العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 27) عمي وقت شاف لؤي بهالحالة حسيت الدم نشف بعروقو .. وخاف يصرلو شي للؤي .. عمي: لؤي روووق ابني روووق لؤي: لا حدا يقلي رووق .. انا طلبتا لبنتك وافق وخلينا نقرا الفاتحة عمي ضربت مرت عمي اديها ببعض .. (لا حول ولا قوة الا بالله .. لك نحنا ناقصينك يا ابني ) مي: لك اخي شو صرلك لؤي: انت خرسيييي .. اساسا كل المصايب منكن .. والله ازا صرلا شي لادبحكن وحدة وحدة عمي: لؤي شو عم تحكي انتي .. شو الن علاقة هني لؤي: مو وقتو هلا .. عمي .. مرت عمي . . بترجاكن عمي: ازا الله اشفاها وبعد ارادتو ومشيئتو فهي الك لؤي: الفاتحة عمي عمي: لؤيييي لؤي: الفاااتحة كلكن عمي: الله يجيبك يا طولة البال ... قرؤو الفاتحة قرانا الفاتحة وخلال ثواني مدري كيف اختفى .. وراح لعندا .. ع غرفتا .. لؤي .. فتت الغرفة وشفتا بهالحالة وطقو فيوزاتي .. انا السبب بيلي صرلا .. انا .. ما رح سامح حالي ازا صرلا شي لؤي: هالة .. بنت عمي ورفيقتي وحبيبة قلبي .. سامحيني بترجاكي .. انا غبي .. غبي كتير وكزززاب .. لك انا بحبك وبحب كلشي فيكي .. لك حتى كزبك حبيتو .. انا بعشقك يا روحي .. بترجاكي فيقي .. ليكي .. هلا .. هلا نحنا صرنا لبعض .. اي لبعض .. هلا طلبت ايدك من عمي ووافق وقرانا الفاتحة .. فتحي عيونك يا روحي .. فتحي النيرسة: هههه نيالا عليك وع هيك حب .. جد نيالا لؤي: بترجاكي عملي المستحيل لترجعيلي ياها .. شتقتلا وشتقت لضحكتا ولعبااا النيرسة: لا تخاف .. انا متاكدة رح تصح .. اي لو كانت ميتة وسمعت هالكلام رح تفيق .. فلا تقلق لؤي: يااا رب

العضوة: 275918 , منذ 5 سنوات

بقينا بالمشفى عم ننطر لوقت السحور .. بوقتا دقت امي .. لؤي: اي امي .. انا بالمشفى .. اي امي لساتني بالمشفى .. اي .. لساتا ع حالا ... ماشي امي ماشي .. ليكنا جايين سكرت الخط واطلعت بمي .. (مشي معي رح وصلك ع البيت ) مي: ماشي اخي ركبنا بالسيارة ونحنا ساكتين .. لوقت حكت مي .. مي: اخي .. انا جد بعتزر منك .. بس والله ما تخيلت الامور توصل لهون والله (تبكي) لؤي: ففففف .. حاااج بكي اعصابي تعبانة كتير .. انا يلي بعتزر منك .. انت ما الك علاقة وانا زودتا كتير عليكي مي: الله يخليلي ياك يا اخي ويريح قلبك ويشفيها لهالة لؤي: امين يا رب وصلتا لمي لباب البيت .. (نزلي ) مي: ما رح تنزل انت لؤي: لا .. رح ارجع ع المشفى مي: ماشي اخي .. انتبه ع حالك رجعت ع المشفى واخدت معي مي وتمر .. وصلت لغرفة هالة وما كانو اهلا موجودين .. للحظة حسيت الدنيا كلا وقفت .. وما بعرف كيف ركضت ع غرفتا .. كانو كلن مجمعين حولا السرير .. وقف قلبي من شوفتن .. لوقت سمعت صوتا .. هالة: الله يسلمكن ويخليلي ياكن رتحت ونزلت دمعتي بالغصب .. مسحتا بسرعة وقربت لعندن .. والتمر والمي لساتن بايدي .. لؤي: تفضلي بنت عمي .. هاد مهرك هالة: لؤي !! لؤي: اي .. لؤي .. ابن عمك وخطيبك هالة: لؤي .. شو عم تحكي لؤي: ازا ما بدك خلص بلاها هالة: لا يعني بس انوو لؤي: انو شو ... يا اما بتوافقي يا اما بخطفك مرت عمي: لك شو هالجيل هاد .. لك ستحو لؤي: حماتي حياتي .. ليكون ما عجبك مهر بنتك .. ترا ما في ابرك من المي والتمر هااا عمي: هههههه الله يرضى عليكن يا ابني .. بس لسا بكير ع هالحكي البنت لساتا مانا قدرانة تطالع الكلمة .. واهلك ما عندن خبر لؤي: محلولة عمي محلولة .. كلشي محلول .. وهلا كلو تمر وشربو مي قبل لياذن

