خسوف القمر - الثأر
انت قمري ،، تشبهين النجوم بوسط السماء انت وحدك التي تستحقين مُسمى قمري
🥀🥀🥀🥀🥀🥀🥀
المقدمة
بصوت يحيى : الشعور بالضعف بعز قوتك هدا اصعب شعور ممكن يمرق على البني ادم ،، لما تشوف روحك بين ايديك بتنزف وانت ما طالع بإيدك تعمل شي ،، روحك عم تنسحب منك وانت قاعد قدامها عاجز عن عمل اي شي ،، تمنيت بهاي اللحظة اكون انا الي عم بموت ، اكون انا الي عم بطلع بالروح ،، يمكن كان الوجع اقل ،، الموت لما بيجي ما بوجع الي عم يموت ، بوجع الناس الي حولييه ،، هاي اللحظة ما راح انساها ،، انا وجعت قمري بكل مرة بقرب منها ،، انا ما كنت قد الامانة ... وهاي المرة اخدت القرار الصعب بس كان الحياة بالنسبة لغيري ،، وجودي مع الناس الي بحبها كان اذى الهم ،، قربي كان بوجع اكتر من بعدي ،، بس انا بني ادم ضعيف ... ضعيف كتير قدام عيون قمري …بس دايماً كنت مؤمن ما بعد الضيق الا الفرج
🥀🥀🥀🥀🥀🥀🥀
بصوت قمر - انا بالنسبة الي اصعب شعور لما تفقد الامان مع شخص كان امانك ، كنت انت بالنسبة الو امانة امنو فيها اغلى حدا على قلبهُ والاصعب ما تكون قدها ... اصعب شعور لما امانك يشكل خطر على حياتك ، عارف لما تصل للموت وترجع! الموت بارد كثير .. كنت دايما اشوف يحيى بمناماتي , كنت اشوفهُ نار بتلسعني لما اقرب عليه .. يااااه ما اصعب الشعور يكون الشخص الي ساكن بقلبك واقف بعيد عنك فاتح دراعاتهُ ليستقبلك بحضنه وبس تقرب على حضنه يحرقك ،، بس الاصعب من هيك تفقد الثقة بالشخص الي كان بالنسبة الك هو الثقة .. بس متل ما المثل بقول .. القط ما بحب الا خناقه .. وهاي انا ما بقدر ابعد عنو .. كل ما ابعد برجع بتعلق فيه اكثر من الأول .. كيف لا وهو الهوا الي بتنفسو..
🥀🥀🥀🥀🥀🥀🥀
..: معقول بعد الحب الي حبيتك ياه تتهميني اني بدي اقتلك ، انا روحي بعطيكي ياها وما بسأل وانت تتهميني اني بدي اقتلك 🥀
..: كنت اضل تقلي اني نقطة ضعفة ،، وكلهم ماسكينك من ايدك الي بتوجعك ..وانا قررت اقطع هاي الايد ،، انا الايد الي بتوجعك بدي اقطعها
..:ذكرياتنا الحلوة مع شخص بنحبو،، هي الي بتخلينا نغفر ونسامح على كل الاخطاء الي بتصير منو🥀
...: انت مستنية مني آذيكي لحتى تقولي يحيى مانو منيح !!!🥀
..: اهـهـهـهـهـه لو تعرفي قدي اشتقتلك 🥀
...: بابا يحيى خلص راح وتركني اتعذب لحالي🥀
..: خليكي قوية ، بدنا نربي ابنا انا وانت مع بعض ، بدنا نبعد عن كل الدنيا ونكون جنب بعض🥀
..: اهلا وسهلا فيك حبيب ابوه البطل .. عمر الصغير .. راح تكون قوي متل ابوك .. 🥀 لا تصدق اي حدا اذا قلك اني تخليت عنك وعن قمري بيوم من الايام
..: .. لي ما حدا عم يرحمني .. لي مكتوب عليي اعيش بعذاب كل عمري .. لي كل حبايبي راحوا .🥀🥀
🖤🖤🖤🖤🖤🖤🖤
العضوة: 825077 , منذ سنتين
