خسوف القمر - الثأر
انت قمري ،، تشبهين النجوم بوسط السماء انت وحدك التي تستحقين مُسمى قمري
🥀🥀🥀🥀🥀🥀🥀
المقدمة
بصوت يحيى : الشعور بالضعف بعز قوتك هدا اصعب شعور ممكن يمرق على البني ادم ،، لما تشوف روحك بين ايديك بتنزف وانت ما طالع بإيدك تعمل شي ،، روحك عم تنسحب منك وانت قاعد قدامها عاجز عن عمل اي شي ،، تمنيت بهاي اللحظة اكون انا الي عم بموت ، اكون انا الي عم بطلع بالروح ،، يمكن كان الوجع اقل ،، الموت لما بيجي ما بوجع الي عم يموت ، بوجع الناس الي حولييه ،، هاي اللحظة ما راح انساها ،، انا وجعت قمري بكل مرة بقرب منها ،، انا ما كنت قد الامانة ... وهاي المرة اخدت القرار الصعب بس كان الحياة بالنسبة لغيري ،، وجودي مع الناس الي بحبها كان اذى الهم ،، قربي كان بوجع اكتر من بعدي ،، بس انا بني ادم ضعيف ... ضعيف كتير قدام عيون قمري …بس دايماً كنت مؤمن ما بعد الضيق الا الفرج
🥀🥀🥀🥀🥀🥀🥀
بصوت قمر - انا بالنسبة الي اصعب شعور لما تفقد الامان مع شخص كان امانك ، كنت انت بالنسبة الو امانة امنو فيها اغلى حدا على قلبهُ والاصعب ما تكون قدها ... اصعب شعور لما امانك يشكل خطر على حياتك ، عارف لما تصل للموت وترجع! الموت بارد كثير .. كنت دايما اشوف يحيى بمناماتي , كنت اشوفهُ نار بتلسعني لما اقرب عليه .. يااااه ما اصعب الشعور يكون الشخص الي ساكن بقلبك واقف بعيد عنك فاتح دراعاتهُ ليستقبلك بحضنه وبس تقرب على حضنه يحرقك ،، بس الاصعب من هيك تفقد الثقة بالشخص الي كان بالنسبة الك هو الثقة .. بس متل ما المثل بقول .. القط ما بحب الا خناقه .. وهاي انا ما بقدر ابعد عنو .. كل ما ابعد برجع بتعلق فيه اكثر من الأول .. كيف لا وهو الهوا الي بتنفسو..
🥀🥀🥀🥀🥀🥀🥀
..: معقول بعد الحب الي حبيتك ياه تتهميني اني بدي اقتلك ، انا روحي بعطيكي ياها وما بسأل وانت تتهميني اني بدي اقتلك 🥀
..: كنت اضل تقلي اني نقطة ضعفة ،، وكلهم ماسكينك من ايدك الي بتوجعك ..وانا قررت اقطع هاي الايد ،، انا الايد الي بتوجعك بدي اقطعها
..:ذكرياتنا الحلوة مع شخص بنحبو،، هي الي بتخلينا نغفر ونسامح على كل الاخطاء الي بتصير منو🥀
...: انت مستنية مني آذيكي لحتى تقولي يحيى مانو منيح !!!🥀
..: اهـهـهـهـهـه لو تعرفي قدي اشتقتلك 🥀
...: بابا يحيى خلص راح وتركني اتعذب لحالي🥀
..: خليكي قوية ، بدنا نربي ابنا انا وانت مع بعض ، بدنا نبعد عن كل الدنيا ونكون جنب بعض🥀
..: اهلا وسهلا فيك حبيب ابوه البطل .. عمر الصغير .. راح تكون قوي متل ابوك .. 🥀 لا تصدق اي حدا اذا قلك اني تخليت عنك وعن قمري بيوم من الايام
..: .. لي ما حدا عم يرحمني .. لي مكتوب عليي اعيش بعذاب كل عمري .. لي كل حبايبي راحوا .🥀🥀
🖤🖤🖤🖤🖤🖤🖤
العضوة: 721839 , منذ سنتين
الله يسعدك نزلي اتكمله ونزلي قصص كامل مره وحده احسن من كذه مشاءالله تنزلي قصص مره تجننالعضوة: 825077 , منذ سنتين