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 28) فتت ع البيت واستقبلتني اسئلة امي .. امي: وينو اخوكي مي: رجع ع المشفى امي امي: لا اله الا الله .. جن هالولد جن مي: اي والله يا امي جننن ع الاخير امي: وكيفا هالة مي: لساتا ع حالا .. بس الدكتور طمنا انو رح تتحسن ابي: اي ان شاء الله .. ان شاء الله قعدت معن وتسحرنا .. وصلينا ونمنا .. كنت نايمة وغاطة بالنوم .. ومخلوقي الفضائي قدامي بشعراتو وعطرو .. وبئيدو قطة صغيرة عم يلاعبا وطعميها .. وانا عم اطلع عليه وسرحانة ببديع خلق الله .. امي: مي .. مي .. ميييييي مي: اي اي اي .. اييي امي امي: فيقي صلي الظهر .. يالا يا امي مي: حاضر يا امي حاضر .. الله يسامحك بس امي: اي الله يسامحنا الجميع .. فيقي عجلييي وليي مي: حاضر امي حاااضر امي: صلي وتعي لعندي ع غرفتي صليت ورحت لعندا ع الغرفة .. كانت عم تقرا قران وابي عم يتصفح فيس .. وقت شافتني حطت القران ع جنب .. امي: تعي امي تعي مي: اي امي امي: بعرف امبيرح عصبت عليكي كتير وزعجتك ... بس صدقيني كلو من خوفي عليكي .. بكرة وقت بتتزوجي وبيجيكي بنات رح تفهميني .. البنت يا امي متل القزاز ازا نخدشت مستحيل ترجع متل قبل .. وانا بدي ياكن تبقو قزاز بيلمع وما حدا فيه يخدشكن .. ربي يوفقك يا امي ويسعدك نزلو دموعي بالغصب وضميتا لامي .. (ربي يخليلي ياكي يا امي وما يحرمنا منك ) ابي: اي وانا شو مي: لك انت الاساس عمو ابو مسمااار .. حبك انا امي: تادبي ولييي ابي: اي لا تدخلي بيني وبين بنتي .. تعي يابي تعي عطيني عبوووطة رحت لعندو وضميتو وبوستو .. ابي: والله وكبرت ميوشتنا لصغيرة وصارت عروس مي: الله يخليلي ياكن يابي