قربت قمر ووقفت قدامه ..: لي هيك عملت ، لي كذبت عليي ، لي رجعتني لحضنك وانت عارف انه ما راح كون بامان معك يحيى: ما بدي اسمع هالكلام، انت بامان وانت معي وبس قمر: كيف بامان وانا وصلت للموت مرتين بسببك !! يحيى: القصة اكبر منك قمر قمر: لي كذبت عليي وقلتلي انك بتشتغل انت وابي بالمخابرات !! يحيى:.... قمر: استغليت ضعفي لحتى تحطني تحت جناحك ، وبهاي الطريقة بتقدر تكون كملت كل الكماليات الي بحياتك ،، شب وسيم ، بتشتغل بالمخدرات ، عندك أموال ما بتاكلها النيران ،، كان ناقصك بس بنت حلوة تكون جنبك ، وانا كملت القائمة ،، يحيى: .... قمر : ولا ما هان عليك رفيقك يعلم عليك ،، رجعتني لحضنك لحتى تبرهنلو انك اقوى ومستحيل حدا يوخد اللقمة منك !؟ رجعت لورا وفتحت عيونها عالاخر ..: ولا ليكون كنت انا مجرد رهان ورفيقك كسب الرهان واخدني منك وجربني قبل ، وحبيت ترد اعتبارك بين جماعتك !؟ بلش نفس يحيى يتخربط وصدرو يطلع وينزل ، وعيونو مثل الجمر .. قام من مكانو وقرب عليها ،، مسكها من ايدها ولزقها بالحيط وضب بوكس جنب راسها ..: هيك يا بنت الناس بلشتي تخبصي ، وانا ما راح اتحملك واتحمل كلامك الي متل السم بتبخي بوجهي بس لحتى تشوفي ردة فعلي وحدود صبري ،،بس بحب قلك انا صبري نفذ ،، ديري بالك من ردة فعلي .. لا تحاولي تستفزيني .. ردة فعلي بتوجع بلشت ترجف بين ايده واستشعر هالشي،، عيونها تعبت دموع بعد عنها وطلع من الغرفة ومن البيت كله 🖤🖤🖤🖤العضوة: 825077 , منذ سنتين
ركب سيارته وانطلق كان محدد وجهته بس الي شتت انتباهو سيارة سودا ملاحقته من اول ما طلع من البيت ،،غير طريقه كان يسرع والسيارة الي وراه تسرع فجأة اطلع وراه بالمراي بطل يشوفها ، حرك راسو للشمال شاف السيارة صارت جنبه وتقرب عليه اكثر ،، مد ايده وسحب المسدس ،، فتح الشباك وبلش يقوص بشكل عشوائي متعمد ما يصيب السيارة ،، وصل لمكان وسيع عطرف الشارع بطل عالمدينة وقف السيارة ، واطلع من المراي شاف السيارة وقفت ،، حمل المسدس ونزل من السيارة ، وجه المسدس عالشخص الي بالسيارة مشى شوي شوي لعند السيارة ، اشرلو بايده ينزل نزل من السيارة شب بأول الثلاثين اطلع عليه يحيى ونزل المسدس اخد نفس عميق ..: ما بدك تبطل هالعادة يا ولد !؟ هجم الشب على يحيى وحضنه بقوة: بعرفك بتحب الاكشن شد عليه بحيى ..: والله اشتقتلك يا سام سام : انا اكتر بعد يحيى عنو وراح وقف على حفة الشارع ..: وين كنت ، بتعرف اني احتجتلك كثير ! قرب سام وحط ايده على كتف يحيى ..: وانا جنبك يحيى:وين كنت لما اغتالوا العم عمر، راح السند يا سام ، وين كنت انت لما خطفوا مني قمر وطعنوني بظهري ، وين كنت لما داسوا على شرفي ، انت رحت ، لي رجعت!؟ سام : انا جنبك على طول ما راح اتركك ابداً يحيى : بعد شو !؟ قمر وصلت للموت ، ما عاد بدها تكون معي سام: قول شو في بقلبك .. ارمي الحمل عن كتافك ،، طول عمرك ما بتحب حدا يشاركك همومك ، ارمي عليي همومكك خليني ساعدك قعد يحيى عالصخرة ..: بدي تبقى جنب قمر ، بدي تحميها ،، انا فايت بطريق اصعب من الأول وعدوي هالمرة اخطر من الصقر سام: لا تخاف انا معك وجنبك على طول يحيى: انا ضعيف يا سام ، ضعيف سام : كل عمرك قوي ، لا تخلي حدا يكسرك يحيى: كسروني سام : لا ، انت راح توخد حقك وحق العم عمر وحق قمرالعضوة: 825077 , منذ سنتين
