العضوة: 275918 , منذ 5 سنوات

@user-545621 العفو 😘

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 14) دخلت لغرفتي وحاسة بفراغ كبير من جواتي .. والله ما بعرف ليش 😣 😣 ما بعرف كيف اصبعتي مشت لحالا ع الجوال وفتحت فيس وطيرااان ع فيس المخلوق الفضائي ابو حرف طاء .. لك شووو هاااد 😲 😲 .. شو هالبوست .. طلال (ويحدث ان تصادف قطةَ مبللةً فتقلب كيانك بلحظة وتغير جميع مقاييسك) لك هاد عم يحكي عني .. لااا لااااا مستحييل .. اوففف يااه .. مو ناقصني غيرو انا 😕 رح روح شوف التعليقات .. غالب.. شو شريك ما بعرفك بتحب الحيوانات طلال.. والله ما كنت طيقن بس هالقطة غير لؤي..قطة 😲 .. رح شيلك من جمعية كارهو النساء وضيفك ع جمعية الرفق بالحيوان 😂 😂 😂 طلال.. اي بتعمل معروف 😂 حيوان .. حيوااان 😲 😕 تف بس تف .. بس مو مشكلة حيوان حيوان المهم انو هالحيوان قلب كيانو 😍 لؤي: لك ايا حيوان ولي مي: بسم الله .. لك نقزتني اخي لؤي: 😂 😂 😂 😂 😂 سلامتك ولووو .. مسكي هاي الك مي: شوو هاااد لؤي: فتحي الكيس وبتعرفي مي: 😍 😍 😍 يسلمن اخي فتحت الكيس وكان مليان اشكال والوان .. ومن بينن علبة ام اند ام .. فتحتا لانو بعشقا .. بس اتفاجات بشي جواتا .. مي: لك شو هاااد كانت مدالية قطة بيضة صغيرة وعيونا زرق بتجننن 😍 .. لك شو هالصدفة هاي .. لااااااا معقول يكون هو يلي جابن وطلعت من الغرفة ركييض .. (لؤي لؤي ) لؤي: لك شبك مي: من وين جبتن هدول اخي .. يعني اول مرة بتجيب هيك شي

العضوة: 275918 , منذ 5 سنوات

لؤي: هههههه اي وصيت رفيقي وهو جابن مي: اهااااا .. ماشي اخي يسلمو تركتو وفتت ع الغرفة وانا عم لف ودور وغني .. (ولي بيحب القطة .. هاي القطة مياو مياو مياااااو ... وحبينا وتلوعنا .. ويالاااااااااا) رنا: بسم الله عليكي اختي .. لك جنيتي مسكتا لرنا ودورتا معي وانا لساتني عم غني واضحك رنا: لك وقفي اختي وقفي .. لك دخت ولي ههههههه ما رديت عليها وبقيت عم لف ودور وغني ورنا صوتا عم يعلا وتترجى فيني ... كنت بعالم تاني كلو اضوية حلوة وموسيقى بتجننن والكائن الفضائي باخرو عم يطلع فيني ويتبسم .. بس مدري بالاخير مين يلي طفى الضو .. لك ااااخ .. لك هاي نجوم ملونة بنص العتمة .. لك لااااا مو نجوووم لك ايييي هاي شحاطة امي .. مي: لك حرام عليكي يا نبع الحنان.. حراام .. ليش هيك امي: لك شو اعمل فيكي انا .. شو اعمل .. لك اختك عم تصرخ وانت ولا هامك شي .. وفوق منا تاركتيني اتلبك بالضيوف وعم ترقصي وتغني .. لك ادعي عليكي بهالايام الفضيلة انا مي: لك امي حبيبتي خلص روووقي .. تعي خدي بوسة تعي امي: لك شو صرلك ولي .. انت سخنانة شي رنا: 😂 😂 😂 اااخ امي هاي مغيري الحشيش امي: خرسي انت التانية .. قال حشيش قال .. جيل اخر زمن ما بحاسب ع ملافظو مي: اي خلصنا امي .. خلص رح روح لمعلك المطبخ شو رايك امي: قلتلك سخنانة .. اكيد سخنانة .. بس يالا كتير منيح كل يوم سخني امي مي: تكرمي يا عسل انت رنا: 😂 😂

