كثير متكرر موضوع اللي تعرف انها حامل في بنت وتزعل وتجي تكتب لنا هنا عن خيبات الأمل وتنسى ان رب العالمين هو اللي يهب لمن يشاء البنون والبنات .. والأسباب اتفه منها مافي والله زوجي زعلان مايبغى بنت !! والله المجتمع يتكلمون علي ام البنات !! والله البنت همها للممات و و و و إلى الآخر وكلها أسباب ما انزل الله بها من سلطان .. قال رسول الله (صلى الله عليه و اله وسلَّم :( من عالَ ثلاث بنات أو ثلاث أخوات وجبت له الجنّة. فقيل : يا رسول الله واثنتين؟ فقال : واثنتين. فقيل : يا رسول الله وواحدة؟ فقال : وواحدة. والرسول كان يسمونه أبا البنات فبُشِّر بإبنةٍ فنظر إلى وجوه أصحابه فرأى الكراهة فيهم ! فقال (صلى الله عليه و آله وسلّم): ما بالكم ريحانة أشمّها، ورزقها على عز وجل .. البعض ربي حرمهم من نعمه الإنجاب يتمنون لو بس طفل مايهم ولد او بنت .. خافو من الابتلاء يامن تكره ان تنجب بنت عشان مجتمع او زوج وكنها قادره تتحكم في أقدار الله خلهم يسمون ام البنات وش المشكله ؟؟ ربي مثل ماهو قادر انه يرزقك في البنات قادر انه ياخذهم لاسمح الله منك .. يكفي ان الجنه أصبحت تحت أقدامك واقدام بناتك مستقبلا والمؤنسات الغاليات بكره يكبرون يصبحون صديقاتك يشيلون تعبك وهمك .. اتضايقت والله كثير من هذا الموضوع حتى اللي فرحانه تجيب بنت نكدو عليها فرحتها كن البنت شي منكر او مخجل عشان إيش والله زوجي المجتمع مايبوني اجيب بنت جعلهم مايرضون لا مجتمع ولا زوج ولا حتى ام مو فرحانه في بنتها .. ياليت من وحده تنزل موضوع كذا تشائم من الحمل في بنت ينحذف موضوعها واللي معي ياليت ترفع الموضوع المؤذي هذا