خسوف القمر - الثأر
انت قمري ،، تشبهين النجوم بوسط السماء انت وحدك التي تستحقين مُسمى قمري
🥀🥀🥀🥀🥀🥀🥀
المقدمة
بصوت يحيى : الشعور بالضعف بعز قوتك هدا اصعب شعور ممكن يمرق على البني ادم ،، لما تشوف روحك بين ايديك بتنزف وانت ما طالع بإيدك تعمل شي ،، روحك عم تنسحب منك وانت قاعد قدامها عاجز عن عمل اي شي ،، تمنيت بهاي اللحظة اكون انا الي عم بموت ، اكون انا الي عم بطلع بالروح ،، يمكن كان الوجع اقل ،، الموت لما بيجي ما بوجع الي عم يموت ، بوجع الناس الي حولييه ،، هاي اللحظة ما راح انساها ،، انا وجعت قمري بكل مرة بقرب منها ،، انا ما كنت قد الامانة ... وهاي المرة اخدت القرار الصعب بس كان الحياة بالنسبة لغيري ،، وجودي مع الناس الي بحبها كان اذى الهم ،، قربي كان بوجع اكتر من بعدي ،، بس انا بني ادم ضعيف ... ضعيف كتير قدام عيون قمري …بس دايماً كنت مؤمن ما بعد الضيق الا الفرج
🥀🥀🥀🥀🥀🥀🥀
بصوت قمر - انا بالنسبة الي اصعب شعور لما تفقد الامان مع شخص كان امانك ، كنت انت بالنسبة الو امانة امنو فيها اغلى حدا على قلبهُ والاصعب ما تكون قدها ... اصعب شعور لما امانك يشكل خطر على حياتك ، عارف لما تصل للموت وترجع! الموت بارد كثير .. كنت دايما اشوف يحيى بمناماتي , كنت اشوفهُ نار بتلسعني لما اقرب عليه .. يااااه ما اصعب الشعور يكون الشخص الي ساكن بقلبك واقف بعيد عنك فاتح دراعاتهُ ليستقبلك بحضنه وبس تقرب على حضنه يحرقك ،، بس الاصعب من هيك تفقد الثقة بالشخص الي كان بالنسبة الك هو الثقة .. بس متل ما المثل بقول .. القط ما بحب الا خناقه .. وهاي انا ما بقدر ابعد عنو .. كل ما ابعد برجع بتعلق فيه اكثر من الأول .. كيف لا وهو الهوا الي بتنفسو..
🥀🥀🥀🥀🥀🥀🥀
..: معقول بعد الحب الي حبيتك ياه تتهميني اني بدي اقتلك ، انا روحي بعطيكي ياها وما بسأل وانت تتهميني اني بدي اقتلك 🥀
..: كنت اضل تقلي اني نقطة ضعفة ،، وكلهم ماسكينك من ايدك الي بتوجعك ..وانا قررت اقطع هاي الايد ،، انا الايد الي بتوجعك بدي اقطعها
..:ذكرياتنا الحلوة مع شخص بنحبو،، هي الي بتخلينا نغفر ونسامح على كل الاخطاء الي بتصير منو🥀
...: انت مستنية مني آذيكي لحتى تقولي يحيى مانو منيح !!!🥀
..: اهـهـهـهـهـه لو تعرفي قدي اشتقتلك 🥀
...: بابا يحيى خلص راح وتركني اتعذب لحالي🥀
..: خليكي قوية ، بدنا نربي ابنا انا وانت مع بعض ، بدنا نبعد عن كل الدنيا ونكون جنب بعض🥀
..: اهلا وسهلا فيك حبيب ابوه البطل .. عمر الصغير .. راح تكون قوي متل ابوك .. 🥀 لا تصدق اي حدا اذا قلك اني تخليت عنك وعن قمري بيوم من الايام
..: .. لي ما حدا عم يرحمني .. لي مكتوب عليي اعيش بعذاب كل عمري .. لي كل حبايبي راحوا .🥀🥀
🖤🖤🖤🖤🖤🖤🖤
العضوة: 825077 , منذ سنتين
طلعت من مكتبه فورا واتصلت على قمر ..: مدام قمر الاستاذ يحيى طالع من مكتبه كمان نص ساعة طلع يحيى من المكتب وتوجه لسيارته وانطلق لموعده وصل المستودعات كان قاعد هو وفريقه بعد نص ساعة بلش يطلع صوت فرام سيارات برا المستودع دقايق وفات خمس شباب يتوسطهم شب اسمر بملامح حادة ولحية كثيفة وقف يحيى ..: واخيراً صار النا الشرف نلتقي بالجوكر بنفسه الجوكر: هدا شرف لالنا قنصل ولعلو خير ان شاء الله .. قعدو حول الطاولة الجوكر: انت بتعرف منيح انو شغلنا داقر شوي هاليومين بعد ما زادوا الضباط والعساكر على الحدود .. ومصعبين الامور كتير يحيى :وانا كيف بدي ساعدك !؟ الجوكر: سمعت عنك كثير ،، لهيك حابب اشاركك ،، راح انأمنك الحماية وانت الي راح تساعنا تمرق البضاعة عالحدود يحيى: الحدود شغلتها بجيبتي عندي طرق كتير ومتل ما بمرق بضاعتي عالحدود راح مرق بضاعتك بس شو المقابل ؟؟ الجوكر: ربع المربح من كل صفقة يحيى: اذا هيك متقثين الجوكر: البضاعة الجديدة على وصول وبدي منك تأمنلي دخولها من الحدود يحيى: اعطيني الزمان والمكان وانا بنفد الجوكر: بس هاي البضاعة غير كل البضاعة يحيى بثقة..: سلاح بنات اعضاء بشرية مخدرات ،، انا جاهز الجوكر : بنات يحيى : اذا هيك اتقلنا كان راح يمد ايده لحتى يسلم على يحيى ويتحدوا مع بعض ...: بعدك مُصر انك انسان شريف !؟ رفع نظره وشاف الشي الوحيد الي ما كان متوقع يشوفه بهيك مكان احمروا عيونو وبلش العرق يتصبب على جبينه وقال بصوت يا دوب مسموع ..: قمر لف الجوكر راسه ولمحها ، ركز نظرو عليها وصار يتمايز كل تفاصيلها الشي الي خلى يحيى يزيد من غضبه مد ايده للجوكر ومسكها ..: انا بتمنى تكون هالصفقة بشارة خير لبداية شراكتنا الجوكر : وانا كمان ،، يلا شبابالعضوة: 825077 , منذ سنتين
وصلوا لعند الباب وقف الجوكر جنب قمر ورجع يطلع فيها نظرات مقرفة ،، وكمل للسيارة راح يحيى لعند قمر والشرر بطلع من عيونو مسكها من ايدها وجرها لجوا..: بتمنى يكون عندك سبب واحد يقنعني ويخليني ما امد ايدي عليكي ،، شو جاي تعملي هون !؟ رتعبت قمر من شكله وحست بالغلط الي عملته بدون ما تحس بلشت ترجع لورا وهو يقدم عليها لحتى ضربت بالحيط صرخ يحيى بكل صوته ..: شوووووو بتعملي هووووون ركض حازم لعنده ومسكو من ايده ..: معلم مو هون بتنحل المشاكل يحيى بغضب..: حازم بعد عني احسنلك قرب حازم عليه وهمس عند ادنو ...: مو قدام الفريق معلم بلع يحيى غضبه بسرعة ومسكها من ايدها وراخدها للسيارة ،، طلعها وطلع جنبها وراحوا للبيت وصلوا للبيت وكان جارها وراه صوتها ملي الدنيا شدها من ايدها وقرب عوجهها ..: يتخرسي ولا انا اخرسك!؟ قمر: اتركني ، اتركني ضل يجر فيها لحتى وصل غرفتها رماها عالارض..: انت مجنونة ،، فهميني وين عقلك لي ما بشتغل وبفكر ،،<ضرب كل العطور والاغراض الي عالتسريحة> لك اخخخخخخخ ، فهميني لك كيف بتيجي عهيك مكان قمر: والله كان عندي فضول وحبيت اتعرف عالشخص الجديد الي راح يعتدي علي كز يحيى عسنانو وشد قبضة ايده ...: قممممممر ، لا تجننيني ،، لك لا تخليني اعمل شي اندم عليه كل عمري ضرب المراي بوكس نزلها مية شقفة ..: قمممممر بكفي تخبيص فجأة رن موبايلو ..: ايوا حازم .. وصلوا.. يلا جاي مسافة الطريق اطلع عليها ..: احمدي ربك الي خلصك من بين ايدي قمر ،، ضلك احمدي ربك قمر : رايح تصرف بضاعتك ،، يعني ما راح تتراجع عن الي بتعملوالعضوة: 825077 , منذ سنتين
