اخر دوره لي ١٣ ديسمبر والحين ف الأسبوع الخامس، رحت اشوف كيس الجنين ما ظهر وسوت لي فحص مهبلي وظهرت نقطه داخل الرحم بس مو متأكده وسويت تحليل رقمي طلع ١١٠٠ و عدته بعد يومين طلع ٢١٠٠ وتقول تعيده بعد يومين وتقرر اذا داخل الرحم يبين او لا وتعطيني ابره عشان ينزل،، خايفه جدا لان مرتين اجهضت قبله،، شو اسوي انتظر اسبوع او اروح الموعد بعد يومين
العضوة: 1872499 , 1 year ago
خذيها مني نصيحه الحامل لازم تتصف بصفات الصبر - العجله والقلق والتصديق السريع مافيه فايده ابدا الثقة بالله تعالى - تستودع الله نفسها وجنينها وترتاح خلاص هي وجنينها في حفظ الله فيه اقوى من الله اكيد لا القرب من الله - تكثر الصدقات والدعاء وقراءة القران خاصه سورة البقرة ،، ذكر الله ،، الاستغفار ، الصلاة على النبي ، الحوقله ،، طول فتره حملها الله قال ان الحمل وهن على وهن ،، يعني المرأة احيانا تصدع ، تزكم ، تغثي ، يجيها خمول ، واعراض عاديه بسبب تطورات الحمل هل كل ماجاء شيء تصدق الدكتورة اكيد لا ،، اهم شيء المتابعه الشهريه الحمد لله ،، الاكل الصحي والفواكة وشرب الماء ،، ولما تروحي للدكتورة لا تقولي لها مخاوفك او اي شيء انتي تفكرين فيه لانها راح تبني على كلامك وتصير تدور اشياء سلبيه خليها تسوي لك سونار بدون ماتقولين شيء هي راح تسوي لك وتطمنك وتوضح لك كل شيء ولا تقولين للدكتورة الي تروحين لها كلام الدكتورة الي قبلها وايش طلبت منك وايش سوت لانها راح تقول لك نفس الكلام بالضبط راح تبني على كلام الي قبلها روحي لها وخليها هي تتكلم مو انتي ولا تبينين انك خايفه او قلقانه قولي سويت تحليل وطلع حمل وتسوي لك سونار في الاسبوع السابع وتشوفين الكيس وجنينك وتسمعين النبض ( ادعي لي لا تنسين ) ولما تخرجين من المستشفى تصدقي باللي تقدرين عليه بنيه ان الله يتمم لك وييسر لكالعضوة: 1884601 , 1 year ago
بغيرها ان شاء اللهالعضوة: 1884601 , 1 year ago
الله يبشرك بالخير ياربالعضوة: 1884601 , 1 year ago
الله يهديها خوفتني ع الفاضي ان شاء الله بغيرهاالعضوة: 1884601 , 1 year ago
امين يارب العالمين مشكورهالعضوة: 1884601 , 1 year ago
كذا بسوي ان شاء الله لأن انا رحت حكومي مش خاص وذلتني مذلهالعضوة: 1884601 , 1 year ago
مشكوره حبيبتي على كلامك اللي بيطمن وانا كنت متثقفه وقريت كثير عنه والمشكله انها تقول الأكيد مافي حمل خارج الرحم طيب ليش هذا التهويل يعني مفروض يطمنن الشخص،، وانا لاني رحت حكومه وذلتني لين عالجتني جلست فوق ٤ ساعات انتظر، والحين بنتظر وبغير الدكتوره للخاص افضل ادفع فلوس واتطمن، عيشتني فخوف وقلقالعضوة: 927154 , 1 year ago
@user-1872499 صح كلامك أنا في حملي الأخير ظهر كيس الجنين فالأسبوع العاشرالعضوة: 927154 , 1 year ago
@user-1872499 الله يسعدك يا أختي و يرزقك كل خير كلامك لها بجد مريح و صادقه بكل شيء علمتيه لها .العضوة: 1845795 , 1 year ago
الله لا يضرك يروحيالعضوة: 1884601 , 1 year ago
امين يارب العالمينالعضوة: 1951454 , 1 year ago
انا بين معي الكيس بالأسبوع السادس بحملي الاولالعضوة: 1419092 , 1 year ago
@user-1884601 انا لاني تأمين ف قالت لي التامين ما راح يوافق لاني توني دخلت الاسبوع السادس لازم اكمل ٧ اسابيع يكون اضمن اني اشوف الجنين و اسمع النبض ان شاءاللهالعضوة: 1872499 , 1 year ago
@user-927154 امين يارب الله يجزاك خير على دعواتك الطيبة الحياة عموماً يبي لها حكمه وخاصه الحامل الي اي كلمه تاخذها وتوديها راح تتعب والحمل طويل بأمر الله ويتخلله الكثير من الامور الطبيعيه الي سببها الحمل وان الجنين يكبر شوي شوي ومن الشهر السابع يبدأ الحمل يكبر بشكل اسرع وانا والله ردي احتسبه عند الله تعالى تثقيف للسائله وللحوامل الي يقرون كل الي بيد المرأه انها تستودع الله نفسها وحملها يومياً و ماتهمل غذائها ولا شرب الماء وتحاول تتابع شهرياً بكذا بإذن الله فعلت الاسباب والله الحافظالعضوة: 1872499 , 1 year ago
المفروض منطقياً انها دامها في مستشفى حكومي تكون افضل من الخاص لان الدوله موظفينها ليش عشان تخدم الناس وتعالجهم علاج ممتاز وتكون ادق من الخاص ،، عشان كذا اقول لك الاطلاع كويس للمواقع الطبيه مو كلام الناس ( لانه مستحيل ان تجربه وحده من الحوامل بتكون نموذج للنساء كل حامل لها قصه مختلفه وتطورات مختلفه سبحان الخالق) الحمل 9 شهور والقلق والتوتر مو زين للحامل الحامل لازم تحاول تكون مرتاحه كل هذا يأثر على حملها وجنينها وايضاً على ولادتها القرب من الله امان وطمأنينه وحفظ وتيسير وتسخير الحمد لله على نعمة الاسلام