انا حامل الي خمس اسابيع وتلات ايام وعملت فحص عند الدكتورة الجنين داخل كيس الحمل داخل الرحم ولكن عندي تجمع دم عند الرحم وخبرتني الدكتورة قبل ايام انو في حال نزول دم بني او زهري مافي مشكلة المهم مش نزيف زي الدورة او كتل دم والحمدلله مافي هالشي رحت لعندها مبارح لانو بنزل علي نقاط دم احمر وبني كل ما امسح بالمحرمة ومرات عالغيار وقلتلها يادكتورة لو تعطيني مثبت انا حاسه اني مش مرتاحة حكتلي لا ترجعيلي عشان هيك اشي والتزمي بالموعد اللي اعطيتك يا هي شغلات طبيعيه لانو التجمع الدموي لازم ينزل حتى لو اخد ايام ولا اسابيع وهلا مش شايفه انك محتاجة مثبت لازم اقيم الوضع بعد عشر ايام … صحيت اليوم الصبح وقلبي مقبوض لقيت كتل دم نازل علي ونزيف متل الدورة نجنيت رحت ع دكتورة تانيه وشرحتلها كل القصه حكتلي الدم البني تبع الانغراس المفروض بس يومين مش تصبري ع حالك ايام انتي لازمك مثبت قلتلها الدكتورة مارضيت تعطيني وقالتلي اصبري المهم بكيت لقلت بس وعملتلي سونار بتحكيلي انا مش شايفه تجمع دموي عند الرحم وكيس الحمل موجود والجنين بس عشان نعرف ازا النزيف بداية اجهاض ولا حمل مستمر لازم تعملي تحليل دم لهرمون الحمل اليوم وبعد يومين ونقارن بين الارقام .. اليوم عملت طلع 4850 حكتلي الرقم طبيعي ع عمر خمس اسابيع وشوي بس مامنقدر نحكم انو الحمل مستمر الا بتحليل بعد يومين لاشوف انو الرقم قاعد بزيد واعطتني مثبت خلال هاليومين طبعا النزيف مازال مستمر … المهم حكتلي ازا الرقم اقل من اليوم حنجهض البيبي اما ازا مرتفع ف حنكمل مثبتات وتيجيني بعد اسبوع نشوف النبض ونكمل بالحمل … انا خايفه كتير يصير اجهاض بعرف هاد اشي من عند ربنا بس هاد اول حمل الي وحاسه ياريت مارديت ع الدكتورة الاولى وطلبت من دكتورة غيرها مثبت مابعرف محبطة كتير وقلقانه وتعبت من البكى والتفكير صاير هيك اشي مع حدا ؟ الدم لسا بنزل زي الدورة😔 مش عارفه شو بدها تكون ردة فعلي ازا هرمون الحمل طلع اقل من اليوم خايفه😭