يحيى: آآآآآه من قمر قرب سام وحضنه ..: قلتلك المرة هاي انا معك وراح اضل وراك وين ما رحت لا تخاف اتنهد يحيى بغصة واطلع عليه ..: وين شغلك انت !! سام : كنت بمهمة برا البلد ومن شهر رجعت وعرفت كل الي صار معك يحيى: بدي معلومات عن الجوكر سام: عرفت انك ماسك القضية لهيك اجيت ، وساختو للجوكر زادت عن حدها ولازم حدا يوقفو عند حده يحيى: امشي اعرفك عالفريق طلعوا بالسيارت وانطلقو للمستودعه ....................... 🖤🖤🖤🖤🖤🖤 بعد مرور شهر قاعد بالمكتب بالشركة براجع شوية أوراق ، رن موبايله ..: ايوا ،، ايمتى ،، يلا جاي مسافة الطريق،، سلام سكر الخط واتنهد ،، رجع راسه لورا ..: الله يعينك يا يحيى على الغلاظة،، افففففففف استعنا عالشقى بالله حمل غراضه وطلع من المكتب يحيى..: الغي كل مواعيد بعد الظهر ،، ما راح ارجع اليوم ..: حاضر أستاذ ،، بس .. وقبل ما تكمل جملتها كان طالع شغل سيارته وانطلق للمستودعات وصل عالموقع وقف السيارة ،، رجع راسه لورا ومسح على وجهه بغل يحيى..: يا رب اعطيني الصبر ،، يا رب الصبر الصبر الصبر نزل من السيارة وبعده ببرطم ،، وقف قدام باب المستودع عقد حواجبه وارتسمت الكشرة على وجهه بتلقائية ، ضرب الباب بإجره وفات ..:: احترامي سيدي اطلع عليه يحيى من فوق لتحت ..: بطل غلاظة ولا ،، <قرب عليه ولف راسه بإيده >.. انا ما قلتلك ما تيجي واتحجج بأي شي واعتذر عن القضية ...:واضيع عحالي فرصة اتغالظ عليك لاااا ما بصير فلتو يحيى من ايده ..: هالمرة عالقبر ،، ما راح اتحملك كتير حازم يكون بعلمك بس ،، وين الشباب حازم: تركتهم يتمرنوا شوي ،، امشي معي قدمني بطريقة حلوة يحيى: وصلت حازم : امانة ما تقلل مني قدام الشباب فاتو على صالة التدريب يحيى : شباب انتباه ، حازم راح يكون معنا بالعملية ،، اليوم بنكون انهينا التدريب وراح نبلش بالتنفيذ ،، جاهزييييين بصوت واحد ..: جاهزييين معلم حازم : معلم !؟ اطلع يحيى عليه بطرف عينه ..: استغفر الله ، استغفر الله .. يلا قدامي لنعرض الخطة 🥀.............🥀...........🥀 بالبيتالعضوة: 825077 , منذ سنتين
نزلت قمر من غرفتها عالصالة لابسة ومتشيكة على اخر طرز وريحة العطر سابقتها صفر نشأت...: اوووووووه مدام قمر وين كان هدا الجمال مخبى !؟ قمر: اقل ما عندي ،، يلا روحوا بدلوا تيابكو بدنا نروح نسهر ونغير جو صار نشأت يزقف ...: والله ورجعت ايامك يا قمر ،، حالاً امجد : ما بدنا نخبر يحيى قمر بعصبية ..: اذا بعرف انه حدا قلو ما عاد تشوفو وجههي نشأت : لا خلص رووووقي ، متل ما بدك بصير قمر: يلا لا تتأخروا ............. بصالة صوت الموسيقى عالي كلها شباب وصبايا بترقص فاتوا قمر ورفقاتها ،، قعدوا عالطاولة قمر: يلا نشأت دلعنا قرب نشأت على امجد ..: والله اذا عرف يحيى باللي بنعملو الا ينفخناالعضوة: 825077 , منذ سنتين