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 15) طلال: اي لؤي .. خير شو صاير لؤي: لك صدتلكن صيدة غير شكل غالب: صيدة شو لؤي: لك بنت بتكره جنس حوااا طلال: عم تمزح لؤي: والله ما عم امزح .. بكرة بتشوفو كيف رح حطا ادمن بالصفحة .. اويلييي والله لنكيف غالب: لك هاي يلي رح تنجح صفحتنا لؤي: اي لكن طلال: بس ما قلتلي مين هي لؤي: بنت عمي .. بس من هلا الحكي معا ع الخاص ممنوع غالب: هههههه اساسا ما في داعي لؤي: والله لنكيييف هالة .. خلصت السهرة ورجعت ع البيت غيرت تيابي ومباشرة ع الفيس لتنفيذ الخطوة التانية من المخطط .. بعتت طلب صداقة للؤي .. وبلشت اتصفح بحسابو .. يا الله شو انو جد جد معقد .. لك قلبو مليان ع حوا وكلشي بخصا .. وع كلشي زواج كمان بس بعيدا عن كلشي .. شخصية .. جد شخصية .. فففف لوين رحتو .. قال شخصية قال .. شو بدنا فيه .. خلينا بموضوعنا .. بعد شي عشر دقايق وانا لساتني عم اتفتل بحسابو وصلني اشعار انو قبل صداقتي .. ومباشرة اجاني رسالة ع المسنجر .. ودق قلبي مع دقتا تلت دقات او عشرة ما بعرف ههههه .. هلا المهم بمخططي ضروري كون صبورة وتقيلة .. لهيك ما رديت فورا .. لبعد شي ربع ساعة .. كفيت فيهن تصفح لحسابو ورجعتلو ع المسنجر .. هالة .. هلا لؤي لؤي.. كيفك هالة.. تمام .. انت كيفك لؤي..الحمد لله .. مممممم .. فينا نكفي حديثنا هالة..اي طبعا .. تفضل لؤي..كنت عم قول انو انا عندي صفحة عامة لكل الاشخاص المميزين يلي ما بينتمو لهالكوكب بخواريفو وبقصص حوا المعتة هالة.. شي حلووو لؤي.. يحلي ايامك .. وكنت بدي قلك تنضمي لالنا هالة.. اي ما بدا سؤال .. بعتلي دعوة لؤي.. فورا كان قلبي عم يضحك ع هالسرعة بالاستجابة .. وخلال ثواني وصل الاشعار وفتت الصفحة وانصدمت فيها .. اسما جمعية كارهو النساء .. وكل البوستات بس عن حوا والشخصيات التاريخية والسياسية السيئة ..