العضوة: 275918 , منذ 5 سنوات

امي: وهلا يامو .. اول شي رح نروح لعند لمى لطيب خاطرها .. وتاني شي بترجعي لتجهزي حالك .. بعد لفطور جايين الجماعة ليطلبو ايدك وبلشت لطبووول تدق بقلبي وصار قلبي يغني ويرقص .. ووشي قلب ع احمر واصفر واخضر .. ونفسي داق وعيوني زغللو.. امي: لك شبك .. مييي مي: هااا .. لا .. ولاشي امي ولاشي امي: لكن لبسي يانس الصلاة لنروح لعند لمى لبست ورحت مع امي لعند لمى .. دقينا الباب وفتحتلنا .. لمى: 😂 😂 يا اهلا وسهلا .. تفضلو تفضلو ضمتا امي للمى وبوستا .. (سامحيني يا بنتي .. والله مو بقصدي .. مدري كيف طلعت مني ) لمى: شو هالحكي مرت عمي .. بعرف ولا يهمك .. تفضلو .. كيف لموشتييييي 😂 😂 مي: اهلا مرت اخي لمى: 😂 😂 😂 لك والله ما عم صدق .. هلا رح اضطر قلك مرت اخي مي: ششششش سكتي لمى: 😂 😂 😂 ماشي ماشي قعدنا شي ساعة عند لمى واجو سناء ورهف وقضيناها ع ضحك وحكاوي وخصينا بالذكر اخي حبيب قلبي شادي وفصولو يلي ما بتخلص مع رهف .. امي: هلا الله يرضى عليكن يلي عليها شي شغلة تخلصنا وتجي فورا خلال ساعة كلكن بتكونو عندي .. بدنا نرتب البيت ونجهز الضيافة .. سناء: والله ما عم صدق .. القطقوطة رح تتزوج مي: ففففففف سناء: خلص خلص فهمنااااا 😂 😂 رهف: 😂 😂 😂 والله وانا كمان ما عم صدق امي: كلشي بهالدنيا نصيب

العضوة: 275918 , منذ 5 سنوات

رجعنا ع البيت ودقت امي لاختي وفاء ولرولا ليجو ع جمعة المسا .. وبلشنا بتجهيز البيت ع حت ونتف وتلميع وتزيين ومدري شو .. خلصنا وفتت ع غرفتي لاخد تيابي لاتحمم .. وازز برنا عم تبكي .. مي: اختييي .. لك شبك رنا: ولا شي يا روحي .. سلامتك مي: انو سلامة هاي .. اختييي انت زعلانة لانو رح اخطب قبلك .. خلص اختي هلا بنهي كلشي والله ضربتني ع كتفي وتبسمت من بين دموعا . .. رنا: ولي جدبة .. وليش لازعل هاااا .. انا بس نفسيتي تعبانة كتير من البكالوريا .. لفحوصة قربت وحاسة حالي ما عم لحق .. وكل سهرات رمضان راحت .. لا عم شوفكن ولا عم لحق دراسة مي: يا قلبي انا .. هلا ليكي انا لسا ما جربت البكالوريا .. بس صدقيني متاكدة انو كل يلي فيكي بس تعب نفسية .. لك انت ع طول متفوقة ليش لتخافي ... وغير عن هيك من بداية هالسنة وانت راسك بالكتاب وانا متاكدة ربنا رح يجبر بخاطرك وتحصلي مجموع لتدرسي الطب يلي بتحلمي فيه رنا: ومين قال انو عم احلم بالطب مي: لك شو بعرفني .. انا دائما بشوفن بالمسلسلات حلمن يدرسو طب رنا: 😂 😂 😂 لك تضربي اييي .. انا رح ادرس تاريخ .. بس تاريخ لعلم الناس تاريخ بلادنا وجدودنا مي: ههههه اي كلو طب عادي يعني رنا: ههههه وكيف بقى هاي مي: لك الطب العادي بيعالج الناس من المرض .. وهاد تاريخك رح يعالج عقول الناس من جهل تاريخا .. كيفك فيني رنا: 😂 😂 😂 بتجنني مي: لك راح الوقت وانا عم اعطيكي محاضرات .. والله لو تجي امي هلا وتشوفني لساتني ع حالي لتقطع الشحاطة علي رنا: لكن قومي وعجلي هههههه