امجد: انا راح اتصل فيه نشأت: لا تجن يا زلمي امجد: في اكتر من الجنون الي عم يصير ، راح اتصل والي بدو يصير يصير قام امجد وراح عند الحمام ، مسك موبايله ورن ليحيى ،، بس ما كان في رد امجد: اخ منك يحيى ،، يلا ببعتلو مسج وبس يقرأها بضل جاي بعت المسج ورجع عالصالة امجد: وين قمر!؟ اشر نشأت بإيده لجهة الرقص طلعوا عيون امجد لبرا بعد ما شاف قمر بترقص مع شب ..: امحى المسج قبل ما يشوفها يحيى ،، فتح الموبايل وكان في مسج من يحيى .."بعرف ، اكيد ما راح اعتمد عليكو " نزل امجد الموبايل من ايده وصار يطلع يمين وشمال نشإت: مالك !؟ فتح امجد الموبايل ولفو على نشأت نشأت: الله لا يوفقك على هالعملة اجت قمر عليهم من بعيد ..: شو شباب شايف الادين فاضية نشأت: قمر داخلين على الله وعليكي استرينا قمر بعدم اهتمام ..: يلا امل راما تعو نرقص امجد : قمر خلص اقعدي قمر: انا جاي انبسط اخدت كاس وشربت منو ،، سحبت ايد راما ورجعت لساحة الرقص كملت رقص ونط على الأغاني الي بتعرفها والي ما بتعرفها فجأة حست على ايد انحطت على خاصرتها ، ما أعطت ردة فعل وكملت على طاولة تانية كان قاعد سام والكاس بأيده .. اطلع عساحة الرقص وشعر انو في شي مو طبيعي مسك موبايلو وبعت مسج ليحيى " الظاهر وجودك صار الو لازمة " سكر الموبايل وحطو بجيبته وتوجه لساحة الرقص كانت قمر بترقص ورجعت شعرت للمرة التانية انو ايد انحطت على خصرها وواضح انو هالمرة مقصودةالعضوة: 825077 , منذ سنتين
قمر: يا حقير لفت حالها لتتفاجئ بشخص ضرب الشب بوكس على وجهه اطلعت عليه وكان يحيى يحيى ماسك الشب بإيده ..: ما بتعرف اداب الرقص ..< رفسه بإجره ومسك ايد قمر >.. قمر : لك اترك ايدي انت شو مفكر حالك عم تعمل يحيى بعصبية..: ولا كلمة اطلع على سام نظرة معناها انت تكفل بالباقي ركبها السيارة وقفل عليها الباب ، وهي ما وقفت صراخ قمر: يحيى راح تندم على هالحركة ،، افتح الباب بدي انزل شغل السيارة وانطلق قمر: وقف السيارة ما بدي اروح معك عمكان ،، بقلك وقف صارت تضرب فيه على كتفه قمر: خلص يحيى صبري نفذ ،، بكفي بكفي يحيى بصوت عالي..: خلللللللللللص ، ولا نفس بدي اسمع ،، اطلع عليها وعيونه بتقدح شرر ،، هوسسسسس ولا نفس كتمت قمر نفسها بعد ما شافت شكلو حطت راسها عالشباك وبلشوا دموعها ينزلو بهدوء بعد ساعة مشي بالسيارة ،، وقف السيارة رفعت راسها ..: لي جايبني هون!؟ بدون ولا كلمة نزل من السيارة ، فتحلها الباب وشدها من ايدها ونزلها دخلها عالبيت ورمها بالصالة يحيى: انا قلت ما بدي مشاكل ، لي راسك ما بستوعب قرب لعندها ونزل عالارض..: انت مستنية مني آذيكي لحتى تقولي يحيى مانو منيح !!!! حملها وقعدها عالكنبة ..: انا بعشقك فاهمة شو يعني بعشقك ،، يعني ما بقدر أعيش بدونك ،، يا مجنونة انت اغلى شي بحياتي ،، انت كل حياتي ، لي عم تعملي هيك ، اكم حدا لازم اقتل لحتى تشعري بحبي ، قولي قرب عليه وبدون مقدمات حط شفايفه على شفايفها وغرق فيهن بدون ما يشعر بعد عندها ، اخد نفس وحط جبينه على جبينها ..: اهـهـهـهـهـه لو تعرفي قدي اشتقتلك قمر: وانا اشتقتلك اكثرالعضوة: 825077 , منذ سنتين
