خسوف القمر - الثأر
انت قمري ،، تشبهين النجوم بوسط السماء انت وحدك التي تستحقين مُسمى قمري
🥀🥀🥀🥀🥀🥀🥀
المقدمة
بصوت يحيى : الشعور بالضعف بعز قوتك هدا اصعب شعور ممكن يمرق على البني ادم ،، لما تشوف روحك بين ايديك بتنزف وانت ما طالع بإيدك تعمل شي ،، روحك عم تنسحب منك وانت قاعد قدامها عاجز عن عمل اي شي ،، تمنيت بهاي اللحظة اكون انا الي عم بموت ، اكون انا الي عم بطلع بالروح ،، يمكن كان الوجع اقل ،، الموت لما بيجي ما بوجع الي عم يموت ، بوجع الناس الي حولييه ،، هاي اللحظة ما راح انساها ،، انا وجعت قمري بكل مرة بقرب منها ،، انا ما كنت قد الامانة ... وهاي المرة اخدت القرار الصعب بس كان الحياة بالنسبة لغيري ،، وجودي مع الناس الي بحبها كان اذى الهم ،، قربي كان بوجع اكتر من بعدي ،، بس انا بني ادم ضعيف ... ضعيف كتير قدام عيون قمري …بس دايماً كنت مؤمن ما بعد الضيق الا الفرج
🥀🥀🥀🥀🥀🥀🥀
بصوت قمر - انا بالنسبة الي اصعب شعور لما تفقد الامان مع شخص كان امانك ، كنت انت بالنسبة الو امانة امنو فيها اغلى حدا على قلبهُ والاصعب ما تكون قدها ... اصعب شعور لما امانك يشكل خطر على حياتك ، عارف لما تصل للموت وترجع! الموت بارد كثير .. كنت دايما اشوف يحيى بمناماتي , كنت اشوفهُ نار بتلسعني لما اقرب عليه .. يااااه ما اصعب الشعور يكون الشخص الي ساكن بقلبك واقف بعيد عنك فاتح دراعاتهُ ليستقبلك بحضنه وبس تقرب على حضنه يحرقك ،، بس الاصعب من هيك تفقد الثقة بالشخص الي كان بالنسبة الك هو الثقة .. بس متل ما المثل بقول .. القط ما بحب الا خناقه .. وهاي انا ما بقدر ابعد عنو .. كل ما ابعد برجع بتعلق فيه اكثر من الأول .. كيف لا وهو الهوا الي بتنفسو..
🥀🥀🥀🥀🥀🥀🥀
..: معقول بعد الحب الي حبيتك ياه تتهميني اني بدي اقتلك ، انا روحي بعطيكي ياها وما بسأل وانت تتهميني اني بدي اقتلك 🥀
..: كنت اضل تقلي اني نقطة ضعفة ،، وكلهم ماسكينك من ايدك الي بتوجعك ..وانا قررت اقطع هاي الايد ،، انا الايد الي بتوجعك بدي اقطعها
..:ذكرياتنا الحلوة مع شخص بنحبو،، هي الي بتخلينا نغفر ونسامح على كل الاخطاء الي بتصير منو🥀
...: انت مستنية مني آذيكي لحتى تقولي يحيى مانو منيح !!!🥀
..: اهـهـهـهـهـه لو تعرفي قدي اشتقتلك 🥀
...: بابا يحيى خلص راح وتركني اتعذب لحالي🥀
..: خليكي قوية ، بدنا نربي ابنا انا وانت مع بعض ، بدنا نبعد عن كل الدنيا ونكون جنب بعض🥀
..: اهلا وسهلا فيك حبيب ابوه البطل .. عمر الصغير .. راح تكون قوي متل ابوك .. 🥀 لا تصدق اي حدا اذا قلك اني تخليت عنك وعن قمري بيوم من الايام
..: .. لي ما حدا عم يرحمني .. لي مكتوب عليي اعيش بعذاب كل عمري .. لي كل حبايبي راحوا .🥀🥀
🖤🖤🖤🖤🖤🖤🖤
العضوة: 825077 , منذ سنتين