ويسعدك يارب، والله غلبه انزل قصه مره وحده لانو لما بدي انشر قصه كتيرر بتغلب في نزولها وفي النت ضعيف 🌺🥺العضوة: 825077 , منذ سنتين
#خسوف _القمر_ الثأر 💔💔 #الجزء_الثالث #بقلمي _ Bayan _Sh بفيلا كبيرة عليها حرس من كل جهة كان شب باخر الثلاثين كان قاعد ورا المكتب وقدامو واقفين شباب تنين ضرب على الطاولة ..: يعني بعدها عايشة نزلوا الشباب روسهم لتحت قام من ورا المكتب وخرطش مسدسو وضرب على اجر واحد منهم وصرخ ...: كلاااااااب الواحد ما بعرف يعتمد على كلب فيكو ..: معلم اعطينا كمان فرصة ...: فرصة يا بهايم ، انا ما عندي فُرص ورجع ضرب التاني بإجرو ..: تعالوا خدوا هالبهايم من هون راح لعند الشباك ..: الواحد لازم يخلص امورو بإيده فات لعندو اربع شباب قاموا التنين الي قوص عليهم ..: احمد ابعتلي فهد لعندي احمد: امرك معلم دقايق وكان فهد بالمكتب فهد : امرك معلم ..: بتراقبلي البنت وبتخبرني بكل حركة بتعملها فهد: امرك معلم 🥀.............🥀...........🥀 🖤🖤🖤🖤🖤 تاني يوم كان قاعد يحيى بالمستودع وبضرب باصابعو عالطاولة بخفة وبطلع بساعتو ثواني وكان يوسف واقف قدامه وبلهث يحيى: حلو على وقتك ،، ورجع يطلع بساعته فات ابراهيم ..: احترامي سيدي يحيى : تأخير عشر دقايق فات ايهم..: احترامي ... يحيى : كمان تأخير عشر دقايق ضلوا واقفين عشر دقايق ، ويحيى بقلب بالاوراق وبطلع عساعته فاتت ليلى ركض ونفسها طالع نازل وقف يحيى وصار يصفق ..: لااااا شباب انا هيك بقدر اعتمد عليكو وانا مغمض ،، ام اللول تأخير عشرين دقيقة .. وراي نزلوا على قاعة التدريبات وقفوا جنب بعض ويحيى بطلع عليهم بنظرات حادة يحيى: اهلا بالشباب ، طبعاً سبق وحذرتكوا من الغلط ، واول شغلة بكرها التأخير .. وانتو الله يحميكو ولا واحد اجى عالموعد ،، الصراحة وانا استنى فيكو وبحضوركوا النبيل قررت العقاب الي راح يحسن المواعيد عندكوا وتصير عالشعرة يوسف : سيدي انا ما تأخرت ضحك يحيى بصوت عالي ..: كمان سبق وقلت الحسنة بتخص والغلطة بتعم ،، بالنسبة للعقاب ما لقيت احسن من انو ما تشاركوا بالقضية .. يلا عالتدريبالعضوة: 825077 , منذ سنتين
حمل حالو وطلع قاعد ورا المكتب بقلب بوراق القضية بتركيز .. رن موبايله يحيى ..: احترامي سيدي جمال: وين المتدربين !؟ يحيى : بالعقاب جمال: لي شو صار لحتى يتعاقبوا !؟ يحيى : عدم الالتزام بالمواعيد جمال: وشو عقابهم !؟ ريح يحيى عالكرسي ..: ما يشاركوا بالقضية جمال ..: يحيى ما... قاطعه يحيى ..: اسمحلي سيدي بس هدول متدربين تحت ايدي وهاي قضية خطيرة ،، ولما ما في التزام بالمواعيد ما راح يكون انضباط جمال: ما راح ناقشك ، بس بتمنى العقاب بخلص بسرعة ،، في قضية ولازم تنحل ... شو صار معك في شي جديد ؟؟؟ يحيى: الجوكر ،، هاي طريقة شغل الجوكر جمال؛ كيف عرفت!؟ ابتسم يحيى نص ابتسامة..: عاشرتهم اكثر من عشر سنين وبعرف طريقة كل واحد جمال : كان عندي حق لما سلمتك القضية ،، بس لحالك ما رح تقدر تعمل شي يحيى: عارف ،، بس اتركني اعرف ادير المجموعة جمال: راح اتركك على راحتك بحيى: سيدي ، اذا ممكن سؤال ،، مين الي قلك !؟ جمال: سلام يحيى طلع يحيى من مكتبو واتوجه لقاعة التدريب ،، وقف عند الشباك وصار يتفرج عليهم كانو يتمرنوا بحماس بس لفت انتباهو ليلى كانت بتضرب بكيس البوكس بغل ،، ابتسم نص ابتسامة ونزل لعندها يحيى: ضعيفة كتيير اطلعت عليه بغل قرب عليها ومسك دراعها وشد عليه ..: مو شطارة تضربي كيس البوكس ،، الشطارة كيف تكون ضربتك للخصم ،، يلا اضربي اطلعت عليه ليلى بتردد يحيى: اضربي سكرت قبضة ايدها وضربتو بوكس صد يحيى الضربة بسهولة وضحك بكل صوتو..: هاي ضربة ، اضربي جامد رجعت ضربتو ضربة ورا التانية لحتى تعبت يحيى : لازمك شغل كتير ام اللول ،، يوسف تعال قرب يوسف وجهز حالو يحيى : يلا بلش يوسف يضرب ويحيى يصد الضربات بسهولة بعد ما تعب يوسف اشر يحيى لابراهيم وبعدو ايهم مسح يحيى العرق عن جبينو ..: لازمكوا شغل كثييير ، بكرا بنفس الموعد تفضلو ايهم: سيدي راح نكون معك بالقضية !؟ لف يحيى وراح لعند الباب ..: لا ، واي تأخير بكرا بزيد العقابالعضوة: 825077 , منذ سنتين
🥀............🥀...........🥀 ..: كيف قمرنا اليوم بدون ما تطلع عليه ..: لايمتى بدي اضل هون دكتور فؤاد فؤاد : انا من عندي بطالعك اليوم بس اذا بتوعديني ما تتأخري عن اللقاءات قمر: بوعدك بوعدك بس طالعني من هون فؤاد: لي مستعجلة ليكون زهقتي منا ، شو رأيك نتمشى بالحديقة الجو برا كثير رواق بس سمكي لبسك شوي قامت من مكانها وحطت شال على كتافها وطلعوا فؤاد : لما طلعتي من المشفى لوين رحتي!؟ قمر: على بيتنا فؤاد : بيت اهلك !؟ قمر: اهلي ماتو زمان بسببو وبسبب وساختو فؤاد: بسبب مين !؟ قمر : مو مهمالعضوة: 825077 , منذ سنتين
فؤاد : لبيت مين رحتي ! قمر: بيتي انا وزوجي فؤاد؛ الاستاذ يحيى زوجك مو هيك ! قمر: لا تجيب سيرتو فؤاد: ولي اخترتي هدا المكان بالذات سرحت قمر بالسما الي بلشت تغيم ..: كان الي فيه ذكريات حلوة معو فؤاد: ذكرياتنا الحلوة مع شخص بنحبو،، هي الي بتخلينا نغفر ونسامح على كل الاخطاء الي بتصير منو قمر وعيونها عالسما..: انت بتقول اخطاء ،، بس انك تصل للموت بسبب شخص كل ذنبك انك حبيتو ببطل في مغفرة وهاي الذكريات بتوجعك ، انا حبيتو من كل قلبي كان اول واخر شخص بفوت على قلبي ،، اعطيتو كل حبي بس شو المقابل ! كل ضربة باخدها بتكون اقوى من الي قبلها ،، لو تركني وما لقاني كان انا مرتاحة ،، مو موجوعة من جوا ومن برا ، كل ما تيجي على راسي ذكرة معاه بتوجع اكثر ، كان متقن الدور ببراعة ، كان بالنسبة الي بني ادم نظيف طاهر ،، بس طلع وسخ وحقير وواطي ،، كيف انخدعت فيه ،، <ضحكت> ،، طلع ممثل شاطر كمان <اطلعت عالدكتور > لااااا انا الي اطلعت غبية ،، كان كل شي فيه مريب ودايماً عصبي وبختفي كثير <رجعت نظرها عالسما> كيف ما قدرت شوف كل هاد لهدرجة طلعت عمية وغبية ،، بس كيف ما عم بقدر اصدق ،، وبعد ما انكشفت حقيقتو وبعدت عنو ،، رجع قرب مني وخدعني كمان مرة وانا الغبية صدقتو كيف هيييك <صارت تضررب على راسها وتبكي> لك كيف بس بدي افهم ،، واكيد اذا رجع كمان مرة راح اصدقو انا عارفة هدا القلب مشرشح وغرقان فيه فؤاد: هدا هو الحب ، بكون الي قدامنا كلو غلط بس قلبنا ما شايف ولا غلطة وبضل متعلق فيه لاخر نفس قمر: انا عم احترق ، بدي ياه وما بدي ياه ،، كان لالي كل شي كان ابي وامي واخي واختي ورفيقي وحبيبي ، <رفعت راسها لفوق وصرخت > يا الله شو محتاجة حضنه بهاللحظة هاي مشاعر كثيرة جواتي ملخبطة ماني عارفة احددها ... بتعرف بقولوا الزواج بقتل الحب .. بس انا زاد حبي الو بعد الزواج بشكل مضاعف قربت على فؤاد وحطت راسها على حضنه وصارت تبكي ، وفؤاد مد ايده وصار يمسح على شعرهاالعضوة: 825077 , منذ سنتين
وما حس على حالو غير بوكس بنص وجهه رفعوا راسه لفوق شافوا يحيى واقف قدامهم وعيونو بتقدح شرار مسك قمر ما ايدها وبعدها ، رجع مسك فؤاد من قبة قميصو ..: شو يا دكتور ، هاي طريقة علاج جديدة !؟ مسح فؤاد الدم الي نزل من تمو ..: انت بني ادم متخلف ،، رجع يحيى مسكو ..: ما سمعتك!؟ ودفشوا لورا وكان بدو يضربو بس حس على ايدين قمر مسكتو قمر بغضب..:بعد عنو يا متخلف بكفي تعملي مشاكل وين ما اروح لف عليها واطلع فيها وعيونو بتنقط سم ما حكى ولا كلمة ، حمل حالو وراح لسيارتو قربت قمر على فؤاد ومسكت ايدو وقومتو ..: هدا الي ذكرياتو الحلوة بتنسني وجعو ،، شوف شو عمل فيك ابتسم فؤاد ..: هدا بعشقك لدرجة الجنون اطلعت عليه قمر ..: انا بردت بدي افوت 🥀..............🥀.......... تاني يوم قامت من تختها وحاطة الشر بين عيونها .. وقفت عند البلكون كانت السما تمطر اطلعت علابرة الي بايدها ..: اخر مرة قمتها لحالي وجعتني كتير راحت لعند الجرس ورنت عليه اجت الممرضة ..: عايزة شي مدام قمر قمر ببراءة ..: هاي الابرة وجعتني ، بنفع تقميها الممرضة: طبعاً ، بس راح نرجع نحطها على موعد الدوا قمر : اكيد بس هدا المحل مدايقني بنحطيها بالايد التانية قامت الممرضة الابرة من ايدها وطلعت رجعت قمر تتبسم ،، وقفت وطلعت من الغرفة شافتها الممرضة ..: مدام قمر وين رايحة قمر : بدي اشوف الدكتور فؤاد بحديقة المشفى وضلت ماشية وطلعت من المشفى ،، مسكت موبايلها واتصلت لنشأت ..: كيفك نشأت .. وين ممكن الاقي يحيى ... لا ما قلتلو ...لا بدي اصالحه .. قلتلك ما بدي اقلو .. يلا ابعتلي العنوان بمسج وصلتها مسج .. سكرت الموبايل واشرت لاول تاكسي شافتو .. طلعت واعطتو العنوان وصلها التاكسي للعنوان ، نزلت من السيارة ووقفت قدام عمارة كبيرة ،، فاتت وطلعت عالطابق الخامس ،، دقت الباب واستنت الرد ،، استنت كتير وقالت بقلبها..: شكلو مو بالبيت ، يلا بستنى شو عليي انا بفرجيك يا يحيى ،، ورجعت تخبط عالباب بإجرها مسكت الموبايل ورنت ليحيى قمر: وينكالعضوة: 825077 , منذ سنتين