حملها وفوتها عالغرفة وسكر ورا الباب .... حطها عالتخت وقرب عليها ،، طب بوسة على شفايفها ..: فكرة البُعد انسيها ،، والطلاق اطلعي من راسك ، انا ما راح اتنازل عنك بسهولة انت الي وبس رجع طبع بوسة على رقبتها ..: انت الوحيدة بحياتي انت اغلى شي موجود دابت بين ايدي وانفاسو قربت وطبعت بوسة طويلة على شفايفه وكأنها إشارة ليعيشوا الحب من جديد 🖤🖤🖤🖤🖤 بمكان تاني كان واقف عند الشباك وحامل سيجارة بأيده ..: معلم القنصل مع مرتو ببيت الجبل المعلم : فهد خليكوا مراقبين البيت واعملوا متل ما قلتلكوا بدي اسمع اخبار حلوة فهد: امرك معلم بكرا راحت تسمع الاخبار الحلوة 🖤🖤🖤🖤🖤🖤🖤 تاني يوم ببيت الجبل كان يحيى واقف بالمطبخ بحضر الفطور حط الصحون عالطاولة وتوجه للغرفة قعد التخت جنب قمر الي كانت بسابع نومة ، شعرها مفرود على المخدة ، خدودها الحمرا وبشرتها البيضا ،، قرب عليها وطبع بوسة على شفايفها نقزت قمر وفتحت عيونها ..: انت شو بتعمل هون <شدت الحرام وغطتت جسمها > انت كيف ،، سكتت لما حط ايده على شفافها ..: هسسسس انسي كل شي فات ، احنا ولاد اليوم ، الماضي بدنا نسكر عليه قمر بعصبية..: مشان ارجع اموت كمان مرة ولا هاي المرة خطف ولا حرق يحيى: قومي نفطر قمر : قلتلك طلقني ما بدي ياك خلص قام يحيى بعصبية اخد تيابو وطلع من الغرفة رجع لعندها بعد ما بدل تيابو ..: انا رايح بس يرجع عقلك لراسك احكي معي طلع من البيت وقفل عليها الباب ، ركب سيارته واتصل على سام يحيى: وينك سام : جنبك يحيى: انا رايح خلي عينك عليها سام: امرك اخي ..............العضوة: 825077 , منذ سنتين
ضلت قمر بالبيت سارحة بالمكان الي كان واقف فيه يحيى صحيت على حالها وصارت تصرخ ..: يحيى يا يحيى ، يا مجنون كيف تتركني هون ،، يا يحيى لفت الشرشف على حالها وراحت لعند الباب ، صارت تحاول تفتحو ضربت الباب بإجرها ..: يحيى ... يا يحيى خلص ارجع وبعمل الي بدك ياه ، خلص ما عاد اخبص بالحكي ،، يا الله منك يحيى نزلت عالارض والدموع بعيونها ضلت على قعدتها دقايق كزت على سنانها ..: هدا مو وقت البكي ،يا الله كيف بدي اطلع من هون صارت تطلع عالشبابيك وترجع تتلفت حولها كانت دور على شي تقدر تكسر القزاز قامت بسرعة ولبست تيابها ،، ضبت شعرها، جابت سكين من المطبخ وراحت عند الباب ، حاولت تفتحوا وتخرب القفل بس عبث ما في أي نتيجة ضلت على هاي الحالة نص ساعة وهي تحاول تفتحه بدون أي نتيجة ،، نزلت عالارض بعد ما فقدت الامل انو بفتح سمعت موبايلها برن ، ركضت عالغرفة شافت يحيى بتصل قمر بعصبية ..: تعا افتح الباب بسرعة بحيى ببرود ..: لا تحاولي تفتحي بالسكين ما راح تقدري اطلع عالسكين الي بإيدها وصارت تتطلع حولها ..: انت بتراقبني يحيى: اسمها انت بتعرفني وبتعرف عقلي كيف بفكر قمر: اذا ما بتيجي تطلعني من هون بقتل حالي يحيى: لاا بعرفك بتحبي الحياة وبتحبيني ما راح تستغني عنا بسهولة عصبت بزيادة من بروده وسكرت الخط بوجهو ،، راحت تكمل رحلة البحت عن منفذ تاني تقدر تطلع منو ،،،،،،،،،،،،،،،،،العضوة: 825077 , منذ سنتين