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 29) تحممت وجهزت تيابي لالبسن بعد لفطور وسمعت الاصوات عم تعلى برا .. صوت اختي حبيبة قلبي وفاء .. وطلعت ركض لشوفا .. ووقت شافنني ضمتني وبلشت تبكي .. وفاء: والله وكبرتي يا روح اختك .. الف مبروك يا روحي مي: الله يبارك بعمرك اختي رولا: احم احم .. ميووشتنا الحلوة مي: رولااا .. كيفك رولا: مشتاقة يا روحي .. لك الف الف مبروك .. هاتي عبوطة مي: هههه الله يبارك فيكي لؤي: ما شاء الله ما شاء الله .. شو هالتجمع هاد امي: جمعة خير ان شاء الله يا امي .. واخيرا فقت يا قلبي لؤي: لا امي لساتني نايم .. هاد شبحي يلي عم يحاكيكي وفاء: هههههه بطل جدبنة ولاا وتعا خووود بوسة لؤي: هههه اهلا اهلا بام التوم .. اهلا وهيك تجمعت كل عيلتنا ع الفطور .. لاول مرة بحس قديش هالعيلة حلوة .. حلوة كتير .. وقت شفتن كلن مجمعين ع الفطور دمعو عيوني ودعيت ربي يحميلي ياهن وما يحرمني هالجمعة .. امي: ادعو يا امي لبعضكن ربي يريح بالكن كلكن .. يمكن هالفطور يكون اخر فطور النا سوا .. والله العالم السنة الجاية رح نكون مع الاحياء او الاموات وفاء: شو هالحكي يا امي .. الله يديمكن فوق روسنا ويطول بعمركن واذن المغرب وفطرنا سوا وكالعادة صلينا جماعة ومن بعدا هني فاتو ع المطبخ وانا ع غرفتي لجهز حالي .. كلشي متل الحلم .. ما عم صدق بانو بهالسرعة هاي رح انخطب ومن اول شب بيعجبني .. او بالاحرى من اول شب بشوفو .. يا الله شو فرحانة لبست فستاني الوردي الناعم وشالة زهر وحطيت كحلة .. وسمعت بصوت الباب ودق قلبي وقصفو ركبي .. وسمعت صواتن وقت فاتو .. وانا عم اتوتر بزيادة .. رنا: لك اهدي شبك مي: خاايفة ... رح موت من رعبتي ندق الباب واجى لؤي .. وقت شفتو ما بعرف شو صرلي وفرطت بالبكي .. لؤي: لك شبك ولي جدبة هههههه وقرب مني وضمني .. (لك انت عروستنا الليلة ما في بكي .. غسلي وشك وتعي يالا ) مي: حاضر اخي رتبت حالي وطلعت لبرا .. وكانت لمى بانتظاري هي والشلة بالمطبخ .. ووقت فتت كلن فرطو ضحك .. مي: اسم الله عليكن شبكن .. عدتكن لمى

العضوة: 275918 , منذ 5 سنوات

لمى: 😂 😂 فرحانينلك يا روحي .. يالا مسكي هاي صينية القهوة .. وليكي هاد فنجان طلال ماشي مي: فففف ماشي ماشي اخدت الصينية وقلبي عم يرجف وفتت لعندن وعيوني بالارض .. مي: السلام عليكم ردو السلام كلن .. وامو للحب عم تصلي وتبارك ع الحبيب محمد .. ابي: الله يرضى عليكي يا بنتي بلشت بتقديم القهوة ووصلت لعندو .. مد ايدو لياخد الفنجان .. وهمسلي شتقتلك قطقوطتي لك ان شاء الله اعدم كل القطط لاجلك .. لك ان شاء الله موووت .. لك روح فعس ..لك انت بعقلك لتحاكيني بهيك موقف. .. وهووب رجفو اديي واندلق الفنجان ع بنطلونو .. وانا دبت من خجلتي وما عرفت شو اعمل .. بقيت واقفة متل الجدبة وحطيت اديي التنتين ع عيوني وبلشت ابكي .. امي: بسم الله عليكي شو صار امي ام طلال: خير خير .. كبة القهوة خير باذن الله طلال: 😂 😂 اسف يا جماعة انا يلي كبيتا للقهوة .. مدري شو صرلي تركتن عم يحكو وهربت ع المطبخ .. ولاقوني الشلة وعملو هجوم علي .. وكلو عم يسال .. لوقت سمعت صوت لؤي وطلال ع المغسلة وفارطين ضحك لمى: 😂 😂 لك شو صار .. رح روح شوفن طلعت لمى وانا لساتني عم ابكي .. ورجعت بعد بشوي .. لمى: 😂 😂 😂 😂 لك قلتلك شربي ياه مو لبنطلونو .. تعي تعي بلا جدبنة .. رح نفوت سوا مي: لا مستحيييل لمى: بدك تزعلي لاخي من اول يوم .. تعي بدو يشوفك تعي والا ببطل مي: شو يبطل ما يبطل مو بكيفو لمى: 😂 😂 لكن امشي معي