دفشها لورا ..: قمر اطلعي من راسي قمر: من كل حياتك راح اطلع لا تخاف مسكها من ايدها وشدها عليه ..: راجعلك ست قمر ،، وحسابنا ما خلص لسا ،، هاي العملة ما راح مرقها بسهولة انت تعديتي الخط الاحمر طلع من الغرفة وطبش الباب وراه قعدت تبكي بحسرة عكل شي صار معها ،،بس فجأة صحيت لحالها وحكت ..: راح ادمرك يحيى قامت بدلت تيابها وطلعت من البيت اخدت تاكسي وراحت لنفس المكان الي شافت فيه يحيى ضلت قاعدة بالسيارة وتراقب كان الوضع نسبياً هادئ ما في دقايق ولا الغبرة ملت المكان مع وصول اربع سيارات سودا ، نزل منها شباب كثير وحاملين صناديق قمر بقلبها ..: هدا الوقت المناسب نزلت من السيارة واتصلت ..: الشرطة بدي ابلغ عن جماعة بشتغلوا اشياء ممنوعة ،، سجل عندك العنوان .. اسمي قمر ال*** ربع ساعة كانت الشرطة محاوطة المكان ،،،،،،،،، عند يحيى بالمستودع راح لعند حازم ..: حاسس على حركة غريبة برا ، انا رايح اشوف شو في ،، انت والشباب ضبو البضاعة حازم : وين نحطها بالمخازن هون يحيى: قلبي مو مطمن نزلها عالمخزن السري بسرعة طلع يحيى من المستودع شعل سيجارة ووقف برا يتلفت يمين وشمال لمح سيارة التاكسي واقفة من بعيد شد قبضة ايده وكز عسنانو ..: قمر ضل واقف ربع ساعة ويدخن سيجارة ورا التانية وصلتو مسج " كلو تمام " كان راح يمشي لجهة التاكسي بس وقف فجأة ..: المكان كلو محاصر ، ارمي سلاحك وانبطح عالارض وجه نظروا لجهة الصوت ،، كان في عشرات السيارات للشرطة اتنهد ورجع وجه نظره للتاكسي شاف قمر نزلت من السيارة وابتسامة نصر على وجهها ابتسم ابتسامة صفرا ورفع ايديه ورا راسه توزعت الشرطة بكل المستودع وطلعوا الرجال منو وبلشوا بعملية التفتيش بس بدون فايدة بس كان صناديق فارغة اخدت الشرطة يحيى وكل رجاله واخلوا المكان ،،،،،،،،،،،،، بمركز الشرطة كان يحيى واقف هو ورجاله مكلبشين والدم بغلي بعروقه بعد ليلية كاملة قضاها هو ورجالو بقسم الشرطةالعضوة: 825077 , منذ سنتين
شو عم يصير هون!؟ حازم : اللواء جمال احترامي سيدي ،، جمال: شو يا يحيى شايفك هون يحيى؛ احترامي سيدي ،، اجت اخبارية على مكانا والحمدلله الشرطة ما قصرت < وابتسم ابتسامة سخرية> جمال: خد رجالك وروح من هون ضربلو تحية وطلعوا يحيى: حازم خد الرجال وروح عالمستودعات لا تتحرك من هناك لحتى اعطيك اشارة حازم : امرك معلم يتبع ... .🥀..............🥀.............العضوة: 825077 , منذ سنتين
خسوف _القمر_ الثأر 💔💔 #الجزء_السابع #بقلمي _ Bayan _Sh رجعت قمر عالبيت بعد نهار شغل طويل ،،في شي جواها واجعها , اول مرة بتكون لحالها بالبيت ، ويحيى مانو بالبيت وهاي اول ليلة بقضيها برا وهي عارفة وينو ،، كان دايماً يغيب عن البيت بالايام والليللي بس ما كانت تعرف وين بختفي قمر: انا كيف بعمل هيك شي !! يا ربي شو عملت انا .. بلكي ما كان في مخدرات بالصناديق ! يا ربي مصيبة اذا طلع شو راح يعمل فيي .. والمصيبة الاكبر انو شافني طلعت على غرفتها اخدت منشفة وفاتت تعمل دش لحتى تخفف شوي من الضعط الي عليها ،،،،،،،،،،، عند يحيى بعد ما طلع من مركز الشرطة كان سايق سيارتو وعقلو شارد بكل شي صار وصل عالبيت فتح الباب كان البيت عتمة وما في حدا هدوووووء غريب طلع لغرفة قمر شاف الضو شاعل فتح الباب بهدوء بس ما كانت بالغرفة ،،كان راح يطلع بس انتبه لصوت المي بالحمام قعد عالتخت ، طفى الضو ومد حالو عالتخت خلصت قمر حمامها وريحت اعصابها .. اخدت نفس عميق ..: خلص لي متعبة حالي وشاغلة بالي كل واحد بغلط يتحمل نتيجة غلطو لفت المنشفة على حالها وحملت الفوطة وصارت تنشف شعرها مسكت عطرها وبخت منو على رقبتها طلعت من الحمام ..: لي هيك عتمة .. راحت لعند الابجورة جنب التخت وقبل