شفت كثير عم يسألو عن سكر الحمل.مشان هيك قررت اخبركن انو لا تستهينو ابدا.اذا عملتي اختبار تحمل الغلوكوز وطلع عندك سكري حمل.شو تعملي 1فورا عالطبيبه هي بتقرر اذا سكري خفيف وانت مستعدة تلتزمي 100/100 وتمنعي نهائيا السكر الابيض والدقيق الابيض.التزمي بحميه من يلي رح اكتبهن او اي حمية من الطبيبة 2اذا رشحتلك الطبيبه انسولين او ادوية كمان امشي عليهون. 3خذي جهاز من الصيدليه وراقبي سكرك بعد صيام يعني اول ما تصحي.وبعد الاكل بساعة وبعد الاكل بساعتين. 4لا تخافي سكري الحمل بروح باذن الله بعد الحمل.ولا تخجلي لانو مو عيب ومحدا كبير عالمرض واحمدي الله انو عندو علاج. 5هلا رح احكي بلهجة حادة اسمحيلي اذا قلتي معلش مارح يحصل شي وانا بتوحم عالحلو ومارح اقتل حالي بالحمية بحب خبرك يا عزيزتي انو متفكري بحالك وتكوني انانية-sorry-لانو المضاعفات رح تندمي عليها اذا ارتفع السكر عندك ممكن تحصلك غيبوبة او بعيد الشر يطلع للعيون او يصيب اي طرف بجسمك.. ورح بعيد الشر تضلمي ابنك حبيبك لانو السكري مو بس بكبر الجنين ببطنك وبضطرو عالقيصري لالا قلب البيبي بعيد الشر عنو بتنفخ ....اي نعم وبحب قلك كمان انو قبل الولادة وبعدها بعملولو فحوصات وتخطيط قلب مشان يتأكدو من سلامتو. هدا كل شي رح قلك اياه واسفه اذا خوفتك بس كلو مشان مصلحتك والبيبي وان شاء الله اذا التزمتي رح تكون فترة حملك عادية وحلوة وروااااق ويارب يحفضك انت والبييبي وتقومي بالف سلامة.اذا بدكن تضيفو اي معلومة او تصححو شي قلتو ليش لا انا بتمنى اعرف اي شي جديد. بالاخير بتمنى كون فدتكن ومابدي شي غير. سلامتكم ودعوة بضهر الغيب.سلام حبوبات رفع مشان يوصل الموضوع للكل ويستفيدو.