العضوة: 275918 , منذ 5 سنوات

ورجعت مع لمى ع الغرفة وكلن بلشو ينكتو علي ويضحكو .. ومن بعدا بلشو بالجد وقرانا الفاتحة سوا وبلشت التبريكات والتهاني .. لؤي: الف مبررروك شريك طلال: الله يبارك فيك .. عقبالك حب وسلمت ع الكل ووصلت لعند طلال .. وجمدت ..ما عرفت شو بدي اعمل .. ابي: سلمي ع خطيبك يابي مد ايدو طلال واطلع فيني وانا صوت دقات قلبي مسموعة من تاني حارة .. طلال: مبروك علينا مديت ايدي وسلمت عليه .. ويااااا ويلييييي .. ميييي باردة او سخنة .. لااا مو مي .. تلج .. لك لاااا مو مي ولا تلج .. ما بعرف شو .. بس شي هيك بيمشي بكل جسمك .. شي حلو وبيعمل وجع بالقلب .. وما وقفت ع هيك .. لك هالفضائي شد ع ايدي .. وقرب من ادني وهمسلي .. (بحبك يا مجنونة ) وانا جمدت بزيادة ونفسي داق ودخت .. مسكني من ايدي وثبتني .. طلال: لك شبك مي: س .. س.. سكووت .. ما تحكي شي ابداااا طلال: حاضر ههههههههههه امي: طلال .. خدا لخطيبتك امي وطلعو ع طاولة السفرة احكو سوا لك شو عملتي يا نبع الحنااان شووووو .. لك مو عاساس قزاز ومدري شوووو طلال: يالا مي

العضوة: 275918 , منذ 5 سنوات

جمعية كارهو النساء (كمالة 29) مي.. مي.. لك مو قلتلك سكوووت .. يا ربي كيف انا كنت بزمناتي وقف ع رجلي .. رح حاول وان شاء الله ما اوقع .. ثبتت حالي ووقفت .. ومشينا سوا لرحنا ع طاولةالسفرة وكل الانظار علينا ... مي: ت.. تفضل طلال: شكرا .. تعي حدي يااااا ويلييي لك بربك سكووت .. دقيقة دقيقة وحدة بس لاقدر جمع .. رحت وقعدت ع الكرسي القريبة منو .. وعيوني بالارض .. طلال: لك شبك .. مضيعا شي ع الارض .. رفعي راسك .. بدي شوف لون عيونك مي: هااا طلال: وليي ... لك شبك انت شبك هااا .. لك بدي شوف ازا عيونك متل عيون القطط او بس شكلك ومد ايدو ع جيبة البنطلون وطالع علبة صغيرة .. فتحا وحطا قدامي .. مي: ش ..شوو هاد طلال: خاتم خطبتنا .. سمحيلي لبسك ياه كان الخاتم دهب عليه قطة كلا فصوص بتجنن .. وانا جمدت بزيادة وقت قلي هيك .. مسكلي ايدي ولبسني ياه .. ومسكا باديه التنتين .. طلال: ان شاء الله ربنا بيوفق بينا وبيقدرنا نسعد بعض وانا ما عدت قادرة اتحمل اكتر وفرطت بكي .. طلال: لك شو هالليلة يلي كلا بكي .. لك شبك .. شبك اااه .. مين جبرك علي ااه .. هاتي للخاتم هاتي .. خلصنا ومسك ايدي ليشلحني ياه .. سحبت ايدي واطلعت فيه .. مي: شو عم تعمل .. ممنوووع طلال: هااااا .. سبحانو يلي خلق .. سبحاااانوووو ربي مي: شبك !! طلال: مي .. عيونك بيسحرووو مي: ليك طلال .. والله والله ازا ما سكتت لفوت غرفتي وقفل ع حالي .. خلص سكووووت طلال: 😂 😂 😂 حااضر رح اسكت .. بس يعني ازا سكتت شو رح نعمل مي: و.. ولا شي وقطع حديثنا صوت تكبيرات الجامع اعلان بانو رمضان انتهى وبكرة العيد .. اطلع طلال في بنظرة بحياتي ما رح انساها .. نظرة كلا حب ومشاعر .. (كل عام وانت الي .. كل عام وانت حبيبتي وملكة قلبي .. كل عام ونحنا سوا .. بحبك مي بحبك ) مي: وانت بالف خير وانتشرت المباركات والضحكات والمعايدات بكل البيت .. والكل عم يدعي ربنا تكون سنة خير وبركة ..