العضوة: 275918 , منذ 5 سنوات

هالة: لك شو هالجنان هاد ولسا عم حاكي حالي بعتلي لؤي.. لؤي.. اي هالة كيف شفتي الصفحة هالة.. ليكني عم اتفتل فيها... بس فكرتا حلوة لؤي.. يحلي ايامك .. عم قول بما انك اول انثى معنى .. ازا بتحبي فيكي تكوني ادمن معنا فيها هالة.. 😍 كتيير حلوو .. اي اكيد بحب لؤي.. تمام هلا رح ضيفك وهيك ضافني ادمن بالصفحة .. ومع المدة اضطريت نزل نكت ضد جنسي الحبيب .. جنس حوا العظيم .. ومشت الايام وانا كل يوم عم حاكي لؤي ولؤي يحاكيني وكلو بخصوص هالجمعية الغبية .. لوقت اجت الخطوة التالية من مخططي .. لؤي: لك شبها هالة اليوم ما فتحت ولا عم ترد .. يا ربي دخيلك .. رح روح شوف مي لتدقلا رحت ع غرفة مي وكان الوقت ظهر ومي غرقانة بالنوم .. لؤي: مي .. مي .. مييي مي: اي اي اييييي .. شو صاير لؤي: فيقي .. عاوزك بشغلة مي: شو صاير لؤي: مسكي التلفون دقي ع بيت عمك وسالي عن هالة .. صرلا من مبيرح المسا ما فتحت وبعتلا رسالة واتس وما ردت مي: لا اله الا الله .. هلا لهيك فيقتني اخي لؤي: اي لهيك .. مسكي دقيلا مي: حاضر اخي حاااضر مسكت مي التلفون ودقت ع بيت عمي وردت عليها مرت عمي وخبرتا انو هالة نايمة وست مي سكرت الخط بكل بساطة .. لؤي: لك ليش سكرتي ... ليش ما قلتيلا تفيقا مي: لك شو صرلك انت .. ولشو بدا تفيقا لؤي: اه .. لشو .. اي هاتي هاتي التلفون ورجعي نامي تركتا لمي ورجعت لغرفتي وقلبي لساتو عم يغلا غلي .. طيب ليش انا قلقان .. وع مين قلقان .. وشو هاد الوجع يلي عم حس فيه .. اووووف ياااا مي: لك والله باينتو وقع وما حدا سما عليه ههههه .. قال كارهو نساء قال .. لشوف الفيس بما انو راحت الناعوسة وراحت فتحت الفيس .. وكالعادة فتحت ع حساب الرجل الفضائي ابو حرف الطاء ... لك هاد جانن ع الاخير .. ههههه .. لك شوهاااد .. منزل صورة قطة شقرا .. وكاتب فوقا .. (ينكسر قلبك وتجرح روحك وتهشم عواطفك .. ثم يبعث الله لك من وسط كل هذا قطةً لتعيد ترميم كل هذا ) لك اويلييييييي شو بعشق الطاء انا 😍 .. ومدري كيف اصبعتي نطت وحطت احببته ع البوست .. لك شو اعمل بحالي .. اكسرا .. اكلاااااا .. لك الله ياخدني وياخد هالاصبع يا حق .. يا ربي شو اعمل .. لك شووووو اعمل هلا ..

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 16) طلال .. صار وقتي لاحكيلكن .. متل ما عرفتو من قبل انا كنت حب بنت .. حبيتا من كل قلبي بس هالبنت وبكل بساطة تركتني وبكل دم بارد تعزبت كتير وقت تركتني .. حسيت الدنيا كلا سودا .. وكنت عم فش خلقي بالفيس .. لوقت شفت هالصفحة .. جمعية كارهو النساء .. دخلتا لفرغ شوي من الغضب يلي بقلبي ع حوا .. وعن طريقا تعرفت ع لؤي وغالب .. وبقي هالغضب ع حوا بقلبي لهديك الليلة .. الليلة يلي شفتا فيها .. مبلولة ومتخبية بين الخزانات متل قطة صغيرة هربانة من بيتا .. وقت شفتا بهالمنظر حسيت قلبي رح يوقف .. ومن وقتا وهي عم تشاركني ليلي ونهاري وكل تفكيري .. بس لهلا ما بعرف عنا ولا شي ابدا غير انا اختو للؤي رفيقي .. وهالشي عم يعزبني ويحسسني باني واحد خاين .. بس بتعرفو شو .. هلا وانا عم حاكيكن وصلني اشعار ع الفيس .. وبتعرفو شو هالاشعار من بنت اسما مي .. وبتعرفو شو هالبنت هي اختو للؤي .. يعني بتعرفو شو .. يعني هالبنت مراقبة فيسي .. يعني بتعرفو شو .. اكيد بتعرفو شو .. اويليييييييي هالة .. وهلا دوري انا .. صرلي تلت ايام مسكرة فيس وما عم رد لا ع رسائل مسنجر ولا واتس .. بس شايفتن كلن .. والضحية وقعت وما حدا سما عليها .. خطتي نجحت باسرع ما كنت متخيلة .. وهلا بكفي هيك رح حاكيه .. هالة .. كيفك لؤي لؤي.. هااالة .. لك وينك يا بنت هالة.. هلا لؤي .. بعتزر ما رديت عليك .. بس كنت تعبانة شوي من الدنيا 😔 لؤي.. خير شبك هالة.. ولاشي .. ما تحط ببالك لؤي.. خير شو صار هالة.. لؤي بصراحة انا حبيت شخص لؤي.. كيف !! كيف يعني حبيتي شخص .. ومين هو هالة.. والله ما بعرف كيف حبيتو .. بس حبيتو وخلص

