العضوة: 275918 , منذ 5 سنوات

مسحت تمي .. واطلعت فيها ... (انا ريالتي نازلة ) لمى: 😂 😂 😂 فتحي جوالك ع جروب العيلة فتحي مي: شو عملتي لمى .. اه .. شو عملتي فتحت جوالي بسرعة وما كنت عم لحق ع الرسائل .. يلي كلا ضحك وشي ريالة وشي شد شد اكتر يا معلم .. وشي حيو ابو مسمار .. طلعت بالرسائل لفوق وانصدمت من يلي شفتو .. منظري كان مرعب .. راسي مايل ولعابي كلو نازل وعم اشخر متل التور 😥 😥 ضربت بئيدي ع وشي وما بعرف كيف نطيت فوقا للمى ... انا اضرب فيها وهي فاارطة ضحك ..( 😂 😂 😂 😂 لك هدي هدي ابو مسماار هدي ) مي: انا بورجيكي يا لمى .. انا بورجيكي لمى: 😂 😂 😂 😂 لك حااج ولوو ابو مسمار .. ليكي كيف حركنا لجروب بعد ما كان نايم عضيت ع شفتي لهدي حالي وتركتا واقفة وفارطة وفتت لعند امي ع المطبخ .. امي: بلشي بالقطايف ليجو نسوان اخوتك لمى: 😂 😂 😂 كيفك مرت عمي امي: اهلين ست فضيحة .. تعي عاونيني ع اليبرق .. عجلي لمى: وينن سناء ورهف 😂 😂 دخلت سناء من باب المطبخ .. (ليكني سلفتي ... ليكني ) امي: يالا تعي عاونينا يالا عجلي سناء: حاضر مرت عمي .. بس لشو كل هالعجقة.. طنجرة شوربة وصحن سلطة بكفو وبوفو

العضوة: 275918 , منذ 5 سنوات

امي: اي تعي بلا لعي .. كلو شهر بالسنة يلي كل ولادي بيجتمعو فيه سوا عندي وما بدك اكرمن رهف: مسا الخير امي: مسا الورد .. تعي عجلي رهف يالا رهف: والله تعبانة مرت عمي مي: اي شي طبيعي لانو ما تسحرتي مرت اخي رهف: لك انت هون ابو مسمار .. لك شو عم تعمل لمى: 😂 😂 😂 😂 😂 ما بعرف كيف ضربتا للمى بقرص القطايف يلي اجا بنص وشا سناء: هههههههههه خلص ابو مسمار رووووق يا عسل انت رووووق مي: انا بورجيكن امي: 😂 😂 😂 😂 الله يهديكن اكتر من تلت ساعات ونحنا بلمطبخ ع طبخ وتفخ وحلو ومدري شو .. خلصت وفتت ع الحمام وانا عم ازحف ع اديي واجريي من التعب .. تحممت وصليت العصر وقرات جزء قران .. مي: امي انا رح نام .. هلكانة امي: دخيلك يا ربي ع هالجيل .. روحي روحي نامي .. اصلا ما في منك فايدة لمى: 😂 😂 😂 😂😂 مي: هلا انا ما في مني فايدة امي ... لكن شو صرلي من الصبح عم اعمل بلمطبخ امي: اي روحي روحي بلا فزلكة سناء: مرت عمي ازا القطقوطة نامت انا كمان رح روح نام ... لانو هلكانة انا مي: لك قلتلك لا عاد تقليلي قطقوطة لمى: 😂😂😂😂😂😂😂 امي: يا ربي صبرك .. روحو من وشي كلكن .. روحوووو رهف: وانا كمان مرت عمي امي: انت اولن يا روحا لمرت عمك فتت لنام وانا عم سب واندب .. واختي رنا شمتانة في وعم تضحك وعيونا بكتابا .. مي: اي ضحكي انت رنا: اي طبعا رح اضحك .. لحتى تعرفي يلي بيعملو مقالب بالناس كيف الناس بتعمل فيهن مقالب وهي مرتاحة مي: والله جد .. اي درسي انت بكون احسن رنا: حبي انت ابو مسمااار مي: لك تضربو كلكن رنا: وانا 😲 .. اي تعي لهووون .. والله ما بتنامي قبل لتاخدي عبوووطة مي: تركيني رنا وبلشت تدغدغ فيني وانا فارطة .. (لك خلص اختي ) رنا: اي هيك ها .. ما تبلى هالضحكة الهي .. موااااه مي: لك حبي انت مواااه ونمت ... 😴

