالمشفى ولا حدا شافها من الصبح يحيى: انت شو بتخبصي !؟ انا جاي حالاً ................. قامت من مكانها وتوجهت للخزانة ، طلعت صندوق كبير وقعدت عالارض صارت اطلع الصور منو .. كانو كتير صور الها مع يحيى وصور ليوم العرس وصورها يوم التخرج من الجامعة ضلت تقلب بالصور شافت صورة لالها مع يحيى ايام الجامعة ، راحت بذاكرتها لبعيد 🥀......... فلاش باك .........🥀 كانت طالعة من الجامعة اطلعت قدامها شافت يحيى راكي حالو عالسيارة ومكتف ايديه ابتسمت ابتسامة عريضة ومشت لعنده فجأة حست بإيد مسكتها وشدتها لورا قمر: مازن !؟ شو عم تعمل مازن : انا بدي اضل اركض وراكي .. صار يجرها لعند سيارتو .. امشي بلا دلع فجأة طلع يحيى قدامو ..: على وين يا حلو !!؟ مارن: ومين حضرتك بلا صُغرة!؟ يحيى : اتعلم شغلة وحدة بحياتك ،،، ما تحط ايدك على شغلة مو لالك ،، <وضربو بوكس بنص وجهو> ،، وكمان شغلة لما بدك تتعامل مع بنت قمر اتعامل معها بلطف ،، هاي ضيفها لمعلوماتك ،، سلام يا عمي البطل 🥀............باك ..........🥀العضوة: 825077 , منذ سنتين
ابتسمت بحزن ..: كنت دايما تخاف عليي وما تخلي حدا يأذيني ،، شو الي تغير ............ نزل من البيت بسرعة وركب سيارتو ومشى بسرعة مخيفة يحيى : وين بدك تروحي يا قمر !؟ ضل يلف بالشوارع لحتى شاف حالو راح لجهة بيت الجبل ،، وقف قدام الباب قلبو قلو انها جوا البيت بس تردد يفوت ضل واقف دقايق بس حسم امرو وفات كانت ريحتها معبية البيت ،، شاف ضو الغرفة شاعل راح لعند غرفة النوم كانت قاعدة عالارض وحاملة صورة الها معو قرب عليها وحضنها ..: خوفتيني عليكي انتفض جسمها بس شعرت بلمستو ، ريحة عطرو تغلغل فيها وخدرتها ..: شايف قدي كنا حلوين مع بعض ،، كنت كلك براءة ،، بس انت صرت كلك شر واجرام يحيى : ... بعدت عن حضنو ووقفت بنص الصالة ..: كنت اضل تقلي اني نقطة ضعفة ،، وكلهم ماسكينك من ايدك الي بتوجعك يحيى:... قمر : وانا قررت اقطع هاي الايد ،، انا الايد الي بتوجعك بدي اقطعها ،، روح عيش حياتك بين تجار المخدرات ،، <وصرخت> ،، روووح انا ما عاد بدي ياك بحياتي ،، قربت عليه ودفشتو من صدرو ،، روووح ابعد عني ما بدي ياك بحياتي ،، <صرخت بصوت عالي> اطللللللع من حياتي خلص بكفييييي انا خسرت كثير بسببك ،، انا خسرت ابي وامي بسببك وكنت راح اخسر روحي بسببك وعم بخسر عقلي بسببك شو بعد في شي اخسرو بسببك!!؟؟؟ قرب عليها يحيى بدو يمسك ايدها ،، بس فقدت توازنها وانهارت بحضنه حملها واخدها عالمشفى بأقصى سرعة... ………. فات عالمشفى حاملها متل المجنون وصوتو معبي المشفى كله يحيى بصراخ .. : حدا يجي يوخدها مني اجوا الممرضات حطوها عالنقالة واخدوها عالطوارئ وصل الدكتور باسل ،، ويا ريتو ما وصل هجم عليه يحيى وضربو بوكس ..: انت كيف بتخليها تطلع من المشفى وهي بهاي الحالة ،، (صرخ بجنون ) انتو يا مشفى بقر كيف بتسمحولهاالعضوة: 825077 , منذ سنتين
باسل وهوي مع يمسح الدم عن تمو وانفو ..: يحيى روق ، محدا سمحلها تطلع ،، هي هربت يحيى بصراخ..: لااااا بدك تجنني ،، مشفى طويل عريض كيف بتهرب منو !!!! وين كنتوا !؟ كيف هيك بدي افهم قرب باسل عليه ومسكو من ايدو وجرو ..: يحيى خلص فرجيت كل المشفى علينا ، فاتوا عغرفة فؤاد فؤاد شاف باسل انفو عم ينزف قرب عليه ..: مين الي عامل فيك هيك !؟ اشر باسل باصبعه على يحيى جاب فؤاد قطن وصار يمسح الدم ..: وكيف بتسمحلو يطاول عليك مسك باسل ايد فؤاد وباسها ..: يستر على حريمك اسكت ،، واطلع على يحيى،، هدا يحيى الغالي مسموح يعمل كل شيالعضوة: 825077 , منذ سنتين
فؤاد: ما تعرفنا مين بكون الاستاذ يحيى باسل : زوج المدام قمر اطلع عليه فؤاد من فوق لتحت هز يحيى راسه بمعنى في شي اطلع فؤاد على انف باسل ..: اهلا وسهلا أستاذ يحيى قام باسل وراح لنعد يحيى ..: يا يحيى بطل هالعصبية الي انت فيها ،، يعني شو استفدت لما ضربتني ،، انا دكتور والي هيبتي زورو يحيى زورة قسمتو نصين ..: لا تخليني اكمل عليك ،، في حدا فيكو بقدر يفهمني لي قمر طلعت من هون !؟ باسل : قلتك هربت يحيى بعصبية ..: برجع بقلي هربت ، كيف هربت !؟ فؤاد : استاذ يحيى اقعد خلينا نتفاهم يحيى: بدنا نتفاهم ،، مريضة هربت من المشفى بتقلي اقعد نتفاهم ،، يلا هاي قعدة فهمني فؤاد : انا الدكتور فؤاد ، الدكتور النفسي الي متابع مع المريضة ،، انا ما قعدت معها غير مرة ،، عندها انهيار عصبي حاد يحيى: والحل ! فؤاد : انا راح اضل متابع معها واكثف الجلسات ،، وراح اكون معك على اتصال بكل خطوة اطلع عليه يحيى ..: انا رايح اشوفها باسل : بلاها ،، بس تشوفك راح تنفعل و....... سكت بعد ما يحيى اطلع عليه بغضب طلع وسأل عنها ،، فات عالغرفة كانت نايمة متل الملاك ، قرب عليها ومسح بإيده على شعرها ،، قرب وباسها ..: قالولي بعدي عنك لصالحك ، كيف ابعد وانت روحي في حدا بقدر يترك روحو ،، بس انا كل شي لمصلحتك راح اعملو ،، راح ابعد ،، بس لا تخافي بأي وقت بتكوني بحاجتي راح اكون جنبك يتبع ... 🥀........🥀..........🥀العضوة: 1087239 , منذ سنتين
االعضوة: 724645 , منذ سنتين
...العضوة: 721839 , منذ سنتين
كملىالعضوة: 1079126 , منذ سنتين
... بنتطار التكملهالعضوة: 1105353 , منذ سنتين
كملي يا قلبيالعضوة: 851287 , منذ سنتين
بلانتظاار😊😊😊العضوة: 1003994 , منذ سنتين
كملي