يا بنات انا متزوجه بقالي سنه ونصف ومعايا طفل لسه مكملش شهرين ومغلبني اوي وأخو جوزي متزوج بقاله شهر ونصف ومراته حامل وهي قريبة حماتي وحماتي بتخليني اعمل كل حاجه وهي تيجي تاكل علي الجاهز وبيقعد يتريقو عليا بالكلام هي وحماتي واخوات زوجي البنات وخايفه اتكلم يقولو اني غيرانه أو عايزه اعمل مشاكل وسلفتي النهارده بتقولي جوزك كان بيحب واحده من بلدنا وهي كمان كانت بتحبه ولسه بتسأل عليه لحد النهارده انا والله اتخنقت ومش عارفه اعمل ايه واتعامل معاهم إزاي