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (الحلقة 6) لمى: مي ... يالا شبك لساتك نايمة .. فيقي رح نبلش بمد السفرة شخرت شخرة طويلة وكتمتا وانا لسا مسكرة عيوني .. لمى: 😂 😂 😂 😂 😂 موو طبيعية انت .. جد جد رجعت شخرت شخرة طويلة وفتحت عيوني ع وسعهن وانا عم اطلع بالسقف .. وشخرت كمان مرة .. لمى: بسم الله 😂 😂.. لك شبك مي انتفضت اكتر من مرة وانا بفراشي وصرت طالع صوت متل صوت التور المدبوح .. ومرة وحدة نطيت عن التخت وصرت قرب منا وعيوني مفتوحين ع وسعهن وعم اطلع بالسقف .. لمى: لاااا مي .. شبك حبيبتي .. شبك هههه خفت ضحكتها للمى وبلش لونا يتغير وتمسمرت بمطرحها وهي مانا قدرانة تتحرك .. وانا قربت منا لصار وشي مقابيل وشا ... اطلعت بعيونا نظرة سريعة ورفعت ادي ع رقبتها . . شهقت لمى وصرخت باعلا صوتها .. (مرت عمييييي .. ادهمممم) وبسرعة البرق تركتا ورجعت ع تختي وتغطيت وهي لساتا واقفة ومانا مستوعبة شو صار .. ادهم: لك ليش عم تصرخي .. وليش هيك وشك مخطوف لمى: م.. م... مي .. مي 😂 😂 ادهم: لك شبها مي لمى: ماا بعرف .. كانت عم تشخر متل التور وهجمت علي ومسكتني من رقبتي 😂 😂 مي: ففففف .. لك شو هالصوت .. بربكن تركوني نام اطلع ادهم في .. ورجع اطلع بلمى .. (الظاهر لصيام ماثر عليكي .. البنت ليكا بسابع نومة ) لمى: 😂 😂 😂 😂 ادهم والله هلا كانت واقفة هون متل. الجنية ادهم: لا حول ولا قوة الا بالله .. تعي تعي عاونيها لامي .. تعي قربت لمى مني شوي شوي بعد ما راح ادهم .. وحطت ايدا ع كتفي بهدوء .. (مي .. مي .. فيقي)

العضوة: 275918 , منذ 5 سنوات

مي: اييي مرت اخي .. رح فيق تركيني شوي لمى: 😂 😂 😂 بالله تفتحي شوي .. حاكيني مي: خير مرت اخي شبك لمى: عم تجدبيها علي مي مو ؟؟ كنت غفيانة ؟؟ مي: مرت اخي .. والله هلكانة وراسي عم يجعني .. شو في.. شو صاير لمى: 😂 😂 لك هلا كنت تنطي متل الجنية قدامي ومسكتي برقبتي وكنت رح تخنقيني مي: بالله شووو .. هاد يلي كان ناقص .. تتهميني بقتلك لمى: 😂 😂 😂 بالله مانك متزكرة مي: مرت اخيي .. تركيني لفت وشا لمى وطلعت وانا فرطت ضحك .. (لكن انا تنزليني ع جروب العيلة ... انا ) قمت من فراشي وانا منتعشة .. رحت ع المطبخ وكانو لمى وسناء ورهف ورنا بالمطبخ عم يجهزو بالاكل .. بلشت ساعد فيهن .. امي: مي امي انت بلشي فردي السفرة برضايي عليكي مي: ففففف دائما اصعب شغلة بتسلموني ياها امي: لا اله الا الله .. ليكي مي لا تخليني اخسر صيامي .. روحي عملي يلي قلتلك ياه من تم ساكت .. ومهند وميس بيعاونوكي مي: حااضر امي .. حاضر لمى: 😂 😂 😂 😂 الله يتمم رمضان ع خير سناء: دخيلك يا ربي .. لك بس مرقي خمس دقايق من غير ضحك رهف: فففف لك سكتو راسي رح ينفجر لمى: 😂 😂 😂 😂 متاسفين سلفتي ع الازعاج وجهز لفطور واخيرا وانفردت السفرة يلي كان طولا شي مترين او اكتر .. لرجال بصدر السفرة وحدن الحريم وع جنب السعادين وانا معن 😔 😔 بلش يقرا قران ويسبح .. وبلشت معدتي ترقص رقص والعصافير عم تتلوى من الجوع والعطش .. امي: سبحو يا امي ..وقت استجابة الدعاء .. ربي يحميكن مرق هالوقت وكانو ساعات لوقت سمعتو اذن .. تشاهدت وما بعرف كيف حطيت التمر و المي بتمي ..