ما تشعلها ، كان يحيى ماسك ايديها ونيمها فوقه يحيى : نعيماً قمري قرب انفه على رقبتها واخد نفس من العطر الي حطته يحيى: الله شو هدا قمري ورجع طبع بوسة على رقبتها كل هدا وقمر مخدرة بين ايده مد ايده وشعل الضو ..: لي بتطلعي عليي هيك .. اه ليكون مفكرة راح اضل العمر كله محبوس بلش جسمها يرجف بين ايده ولسانها انربط وبطل يطلع معها الحكي .. كانت عاملة حساب المواجهة بس مو بالسرعة هاي يحيى: وين لسانك اكلو القط ، ولا بس بتعرفي تتصلي عالشرطة تبلغي عني غمضت عيونها بضعف قلبها يحيى وصار فوقها ..: اطلعي عليي نفس النظرة الي شفتها وانت واقفة جنب التاكسي ،، بدي اشوف ابتسامة النصر الي شفتها هناك بلشو دموعها ينزلوالعضوة: 825077 , منذ سنتين
قرب ايده ومسحلها الدموع ..: لي بتبكي .. انت قوية ما لازم شي يبكيكي خليكي قد المواجهة قرب وطبع بوسة ناعمة على شفايفها ..: انا ما ممكن ازعل منك او اعصب عليكي ،، بس تصرفاتك كلها غلط وما راح حدا ينأذي غيرك قمر : انا ما بدي اخسرك يحيى: الي بعملو هو الصح ، مع انو فهمتك وشرحتلك قبل بس انت ما بدك تستوعبي شي من الي قلتو اتشجعت وقربت راسها منو وحطت شفافها على شفافو بس فاجئها وبعد عنها فتحت عيونها ما اتخيلت هدا الي راح يصير .. يحيى يرفضها قام وطلع من الغرفة لحقته قمر عغرفته ..: انت لي بتعمل هيك معي!؟ يحيى: قمر لا تجننيني قرب عليها واشر على راسها ..: هدا ما بدو يستوعب،، انا فهمتك بس انت ما بدك تستوعبي وكل مرة بتطلعيلي بقصة شكل قمر: هاي قعدة يلا فهمني اشوف يحيى: ما راح اعيد الكلام مرتين ،، انا شرحتلك الوضع من اولو بس انت ما بدك نفهمي وحاطة براسك شغلة وما بدك تغيريها ، قوليلي شو بدك قمر: ما بدي منك شي غير تبعد عن الخطر يحيى: هدا شغلي وكلو خطر بخطر ما فيي اتراجع واذا اليوم كنت معك احتمال بكرا ما كون افهمي هدا الشي قمر: والهندسة!؟ يخيى: شغل بغطي على شغلي الحالي لا اكثر ولا اقل قمر: يعني مُصر اضلك بهدا الطريق يحيى: اي طريق قمر اي طريقة ، بقلك هدا شغلي قمر: المخدرات شغلك !!؟ نفسي افهم لي انت مستسهل الموضوع وبتحكي عنو وكأنو مهنة سامية ضحك يحيى بكل صوته ..: تعالي لعندي اقلك شغلة مهمة قربت عليه قعدها على اجرو وطبع بوسة عخدها ..: اول شي انا بحبك كتير ، ما تنسي هدا الشي هزت قمر براسها طبع كملن بوسة على خدها التاني..: تاني شغلة انا ما بشتغل بالمخدرات قمر: كيف يعني !؟ بدك ترجع تكذب عليي! لو كلامك صحيح لي الشرطة اخدتك طبع بوسة على خدها كمان مرة..: لي تتعبي حالك وتفكري ،، سيبي الامور لالي انا بحلها قمر: اترك الامور لالك لايمتى .. اتركها لحتى تموت !! اترك الامور لحتى يبعتولي ياك جثة .. شو وقتها راح ينفع ،، كيف راح تحل امورك !! يحيى : لحظة سؤال انت جد ناسية كل كلمة حكيتلك ياها قبل ما نتزوج!؟ قمر : اي حكي!؟ انك مخابرات وهيك يحيى: طلعتي متذكرة ضحكت قمر ..: انت مفكر انو صدقتك؟!!!!! اطلع عليها يحيى نظرة ما قدرت تفسرها ..: انا الي عندي قلتو ،، بس ديري بالك تكرري الي عملتي اليوم ، انا سكتت هالمرة وما عملت شي يزعلك مني ، بس مرة تانية راح تندميالعضوة: 825077 , منذ سنتين