سكرت قبضة ايدها وضربتو بوكس صد يحيى الضربة بسهولة وضحك بكل صوتو..: هاي ضربة ، اضربي جامد رجعت ضربتو ضربة ورا التانية لحتى تعبت يحيى : لازمك شغل كتير ام اللول ،، يوسف تعال قرب يوسف وجهز حالو يحيى : يلا بلش يوسف يضرب ويحيى يصد الضربات بسهولة بعد ما تعب يوسف اشر يحيى لابراهيم وبعدو ايهم مسح يحيى العرق عن جبينو ..: لازمكوا شغل كثييير ، بكرا بنفس الموعد تفضلو ايهم: سيدي راح نكون معك بالقضية !؟ لف يحيى وراح لعند الباب ..: لا ، واي تأخير بكرا بزيد العقاب 🥀............🥀...........🥀 ..: كيف قمرنا اليوم بدون ما تطلع عليه ..: لايمتى بدي اضل هون دكتور فؤادالعضوة: 825077 , منذ سنتين
فؤاد : انا من عندي بطالعك اليوم بس اذا بتوعديني ما تتأخري عن اللقاءات قمر: بوعدك بوعدك بس طالعني من هون فؤاد: لي مستعجلة ليكون زهقتي منا ، شو رأيك نتمشى بالحديقة الجو برا كثير رواق بس سمكي لبسك شوي قامت من مكانها وحطت شال على كتافها وطلعوا فؤاد : لما طلعتي من المشفى لوين رحتي!؟ قمر: على بيتنا فؤاد : بيت اهلك !؟ قمر: اهلي ماتو زمان بسببو وبسبب وساختو فؤاد: بسبب مين !؟ قمر : مو مهم فؤاد : لبيت مين رحتي ! قمر: بيتي انا وزوجي فؤاد؛ الاستاذ يحيى زوجك مو هيك ! قمر: لا تجيب سيرتو فؤاد: ولي اخترتي هدا المكان بالذات سرحت قمر بالسما الي بلشت تغيم ..: كان الي فيه ذكريات حلوة معو فؤاد: ذكرياتنا الحلوة مع شخص بنحبو،، هي الي بتخلينا نغفر ونسامح على كل الاخطاء الي بتصير منو قمر وعيونها عالسما..: انت بتقول اخطاء ،، بس انك تصل للموت بسبب شخص كل ذنبك انك حبيتو ببطل في مغفرة وهاي الذكريات بتوجعك ، انا حبيتو من كل قلبي كان اول واخر شخص بفوت على قلبي ،، اعطيتو كل حبي بس شو المقابل ! كل ضربة باخدها بتكون اقوى من الي قبلها ،، لو تركني وما لقاني كان انا مرتاحة ،، مو موجوعة من جوا ومن برا ، كل ما تيجي على راسي ذكرة معاه بتوجع اكثر ، كان متقن الدور ببراعة ، كان بالنسبة الي بني ادم نظيف طاهر ،،العضوة: 825077 , منذ سنتين
بس طلع وسخ وحقير وواطي ،، كيف انخدعت فيه ،، <ضحكت> ،، طلع ممثل شاطر كمان <اطلعت عالدكتور > لااااا انا الي اطلعت غبية ،، كان كل شي فيه مريب ودايماً عصبي وبختفي كثير <رجعت نظرها عالسما> كيف ما قدرت شوف كل هاد لهدرجة طلعت عمية وغبية ،، بس كيف ما عم بقدر اصدق ،، وبعد ما انكشفت حقيقتو وبعدت عنو ،، رجع قرب مني وخدعني كمان مرة وانا الغبية صدقتو كيف هيييك <صارت تضررب على راسها وتبكي> لك كيف بس بدي افهم ،، واكيد اذا رجع كمان مرة راح اصدقو انا عارفة هدا القلب مشرشح وغرقان فيه فؤاد: هدا هو الحب ، بكون الي قدامنا كلو غلط بس قلبنا ما شايف ولا غلطة وبضل متعلق فيه لاخر نفس قمر: انا عم احترق ، بدي ياه وما بدي ياه ،، كان لالي كل شي كان ابي وامي واخي واختي ورفيقي وحبيبي ، <رفعت راسها لفوق وصرخت > يا الله شو محتاجة حضنه بهاللحظة هاي مشاعر كثيرة جواتي ملخبطة ماني عارفة احددها ... بتعرف بقولوا الزواج بقتل الحب .. بس انا زاد حبي الو بعد الزواج بشكل مضاعف قربت على فؤاد وحطت راسها على حضنه وصارت تبكي ، وفؤاد مد ايده وصار يمسح على شعرها وما حس على حالو غير بوكس بنص وجههالعضوة: 825077 , منذ سنتين