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 7) رح كملكن عن اول فطور برمضان .. المهم حطيت التمر والمي بتمي .. ما بعرف مين فيهن يلي سبق .. وتشاهدت مرة تانية لانو لساتني عايشة وما متت من عطشي .. ورح بلش بالاكل .. لك بس هدول السعدين ما عم يسكتو ابدا .. وعم يعيطو ع بعضن .. مي: لك سناء وقفي اكل شوي واطلعي بولادك .. لك متخانقين ع المعلقة سناء: اي تركيهن هلا بحلو مشكلتن لحالن مي: لك ما فيني اكل وهني عم يعيطو ع بعض ميس : انا رح سكتن عمتو .. تعا انت وياه شبكن اه .. شبكن غيث: اخدلي معلقتي ليث: لااا عم يكزب هاي الي غيث: انت يلي عم تكزب ميس: هششششش .. سكتو تنيناتكن واطلعو فيني وانا رح اعرف من عيونكن مين يلي عم يكزب .. وعطوني المعلقتين .. يالا اخدت المعلقتين منن وبدون مقاومة وكتمو وما عاد طلع صوتن .. وانا عم اتصفن بهالمخلوقة وماني مصدقة عيوني .. ميس: ايييي .. انتو تنيناتكن ما عم تكزبو .. ليش يا حزركم غيث.. ليث: ليييش ميس: اي لانو المعلقتين نفس الشي .. ليكن غيث.. ليث: اي والله مزبزط ميس: لكن يالا خدو معالقكن وما بدي صوت مي: هلا انت جد جد بنتا للمى لمى: 😂 😂 😂 😂 شبك ميوش ميس: اي طبعا بنتا .. الشغلة بدا شوووية عقل عمتو .. شوية صغيرة ادهم: يسلملي الفهمان انا بصراحة ما عم استوعب انو لمى اما لميس .. يعني انو ميس اما للمى والله بتركب اكتر ... ما علينا .. رح بلش باكلي انا .. لك شبها هاي .. معقول شبعت لحتى قامت عن السفرة ..

العضوة: 275918 , منذ 5 سنوات

امي: شبك رهف .. شبعتي رهف: لا مرت عمي ما شبعت .. اكلت صحن سلطة رح صلي وارجع كمل اكل امي: كملي اكلك يا بنتي وبنصلي سوا رهف: لا مرت عمي .. هيك اريح لمعدتي امي: اي براحتك سناء: هههههه دخيلو لبرستيج انا لمى: 😂 😂 😂 😂 نسيانة حالك سلفتي لؤي: لك حااج تجروو .. والله صرعتولي راسي ادهم: ع فكرة .. هالعادة من السنة فحاج عم تعلقو شادي: لك مين عملا للسلطة هاي انا حطيت ايدي ع قلبي .. (انا اخي .. ليش فيها شي؟) شادي: لك كام مرة قلتلكن لا تحطو بقدونس بالسلطة .. لك بقرف منو امي: حقك علي يا امي .. انا نسيت .. ما عاد نحط بقدونس هادي: اي ليش الحكي .. والله اكلات ست الحبايب ما الن مثيل ابي: اي لكن .. هاي ام ادهم هاي مو حيالله ايهم: يسلمن هالديات امي سناء: اي ونحنا كمان عاوناها لمرت عمي ايهم: يسلمن مرتي الحلوة لؤي .. لك مو قلتلكن .. خواااااريف ما في كلام مي.. وهيك خلص فطورنا الاول برمضان بين مزح وتلطيش حكي ومناقرات وضحك ولعب .. ومن بعدا لمينا السفرة وتوضينا وصلينا كلنا سوا جماعة .. ولرجال قعدو مع امي ع البرندة ونحنا كلنا ع المجلى 😔 والسرنوة سناء اخدت القهوة وسبقتنا لتقعد معن ع البرندة .. لمى: 😂 😂 عجلو لنلحق فنجان قهوة رهف: لمى .. هلا انت شو مشكلتك .. لك ليش ع طول عم تضحكي لمى: ما بني شي 😂 😂 .. هيك الله خالقني بحب الضحك والبسط رهف: اي بس انا خايفة ع حناكك سلفتي مي: لا تخافي مرت اخي وخافي ع خطوط الكبر يلي رح تبلش تطلع بوشك من كشرتك لمى: 😂 😂 😂 😂 😂 😂 رهف: هااا .. لا ولوو مو لهالدرجة مي: لك مرت اخي .. والله شتهيت شوف سنانك والله .. لك تبسمي بس ابتسامة وحدة بس رهف: اي ما بحب المسخرة لمى: 😂 😂 😂 هلا الضحك مسخرة .. لك والله ما في بعد الضحك .. مو هيك ميوش مي: مو مرت اخي مو لمى: 😂 😂 لك صحيح رنا ليش انت هون بالمطبخ .. روحي درسي رنا: بدي غير جو .. مليت .. بس بعد نقاشاتكن باين رح غير رايي وروح مي: لا شو تروحي .. خلص رح نسكت