قامت من حضنه بسرعة..: وانا وراك سيد يحيى بدي اشوف لوين حابب تصل وبإيدي هدول بدي سلمك للشرطة ... قلتلك ابعد عني قلتلي ما بقدر ابعد عن روحي .. قلتلك بدي اطلق ما رضيت شو بعد بدك من حياتي انا تعبت معك خلص اتركني بحالي يحيى بغضب ...: لهون وخلص .. كل واحد منا بطريق قمر: .... يحيى: لا تخافي على حالك بعد اليوم .. واعتبريني طلعت من حياتك نهائياُ ضلت واقفة مكانها متجمدة وما بتعرف شو تعمل دوامة كبيرة وحطت حالها فيهاالعضوة: 825077 , منذ سنتين
بعد ليلة صعبة جدا عينها ما داقت النوم ولا غمضلها جفن .. واحساس الندم مسيطر عليها قامت مقرر انها تصالحو وما بدها من الحياة غير رضاه نزلت عالمطبخ حضرت الفطور على الطاولة وطلعت لغرفة يحيى دقت الباب بس ما كان في رد ، فتحت الباب وفاتت ما كان في حدا بالغرفة حملت موبايلها وكانت بدها تتصل ،بس تركت الموبايل لما شافت ورقة محطوطة عالتسريحة قمري.. قمري الي كانت كل دنيتي .. قمري الي سلمتها قلبي .. قمري الي ما عاد شي يجمعني فيها الا الذكريات اذا انت حاملة الرسالة وعم تقرأيها .. هدا معناه انك عرقتي اني تركت البيت وما راح ترجعي تشوفيني ابداً لحتى اكون خلصت كل شي بعملو .. بعرف اني كنت قاسي معك بكتير محلات بس اعرفي انو قسوتي من كتر حــبي لالك .. سامحيني انا سببتلك اذى كبير وما كنت قد وصية العم عمر بأني احميكي .... سامحيني ماتفكري بعادك عني شي سهل .. لا .. هدا اصعب قرار اخدته بحياتي .. وعارف راح اندم عليه كثير .. كل شي لمصلحتك بالصف الاول .. بس كل هدا سهل قدام نظرة عيونك الي كلها شك وعدم ثقة .. اكون واقف قدامك وانت مانك .. اخترت اهرب من عيونك .. تعبت كتير وانا اشرحلك وانت مانك مصدقك .. بس كل هدا حقك .. انت فقدتي الامان معي كيف بدك تصدقيني او تامنيلي بعد اليوم عحالك من هاليوم رح اطلع من حياتك وما راح ترجعي تشوفني ما راح ضايقك بعد اليوم ولا اسببلك اذى واتأكدي انك بقلبي للابد وما راح احب غيرك ابداً بتمنى تسامحيني سلام قمري قمر: لي يا يحيى طلعت من البيت بدون وجهة ضل تمشي لحتى وصلت المقبرة قربت عند قبر امها وابوها والدموع بعيونها ..: شفت شو عمل يحيى يا بابا ، كل عمره ما بسمع مني كلمة وحدة وشو ما قلو يعمل العكس .. طيب لي هالمرة سمع كلامي ونفذه وهو بيعرف اني ما بقدر بدونو وين راح الحب الي قلي عليه وين راااااح ، كيف هنت عليه بالسرعة هاي .. بابا يحيى خلص راح وتركني اتعذب لحالي ..العضوة: 825077 , منذ سنتين
انا كنت اكذب عليه لما قلتلو بدي ابعد وما بدي ياه بحياتي .. كيف صدقني وهو بعرفني لما اكذب عليه ببان عليي بسرعة ، قلبه ما قلو اني بدي ياه .. ما قلو اني ببعادو بموت عليت شهقاتها اكثر وانهارت على القبر ..: بابا قلو اني بدي ياه ومستعدة اموت مشانه .. بعادو بقتلني اكتر .. قلو اني بعشقو لحد الموت ، بابا انا اضعف من اني اقلو هيك .. والله كنت اتقطع بكل مرة كنت اقلو بدي ابعد .. اخ يا بابا اخ وين رحت وتركتني كانت تحكي بصوت عالي ومانها منتبها للعيون الي عم تراقبها كان يحيى واقف وسامع كل كلمة بتقولها وقلبه بتقطع عليها متردد يقرب ويشرحلها انو الي صار غصب عنو ولمصلحتها وبنفس الوقت قلبه واجعو عليها وعالحالة الي هي فيها .. بس قرر الانسحاب افضل من المواجهة راح لسيارتو وعمل تلفون ..: سام تعال عالمقبرة بسرعة سام : شو في!؟ يحيى: خليك جنب قمر واعمل الي اتفقنا عليه خلص صار الوقت سام : حاضر مسافة الطريق سكر الخط وانتهد بصوت عالي ، شغل السيارة وانطلق ،،،،،،،،،، ضلت قمر فترة وهي على نفس القعدة .. مرة تبكي وتقول انا ضعيفة بدونك ، ومرة تضحك وتقول راح اثبتلك اني اقوى وانت مانك معي ...: برد عليكي هون! رفعت راسها وشافت سام واقف فوق راسها .. ركزت بملامحه منيح وحاولت تتذكر وين شافته قبل هالمرة قرب عليها وحط جاكيتو على كتافها مد سام ايده ... : تعالي معي .. قمر: مين انت ! كل مرة بتكون موجود.. قاطعها سام : تعالي معي راح اشرحلك كل شي على رواق ، اذا بضلك هون تحت المطر راح تمرضي اتجاهلت قمر ايده الممدودة وقامت الجاكيت عن كتافها ..: ماني بحاجة حدا ، بعرف اقوم لحالي تركته ومشت سام : قمر اطلعت عليه ورفعت حاجبها ..: يعني بتعرفني ، وكل مرة كنت تساعدني فيها ما تكون صدفة متل ما قلتلي ، والقصة راح تكون شغلة من تنتين .. يا اما انت بتراقبني وعارف كل تحركاتي .. يا اما انت سبب بكل مصيبة بتقع فوق راسيالعضوة: 825077 , منذ سنتين
..............فلاش باك ............🥀 نزلت قمر من تاكسي هي وامل وراما وقفوا قدام بوابة المزرعة امل : واخيراً زبطت معنا قمر: يلا تعالوا راح تعيشوا يوم ولا بالاحلام راما: انا جاهزة امل : وانا كماااان فاتو لجوا ووقفوا مبهورات بالمنظر وجمالو.. كانت مزرعة كبيرة للخيول، كل شي فيها مرتب وحلو قمر: يلا من هون فاتت لجو لعند الاستقبال قمر: عنا حجز باسم قمر ال**** الموظفة : اهلاً وسهلاً ، تفضلوا هون مع الصبية راح توصلكوا لغرفة تبديل الملابس راحوا بدلوا تيابهن واستعدوا لركوب الخيل وصلتهن الموظفة للاسطبل واختاروا كل وحدة الفرس الي بدها ياها قمر: يا الله ما احلا الشعورالعضوة: 825077 , منذ سنتين
الموظفة : بتفضلوا تروحو مسار حر ولا بتحبوا مع مرشد قمر: لا بدنا مسار حر الموظفة : أمرك مدام ، هاي الخريطة للمسار الحر ، بتمشوا حسبها ، اهلاً وسهلاً فيكو انبسطوا مشت قمر ورفقاتها بالخيل حسب الخريطة امل : المرة الجاي بدي اجيب امجد معي راما: وانا والله بدي اجي المرة الحاي مع خطيبي ضحكت قمر على حكي راما..: شو بدك بوجع القلب ما في حدا بستاهل راما: شوفي هاي معها شب من زينة الشباب وبتحكي هيك ، ما خليتي شي بنفسك الا عملتي شو بعد بدك قمر: خليني ساكتة احسن ، ما بحب انكد عحالي وانا على ظهر الفرس .. بعدين انا جيت لحتى اطرد كل الطاقة السلبية محدا فيكو يذكرني ، وما بدي اسمع بسيرة الزلام هون ، خليني رايقة شدت قمر اللجام وصارت الفرس تركض فيها ..: يلا سلام صبايا بشوفكو بنهاية المسار بلشت الفرس تسرع اكثر وبعدت كتير عن رفقاتها للحظة حست انها بطلت تسيطر عالفرس والفرس تسرع اكثر وهي تحاول توقف فيها بدون فايدة قالت والخوف ملا قلبها ...: يا ربي مالها فجأة طلع من جنبها شحض على ظهر فرس ..: اعطيني ايدك اطلعت علي بخوف ومدت ايدها ، مسكها بسرعة وشدها عليه صارت قدامه عظهر الخيل قمر بخوف ..: ما بعرف شو صرلها فجأة بطلت اعرف اسيطر عليها ...: اكيد خافت من شي بلشت الفرس تخفف سرعتها لحتى وقفت نزل عن الفرس وساعد قمر تنزل .. اطلعت عليه قمر ..: انت !؟ ..: انت منيحة !؟ قمر: انت عم تلاحقني!؟ طلع عظهر الفرش وانطلق..: حمدلله على السلامة ، انتبهي المرة الجاي ، سلااااااام 🥀،،،،،،،،،،،،،، باك ،،،،،،،،،،🥀 قمر : ولما احترق البيت , وعند المشفى .. معقول كل هدول صدف ، اكيد لااا ابتسم سام نص ابتسامة ..:خلينا نحكي ونتفاهم ، اكيد ما راح نتفاهم هون قمر: ماني متحركة من هون لحتى تجاوبنيالعضوة: 825077 , منذ سنتين