بالمستودع يحيى بصراخ ..: ما بدي ولا غلطة الجميع : حاضر معلم يحيى: يلا كل واحد على شغلو حازم : جمعتلك الأوراق الي طلبتها يحيى: كل المعلومات هون يعني ولا راح يكون شي ناقص حازم: بإذن الله كل شي جاهز راح يحيى للمكتب وبلش يراجع الأوراق وابتسم ابتسامة جانبية ..: متل ما توقعت الجوكر مسك موبايله واتصل ..: كيفك ... وين بتحب نلتقي .. اكيد .. راح أكون ناطرو سكر الخط والتفت لحازم ..: بكرا عالعشرة كون جاهز انتو والشباب .......... عودة لعند قمر بعد عدة محاولات مع الباب ما كان يفتح راحت لعند الشباك حاولت تفتحه بس كان مسكر بإحكام ضربت اجرها بالأرض ..: وبعدين مع هالحالة لايمتى بدي ابقى هون راحت عالمطبخ وجابت مدق اللحمة .. ضربت اول مرة وتاني مرة عالقزاز والثالثة كان القزاز ميت شقفة قمر : انا محدا بقدر يغلبني جابت موبايلها وطلعت من الشباك .. ضلت تركض بالجبل وقفت عند شجرة بعد ما التعب غلب عليها اطلعت حولها الليل هل والدنيا عتمت .. قعدت عالارض وضمت احريها لصدرها أصوات بلشت تطلع مو معروفة شو هاي الأصوات .. قررت تقوم تكمل مشي احتمال تلاقي حدا بساعدها ..: خليكي مكانك ما تتحركي رفعت نظرها شافت شخص حامل بندقية صيد موجهها عليها تجمدت مكانها وما عرفت شو تعمل فجأة طلع صوت قواص .. رمت حالها عالارض والرعب غالب عليها ..: اسف صرلك شي!؟ اطلعت كان شب بس مو ظاهرة ملامحو .. كان ماد ايده لالهاالعضوة: 825077 , منذ سنتين
..: خليني ساعدك قمر: مين انت !! بعد عني ..: انا اسف بس كان وراكي حيوان مفترس حطت قمر ايدها بإيده .. شدها لعندو لحتى يوقفها ..: شو بتعملي بهدا المكان وبهيك وقت ، هدا مكان كتير خطير قمر: كنت مع رفقاتي وضعت ..: بسيطة تعالي معي نشوف وين راحوا اتذكرت قمر انو بيت يحيى قريب من المكان الي موجودين فيه واذا رجعوا راح يشوفها يحيى قمر: لا لا لا رجعني عالبلد وخلص ، او وصلني للطريق وانا بكمل لحالي فجأة صوت انفجار دوا بكل المنطقة قلب قمر رجف من الخوف..: شو هدا مسك الشب ايدها ومشى لجهة النار وقفت قمر واطلعت عالبيت كان بيت يحيى النار ماسكة في من كل جهة انهارت قمر عالارض بعد ما شافت سيارة يحيى قريبة من البيت ...: يحيى !!!!!!!!!!! ضلت تبكي وتصرخ بكل صوتها ..: بتعرفي لمين هدا البيت !؟ قمر: بيتي ، بيتي مسكها من ايدها ووقفها..: تعالي ارجعك عالبلد سحبت قمر ايدها منو بسرعة ومسكت موبايلها واتصل على يحيى مرة ومرين وثلاثة وعشرة وما كا في رد صارت تضرب على وجهها. ..: يحيى ،، يحيى وين رحت وتركتني ..: في حدا بسأل عني !؟ رفعت راسها بس سمعت صوتو وقفت بسرعة وضربته على صدرو ونطت عليه وحضنته بشوق كبير ..: يحيى... انت منيح صح!؟ يحيى: منيح ، منيح كثير نزلت من حضنه وصارت تتفقدو ..: ما كنت بالبيت ، انت كنت برا حط ايده على وجهها وحضن خدودها ..: انا قدامك ما فيني شي متل الحصان رجعت تعلقت برقبته متل الصغار وصارت تيكي دفن راسه بشعراتها وصار يشم عطرها ..: خفتي عليي !؟ قمر: انا ما فيني كفي بدونك يحيى ،، ما تبعد عني ابداً يحيى:هشششش لا تبكي انا معك يا روحي بعدت عنو ووقفت قبالو وعيونها كلها دموع ،، ضربتو كف على وجهه وقالت بحسرة..: شو كنت عملت لو هالمرة متت جد !!العضوة: 825077 , منذ سنتين