العضوة: 275918 , منذ 5 سنوات

هلا صح ع طول بنقضي وقتنا نقار ونقير بس وربي احلا وقت هو وقت بكون معن .. بس هاي رهف ضروري طالعا من كشرتا .. فكركن شو لازم اعمل ؟؟ هلا كل يلي قدامي رغوة الفيري ومي .. مممم ... عم تفكرو بيلي عم فكر فيه؟؟؟ لا لا انسو الموضوع والله بتاكلني بلا ملح .. وازا هي ما اكلتني شادي راح ياكلني .. خلص انسووو .. لحظة .. رح شاورا للرنا .. رنا: لك جنيتي انت .. والله بتاكلك بلا ملح مي: ففففف لك والله شتهيت شوفا عم تضحك رنا: اي بكفي لمى عم تضحك لمى: وكانو سمعت اسمي انا مي: بسم الله .. لك لمى حكت جملة من غير ضحك .. الله اكبر رهف: هههههههههه مي: لك رهف عم تضحك .. ياااااا الله ما اكرمك لمى: 😂 😂 😂 😂 😂 😂 لك قامت الحرب عم تكبري رنا: هههههه لك انو حرب مرت اخي .. والله فرحتنا انا ومي بهاللحظة ما بتنوصف رهف: اي لهالدرجة هاممكن امري مي: لا ولوو.. لك صح انت ع طول بتخانقي دبان وشك .. وبتخانقي حالك لحالك .. وكشرة كتييير .. بس والله بحبك من بصبوص قلبي .. بكفي انك مرت اخي حبيبي شادي وخلصو الجليات واخيرا ع خير وسلامة .. ورجعنا جددنا القهوة واخدنا القطايف يلي من تحت دياتي وطلعنا لعندن ع البرندة وقعدنا احلا قعدة ..

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 8) متل ما خبرتكن .. رجعنا لتمينا كلنا ع البرندة.. مي: اي لؤي .. كيفك اخي حبيبي لؤي: من الاخر شو بدك مي: هلا هيك صار .. شو بدي .. لك الحق علي يلي عم اسال عنك لؤي: ليكي مي .. انتو حوا مستحيل تسالو عن حدا هيك لله بالله .. الا ما يكون في هدف من وراه مي: الله يسامحك اخي لؤي: اي الله يسامحنا الجميع .. بس ما قلتيلي شو بدك مي: لا تحرجني اخي لؤي: اي خلص وصلت .. هلا احلا تشكيلة شوكولا لعيونك انت مي: لك يخليلي ياك الهي .. هات بوسة لؤي: لك مصلحجية انت .. مصحلجية رنا: ليش حاسة انو في بالموضوع شوكولا لمى: 😂 😂 😂 اي لانو مي ما بتعطي بوسات من غير شوكولا سناء: قطقوطتي .. حسبي حسابي مي: ليك ايهم سكتا لمرتك بلا ما زعلا هااا ايهم: لك عم تدللك ولووووو .. رووق ابو مسمااار لمى: 😂 😂 😂 يحرق حريشك سلفي .. لا تزكرني لؤي: كل واحد يلتهي بمرتو وما حد يئرب من ميوشتي .. والله بدبحكن مي: خليلي ياك اخي ادهم: يالا جهزو حالكن .. صار وقت التراويح وهيك كل العيلة جهزت حالا للصلاة .. لرجال كلن راحو ع المسجد .. وانا ورنا وامي ولمى ورهف .. وسناء بقيت بالبيت كرمال سعادينا .. خلصت الصلاة واجواءها الروحانية مع صوت اخي ادهم يلي بخليك تخشع بالصلاة غصب وتنزل دموعك .. مي: الله يخليلنا ياك يا اخي وما يحرمني من صوتك الهي ادهم: الله يحفظك يا روحي ويستر عليكي ويهديكي للخير ميس : جد بابا ما قدرت انو امنع دمعتي وقت كنت عم تدعي بالوتر .. ربي يخليلنا ياك مهند: ابي .. انا رح صير متلك امام وصلي بالناس لحتى كل اكسب اجر كل اهل الضيعة ادهم: ان شاء الله يابي .. ان شاء الله لؤي: اي ميووش .. وهاي يلي وعدتك فيه مي: لك يسلمن احلا واغلا اخ .. رح اعمل قهوة لنشرب معن لؤي: لا لا لا تحسبي حسابي عندي سهرة مع رفقاتي مي: ماشي اخي .. يسلمن .....................

