كيفكن ماميات 🤰🏻🤰🏻 حبيت احكيلكن عن تجربتي بمعرفة جنس البيبي من اول الحمل ل اليوم كنت من اول شهر كتير حابة وعندي فضول اعرف شو فيني وكنت كل ماشوف بوست هون فوت واسال ومنن يلي قلي بنت ومنن يلي قلي صبي، لحد ما وصلت للاسبوع 13 رحت لعند دكتوري وحكالي اذا بدك بعطيكي نسبة وانو معي 60٪ بنوتة رحعت من عنده وانا مو مصدقة لان احساسي كان دائما يحكيلي غير هيك وانتو بتعرفو احساس الام كيف،، صرت انشر بكل بوست هون صورة السونار تاع البيبي واسال يلي بيعرف بالسونار يفيدني شو معي الشيخة دانا حكتلي بنت🩷 الوردة الحمراء حكتلي بنت🩷 في كمان بنوتات كانو عم يحكو انو عندهن خبرة بالسونار كمان حكولي بنت 🩷 نظرية جمجمة طلعت بنت🩷 الجدول الصيني طلع صبي💙 نظرية ناب ومايا ورامزي طلعت بنت🩷 وحتى جي بي تي حكالي حسب المشيمة وموقعا باين بنت🩷 رحت اليوم لعند الدكتور وانا بالاسبوع 20 حكالي 100٪ صبي 👦🏻🤭💙 وحكالي بالاسبوع 13 بصير خربطة كتير ومو المفروض نحكم من هيداك السونار أبداً الحمدلله حمداً كثيراً علماً عندي بنوتة وهلا الله كرمني وطعمني صبي،، الله يجيبلي ياه بالسلامة ويطعم كل مشتهية يارب حبيت شاركن تجربتي مع السونار واوعو تحكمو فوراً انتظرو لتوصلو لمرحلة منيحا يكون البيبي متخلق فيها ومتكون الاعضاء عندو الله يقومني ويقومكن بالسلامة يارب 🥹🤲🏻