العضوة: 275918 , منذ 5 سنوات

لؤي.. مين هو هالة.. ما فيني احكيلك لؤي.. ماشي براحتك .. صار لازم سكر بحاكيكي بغير وقت سكر لؤي الخط وحسيت بوجع كبير بقلبي .. وجع عليه ؟؟ او منو ما بعرف .. بس ليش هالوجع 😔 مي .. مرق ع الحادثة السودا يومين والحمد لله الوضع لساتو مستتب وما في شي جديد .. غير انو مااالة وبدي شي غير جو .. وكالعادة ما الي غير حبيبة قلبي رنا .. ليكا نايمة .. كيف رح فيقا ..كيف رحت ع المطبخ متل البطلة وجبت اطرميز المربى يلي بحبو وبلشت ادهنلا بوشا لرنا .. بس خفت تفطر بسببي لهيك ما حطيت حوالين تما .. وقعدت ع جنب اتفرج وصور .. ليكا اجت اول دبانة .. اووووو بلشت تنده ع اخواتا .. يا سلااام بلشو يجو كلن .. بلشت رنا تتدايق واخيرا وتحرك بحالا .. ولييي حطت ايدا ع وشا 😂 😂 😂 رنا: لك شو هاااد مي: 😂 😂 😂 😂 😂 رنا: ولي مي والله لادبحك مي: 😂 😂 😂 😂 😂 سكرت التلفون وهربت منا بسرعة وهي ركضت ورايي متل المجنونة .. وانا عم اركض بكل خفة واطلع لورا واززززز في شي كبيير كتيير وقف بطريقي .. هالشي حافظتو منيح .. بعرفو من ريحتو .. لك هاي ريحة نبع الحناان .. بلعت ريقي وهيات وشي للشحاطة .. بس كانت ردة الفعل غير متوقعة ابدا .. وهلا بعد ساعتين من هالحادثة ليكني الحمد لله قاعدة بكل صحتي وكمادات المي الباردة ع ادي التنتين .. حاكم نبع الحنان سنانا لساتن شباب اسم الله ..

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 17) لؤي .. لك انا شو بدي فيها حبت مين ما تحب .. تضرب منا لالو امي: لؤي امي لؤي: تفضلي امي امي: مممممم كيفك لؤي: هههههه منيح امي .. شو ورا هالسؤال امي: ما بعرف .. صرلك يومين مالك ع بعضك لؤي: ما في شي امي .. يمكن لصيام تعبني امي: متاكد !! يعني ما بدك تخبرني شي لؤي: لا ابداااا .. بس جوعااان مووت .. شو عاملتلنا ست الكل اليوم امي: شبك امي .. اليوم فطورنا ببيت عمك محمد لؤي: عم تمزحي امي امي: لا ما عم امزح .. كل العيلة اليوم فطورا عندن لؤي: ماشي ماشي امي طلعت امي من عندي ووقفت ع السرير وصرت نط متل المجانييين .. (يا ليلي ويا ليلا ... ) امي: اسم الله ابني .. فيك شي لؤي: امي .. انت لساتك هون امي: لا انا مو هون هههههه لؤي: اي خلص طمنتيني فكرتك هون امي: هههههه الله يثبت علينا العقل والدين مي ... مر اسبوع كامل ولساتنا ع حالنا .. قلبي عم يجعني كتير .. لك تضرب الخزانات وتضرب المي واضرب انا وقلبي الغبي ندق الباب واجت لمى .. (مييي .. شو عم تعملي 😂 😂) مي: ولا شي مرت اخي .. كنت عم صلي ورح اقرا قران لمى: اي كتير منيح .. تقبل الله مي: منا ومنك لمى: 😂 😂 مي .. حبي بدي اسالك فيكي شي.. حابي تحكيلي شي مي: هااا .. شي متل شو يعني لمى: 😂 😂 ما بعرف ايا شي .. حاكم حاسيتك هيك متغيرة شوي هاليومين مي: لا سلامة قلبك لموشتي .. ما في شي .. بس بالي مشغول ع رهف وايهم .. رهف اعصابا تعبانة وشادي صار لازمو دكتور لمى: 😂 😂 😂 والله معك حق .. حاكم الدبان كتران هاليومين مي: مرت اخي .. بتعرفي وقت حاكيكي بالغصب شي من جواتي بيضحك هههههه .. بس انو شو قصة ضحكتك هاي لمى: 😂 😂 والله ما بعرف .. بس بحسا بتطالع كلشي جواتي .. الحياة كتير صعبة وبدا عقل كبير وقلب ميت مي: انت عم تحكي هيك .. والله اخي ادهم ما في منو وبيحبك كتير