العضوة: 275918 , منذ 5 سنوات

لؤي.. طلعت من البيت لعند رفقاتي .. طلال وغالب .. طلال: هلااااا بالشباااب والله لؤي: لك هلا بشواربك ابو شريك غالب: لك والله زمان عنكم شباب قعدنا سوا مع الارجيلة والقهوة والمكسرات والحلووو .. وبلشنا اجتماعنا السري .. اجتماع جمعية كارهو النسااء.. طلال: اي شباب .. الصفحة كل مالا عم يزيدو معجبينا .. ههههه والله طلع في كتير متلنا حاقدين ع حوا لؤي: لك استنا شوي .. رح تشوف كيف رح تصير اكبر صفحة ع الفيس كلو .. الكل عم يكتشف بخيانة حوا وعم يجو لعنا واحد واحد غالب: لك لؤي .. بس انو ما عرفنا شو قصتك مع حوا .. انو مين يلي كرهتك بحوا هيك لؤي: لا تزكرني ولووووو طلال: اي لا احكي لنشوف لؤي: لك هاد وقت كنت صف رابع كنت حلو كتير وجنتل .. كالعادة طبعا طلال.. غالب: 😂 😂 😂 😂 😂 لؤي: اي وكانو تلت بنات رفقات كلن يحبوني ويركضو ورايي .. وانا حبيت وحدة منن .. كان اسما دعاء .. الله لا يوجهلا الخير طلال: لك ايييي لؤي: اي وهالسرنوة غدرت في ع اول قرطوس بوضة تقدملا غالب: بربك جد 😂 😂 لؤي: لك اييييي .. بوقتا كنت رايح ع المدرسة وشفتا واقفة عم تاكل بوظا مع رفيقي .. رحت لعندا وندهتلا (دعاء: شو بدك لؤي لؤي: بدي حاكيكي شوي

العضوة: 275918 , منذ 5 سنوات

دعاء: ما عاد بدي رافقك .. لانو ما بتجبلي بوظة .. وهلا روح ولا عاد تحاكيني ) ومن وقتا كرهت كلشي اسمو حوا غالب: 😂 😂 😂 😂 لك هلا هاي هي قصتك مع حوا لؤي: لك اي اي ... والله كسرتلي قلبي بوقتا .. اي هاتو لشوف انتو شو قصتكم مع حوا غالب: والله انا ما كان في بينا شي لوقت شفت مسلسل الزير سالم .. وشفت البسوس والجليلة ومن وقتا كرهت كلشي حوا لؤي: والله معك حق .. وانت طلال هات لنشوف طلال: والله يا ابو شريك انا جرحي لساتو جديد .. صرلنا سوا تلت سنين وع اساس بتحبني وعم تستنا لخلص دراسة ونتجوز .. ومن اسبوع ما بسمع الا خطبت ورح تسافر كمان لؤي: اي بالناقص منا ابو شريك .. ولا يهمك ولووو غالب: لك ااخ بس لو يحكموني فيهن يوم واحد .. لجنن وربيهن .. 😂 😂 بس بربكن كيف المقلب يلي عملناه بحبيبة احمد لؤي: لك لا تزكرني 😂 😂 😂 طلال: لك شو هاد .. ما بعرف فيه انا .. هاتو لشوف لؤي: لك هالبنت شايفة حالا بصورة هستيرية والغبي احمد حبا .. وهي جننتو وكل ما بدو يحاكيها تفضحو بين رفقاتا وعملوه مسخرة .. بس ربك بيحبو لانو وحدة من رفقاتا كانت تكرها وحاولنا نستدرجا بالحكي لوقت عرفنا انو هي بتموت ولا تشوف ضفدع طلال: خخخخ اي غالب: اي .. ومحسوبك نحنا عشقنا الضفادع .. جبنا ضفدع وعطينا لرفيقتا اللئيمة وحطتلا ياه بشنتتا ونحنا شغلنا الكاميرا وقعدنا نتفرج بنص الكفتيريا .. ولووو بس شفتا وقت فتحت الشنتة ونط الضفدع بوشا .. بلحظة وحدة كانت بحضنو لاحمد وكل الكافتيريا حششت عليها ..