رفعوا راسه لفوق شافوا يحيى واقف قدامهم وعيونو بتقدح شرار مسك قمر ما ايدها وبعدها ، رجع مسك فؤاد من قبة قميصو ..: شو يا دكتور ، هاي طريقة علاج جديدة !؟ مسح فؤاد الدم الي نزل من تمو ..: انت بني ادم متخلف ،، رجع يحيى مسكو ..: ما سمعتك!؟ ودفشوا لورا وكان بدو يضربو بس حس على ايدين قمر مسكتو قمر بغضب..:بعد عنو يا متخلف بكفي تعملي مشاكل وين ما اروح لف عليها واطلع فيها وعيونو بتنقط سم ما حكى ولا كلمة ، حمل حالو وراح لسيارتو قربت قمر على فؤاد ومسكت ايدو وقومتو ..: هدا الي ذكرياتو الحلوة بتنسني وجعو ،، شوف شو عمل فيك ابتسم فؤاد ..: هدا بعشقك لدرجة الجنون اطلعت عليه قمر ..: انا بردت بدي افوت 🥀..............🥀.......... تاني يوم قامت من تختها وحاطة الشر بين عيونها .. وقفت عند البلكون كانت السما تمطر اطلعت علابرة الي بايدها ..: اخر مرة قمتها لحالي وجعتني كتير راحت لعند الجرس ورنت عليه اجت الممرضة ..: عايزة شي مدام قمر قمر ببراءة ..: هاي الابرة وجعتني ، بنفع تقميها الممرضة: طبعاً ، بس راح نرجع نحطها على موعد الدوا قمر : اكيد بس هدا المحل مدايقني بنحطيها بالايد التانية قامت الممرضة الابرة من ايدها وطلعت رجعت قمر تتبسم ،، وقفت وطلعت من الغرفة شافتها الممرضة ..: مدام قمر وين رايحة قمر : بدي اشوف الدكتور فؤاد بحديقة المشفى وضلت ماشية وطلعت من المشفى ،، مسكت موبايلها واتصلت لنشأت ..: كيفك نشأت .. وين ممكن الاقي يحيى ... لا ما قلتلو ...لا بدي اصالحه .. قلتلك ما بدي اقلو .. يلا ابعتلي العنوان بمسج وصلتها مسج .. سكرت الموبايل واشرت لاول تاكسي شافتو .. طلعت واعطتو العنوان وصلها التاكسي للعنوان ، نزلت من السيارة ووقفت قدام عمارة كبيرة ،، فاتت وطلعت عالطابق الخامس ،، دقت الباب واستنت الرد ،، استنت كتير وقالت بقلبها..: شكلو مو بالبيت ، يلا بستنى شو عليي انا بفرجيك يا يحيى ،، ورجعت تخبط عالباب بإجرها مسكت الموبايل ورنت ليحيى قمر: وينكالعضوة: 825077 , منذ سنتين
يحيى: انت الي وين !؟ قمر: انا طلعت اليوم ، وينك بدي اشوفك يحيى : بالشركة قمر : خليك لا تتحرك من مكانك .. انا جاية وقبل ما يحكي اي حرف سكرت الخط بوجهه ونزلت اعطت العنوان لشوفير التاكسي وصلها للعنوان ، نزلت من السيارة ووقفت قدام الشركة وصارت تطلع عالمبنى الكبير ،، وكانت بدها تمشي بس ضربت بشخص ووقعت عالارض قمر: انت اعمى شي ،، شو هالقرف ..: انت الي ما كنتي منتبها قرب عليها ومد ايده ،،اطلعت عليه كان شب طويل بعضلات شعرو ذهبي مع لحية خفيفة وعيون بلون البحر دفشت ايده وقامت لحالها ،، اطلعت عليه ..: عالم ما عندها ذوق ،، وكملت مشي بسرعة وهي تبرطم كان يحيى بإجتماع مع الضباط بالمكتب يالي اتفق انه تكون اغلب الاجتماعات بالشركة لحتى ما يثيروا الشبهاب ، ووقت التدريب يتوجهوا للمستودعات انفتح الباب بقوة رفع راسو شاف قمر واقفة عند الباب وايدها على خصرها ،، منظرها ما ببشر بالخير وقف يحيى: قمر لو سمحتي استنيني برا لخلص الاجتماع قربت عليه ودفشتو من صدرو ..: اسمعني منيح انا ما عاد بدي ياك ولا بدي شوف صورة وجهك ،، وبدي اعيش حياتي بالطول وبالعرض وبدي اتعرف على ناس واتزوج واعمل عيلة .. بدي اعمل لالي حياة جديدة وما بدي ياك تكون جزء من هاي الحياة ،، حل عني يحيى <رجعت دفشتو > والدكتور فؤاد بتبعد عنو ولا تفكر اني بخاف منك ،، انا بدمرك يحيى ،، اذا كمان مرة بتطلع بوجهي وما تلوم حالك ... ما راح يصير خير <رجعت دفشتو > وبالمناسبة طلاق بدك اطلق واذا ما بتخلص القصة من عندك راح ارفع عليك قضية خُلع ..العضوة: 825077 , منذ سنتين