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (حلقة 30) خلصت سهرتنا ع خير والكل مبسوط وفرحان الا امي يلي كانت قاعدة ع جنب وعم تبكي .. ادهم: شبها ست الكل .. حبيبتي امي ليش عم تبكي مي: امي دخيلك .. ازا مانك موافقة ما رح يتم شي امي: لا يا روحي .. الله يهنيكن عم ابكي ع هاللمة يلي بعد يومين رح انحرم منا .. نصيبي ينحرق قلبي بغربتكن عني ايهم: لك يا عمري انت يا امي .. كلو اسبوع يلي عم نغيبو عنك ابي: قولي الحمد لله .. نحنا احسن من غيرنا .. ع الاقل قدرنا نجمعن برمضان امي: الحمد لله رب العالمين .. الله يحميكن يا امي لؤي: احم احم .. سمعوني يا قوم ابو مسمار العظيم .. ومسحولي دموعكن .. لسا بكير ع البكي 🐸 مي: الله يجيب العواقب سليمة .. اخي شو رايك تمشي هالليلة ونحنا مبسوطين لؤي: سكتي انت ولي قطة مي: 😲 انت كمان .. حاضر اخي وهاي خرست لمى: 😂 😂 😂 😂 لك شبكن انتو لؤي: ابي .. امي .. بما انو هالفصعونة خطبت .. وبما انو انا اكبر منا فمن حقي انو انا كمان اخطب سناء: ههههه هاد يلي كان ناقص رهف: ما عم صدق .. لؤي رح يفك العقدة امي: لسا بكير عليك امي .. قدامك مشوار دراسة طويلة لؤي: لا مو بكير .. وانا مصر ع فكرة ابي: والله وكبرو ولادي وعم يتصرفو من راسن .. ويخطبو ويقرؤو الفاتحة من غيري اطلع لؤي فيني وعيونو رح تاكلني اكل .. (مييي) مي: والله ما دخلني اخي .. والله ما دخلني ولا قلت شي امي: شو مخبصين كمان ابي: اختك مالا دخل .. عمك محمد حاكاني وقلي كيف كسرت المشفى كلو وفضحتن امي: شووو .. لك شو صار

