العضوة: 737465 , 4 years ago

بنات فهمتوني ؟؟ صباحو بنات انا لساتني منسدحه عالسرير احس بحركه اسفل بطني و ع عظمة العانه و كإنّي اسمع مرة مرة صوت متل صوت الطقطقه شو معناته او انا بتخيل

العضوة: 767375 , 4 years ago

انا من حوامل ١٠ ابريل ومحددلي الولاده ١٧ يناير بس خلصت الاسبوع ٤٠ في الحاسبه يوم ١٥ يناير بالنسبه للمشي والدرج كنت امشي في الاسبوعين الاخيره كل يوم بس مشي مايتعب ع مهلي زي اللي اتمشى تقريبا ٣٠ الى ٤٠ دقيقه والتمر اكلت منه ٣ الايام الاخيره قبل الولاده بدت معايا الاعراض يوم ١٧ اللي هوا الليوم المقرر للولاده يوم ١٧ في الصباح طلعت درج بيتي صعود ونزول مرتين وهما ٤ ادوار بس كله ع مهل عشان ما اجهد نفسي بعدها لقيت السداده تنزل مني على دفعات ف حملي الاول كانت شفافه زي بياض البيض بالضبط ماسكه ف بعضها وفيها خيوط دم هذي المره كانت زي افرازات الدوره الحمراء متكتله نوعا ما وكل مارحت الحمام وانتو بكرامه القاها لبست ولدي ورسلته ع بيت امي يلعب مع اولاد خالاته صادف انهم مجتمعين واخذت دوش دافي وطلعت مع زوجي ل مطعم اتغدى الا سار يجيني طلق كل نص ساعه بالتمام طلقه خفيفه محتمله رحت نمت الساعه ٧ ولازالت الطلقات مستمره صحيت ٩:٣٠ الليل لقيت الطلق سار كل ربع ساعه اتجهزت للولاده ورحت المستشفى ١٢:٣٠ سوولي كشف لقوه مفتوح ٤ سم طلعت ع غرفة الولاده وسار الطلق اشد لكن كان يروح ويرجع ولقيت نفسي انام وماحس شي الين الساعه ٦ الصباح يروح ويجي الطلق وغير منتظم كشفت الدكتوره قالت لسا على ٤ سم زي م انتي بفك المويه فتحتلي المويه ومن هنا بدأ الطلق الحقيقي سار اشد والمويه تنزل ع دفعات مع كل طلقه تجيني بعد ساعتين سار الطلق شي مو محتمل ولاحتى شفته ف بكري وسرت اصرخ اذا جاني الطلق رغم انه مو طبعي اصرخ وقت الطلق

العضوة: 767375 , 4 years ago

بس ما اقدر الا اصرخ بصراحه فهمت اللي يصرخون وقت الولاده وعذرتهم شي مو باليد حرفياً 😿 جات الساعه ٩ سرت احس اني ابغى الحمام جات كشفت الدكتوره قالت ٧ سم قلت والحمام قالت لاتقومين اعملي ف مكانك 😂😭 سرت احاول اسوي حمام ف مكاني بس مااش خلاص ايقنت انها حزقة الراس ناديتهم قلتلهم ولاده خلاص راس البيبي بيخرج انا حاسه فيه دخلت يدها الدكتوره قالت لمست الراس يلا ولاده ف ثواني الغرفه انقلبت راس ع عقب ممرضات ودكتورة الولاده ودكتورة الاطفال وممرضاتها وفتحو كشافات وسحبو الطاولات ولبسو مرايلهم والقلافز ورفعو رجلي ع الحامل وفصلو السرير سار نصف سرير بس وقالت يلا كل طلقه ادفعي وسرت ادفع ومع قوة ضغط البيبي ع المنطقه سرت احس ضغطه وما اميز الطلقه وقلت للدكتوره وسارت تشوف الطلق ع الجهاز وتقولي يلا ادفعي وادفع بكل ماعندي واحس المنطقه كلها بتنفك وابكي منها بس ارجع اتقوى اهم شي سلامة البيبي وانه يخرج بسرعه وادفع بكل قوتي والدكتوره تشجعني جلست ادفع يمكن ٦ مرات طويله جداً بعدين خرج البيبي الحمدلله الساعه ١٠ الصباح صرخت في الولاده الين قلت آمين والحمدلله اني صرخت لأن مو باليد شي طبيعي يجي في ولادتي الاولى ابداً ماصرخت سبحان الله فرق الدكتوره بعد الولاده قالتلي كان الحبل ملفوف ع رقبته وقت ماخرج عشان كذا كان كل مايقرب يخرج يرجع ينشد ع جوا والحمدلله خرج ولما خرج شققني من كل مكان 😪 الدكتوره سوتلي توسيع بس البيبي شقق كمان وسرت مخيطه من كل جهه والبواسير كمان خرجت وسرت انزف منها بالنسبه للالتهابات كنت اعالجها طول الحمل بس ماراحت للاسف وهذا اللي خلي البيبي يشقق المنطقة بسهوله الالتهابات خلت الجلد رقيق للأسف وكمان الخياطه مؤلمه بسببها ويارب تلتئم ماتتعبني 🥺 ان شاءالله اكون افدتكم بكلامي بليز بنات ادعولي ماتعذبني الخياطه والالتهابات 🥺