راما بخوف ..: شو عملتي يا مجنونة قمر: تعال اقلكوا حكتلهن قمر كل الي صار امل: يخرب بيتك يا قمر شرشحتي الزلمة قدام الناس قمر: ما بعرف ، هادا الي طلع معي .. اما شو بنظرة منو وبدون اي كلمة خرس كل الموجودين .. وللحظة كنت اندفنت تحت الأرض راما: وشو راح تعملي ،، اخرتك تصحي ، ولا مفكرة حالك راح اضلي نايمة العمر كلو امل: لا مفكرة حالها الاميرة النائمة قمر: خلص روحوا بدي انام <وضحكت > امل: الله يستر ، انت ما شفتي وجهو قمر: خلص تخوفوا فيي .......... بغرفة الدكتور باسل يحيى : انا بدي حدا حالاً يفهمني حالة قمر ...: انت يا يحيى اطلع عليه يحيى وزوره ..: انت كمان مرة شكلو البوكس ما صحاك وفهمك تبعد عنها .. فؤاد: انا قعدت معها وفهمت منها انها بطلت تشعر معك بالامان يحيى بغيظ ..: باسل سكت صاحبك احسن ، لانو انا ما بتفاهم بالحكي ،، بتفاهم بس بالضرب باسل : روق يحيى ما بنفع هيك ، اقعد خلينا نتفاهم قعد يحيى وقعد فؤاد قباله فؤاد: انت لازم تقعد وتحكي مع قمر ،، انت المشكلة وانت كمان الحل ، انت لازم تحتويها قمر الي واجعها انت ، وهي مو عارفه تحدد موقفها بعدك صعب وقربك اصعب ، مع انو ما حكينا كثير بس انا قدرت استخلص هادا الشي من الحديث الي صار بينا ، كان محور الحديث انت وبس انت .. وبالمناسبة قمر كثير منيحة وما فيها البلا ..العضوة: 825077 , منذ سنتين
يحيى: وهدا الي بصير معها ؟ فؤاد : عادي من اثر الصدمة يحيى : والحل ؟ فؤاد: الامان ضل يحيى ساكت وما حكى ولا كلمة عقله مو قادر يستوعب الي صار معو من شوي والبهدلة الي سببتلو ياها قمر قدام الضباط ، وكمان مو قادر يستوعب الي بحكي الدكتور كيف بدو يقرب عليها وهي بتصدو بغضب كل مرة اكثر من التانية يحيى: بالنهاية بدي مصلحتها فؤاد: بدك تتحمل وتتعب معها شوي ، هي خسرت اكبر جزء موجود لعلاقتكو الثقة رنت هاي الكلمة براس بحيى ، فعلا هي بطلت تثق فيه ، كيف بدها تثق فيه وهي كل ما تكون معو بتنأذى اكثر من الاول ،، يحيى : راح حاول،، شكراً الكو ..<واطلع على فؤاد>.. عيني عليك طلع من المكتب فؤاد: الله يعيني بس ،، ما عندك اي مسكن حاسس فكي بدو يطلع من مكانو ............. ...: اجى اجى ، يحيى اجى بسرعة البرق كانت قمر بالتخت عاملة حالها نايمة فات يحيى عالغرفة ..: شو صبايا صحيت !؟ امل بتأتأة..: بعد... بعدها يحي: فيكن تروحن راما : لا خلينا اطلع عليها وزورها راما بصوت عالي ..: احنا صار لازم نروح ،، بخاطرك يحيى طلعن من الغرفة يرجفن من الخوف قمر بتختها نفسها عالي وصدرها بطلع وبنزل قرب عليها يحيى وحط ايده جنبها ..: اميرتي النائمة خلصت التمثلية ،، قومي فتحت قمر عيونها لقت يحيى فوق راسها عيونو حمرا والسم بنقط منهن قمر بخوف..: انا اسفة قرب عليها وطلبع بوسة عجبينها ضلت صافنة بردة فعلو الباردة ،الي عكس شكله وخافت اكثر يحيى: كيف حاسة حالك منيحة !؟ قمر: منيحة يحيى: قومي نقعد عالبلكون كانت الدنيا مطر بس الجو مو بارد حطت شال على كتفها وراحت وراه قمر: انا بعتذر منكالعضوة: 825077 , منذ سنتين