يحيى: انت الي وين !؟ قمر: انا طلعت اليوم ، وينك بدي اشوفك يحيى : بالشركة قمر : خليك لا تتحرك من مكانك .. انا جاية وقبل ما يحكي اي حرف سكرت الخط بوجهه ونزلت اعطت العنوان لشوفير التاكسي وصلها للعنوان ، نزلت من السيارة ووقفت قدام الشركة وصارت تطلع عالمبنى الكبير ،، وكانت بدها تمشي بس ضربت بشخص ووقعت عالارض قمر: انت اعمى شي ،، شو هالقرف ..: انت الي ما كنتي منتبها قرب عليها ومد ايده ،،اطلعت عليه كان شب طويل بعضلات شعرو ذهبي مع لحية خفيفة وعيون بلون البحرالعضوة: 825077 , منذ سنتين
دفشت ايده وقامت لحالها ،، اطلعت عليه ..: عالم ما عندها ذوق ،، وكملت مشي بسرعة وهي تبرطم كان يحيى بإجتماع مع الضباط بالمكتب يالي اتفق انه تكون اغلب الاجتماعات بالشركة لحتى ما يثيروا الشبهاب ، ووقت التدريب يتوجهوا للمستودعات انفتح الباب بقوة رفع راسو شاف قمر واقفة عند الباب وايدها على خصرها ،، منظرها ما ببشر بالخير وقف يحيى: قمر لو سمحتي استنيني برا لخلص الاجتماع قربت عليه ودفشتو من صدرو ..: اسمعني منيح انا ما عاد بدي ياك ولا بدي شوف صورة وجهك ،، وبدي اعيش حياتي بالطول وبالعرض وبدي اتعرف على ناس واتزوج واعمل عيلة .. بدي اعمل لالي حياة جديدة وما بدي ياك تكون جزء من هاي الحياة ،، حل عني يحيى <رجعت دفشتو > والدكتور فؤاد بتبعد عنو ولا تفكر اني بخاف منك ،، انا بدمرك يحيى ،، اذا كمان مرة بتطلع بوجهي وما تلوم حالك ... ما راح يصير خير <رجعت دفشتو > وبالمناسبة طلاق بدك اطلق واذا ما بتخلص القصة من عندك راح ارفع عليك قضية خُلع .. مسك ايدها الي بتأشر فيها .. اطلع فيها بعيون حُمر .. كز على اسنانو وصرخ بكل صوتو ...: قممممممر اصفر وجه قمر ودب الرعب بقلبها بعد ما شافت وجهو وعيونو وبلشت تراجع حالها وحست انها خبصت زيادة وحست في صوت ضحك وهمس بالغرفة ، اطلعت على وجه يحيى الي وجه نظرو للموجودين وبنظرة منو سكتوا وبطل في نفس بالغرفة رجع وجه نظرو الها ، ارتعبت منو وقلبها صار يدق بسرعة ونفسها يطلع وينزل قبل ما يحكي كلمة وحدة ،، شقلبت عيونها واغمى عليها بحضنو ........... بالمشفى كانت نايمة عالتخت ويحيى واقف عند الشباك اندق الباب وفاتت امل وراما راما بخوف ..: يحيى شو في مالها قمر يحيى : خليكوا عندها انا شوي وجاي امل : طمنا عنهاالعضوة: 825077 , منذ سنتين