حملت حالها وراحت عالسيارة طلعت وسكرت الباب وراها اطلع مكان ما كانت ...: فترة وبتمرق يا صاحبي يحيى: انا تعبت يا سام حط سام ايده على كتف يحيى...: انا وراك لا تقلق وما راح اسمح لحدا يأذيكوا مشى سام تارك يحيى ضايع وراه وما بعرف شو الضربة الجديدة الي بتستنى فيه يتبع ... 🥀...........🥀............🥀العضوة: 825077 , منذ سنتين
#خسوف _القمر_ الثأر 💔💔 #الجزء_الخامس #بقلمي _ Bayan _Sh وصلوا البيت فتحت قمر باب السيارة ونزلت ضل يحيى قاعد بالسيارة وعقلو مشتت ..: ما بدك تنزل معي !؟ اطلع جهة الشباك كانت قمر واقفة عند الشباك قمر: تعال معي فاتوا عالبيت وطلعوا لغرفة قمر قعدت قمر عحفتة التحت ..: بدي انام الليلة جنبك اذا بتسمح مدت حالها عالتخت قرب يحيى منها ومد حالو جنبها نزلت دمعة من عينها ..: انا اسفة ما قصدت حضنها من ورا وشدها عليه بقوة ..: هشش نامي وارتاحي لا تشغلي بالك بشي قمر: انا وحدة كذابة ، انا ما بقدر على فراقك ولما تبعد عني بضيييع ، انا معك بس بشعر بالأمان حتى لو وصلت للموت الف مرة ،، وجودك جنبي لوحده إحساس امان ، لا تصدق لما بقلك اني بخاف وانا معك ،، انا اكبر كذابة ، خليك جنبي لا تتركني لفت وجهها لعندو ..: ارجع عيش معنا هون متل اول ، حتى لو كل واحد بغرفة .. تفسي نرجع متل اول ، شو رأيك نعطي فرصة لعلاقتنا يحيى : خلص انت شو بدك بصير دفنت راسها بصدرو وراحت بسابع نومة ................ تاني يوم صحيت من النوم شافت يحيى نايم جنبها قامت من التخت بهدوء اخدت تيابها من الخزانة وراحت عالحمام اخدت دش سريع وطلعت ..: يا صباح النشاط على فين يا جميل اطلعت عليه ببرود ..: صباح النور يحيى ..عالشغل ولا ناسي انو عنا شغل يحيى : لا شو ناسي يلا قايم قام من التخت وراح لعندها ولفها ..: بس والله الواحد زمان ما نام مرتاح متل الليلة الماضية تخت مريح وقمر نايم جنبي قمر : اعمل حسابك ترجع تنام بغرفتك طبع بوسة على خدها: شفتي مرة زلمة بنام بغرفة ومرتو نايمة بغرفة تانية قمر: كل شي معي جديد يحيى: انت بتحكي جد ولا بتدللي عليي!؟؟ لا اكيد بتدللي عليي بعدت عنو ..: لا مو دلال .. بس هيك بكون مرتاحة ..العضوة: 825077 , منذ سنتين
يحيى: بس انت قلتي بدك تعطي علاقتنا فرصة .. كيف بتعطيها فرصة وبدك نكون بعاد عن بعض ما فهمت قمر: هيك احسن يحيى: متل ما بدك .. شو بريحك راح يصير لفت حالها وطلعت من الغرفة فاتت عالمطبخ وكانت راما قاعدة وحاطة ايدها على خدها والحزن ظاهر على وجهها قمر..: صباح الخير .. مالك شايلة طاجن ستك على هالصبح ، خير شو في !؟ راما : اليوم اتصلت امي .. قمر: وشو الي بزعل بالموضوع !؟ راما: بدهن ارجع عالبيت ، وحددوا موعد العرس كمان .. كنت كل الوقت أجلو .. بس خلص الامور طلعت عن سيطرتي قمر بحزن..: وهدا شي بزعل .. يعني انت ما اشتقتي لاهلك !؟ وبعدين شو ذنب هالمسكين يضل ناطرك رام: اشتقتلهن .. بس قمر كيف بدي اتركك لحالك .. امجد وامل تزوجوا ونشأت اليرم مسافر .. ويحيى مو موجود قمر: يا هبلة يحيى فوق بالغرفة راما: بربك بتحكي جد .. يعني اتصالحتوا!؟ قمر: بكفي بعاد .. وانا ما بقدر اعيش بدون يحيى لايمتى بدي اضل اكذب على حالي قربت عليها وحضنتها ..: يعني اسافر وانا مطمنة عليكي ..: بس اطمني... ولو !!!! التفتو للباب كان يحيى واقف بكل اناقته .. زورتو قمر..: لمين كل هالشياكة سيد يحيى!؟ قرب عليها وضم وجهها بكفات ايده..: للقمر راما: مبروك يحيى يحيى: الله يبارك فيكي .. ايمتى مسافرة !؟ راما: عالظهر هيك شي يحيى: معناه انا وقمر بنوصلك راما : ما بدي اعزبكوا قمر: لا شو هالحكي .. يحيى انا ما راح اروح معك عالشركة بدي ابقى اساعدها بضب اغراضها يحيى: انا رايح بس تكونوا جاهزات قوليلي طلع يحيى من البيت قربت قمر على راما وضمتها ..: راح اشتاقلك كتير راما : وانا كمان .. بدي ارجع اسمع اخبار حلوة منك قمر : انشالله ..............العضوة: 825077 , منذ سنتين
بعد ما خلصوا ضب تياب وجهزوا الاغراض .. اتصلت قمر على يحيى وحكتلو انهن جاهزات وناطراتو نص ساعة ووصل يحيى .. وانطلقوا يحيى: ما قلتلي راما ايمتى حددتوا العرس راما : والله ما بعرف علمي علمك يحيى: لا تنسي تيعتيلنا كرت دعوة راما: ولاو .. اول ناس بعد سفر اكتر من ساعتين وصلوا .. نزلوا سلموا على اهل راما وضلوا سهرانين لوقت متأخربعد ما اصروا اهل راما انو يضلو يسهروا ... وبعدها استأذنوا انهم يرجعوا ......... بالسيارة يحيى: وين يتحبي نروح !؟ قمر: عالبيت انت تعبانة كتير والله زمان ما سهرت هيك يحيى : متل ما بدك مد ايده وشغل الاغاني بالسيارة .. طلعت ام كلثوم يا حبيبي ... الليل وسماه ونجومهُ وقمرهُ .. قمرهُ وسهرهُ وإنت وانا .. يا حبيبي انا .. يا حياتي انا كلنا كلنا .. في الحب سوا والهوى ..اه منو الهوى اه منو الهوى... آآآآآه منوووو الهوى .. سهران الهوى .. يسقينا الهنا .. ويقول بالهنا يحيى: الله عليكي يا ست .. عظمة على عظمة .. يا ربي قدي بتفهمني يا ست اطلعت عليه قمر بطرف عينهاالعضوة: 825077 , منذ سنتين
يحيى: شو الي مو عاجبك .. في بعد الست ام كلثوم قمر: ما حكيت شي رجع علا الصوت قمر ما تمالكت حالها وصارت تغني مع ام كلثوم ازاي .. ازاي .. ازاي اوصفلك يا حبيبي .. ازاي .. قبل ما حبك كنت ازاي يا حبيبي ... كنت ولا مبارح فكراه .. ولا عندي بكرا استناه .. ولا حتى يومي عيشاه .. يا حبيبي خدتني بالحب بغمضة عين .. ورتني حلاوة الايام فين يحيى: سامعة سامعة .. كأنها عم بتغني هالاغنية لالي قمر: بتعرف شو احلى شي بعلاقتنا ؟ يحيى : لا افحميني !! قمر: بنكون مختلفين على كل شي ... بس عند الست بنتفق يحيى : بس انا بشوف شي تاني احلى بعلاقتنا قمر: شو؟ حط ايده على خدها بحب ... : انت قمر ورجع علا للاغنية ... يلا نعيش فعيون الليل .. ونقول للشمس تعالي تعالي .. بعد سنة مش قبل سنة .. دي ليلة حب حلوة بالف ليلة وليلة ..الف ليلة وليلة .. بكل العمر .. هو العمر ايه غير ليلة زي الليلة .. الليلة .. زي الليلة .. الليلة اطلع يحيى عليها بحب ..: تيجي نقضي احلى ليلة ؟؟ شافت نظراته بطلت تقدر تقاوم حبه الي بقلبها ..: الحب عمره ما جرح يحيى: الله عليكي يا ست .........