العضوة: 275918 , منذ 5 سنوات

ابي: كل خير .. ابنك خطب هالة .. وبكرة بعد المعايدات رح نروح نطلبا رسمي لؤي: لك الله يجبر بخاطرك يا احلى ابو مسمار كلن صفنو في ومانن مصدقين .. ولمى وسناء ورهف ورنا ووفاء ع شوي رح يغط ع قلبن .. لمى: 😂 😂 😂 😂 😂 😂 سناء: والله وعملتا السلالة امي: لك انتو جنيتو شي ابي: تركيهن لهالولاد وتعي معي انت .. وانا بفهمك كلشي امي: لاااا ماني متحركة لتفهموني .. ولا قلكن والله لاتركلكن هالببيت وروح لمكان الجني الازرق ما يعرفو قرب منا ابي ومسكلا ايدا .. (اي تعيييي .. ليش في جني ازرق وانا موجود .. تعييي معيي ) والكل فرط ضحك .. وبلشو يسلمو ع لؤي ويباركولو .. مي: لك رهف .. وكانو شادي لفو للؤي وبوسو كمان لمى: 😂 😂 لك اي والله رهف: اي الحمد لله .. بس لسا بدنا شوط طويل سناء: اي الحمد لله رولا: ع فكرة انا ماني فهمانة شي وفاء: ههههه اي اريح لراسك حبي هادي: تعي يا روحي تعي وانا بفهمك بطريقك ع بيت اهلك هالليلة كانت مميزة بكلشي فيها .. خلصنا سهرتنا وفتت ع غرفتي وكل حركة وكل كلمة قالا طلال لساتا عم ترن بادني .. ومع كل كلمة اتزكرا قلبي يدق اكتر واكتر .. وبقيت هيك لوقت غفيت .. وما صحيت غير ع صوت التكبيرات والتهليلات بالمساجد .. شي من جواتي تحرك وحرك كلشي مشاعر بقلبي ..صرت عم ردد معن وابكي .. فتحت رنا عيونا واجت لعندي وضمتني .. رنا: اختي .. كل عام وانت بالف خير يا روحي مي: وانت بخير اختي

العضوة: 275918 , منذ 5 سنوات

رنا: شبك يا روحي عم تبكي مي: قلبي تعبان كتير وموجوعة رنا: لك ليش .. انت عروس هلا يا روحي وما حدا قدك .. صار شي معك مي: لا ابدا .. بس مدري شبنبي ولسا عم حاكيها دق تلفوني .. رنا: اييي بلشنا .. ردي اختي ردي.. رح روح اتوضى لصلي مي: هههه ماشي .. سلام طلال: كل عام وانت حبيبتي .. بحبك بلعت ريقي وانحبس الحكي بحلقي .. طلال: شبك .. عم تسمعيني مي: اي .. وانت بالف خير .. ربي يخليلي ياك طلال: امين ويخليكي الي .. حبيت تكوني اول شخص عايد عليه .. وهلا بالازن منك رح روح مي: شكرا كتير لالك .. خد راحتك طلال: هههه ماشي سلام لؤي .. فتحت عيوني ع صوات التكبيرات .. تنهدت وانا ما عم صدق يلي صار .. كابوس بشع كتير وانتهى لؤي: الحمد الك يا ربي .. الحمد لله قمت توضيت وصليت الفجر وجهزت حالي لصلاة العيد ودقيت لهالة .. هالة: بحبك وبموت فيك لؤي: لك ركزي شوي .. شبككككك .. قولي الو ع الاقل هالة: ما بدي اركز معك .. بدي جن وجن وجن .. وبدي حبك وخلي الكون كلو يحكي بحبك لؤي: لك مجنوونة .. جد مجنوونة ... بعشقك وليي هالة: اي وانا بعشقك وبعشق كلشي فيك .. لك بتعرف الشعرة يلي بتهر من راسك .. لك حتى هاي انا بعشقا لؤي: هههههه اااخ شو بحبو لهالجنان انا .. جهزي حالك المسا ماشي هالة: جاااهزة .. بكل وقت وبايا وقت جااهزة لؤي: ماشي يا مجنونة ... رح روح صلي العيد هلا هالة: ماشي يا عمري .. تقبل الله وهيك صلو اخواتي وابي العيد واجو .. وكنا كلنا مجتمعين سوا .. وسلمنا ع بعض وعايدنا بعض وجهزنا لفطور وضحكنا وفرفشنا .. وبلشت المعايدات لوقت المسا .. واجا وقت لؤي وخطبتو ..