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 10)معدل لؤي.. اليوم اجتماع للخواريف كلن مع كلشي حوا بالعيلة الكريمة .. عيلة ابو مسمار من الصبح وصواتن ما هديت .. لك المطبخ قنبلة حوائية 🐸 كيف رح أهرب اليوم من هالتجمع .. ما فيني اتحملن بنوووب .. احسن شي حط السماعات بادني ونام مي: لؤي .. اخي .. لؤؤؤؤؤي لؤي: لك اي اي .. مانك شايفتيني منقبر نايم مي: اي شايفتك ... بس امي بدا ياك لؤي: حاااضر .. جايي طلعت لبرا غرفتي وياااااا لطيييف شو عم اسمع .. لك صريخ اطفال .. صوات حوااااء .. ضحك لمى 😣 .. نق مي .. اووووف يا ربي .. لؤي: اي امي ليكني امي: برضاي عليك يا امي .. روح جبلنا القطايف والكنافة ع السريع لؤي: حاضر امي حاضر ومشى الوقت واجا المغرب والتمو كلن .. ما شاء الله ما شاء الله ادهم عم يضوي ضوي .. ليك عيونو ليك لك شووو هاااد يااا ابي: اهلا وسهلا بكنتنا الحلوة رولا: تسلملي عمي .. ربي يديمك ابي: يرضى عليكي يا بنتي سناء: احم احم عمي .. نحنا هون .. انا كمان كنتك عمي .. ولا نسيت ابي: ههههه.. لا طبعا ما نسيت .. الله يرضى عليكن كلكن لمى: 😂 😂 😂 شو سلفتي بدك تاخدي دورك ودور غيرك .. حاجتك دلال سناء: لا روحي .. انا دوري ما بيروح .. مو هيك ايهم ايهم: لك كل الدور الك .. ما في كلام لؤي: لا اله الا الله وفاء: هههههههه .. والله نيالكن ع هيك احمى والله لؤي: سكتي اختي دخيلك لكمل صيامي ع خير لمى: 😂 😂 😂 😂 اويليييي ابن حمايي كمل لفطور واخيراااا ع خير وصلينا المغرب وقدمنا لضيافة وانا مالي طايق شي .. وتركتن ودقيت لطلال .. لؤي: اي شريك .. لك وينك انت طلال: بالبيت ومالل .. عم اتفتل بصفحتنا .. بس كانو الكل مخورف .. التفاعل كتير قل لؤي: اي تعا لعندي تعا .. ودقلو لراغب بطريقك ليجي .. رح جهزلكن سهرة ع الاسطوح طلال: اي ماشي تمام رحت لعند مي .. (اختي جهزيلي ارجيلة وسهرة ع كيفك .. رفقاتي جايين لعندي 😉 ) مي: اي تكرم اخي .. من عيوني مي .. جهزتلن سهرة ملوكية ع السطح .. ومدري ليش وجعني قلبي وانا عم جهزن .. شعور غريب كان بقلبي .. وجع .. او حنين .. او شو ما بعرف ..