يحيى: ما صار شي ،، تعيى اقعدي جنبي قعدت جنبو ودقات قلبها واصلة للمليون من الخوف ،، هي بتعرفو منيح ، بتعرف هدا الهدوء بخوف اكثر من الصراخ والعصبية يحيى: انا راح اتغاظى عن الموقف السخيف الي حطتيني وحطيتي حالك فيه ، بس هدا لا يعني انو يتكرر كمان مرة ، انا حكيت مع الدكتور وقال فيكي تتخرجي اليوم او بكرا بالكتير من المشفى ، انا جهزت البيت بالمدينة وراح تروحي معي قامت بالسرعة من جنبه ..: لا ما بدي اروح معك عالبيت ، انا راجعة عالبيت الكبير يحيى: لا ، خطر عليكي راح اضلي معي قمر بعصبية..: وجودك معي هو الخطر ، وانا ما بدي كون معك سبق وقلتلك بدي نطلق وانت مكانك ما بتتحرك ، يا ريت تحترم قراري اطلع عليها وعيونو حُمر ..: كيف بدي احميكي اذا صار معك شي!؟ قمر بإستهزاء ..: لي ذكرني ايمتى حميتني !؟ ههه ما دام انت بعدك بشغلك المقرف انا راح موت زادت عصبية يحيى اكثر بس حاول يكتم غضبه ...: ماشي على راحتك ، وكمان شغلة انا حكيت مع المحامي وقال اذا متفقين عالطلاق راح يصير بسرعة يعني شهر بالكثير وبتكوني حرة وفيكي تعملي الي بدك ياه هون حكى جملته وكأنه حدا كب عليها سطل مي باردة ، هي ما بدها الطلاق .. كل الوقت تقول هيك بس مستنية منه يتمسك فيها اكثر قمر بجمود ..: يعني انت موافق عالطلاق!؟ يحيى: لا مين قال موافق .. انا بدي اعمل كل شي بريحك قمري ، اذا شايفة الطلاق راحة وامان الك فكوني متأكدة راح يصير الي بدك ياه وقف وقرب عليها .. : انا بعرف انه ثقتك فيي انهزت لا حتى انعدمت ، بس كوني متأكدة انه شو ما صار انا راح اكون جنبك على طول وهالمرة ما راح اسمح لحدا يقرب منكالعضوة: 825077 , منذ سنتين
قرب عليها اكتر وحضنها .. دابت بحضنه وقت استنشقت عطره بعد عنها..: انا راح روح عندي شغل ، بكرا الصبح امجد ونشأت بكونو عندك تركها بصدمتها وطلع قمر: هيك يا يحيى بدك تتركني ، اكيد شايفلو وحدة وصار بدو يخلص مني بسرعة ،، اي لا ما حزرت قاعدة على قلبك ضربت رجلها بالارض ..: ما كان لازم اعمل هيك ، خربت الدنيا على راسي ، بدل ما اكون انا الي على حق صار هو الي على حق ، انا بعرف كيف ارجعك يا سيد يحيى يتبع ...العضوة: 1115775 , منذ سنتين
احسنتي النشرالعضوة: 825077 , منذ سنتين
❤❤العضوة: 721839 , منذ سنتين
كملي اسفه على الإزعاج بس والله حبيت القصص أو قولي لنا من وين تجيبها😂😂😂عشان لا نزعجككالعضوة: 724645 , منذ سنتين
...العضوة: 825077 , منذ سنتين