العضوة: 737465 , 4 years ago

@user-767375 يارب كله باجره و الف الحمدلله ع سلامتك و سلامة البيبي وما اتعبك الخياطه خوفتيني و ششجعتيني ف نفس الوقت 🤕 الله يكتبلنا ولاده سهله عاجلا غير اجلا يارب 🙂

العضوة: 767375 , 4 years ago

ياعمري انا والله كنت زيك بدايته كان عندي تشنج مهبلي سواء في العلاقه او كشوفات بعدين سرت اريح نفسي وراحت نص المشكله اكيد باقي الخوف بس ضروري اخذ نفس واسيب نفسي لهم القاهم خلصو اما لو اجلس اعافر يعوروني ولا اعرف قد ايش فتح ولا اخليهم يسوون شغلهم اللي سرلك يسير للكل بس انتي شي جديد عليك وخفتي منه خلاص انتي الآن عرفتي اش لازم تسوين ضروري تسلمين نفسك وتسمعين كلامهم عشان تخلصين انتي والبيبي بخير 💕

العضوة: 736127 , 4 years ago

الطقطقه الحوض اسمعها من يوم انا بالشهر السادس والحين كل ماغيرت وضعيتي اسمعها عادي تطمني

العضوة: 736127 , 4 years ago

الحمدلله على سلامتك هبه ربي عانك الحمدلله يوه لما قلتي انها مو بس فحصتك الا فكت موية الجنين تذكرت الماضي الاليم 🙂💔

العضوة: 895050 , 4 years ago

بنات انا في بدايه الثامن واخر دوره لي في 10/11 تتوقعون متى اولد مره خااايفه

العضوة: 736127 , 4 years ago

تمام بإذن الله الله ييسرها لنا😢

العضوة: 767375 , 4 years ago

شفتي ؟ هذي هيا فايدة الفحص انك تتطمنين حطي ف بالك هذي الخطوه ضرورتها انها تطمنك وتعرفين انتي فين وصلتي اهم شي خذي نفس ولاتشدين اعصابك ريحي رجولك مرره ترى بسرعه بتخرج يدها والالم بس وقت ماتسوي الفحص بعدين خلاص يروح 🌷

العضوة: 723591 , 4 years ago

السلام عليكم كيفكن جميعا يابناااات نصيحه الي تخلص التاسع ولاعندها مشااااكل نصيحه تنتظر لاتسوىزهمليه الا فيه اسباااب انتظرو له يوم بينزل بس لاتصدقون ع طول عمليه صبرتو ع الحمل من البدايه مابقي شي ان شالله لاتستعجلون نصيحه لاتسيون عمليه بدون سبب فكرتى في الولادات الجايه خلاص ماعاد فيه مساعده بتكونى عمليه الا اذا ربي كتب لك فانتظرو لاتستعجلون

العضوة: 767375 , 4 years ago

@user-737465 اذا انتي لسا حامل طبيعي لأن الحوض يستعد لخروج الطفل ويمكن من ضغط البيبي ع الحوض ولو كنتي بعد الولاده العظام كلها تطقطق مو بس العانه بالعنايه والتغذيه ربي يعافينا بأمره ماتشوفين شر ي قلبي 🌸

العضوة: 502861 , 4 years ago

نفس تاريخي ولسى ماولدت 🥺

العضوة: 441069 , 4 years ago

ولدت الحمدلله

العضوة: 767375 , 4 years ago

ي روحي بصراحه فك المويه اسهل من الفحص 😁