العضوة: 275918 , منذ 5 سنوات

لمى: 😂 لك يا ريت الدنيا كلا متل ادهم .. لك صوتو وهو عم يقرا قران كفيل بانو ينسيني كل همومي .. بس الحياة بدا كتير .. واساسا لو ادهم مو معي ما كنت تحملتا .. بكرة ربنا بيعطيكي شي واحد اجدب بيحب القطط وبتفهمي حكيي 😂 😂 😂 مي: قطط 😲 😲 لك شو قصتكن انتو لمى: لك ليش في احلا من القطط 😂 😂 .. تعي معي لنروح لعند رهف نطمن عليها مي: اي يالا .. رح دق لسناء كمان رحنا كلنا لعند رهف .. سناء: اوووووو .. لك ازا من باب بيتا هيك الروائح بتشل كيف جواة بيتا مي: اي والله غير شكل فتحت رهف الباب ووقت شافتنا تغير لونا .. لمى: 😂 😂 لك شبك وكانو شفتي عفاريت رهف: لا ولووو اهلا وسهلا .. بس دخيلكن شلحو من اجريكن برا .. والله هلا شادي بيخليني ارجع اشطف كل البيت مي: تكرمي مرت اخي تكرمي

العضوة: 275918 , منذ 5 سنوات

دخلنا للبيت ويلي كان متل العادة .. بيسحر بيجنن .. ريحة النظافة بتهفهف هفهفة .. وقعدنا ع الكنب .. ولسا عم نحكي معا وما بنسمع غير صوت شادي من جوا عم يصرخ .. رهف: لا اله الا الله اجا شادي من جوا متل المجنون وقميصو بايدو .. (لك رهف .. لك ليش هيك معلقتي هااا .. ليييش ) رهف: ايهم عنا ضيوف شادي: هدول مانن ضيوف لا تغيري السيرة .. ستني ستني شوي .. عقمتيلن اديهن قبل ليفوتو لمى: 😂 😂 😂 😂 😂 العمى لك هاد جانن ع الاخر مي: لك شبك اخي والله نحنا نضاف والله .. يعني كلنا بنصلي وبنتوضى خمس مرات .. وغير الجلي والغسيل والشطف والتمسيح .. يعني طول الوقت عم نغسل ونضف شادي: اي وازا .. انا ما فيني دخلكن غير مع معقم .. وفهمتا هالشي بس هي ناوية تجنني اطلعت رهف فبنا ودمعو عيونا .. (بعتزر منكن كتير ) سناء: لا تعتزري حبيبتي ... خلص نحنا رح نروح .. بخاطركن وقفنا لنطلع وما بنسمع غير صوت شادي.. (رهففففف .. شبك .. لك شو صرلك) سناء: لك تضرب منك لنضافتك .. غميت المخلوقة من قهرا بلشنا فيها ع عطر وبصل ومدري شو لتورم انفا وما كانت تصحى .. لمى: 😂 😂 لك انفا رح يطق .. حملا ع المشفى سلفي واخدها ع المشفى هو وامي يلي طلعت ركض لخبرا ... وبعد ساعة رجعت امي والدنيا مو واسعتا من فرحتا .. مي: خير امي .. طمنينا امي: مرت اخوكي حامل ولله الحمد مي: الحمد لله .. الحمد لله .. يا سلاااام واخيرا بعد تلت سنين عزاااب .. رح روح شوف شادي امي: تعي تعي تركيهن هلا .. شادي جانن هههههه .. وقت قلو الدكتور بلش يبكي ويبوس بايدا ويقلا سامحيني والله من بكرة لنروح عند دكتور نفسي ... سامحيني .. خلص ما عاد بدي تشطفي ولا تغسلي مي: اوووخ .. واخيراا امي: وهلا جهزو حالكن لنروح لبيت عمك ما بقي وقت