طلع يحيى من الغرفة وسكر الباب بعد ما عرفت انو طلع فتحت نص عين..: راح !؟ ركضوا امل وراما لعندها راما : شو في مالك صاير معك شي!؟ قمر: عملت مصيبة امل؛ يحيى قال انو صابك انهيار عصبي قمر بنص ابتسامة ..: لا انهيار ولا بطيخ ،، كنت امثل عليه ، لانو اذا ما عملت هيك كان دفني بأرضي راما بخوف ..: شو عملتي يا مجنونة قمر: تعال اقلكوا حكتلهن قمر كل الي صار امل: يخرب بيتك يا قمر شرشحتي الزلمة قدام الناس قمر: ما بعرف ، هادا الي طلع معي .. اما شو بنظرة منو وبدون اي كلمة خرس كل الموجودين .. وللحظة كنت اندفنت تحت الأرض راما: وشو راح تعملي ،، اخرتك تصحي ، ولا مفكرة حالك راح اضلي نايمة العمر كلو امل: لا مفكرة حالها الاميرة النائمة قمر: خلص روحوا بدي انام <وضحكت > امل: الله يستر ، انت ما شفتي وجهو قمر: خلص تخوفوا فيي .......... بغرفة الدكتور باسل يحيى : انا بدي حدا حالاً يفهمني حالة قمر ...: انت يا يحيى اطلع عليه يحيى وزوره ..: انت كمان مرة شكلو البوكس ما صحاك وفهمك تبعد عنها .. فؤاد: انا قعدت معها وفهمت منها انها بطلت تشعر معك بالامانالعضوة: 825077 , منذ سنتين
يحيى بغيظ ..: باسل سكت صاحبك احسن ، لانو انا ما بتفاهم بالحكي ،، بتفاهم بس بالضرب باسل : روق يحيى ما بنفع هيك ، اقعد خلينا نتفاهم قعد يحيى وقعد فؤاد قباله فؤاد: انت لازم تقعد وتحكي مع قمر ،، انت المشكلة وانت كمان الحل ، انت لازم تحتويها قمر الي واجعها انت ، وهي مو عارفه تحدد موقفها بعدك صعب وقربك اصعب ، مع انو ما حكينا كثير بس انا قدرت استخلص هادا الشي من الحديث الي صار بينا ، كان محور الحديث انت وبس انت .. وبالمناسبة قمر كثير منيحة وما فيها البلا .. يحيى: وهدا الي بصير معها ؟ فؤاد : عادي من اثر الصدمة يحيى : والحل ؟ فؤاد: الامان ضل يحيى ساكت وما حكى ولا كلمة عقله مو قادر يستوعب الي صار معو من شوي والبهدلة الي سببتلو ياها قمر قدام الضباط ، وكمان مو قادر يستوعب الي بحكي الدكتور كيف بدو يقرب عليها وهي بتصدو بغضب كل مرة اكثر من التانية يحيى: بالنهاية بدي مصلحتها فؤاد: بدك تتحمل وتتعب معها شوي ، هي خسرت اكبر جزء موجود لعلاقتكو الثقة رنت هاي الكلمة براس بحيى ، فعلا هي بطلت تثق فيه ، كيف بدها تثق فيه وهي كل ما تكون معو بتنأذى اكثر من الاول ،، يحيى : راح حاول،، شكراً الكو ..<واطلع على فؤاد>.. عيني عليك طلع من المكتب فؤاد: الله يعيني بس ،، ما عندك اي مسكن حاسس فكي بدو يطلع من مكانو ............. ...: اجى اجى ، يحيى اجى بسرعة البرق كانت قمر بالتخت عاملة حالها نايمة فات يحيى عالغرفة ..: شو صبايا صحيت !؟ امل بتأتأة..: بعد... بعدها يحي: فيكن تروحن راما : لا خلينا اطلع عليها وزورها راما بصوت عالي ..: احنا صار لازم نروح ،، بخاطرك يحيى طلعن من الغرفة يرجفن من الخوفالعضوة: 825077 , منذ سنتين