#خسوف _القمر_ الثأر 💔💔 #الجزء_الرابع #بقلمي _ Bayan _Sh تاني يوم الصبح كان نشأت وامجد مع امل واقفين قدام غرفة قمر نشأت: قمر افتحي الباب وبلاها الولدنة قمر من جوا الغرفة..: قلتلك ما راح افتح بلا ما يجي السيد يحيى نشأت: موبايله مغلق قمر؛ ما دخلني ما راح اطلع بلا ما يجي امجد: خلص نشأت اتصل عليه وخلينا نخلص امل: اذا ما بدك تتصل ، انا بتصل نشأت: يعني بدها تمشي كلامها علينا ،، امري لله مسك موبايله واتصل ..: يحيى ،، قمر ما بدها تطلع من المشفى غير ما تجي لهون ،، يا زلمي مقفلة الباب على حالها ،، لا ما خبرت الدكتور ..... امجد: شو قال!؟ نشأت : قفل بوجهي اطلع امجد على مدخل الممر شاف يحيى جاي من بعيد ..: خدلك كمان ، هدا موجود وتاركنا هون مع قمر نشأت: مين !؟ يحيى : شو في!؟ نشأت شبه مجلوط ..؛ لما انت موجود بالمشفى لي ما جيت من الأول وانت عارف راسها قرب عالباب وطرق ..: قمري افتحي ثواني وسمع طقة المفتاح ، فتح الباب ..: خليكوا هون نشأت: انا الحق عليي ماشي فات لعندها كانت قاعدة عالكرسي وضامة جريها لصدرها قرب عليها وقعد عالارض قدامها ..: لي قمري زعلان !؟ اطلعت عليه بعيون دبلانة ..: بدك تتركني صح !؟ مسح على شعرها بحب ..: ما بدك نروح ؟ دفشتو عندها..: بعد عني ما بدي ياك يحيى: يلا خلينا نمشي وقفت بعصبية ..: بعد ما بدي اروح معك ، خلص روح اتركني وانبسط بحياتك بعد ما دمرتلي حياتي وقف يحيى واطلع عليها بعيون بتقدح شرار وصرخ ..: وبعدييييين جمدت مكانها ، عصبتو .. بس قررت تأجل أي نقاش لحتى يهدا مشت قدامه من تم ساكت وطلعت من الغرفة اخد الشنطة وطلع وراها يحيى: يلا اسبقونا عالبيت ، <وجه كلامه لامجد > ما بدي تبقى لحالها بالبيتالعضوة: 825077 , منذ سنتين
امجد: امرك اخي مسك ايد قمر ..: يلا قمري خلينا نروح نترت ايدها منو ..: بعرف امشي لحالي يحيى : اسبقيني عالسيارة لاحقك طالعة من باب المشفى مو شايفة قدامها والغضب عامي عيونها ،، طرقت بشخص كان فايت عالمشفى قمر بعصبية : اطلع قدامك العمى ضاربك ، صح... سكتت بعد ما اطلعت عليه وشافته وحست حالها بتعرفه ، كانت راح تبلش تصرخ بس سكتت بعد ما سمعت صوت بحيى يحيى : شو في!؟ اطلع يحيى عالشب..: خير حبيب اساعدك بشي !؟ الشب: طرقت الصببة بالغلط ،، اسف ،، وحمل حالو وفات عالمشفى بسرعة ضل يحيى شارد بالمكان الي كان واقف فيه الشب قمر : بدمك ما بتقدر لازم تعمل مشاكل صحي يحيى من شروده على صوتها ..: يلا نمشي! ركبوا السيارة وانطلقوا قمر: هدا مو طريق البيت ، لوين رايحيين !؟ ما رد يحيى ، وهي سكتت بعد ما شافتو وقف قدام المقبرة نزلت من السيارة وخدودها غرقانة بالدموع ،، مشت لعند قبر ابوها وامها ،، نزلت على جريها قمر؛ كنت راح أكون معكو ،، كان انا مرتاحة وما في شي يخوفني بعد اليوم اطلعت على يحيى ..: اشتقتلهم كثير ،، ،، لي كل الناس الي بنحبهم بروحوا ، بروحوا حتى قبل ما يودعونا ، بروحوا بدون ما يقولوا قرب عليها..: خلينا نروح طلعوا من القبرة وتوجهوا للبيت قمر : انزل نزل من السيارة ووقف قدام الباب ،، مسكت ايده وفاتوا لجوا طلعوا على غرفتها ،، فات يحيى وفاتت ورا قمر وسكرت الباب قمر: اقعد بدنا نحكي بحيى: انا لازم اروح قمر: ما راح اخرك قعد يحيى على حفة التخت ..