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 18) لؤي .. لبست وجهزت حالي وعقلي كلو عندا .. هالة .. ما بعرف شو عم يصير معي .. لك انا لؤي يلي كل بنات الجامعة عم تركض ورايي وولا وحدة قدرت تحرك فيني شعرة .. تجي هالة وبكل بساطة تقلب كياني .. اوووخ يا ربي ساعدني امي: يالا يا امي وينكنن اتاخرنا مي: اميي وينو ابو مسمااار امي: ستحي ولي مي: ما حكيت شي امي .. هلا بدي اسالك .. هلا انفو لبابا وقت اخدتي كان هيك معقوف او انت عقفتيلو ياه امي: مييييي .. سكتييييي مي: ايييي امي شبك .. عم امزح معك لؤي: انا جاهز ابي: شو جاهزين يابي مي: اي ابو مسمااار جاهزين معلم ابي: هههههههه مشي ميوووشتي مشي طلعنا كلنا سوا لبيت عمي .. اشيا غريبة بقلبي عم حس فيها .. شي حلو وبنفس الوقت موجع .. دقينا الباب وطلو علينا عمي وبعد شوي مرت عمي .. البنات فاتو لجوا وبقينا نحنا لرجال ع البرندة .. وبقينا ع هيك لوقت لفطور .. واجت هالة .. هالة: كيفك لؤي لؤي: تمام .. الحمد لله وانت كيفك هالة: الحمد لله منيحة تجمعنا كلنا ع الفطور .. وكنا قاعدين وعم نستنا لياذن وقت قالت امي .. (وقت استجابة الدعاء يا ولاد .. ادعو لبعضكن ) وما بعرف كيف لقيت نفسي عم تردد هالدعاء .. (يا رب نور دربي وقربني لالك .. يا رب بعدني عن الحرام وقربني من الحلال .. يا رب اجمعني بهالة بالحلال واجعلا من نصيبي .. يا رب ازا ما كانت نصيبي تشيلا من تفكيري ومن كل حياتي) وقت رددت هالدعاء انصدمت من حالي .. لك انا هلا اعترفت لحالي باني .. اني .. بحبا .. لااااا 😲 مو زااابطة .. لك وجمعيتي ومبادئي وين راحوووووو .. لك شو رح يعملو فيني الشباب .. لك وبعيدا عن كل هاد .. هالة عندا شخص بحيانا .. فففففف .. وطالعني من هالتفكير والمشاحنات صوت الاذان .. يلي حسيت كل كلمة منو عم تتغلغل فيني وبكل كياني ..

العضوة: 275918 , منذ 5 سنوات

كنت مغمض عيوني وعم ردد مع المؤذن ووقت خلص فتحت عيوني واطلعت قدامي واتفاجات بهالة مقابيلي .. وشفتا مسحت دمعة من عينا .. الظاهر حبا متعبا كتير .. مي.. خلصنا فطور وفتنا سوا ع المطبخ وبلشت احاديثنا الحوائية .. مي: اي ولي هالة .. شو صار خبريني .. وكيف لقيتيها للصفحة بالله سناء: لك ايا صفحة لمى: 😂 😂 لسا ما عرفتي .. صفحة تجمع كارهو النساء والاشخاص الذين لا ينتمون لهذا الكوكب البائس رهف: والله انا رح روح معن هههههه مي: انت ما بتروحي ع مكان .. انت مكانك بقلبو لشادي وبس 😉 سناء: يما الحب يما .. والله يا رهف وشك وردد لمى: 😂 😂 اي لكن هاد من اثر لولاد ربي ما يحرمن لمخلوق مي: هلا ليش غيرتو الموضوع .. شبك ولي هالة ليش ساكتة .. تعي لشوف شو صار والله اخي مانو ع بعضو ومكركب كركبة غير شكل