العضوة: 275918 , منذ 5 سنوات

جهزتن ونزلت ع الدرج .. وما بسمع غير صوت ضحك شباب ع الدرج .. مي: وليييي .. لك شو رح اعمل هلا ؟؟ ركضت بسرعة ورجعت ع السطح .. وين رح خبي حالي يا ربي .. مي: ما الي غير خزانات المي .. رح روح حدن طلعو الشباب وطلعت معن الروايح .. اويليييييي لك شو هاااد .. رح يغط ع قلبي من هالروايح 😍 خبيت حالي منيح بين الخزانات وقعدت .. وبلشو سهرتن .. طلال: لك شو هالسهرة .. ربي يسلم هالادين لؤي

العضوة: 275918 , منذ 5 سنوات

لؤي: يسلم قلبك شريك مي: (بيني وبين حالي) لك هاي انا يلي جهزتن .. والله انا راغب: اي شبك لؤي .. هات لشوف طليت براسي شوي شوي من بين الخزانات لشوف الحناجر يلي طالعت هالصوت .. وياااا ريت ما طليت .. لك مين تيم حسن .. لك مين قصي خوري .. لك مين ناصيف زيتون .. لك ولا شي .. ولاا شي حدو .. بجنننننن .. بشلللللل .. اويلييييييييييي رجعت لورا وانا دايخة من يلي شفتو .. بس حظي المنحوس فركشني ببريش المي يلي نزل ع راسي وبلني من راسي لساسي .. طلال: لك شو هالصوت .. من وين جاي راغب: كانو من بين الخزانات لؤي: بتكون صوات الخزانات .. لا تاكلو هم مي: (بهمس) لك اي اي لا تاكلو هم دخيلكن طلال: لك شو ما ناكل هم .. رح قوم شوف مي: ولييييييييي كنت قاعدة متل القطة المبلولة حد الخزان وبرمت وشي للجهة التانية .. وما بسمع غير صوت همس من وراي .. (شو عم تعملي هون ) شديت ع عيوني وتمنيت الارض تنشق وتبلعني .. لك لاول مرة بحياتي بقابل ادم فيس تو فيس .. وليكي شلون قابلتو 😣 ما جاوبتو وشديت ع عيوني لحتى اتجنب نظرتو لالي .. قرب مني اكتر .. ووقتا نطيت متل المجنونة .. (،لك لوين رايح .. لك انا اختو للؤي .. بعد من هون ولااا .. والله بدبحك) طلال: لا لا .. هدي هدي ابو مسمار ... رح روح .. كنت بس رح ساعدك مي: ابو مسمار ؟؟ اي مسمار براسك الهي لؤي: لك شو عم تعمل ولااا .. تعااا اطلعت فيه وترجيتو بعيوني ما يحكي .. وهو يقبر قلبي فهم فورا ... وفرط ضحك ... (هاي قطقوطة شريك علقانة بين الخزانات .. قطقوطة صغيرة .. وحلوة.. حلوة كتير ) انا وشي صار بالالوان .. والالعاب النارية بلشت تضرب بقلبي وتقافز .. مي: قطة تخرمشك الهي .. روح من هون علا ضحكتو بزيادة .. وراح راغب: لك وين غطيت طلال: كنت عم ساعد القطة لؤي: دخيلو الحنون طلال: قومو قومو معي .. رح طعميكن بوظة ع حسابي لؤي: لك مو هلا .. بس ليخلص راس الارجيلة طلال: لاا قومو .. هلا القطة بتتعب وبتمرض .. مشو معي لؤي: دخيلك ودخيل قطتك انا .. ما رح قوووم طلال: اي مشييي ولااا واخدن وراحووووو وانا لسا المفرقعات ما هديت بقلبي ..