قمر بتختها نفسها عالي وصدرها بطلع وبنزل قرب عليها يحيى وحط ايده جنبها ..: اميرتي النائمة خلصت التمثلية ،، قومي فتحت قمر عيونها لقت يحيى فوق راسها عيونو حمرا والسم بنقط منهن قمر بخوف..: انا اسفة قرب عليها وطلبع بوسة عجبينها ضلت صافنة بردة فعلو الباردة ،الي عكس شكله وخافت اكثر يحيى: كيف حاسة حالك منيحة !؟ قمر: منيحة يحيى: قومي نقعد عالبلكون كانت الدنيا مطر بس الجو مو بارد حطت شال على كتفها وراحت وراه قمر: انا بعتذر منك يحيى: ما صار شي ،، تعيى اقعدي جنبي قعدت جنبو ودقات قلبها واصلة للمليون من الخوف ،، هي بتعرفو منيح ، بتعرف هدا الهدوء بخوف اكثر من الصراخ والعصبية يحيى: انا راح اتغاظى عن الموقف السخيف الي حطتيني وحطيتي حالك فيه ، بس هدا لا يعني انو يتكرر كمان مرة ، انا حكيت مع الدكتور وقال فيكي تتخرجي اليوم او بكرا بالكتير من المشفى ، انا جهزت البيت بالمدينة وراح تروحي معي قامت بالسرعة من جنبه ..: لا ما بدي اروح معك عالبيت ، انا راجعة عالبيت الكبير يحيى: لا ، خطر عليكي راح اضلي معي قمر بعصبية..: وجودك معي هو الخطر ، وانا ما بدي كون معك سبق وقلتلك بدي نطلق وانت مكانك ما بتتحرك ، يا ريت تحترم قراري اطلع عليها وعيونو حُمر ..: كيف بدي احميكي اذا صار معك شي!؟ قمر بإستهزاء ..: لي ذكرني ايمتى حميتني !؟ ههه ما دام انت بعدك بشغلك المقرف انا راح موت زادت عصبية يحيى اكثر بس حاول يكتم غضبه ...: ماشي على راحتك ، وكمان شغلة انا حكيت مع المحامي وقال اذا متفقين عالطلاق راح يصير بسرعة يعني شهر بالكثير وبتكوني حرة وفيكي تعملي الي بدك ياهالعضوة: 825077 , منذ سنتين
هون حكى جملته وكأنه حدا كب عليها سطل مي باردة ، هي ما بدها الطلاق .. كل الوقت تقول هيك بس مستنية منه يتمسك فيها اكثر قمر بجمود ..: يعني انت موافق عالطلاق!؟ يحيى: لا مين قال موافق .. انا بدي اعمل كل شي بريحك قمري ، اذا شايفة الطلاق راحة وامان الك فكوني متأكدة راح يصير الي بدك ياه وقف وقرب عليها .. : انا بعرف انه ثقتك فيي انهزت لا حتى انعدمت ، بس كوني متأكدة انه شو ما صار انا راح اكون جنبك على طول وهالمرة ما راح اسمح لحدا يقرب منك قرب عليها اكتر وحضنها .. دابت بحضنه وقت استنشقت عطره بعد عنها..: انا راح روح عندي شغل ، بكرا الصبح امجد ونشأت بكونو عندك تركها بصدمتها وطلع قمر: هيك يا يحيى بدك تتركني ، اكيد شايفلو وحدة وصار بدو يخلص مني بسرعة ،، اي لا ما حزرت قاعدة على قلبك ضربت رجلها بالارض ..: ما كان لازم اعمل هيك ، خربت الدنيا على راسي ، بدل ما اكون انا الي على حق صار هو الي على حق ، انا بعرف كيف ارجعك يا سيد يحيى يتبع ...#خسوف _القمر_ الثأر 💔💔 #الجزء_الثالث #بقلمي _ Bayan _Sh بفيلا كبيرة عليها حرس من كل جهة كان شب باخر الثلاثين كان قاعد ورا المكتب وقدامو واقفين شباب تنين ضرب على الطاولة ..: يعني بعدها عايشة نزلوا الشباب روسهم لتحت قام من ورا المكتب وخرطش مسدسو وضرب على اجر واحد منهم وصرخ ...: كلاااااااب الواحد ما بعرف يعتمد على كلب فيكو ..: معلم اعطينا كمان فرصة ...: فرصة يا بهايم ، انا ما عندي فُرص ورجع ضرب التاني بإجرو ..: تعالوا خدوا هالبهايم من هون راح لعند الشباك ..: الواحد لازم يخلص امورو بإيدهالعضوة: 825077 , منذ سنتين