العضوة: 275918 , منذ 5 سنوات

هالة: اي نسو للموضوع .. انا فشلت بالرهان خلص ما عاد بدي مي: شو هالحكي .. هلا انت هالة يلي عم تحكي لمى: 😂 😂 طفشا للمخلوقة وبقينا ع سيرة رايحة وسيرة راجعة لخلصو الجليات وكملنا السهرة ورجعنا ع البيت .. تحممت حاكم كل زفرة الاكل حسيتا علقت فيني وتوضيت وصليت العشا وتراويح ... وبلشت اقرا قران وقت دق لؤي الباب واجا .. لؤي: تقبل الله يا حلوة مي: منا ومنك اخي لؤي: مي .. انت ع طول رفيقتي مو مي: وهاي سكرنا المصحف .. الواضح هالمرة انت يلي بدك شي مني هههههه لؤي: بس بدي اسالك سؤال .. بس بدي توعديني يبقى سر بينا مي: ولا يهمك اخي .. بيييير لؤي: بيير ؟؟ ما علينا .. بدي اسالك عن هالة مي: ههههه شبها لؤي: ليش عم تضحكي وليي مي: ولا شي اخي كمل كمل شبها لؤي: انت رفيقتا وعلاقتكن منيحة .. ما خبرتك ازا الا علاقة هيك او هيك مع شي شب ضربت ع صدري وشهقت .. (لك شو هالحكي يا اخي حرام عليك .. هاي بنت عمك وما الا بهيك حركات ) ضربني بكفو ع رقبتي وقفلي كل حواسي .. وحسيت بكل مسامير عيلة ابو مسمار عم ينكشو براسي .. لؤي: ولك يا جدبة .. قصدي ما خبرتك انو معجبة بشي شخص مي: ليش عم تسال اخي .. من الاخر خبرني لخبرك كلشي بعرفو ... بس مو قبل لتخبرني كلشي لؤي: هلا بصراحة .. هالبنت الظاهر انو قدرت علي وغيرت مسار حياتي .. ما بعرف شو صرلي من وقت حاكيتا .. ما عم تروح من بالي ابدا .. وكاني لاول مرة بشوفا وبعرفا .. بس بصراحة هي خبرتني انو في شخص بحياتا ومتعبلا قلبا مي: ايوااااه .. اخي الوضع هيك ما بينسكت عليه .. سماع لقلك .. بصراحة اخي .. هالة عم تلعب لعبة .. او بالاحرى كلنا نحنا عم نلعب لعبة .. هالة راهنت بانو رح تفك عقدتك خلال شهر .. بس خزيت العين باسبوعين فكتا وفكت ابوها كمان لؤي: م... م.. ما فهمت .. لعبة شو .. ومين انتو .. مين كلكن مي: كلنا حواء ابو مسمار وبنات عمومك .. ومتل ما قلتلك كل الشغلة رهان ولعبة .. وهالة لا بتكره حوا ولا بتحب صفحتك ولا جمعيتك ولا في شخص بحياتا .. كلو كزززب او لعببب