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 11) طلعت شوي شوي من بين الخزانات وكلي مي .. ونزلت بسرعة ع البيت .. والله رحمني كانو كلن ع البرندة .. فتت بسرعة ع البيت ولسا بدي اهرب ع غرفتي واززززز .. لمى: 😂 😂 😂 😂 😂 لك شو هاااد مي .. شو هالمي مي: شششش لك سكتي سكتي لمى: لك في حدا بيتحمم وهو لابس تيابو 😂 😂 مي: لك كنت عم طلع ع خزانات المي وتفركشت بالبربيش لمى: 😂 😂 😂 مي: لا اله الا الله تركتا فارطة وهربت ع الغرفة .. رنا: لك شو هااد .. من وين هالمي مي: بربك رنا كيف شكلي .. شنعة كتير ؟؟ رنا: والله شكلك متل القطة ههههه مي: يعني بشعة مو رنا: لا بالعكس بتجنني هههههه مي: الهي ..الهي ينجحك يا روحي .. تعي تعي لبوسك رنا: لك بعدي وليي جدبة مي: مستحيييل .. تعييي هربت مني رنا لزاوية الغرفة ورفعت اصبعتا بوشتي .. رنا: ليكي مي والله ازا قربتي لصرخ .. ووقتا بتعرفي انو خلال ثواني الشحاطة وين رح تكون اطلعت فيها وزميت بشفايفي .. (اي براحتك .. بلا منا هالبوسة ) مشيت خطوتين ورجعت لعندا .. (رنا حبيبتي ) رنا: لك روحي من وشي مي: لك بس بدي اسالك .. بربك جد انا حلوة .. امااانة امااانة رنا: هههههه لك والله بتجنني .. بس روحي بسرعة غيري تيابك قبل لتشوفك امك غيرت تيابي ولسا ريحة عطرو لهالمخلوق الفضائي بانفي .. مي: قطة حلوة .. حلوة كتييير .. اويييلييييي انااا امي: لك يا مييييي مي: اي امي ليكني فتحت امي الغرفة وصفنت فيني .. امي: لك شو عم تعملي وليش غيرتي تيابك مي: توسخو امي .. توسخو امي: لك الله يصبرني عليكي .. تعي عاونيني تعي مي: جايي امي جاييي ومن هاللحظة هاي بلشت الاحلام الوردية الي مع هالمخلوق ... 🌸 🌸 🌸 🌸

العضوة: 275918 , منذ 5 سنوات

لؤي ... بقيت لاخر الليل وانا براة البيت ورجعت ع امل تكون السهرة خلصت بس انصدمت بالخروف لجديد ع العيلة هو وحبيبة قلبو سهرانين ع الساحة .. ماسكين بادين بعض وعيونن بعيون بعض .. لؤي: لك شبكن .. مضيعين شي بعيونكن وعم تدورو عليه تلبكو تنيناتن وصارو متل البندورة وفلتو اديهن من بعض .. هادي: هلا هيك الواحد بدخل .. ما في احم ولا دستور لؤي: احم .. ودستور .. لشو الاحم والدستور اخي .. كيفك رولا رولا: ت.. تمام لؤي .. انت كيفك وكيف دراستك لؤي: تمام الحمد لله .. ما بدي عطلكن ع مشروع بحثكن .. يالا رجعو رولا: ما في تعطيل ولا شي ...تعا سهار معنا هادي: وين رح يسهر معنا .. روووح اخي رووح الله يسرلك لؤي: ههههه تكرم اخي تركتن بمشاريعن الخاصة ودخلت لجوا .. وكانو مجمع حوا سهرانين .. امي: اجيت امي لؤي: لا امي لساتني برا لمى: 😂 😂 😂 😂 😂 😂 شو دمك خفيف سلفي لؤي: بعض مما لديكم مرت اخي رهف: مرت عمي انا تعبانة كتير .. رح روح نضف البيت ونام امي: تركيه للبيت بكرة مي بتساعدك مي: اميييييي رهف: لا مرت عمو شكرا .. بتعرفي لشادي .. ازا ما عزلت البيت بايدي ما في يبقى دقيقة وحدة فيه مي: اي الحمد لله امي: اي يالا اساسا بكرة ما رح يكون معنا وقت .. رح نحتاج لكل دقيقة كرمال العزيمة لؤي: ايا عزيمة امي امي: عمومك كلن بكرة عنا لؤي: وعيلن معن طبعا لمى: 😂 😂 😂 وكل بناتن تركتن بجمعتن وفتت ع غرفتي .. شلحت بلوزتي واز بالباب بيندق .. لؤي: اييي مي: اخي لؤي ... حبيبي .. تشرب شي لؤي: مي .. هلا ما في وقت لجبلك شوكولا مي: الله يسامحك .. ما بدي شي .. بس كنت بدي اسالك ازا عجبتكن لضيافة انت ورفقاتك لؤي: اي يسلمنن .. كتير عجبتنا مي: اي .. بس ما قلتلي مين هني رفقاتك اخي لؤي: شو تفضلتي ست مي .. لشو عم تسالي عن رفقاتي ولي مي: يييي اخي شبك .. سؤال عادي يعني لؤي: اي لا عاد تسالي .. روحي من وشي طلعت مي من غرفتي وانا عم فكر ببكرة .. كيف رح مضي مع هالكم الهائل من عالم حوا ..