مين انت !؟ بلش المطر ينزل بقوة سام : تعالي معي اخدها وراحوا للسيارة..: اول شي انا سام قاطعته..: اييي ، اهلين ...شو بدك مني !؟ ضحك سام ..: انت لي دايماً متسرعة ،، خليني كفي قمر بعصبية ..: تفضل مين ماسكك!؟ مسح على وجهه ..: انا مدين للعم عمر بحياتي ، وما لحقت ردلو الدين الي عليي ،، هاي كل القصة قمر: يعني انت مفكر انو انا اقتنعت مثلاً سام :خلينا نروح لمكان هادي قمر:.... شغل السيارة وانطلق ،،،،،،،،،، بمكان بطل على كل المدينة ..واقفين عند مقدمة السيارة سام : وعيت على هالدنيا وانا بميتم لا بعرف ام ولا اب ، شفت ذل وقهر ما راح انسى بحياتي كلها ، بعمر العشر سنين قدرت اهرب من الميتم انا وكمان ولد كان معي بنفس الميتم ، شفتو بليلة بحاول يهرب من فتحة عملها بالسياج ورا الشجر ، ضليت اترجى لحتى يطلعني معو ، كنت احبو كثير وما بقدر اتخيل حياتي بلا ، كان على طول يدافع عني لما المديرة تضربني وكان ينضرب بدالي ، كتير ليالي كنت انام انا وهو بدون عشا بس كان بتحمل مشاني كل شي ، ما قدرت اتخيل انو يروح ويتركني بالميتم وانا ما بقدر حتى ادافع عن حالي اذا حدا مد ايدو عليي ، كنت كتير ضعيف بدونو .. بهاي الليلة قلت انفتحتلي طاقة القدر صح كان بيتنا حاوية زبالة ، واملنا كلو كان تجميع بقايا الاكل من الزبالة بس كانت بالنسبة النا احسن مية مرة من ليلة وحدة بالميتم ، قلت وخلص راح اخلص من كل همومي ، ما كنت بعرف انو برا الميتم الوحوش اكبر واوسخ ، لحد ما اجت الليلة المشؤومة وراح رفيقي راح وما عاد رجع ، ضليت ناطرو ليالي وايام وما في منو اي خبر ، دورت عليه كثير ، رحت لكل المحلات الي كنا نشتغل فيها بس ما في اختفى ،، وبيوم متل اي يوم كنت راجع لعند الحاوية بعد ما بلشت الدنيا تعتم هجموا عليي شابين كل واحد فيهم كان قد الجمل بالنسبة لحجميالعضوة: 825077 , منذ سنتين
،،،،،،،،،،،،،فلاش باك،،،،،،،،،،،، الاول : شو يا قطة على وين بنصاص الليل سام : شو بدك مني روح من هون االتاني : جيبو بنفعنا كثير بالشغل الاول : انا بقول نعطي للريس بحب هاي الحلويات حاول سام يهرب بس بدون فايدة ، كانو اكبر منو بالحجم وما قدر يقاوم اكثر بين ايديهن حطوا بالسيارة بعد ما غطوا عيونو وانطلقوا وصلو على محل فيو مستودعات كبيرة ، واحد من الشباب نزل سام وقام العصبة عن عيونو الشب: شو يا بطة بتفوت بدون ولا اي كلمة ، واذا سمعت صوتك <طلع موس من جيبته وحطها على وجهه> بعلم الموس على وجهك ،، شو فهمت هز براسو بدون ولا اي كلمة فاتو لجوا الشب : يسعدلي هالمسا على احلى ريس بالكرة الارضية الريس : شايفلك مبسوط شو جايب معك!؟ الشب : بضاعة ، اما شووووو فرز اول رمى سام لقدام اجرين الريس الريس : وهدا شو اعمل فيه !؟ الشب: والله اعمل ما بحلالك ، بيعو ، بيع اعضائه ، اعمل عليه حفلة ، او اذا بدك بعد ما نعملو اللازم بنزلو مع اخواتو لتحت وهناك بعرفوا يتصرفوا فيه اكتر منا ، بس انا متأكد راح يكون الو فايدةالعضوة: 825077 , منذ سنتين