فات لعندو اربع شباب قاموا التنين الي قوص عليهم ..: احمد ابعتلي فهد لعندي احمد: امرك معلم دقايق وكان فهد بالمكتب فهد : امرك معلم ..: بتراقبلي البنت وبتخبرني بكل حركة بتعملها فهد: امرك معلم 🥀.............🥀...........🥀 🖤🖤🖤🖤🖤 تاني يوم كان قاعد يحيى بالمستودع وبضرب باصابعو عالطاولة بخفة وبطلع بساعتو ثواني وكان يوسف واقف قدامه وبلهث يحيى: حلو على وقتك ،، ورجع يطلع بساعته فات ابراهيم ..: احترامي سيدي يحيى : تأخير عشر دقايق فات ايهم..: احترامي ... يحيى : كمان تأخير عشر دقايق ضلوا واقفين عشر دقايق ، ويحيى بقلب بالاوراق وبطلع عساعته فاتت ليلى ركض ونفسها طالع نازل وقف يحيى وصار يصفق ..: لااااا شباب انا هيك بقدر اعتمد عليكو وانا مغمض ،، ام اللول تأخير عشرين دقيقة .. وراي نزلوا على قاعة التدريبات وقفوا جنب بعض ويحيى بطلع عليهم بنظرات حادة يحيى: اهلا بالشباب ، طبعاً سبق وحذرتكوا من الغلط ، واول شغلة بكرها التأخير .. وانتو الله يحميكو ولا واحد اجى عالموعد ،، الصراحة وانا استنى فيكو وبحضوركوا النبيل قررت العقاب الي راح يحسن المواعيد عندكوا وتصير عالشعرة يوسف : سيدي انا ما تأخرت ضحك يحيى بصوت عالي ..: كمان سبق وقلت الحسنة بتخص والغلطة بتعم ،، بالنسبة للعقاب ما لقيت احسن من انو ما تشاركوا بالقضية .. يلا عالتدريبالعضوة: 825077 , منذ سنتين
حمل حالو وطلع قاعد ورا المكتب بقلب بوراق القضية بتركيز .. رن موبايله يحيى ..: احترامي سيدي جمال: وين المتدربين !؟ يحيى : بالعقاب جمال: لي شو صار لحتى يتعاقبوا !؟ يحيى : عدم الالتزام بالمواعيد جمال: وشو عقابهم !؟ ريح يحيى عالكرسي ..: ما يشاركوا بالقضية جمال ..: يحيى ما... قاطعه يحيى ..: اسمحلي سيدي بس هدول متدربين تحت ايدي وهاي قضية خطيرة ،، ولما ما في التزام بالمواعيد ما راح يكون انضباط جمال: ما راح ناقشك ، بس بتمنى العقاب بخلص بسرعة ،، في قضية ولازم تنحل ... شو صار معك في شي جديد ؟؟؟ يحيى: الجوكر ،، هاي طريقة شغل الجوكر جمال؛ كيف عرفت!؟ ابتسم يحيى نص ابتسامة..: عاشرتهم اكثر من عشر سنين وبعرف طريقة كل واحد جمال : كان عندي حق لما سلمتك القضية ،، بس لحالك ما رح تقدر تعمل شي يحيى: عارف ،، بس اتركني اعرف ادير المجموعة جمال: راح اتركك على راحتك بحيى: سيدي ، اذا ممكن سؤال ،، مين الي قلك !؟ جمال: سلام يحيى طلع يحيى من مكتبو واتوجه لقاعة التدريب ،، وقف عند الشباك وصار يتفرج عليهم كانو يتمرنوا بحماس بس لفت انتباهو ليلى كانت بتضرب بكيس البوكس بغل ،، ابتسم نص ابتسامة ونزل لعندها يحيى: ضعيفة كتيير اطلعت عليه بغل قرب عليها ومسك دراعها وشد عليه ..: مو شطارة تضربي كيس البوكس ،، الشطارة كيف تكون ضربتك للخصم ،، يلا اضربي اطلعت عليه ليلى بتردد يحيى: اضربي