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 19) فجاة حسيت الدنيا عم تدور فيني .. وما خطرلي بهاللحظة غير قرطوس البوظة والبنت ام جدايل يلي تركتني كرمال هالقرطوس .. مي: اخي انت منيح ما بعرف كيف هجمت ع مي ومسكتا من رقبتا وصرت صرخ بوشا .. (لك كلكن كززززابات .. خايناااات .. لك عم تلعبو بمشاعري .. وعااادي وعم تتمسخرو علي .. والله ويلي اسمو الله لخليكن تندمووو .. لك انا لؤؤؤي لؤؤؤي ) وفجاة وعيت من عصبيتي ع صوت رنا .. (،لؤي .. رح تموتا .. لؤييي .. تركا اخي تركااا) اطلعت برنا يلي تخيلتا شيطانة .. كلن شياطين كلن .. وتركتا لمي واطلعت ع السطح وانا مخنوق ومحتار كيف اتصرف .. وكيف بدي ردلا ياها.. ولسا عم فكر وشارد بهالعتمة يلي بتشبهن كتير .. بتشبه حوا يلي كلن سواد بسواد .. بدق تلفوني .. اطلعت بالرسالة وكانت من هالة .. لؤي : ههههه رح تكملي لعبتك .. اي ماشي كملي فتحت الرسالة وكانت هيك .. (لؤي .. مخنوقة كتير لو سمحت حاكيني ازا في مجال ) ومباشرة دقيتلا .. وع اول رنة ردت .. هالة: لؤي .. كيفك لؤي: منيح .. كتير منيح .. انت كيفك هالة: مو منيحة ابدا .. تعبانة لؤي ومخنوقة شديت ع ايدي لفرغ غضبي وما تفرط اعصابي ورديت عليها بكل برود .. لؤي: ليش .. شو صاير هالة: لؤي .. متزكر وقت قلتلك انو .. انو حبيت شب لؤي: اي هالة: ساعدني لؤي بترجاك .. هالشب عم يتغلغل فيني .. ما عم بقدر طالعو من تفكيري ... كلشي فيه عم يشدني الو .. صوتو .. ضحكتو .. عصبيتو .. شكلو .. عطرو ومن بين كلماتا سمعت شهقات بكي .. ما عم بستوعب كيف فيها تقدر تمثل لهالدرجة .. نخنقت وتميت ساكت لفترة .. كنت بتمنى تكون هالكلمات واقع ومو كزب .. كنت بوقتا ما ترددت ولا لحظة لقلا انو هي الي انا وبس و مستحيل اتركا لغيري او اسمحلا تحب غيري.. بس هلا رح كمل اللعبة معا .. ورح قلا قديش بحبا .. ورح خليا تحبني بالغصب ..بس لحتى اقدر ردلا ضربتا ..

العضوة: 275918 , منذ 5 سنوات

هالة: لؤي .. انت معي لؤي: معك .. معك هالة .. بس ما عم بقدر اتحمل انو تحكي عن حبك لشخص تاني قدامي .. انت عم تموتيني يا هالة هالة: ما فهمت .. انت شو الك علاقة بالموضوع لؤي: هالة .. هالة غمضت عيوني وحسيت بالدمعة يلي نزلت مننن .. كانت سخنة كتير .. حرقت جفني متل ما حرقت هالة قلبي .. لؤي: هالة انا بحبك شهقت هالة شهقة بصوت عالي .. (لؤي .. صار لازم سكر .. بعتزر منك ) سكرت الخط وما بعرف شو صرلي .. نزلت ع ركبي ع الارض وبكيت من كل قلبي .. انا لؤي .. يلي كنت مسكر قلبي من كلشي حوا .. كلشي مؤنث كنت اكرهو .. اوقع بفخ وحدة متل هالة .. قويت حالي ومسحت دموعي ورحت لعند مي .. يلي كانت عم تبكي .. ووقت شافتني ركضت لعندي وضمتني .. (سامحني اخي بترجاك .. سامحني ) مسحت ع شعرا .. واطلعت فيها .. لؤي: لك قديش صرلك ما مشطي شعرك ولي شرنة مي: اخييي سامحني يا روحي لؤي: مسامحك .. اساسا ما فيني غير انو سامحك .. بس بدي وعد منك وايااااك تخلفي مسحت دموعا متل المجنونة ومسحت انفا بطرف كما ولعتلي نفسي .. (بوعدك اخي بوعدك) لؤي: لك من ايمت انت معفنة هيك وليي مي: بلا غلاظة لؤي لؤي: ههههه .. بدي تكملي اللعبة مع هالة وما تقليلا انو انا عرفت مي: بوعدك اخي بوعدك .. بس ع شو ناوي لؤي: مييي .. ما دخلك عملي يلي قلتو مي: حاضر اخي حاااضر