الريس: ما بضيع وقت انت ، يلا فسحوا وجبولي ياه عنا حفلة اخدو سام وضربوا مسكو واحد منهم من شعراتو..: كلمة لا ممنوع نسمعها هون ، هون بتقول بس نعم وحاضر ، شو فهمت من كتر الضرب بطل سام يقدر يستوعب شي ، كان جسمو اضعف من انو يتحمل ضرب قاسي بهالشكل بعدوا عنو واجا واحد تاني حملو وفوتو عالحمام مسحلو جروحو واعطى تياب جداد بعد اربع ساعات كان سام محبوس فيهن بغرفة اربع حيطان بدون ولا اي شباك .. انفتح الباب وفات واحد ..: يلا تفضل عندك حفلة طلعوا على صالة كلها رجال كبار بالعمر المشروب قدامهم وولا واحد فيهم واعي على شي , وبنات شبه عاريات قرب واحد من سام وصار يطلع عليه من فوق لتحت..: شو هالقطعة الحلو هاي .. احجزوا لالي سحبو من من ايدو على غرفتو ورمى عالارض، بلش يقرب عليه بطريقة مقرفة استجمع سام كل طاقته ودفشو لبعيد عنو فتح الرجال عيونو عالاخر ..: يا ابن الحرام قرب عليه وبلش يضربو بكل قوة لحتى سام فقد الوعي بين ايديه نده عالشباب الي برا ..: يا كلاب تعو خدو هالحشرة من هون اخدو ونزلو عالقبو وما ستكفو بالي صار فييه ، لاا كملو عليه بالضرب ،،،،،،،،،،،،،،،، باك،،،،،،،،،، سام بصوت مبحوح ..: وهيك ضليت خمس سنين ، يا اتحمل الضرب ، يا اتعرض للاعتداء ما كان في حل تاني لحتى بيوم قررت انهي هاي الحياة وكان عندي طريقين ،، يا انو اموت على ايد كلب منهم يا انو افوت السجن ،،،،،،،،،،فلاش بالك،،،،،،،،،، متل كل يوم نزل واحد عند سام وسحبه من ايده ..: يلا عندك سهرة ومطلوب بالاسم، والله يااا صايرلك اسم يا ابن الحرام فوتو عالغرفة الي كان فيها واحد ناطره ، بعد ما تأكد سام انو الباب اتسكر وصوت الاغاني عالي جداًالعضوة: 825077 , منذ سنتين
قرب من الرجال من وراه وطلع شقفة قزازة كانت معو حطها على رقبتو ودبحو فيها بدون ما ترفلو عين سام : يا سلاام شو حظك حلو ، طلعت من نصيبي شاف موبايل محطوط عالطاولة مسكو واتصل عالشرطة سلم : بدي ابلغ عن جريمة قتل ،،،، ضلت الشرطة مع سام عالخط لحتى عرفوا وين موجود بعد ما راقبوا الموبايل بعد ساعة هجمت الشرطة على البيت والقت القبض على كل الموجودين ،،،،،،،،،،،،،باك ،،،،،،،،،، سام : وصلت الشرطة واخدوني عالقسم ضليت استنى بمصيري ، شو راح يصير هل راح يعدموني ولا راح انسجن واشوف عذاب اكبر من الي شفتو ،، لحد ما وصل شخص عالقسم كان مبيين انو رتبة عالية ، وقف قدامي وطلب من العسكري يدخلني على غرفته ،،،،،،،،،،،،،فلاش باك،،،،،،،،،،، ..: انا العميد عمر ال***** ، وانت سام سام : راح تعدموني عمر : انت بتعرف انك كنت السبب بإلقاء القبض على اكبر تجار اعضاء بالبلد ! سام:...... عمر: لا تخاف ابني الي عملته اسمو دفاع عن النفس وانا راح اكون معك لا تخاف ، بس بدي منك تحكيلي كل شي بالتفصيل شو صار معك ،،،،،،،،،،،،،باك،،،،،،،،،، سام: حكيتلو كل شي صار معي من وقت الميتم وكيف هربت لحد ما قتلت ، ، ضل جنبي وخلاني اكفي دراستي وهو كان السبب باني ارجع التقي برفيقي بعد خمس سنين ،، وساعدني اكمل تعليمي والتحق بكلية الشرطة تملوا عيون قمر بالدموع وما في شي تقولو سام : برايك هدا مانو دين !؟ لا هدا دين ، دين كبير كمان .. وبتسألي لي بساعدك!! قمر: وكيف عرفت اني بنتو !؟ سام : كنت اشوفك كتير معو ، يمكن انت مانك متذكرتيني يس انا مستحيل انسى اي شخص من طرف العم عمر قمر:...