العضوة: 275918 , منذ 5 سنوات

#جمعية_كارهو_النساء_بقلم_امل_احمد جمعية كارهو النساء (النهاية) جهزنا حالنا كلنا واخدنا معنا كنافة وحلو ورحنا لبيت عمي محمد .. وتمت الطلبة الرسمية.. وبلشت التهاني والتبريكات عمي: الف مبروك يا ابني يا لؤي لؤي: الله يبارك فيك عمي مرت عمي: الله يرضى عليك يا ابني ويبارك بعمرك لؤي: تسلميلي مرت عمي ويسعدك يا رب مرت عمي: مي .. ندهيلا لهالة زكاتك مي: تكرمي مرت عمي رحت لاندها لهالة .. فتت لعندا .. كانت لابسة فستان اخضر فستقي عاكس ع لون عيونا وشالة بيضا وسكربينة بيضة .. وكحلة خفيفة بعيونا .. مي: هالة .. لك بتجننني يا روحي هالة: ميوووووووووش .. قلبي وقربت لعندي وضمتني بكل قوتا .. مي: قلوبي انا .. لك فعستيني بعدي عني بعدت عني واطلعت فيني.. هالة: ولي شو غليظة .. خطبتي قبلي مو مي: اي سبقتك 😜 هالة: لك اي الف الف مبرووك مي: يبارك بعمرك يا روحي ومبروك لالك كمان هالة: مرسي يا روحي .. خلصو طمنيني مي: ههههه لك تقلي شوي ولييي .. اي خلصو هالة: لكن يالا مشي معي بسرعة مي: هههههه لك هدي شوي هالة: نوووووووووو

العضوة: 275918 , منذ 5 سنوات

رحنا ع المطبخ وجهزنا القهوة واخدناها .. والكل كان مبسوط كتير وعم يضحك.. ولؤي ساكت والتوتر باين عليه .. هالة: لك شوفي شو متوتر يؤبر قلبي مي: ان شاء الله هههههه هالة: انا بورجيكي .. هلا مو خرج .. ضروري كون ليدي مي: اي ماشي ماشي لؤي.. قدمت هالة القهوة وقعدت مقابيلي .. مشاعر كتيرة جواتي واكبر من انو اوصفا بهاللحظة .. كان بدي روح لعندا وامسكا من ايدا واهرب فيها من بينن كلن .. روح معا لعالم تاني الي والا وبسسس مي .. ندق جرس الباب وسمعت اصوات برا .. وبعدا بلشو عالم يفوتو .. وانصدمت وقت شفتو قدامي .. مي: طلاااال كانو طلال واهلو .. وبلش الترحيب فيهن .. وقعدنا انا وطلال حد بعض .. لؤي: انا اعترض .. بدي خطيبتي تجي حدي متل طلال ابي: ههههههه اي ومين مانعكن امي: هههههه الله يسعدكن يا امي .. لك شغلولنا المسجلة لنغنيلن شوي وامي حكت هالكلمة وما بعرف كيف طارت هالة وجابت البوفر وشغلت اغاني والكل بلش ع ضحك وتزقيف ووزعنا الحلو والعصير احتفالا .. وبعد بيومين كان كتب لكتاب .. احتفلنا بمطعم اجتمعنا فيه كل العيلة .. وتاني نهار كان عرسو لهادي .. وغنينا ورقصنا وهيصناااا اي نسيت خبركن انو الجمعية فرطت .. وتحولت لجمعية حواااء بلا حدود .. وغالب هلا عم يدور ع عروس واحتمال 99.9% انو نزوجو لاختي لرنا .. انتهت

العضوة: 275918 , منذ 5 سنوات

كنت ناويه نزلها بدري كامله بس انشغلت شوي🙊 أن شاء الله تكون عجبتكم