العضوة: 665349 , 5 years ago

لا انا عشان خلصت 41اسبوع والجنين مانزل الحوض قالتلي الحوض عندك مره ضيق بيجو اطفالك بالعرض بس هيا كانت تجربة البنج الكلي مررره صعبه ماعجبتني

العضوة: 665349 , 5 years ago

صحيح كلامك مافي احد رح يغصبك وغير كده مافي دكتور رح يغامر بسمعته عشان فلوس وانا دخلت العمليه عن قناعه يمكن عشان اول مره ماكان عندي خبره تعبت منها كتير والبنج الكلي اصلا كريه مره ولادتي التانيه والتالته نصفي احلى مايكون تاني يوم اصحى نشيطه وابغى امشي وارضع الحمدلله

العضوة: 767799 , 5 years ago

@user-665349 يمكن يختلفون الدكاتره هناك انا ولدت بولدي وبنتي في الأطباء المتحدون ممتازين واهتمام وبنسبه لرضاعه انا كلمتني في بنتي الممرضة قالت لي حاولي ترضعيها من صدرك بس انا الي رفضت الدم عندي كان طايح مرا ☹️.

العضوة: 665349 , 5 years ago

صحيح ممكن هيا مستشفى حلوه ونضيفه بس انقهرت لما اعطوها حليب صناعي من عندهم ومارضيت تمسك صدري نهائي هيا مستشفى كويسه وكل شي بس الممرضات ماكان عندهم صبر علطول اسرع حل ماحاولو معايا جابوها رضعيها كنت تعبانه مو قادره اقوم علطول الرضاعه من عندهم رجعت البيت برضع ماهي راضيه تمسك خلاص اتعودت عالرضاعه حقتهم

العضوة: 810646 , 5 years ago

زوجي حب الاطباء المتحدون اكثر لان امس رحنا مستشفى ايه وماارتاح لهم سالنا الدكتوره كم تاخذي زياده على التامين لان تاخذ فلوس لها عن شغل يدها غير التامين وقالت اسالو مكتب الدخول ومكتب الدخول والادارة احسهم حوسه مايفهمون ولا يعرفون شي دوخونا امس وطلعنا من المستشفى ولا فهمنا ايش سالفتهم واحس الناس زحمة على مكتب الدخول ويشتكون بصراحة خفنا وقلت لدكتورة ماابغى تفتحيلي فتحة كبيرة وقت العمليه لان في ولدي فتحو له فتحة كليرة وتعبت وتاخرت في اني اطيب قالت يمكن لان عندك التصاقات علشان كذا اضطرو يفتحو كبير وبالفعل كان عندي التصاقات وسالتها عن التخدير الي يقولون عليه انه يحطونه على العمليه قالت ماعندنا احنا نفس المستشفيات الثانيه مافي فرق بالتخدير والله احترت الله المستعان وزوجي يقولي خليكي على الاطباء احسن

العضوة: 789219 , 5 years ago

الله يخفف علينا ربي لا تحرمنا الاجر

العضوة: 810646 , 5 years ago

ثاني شي طلبو مني مستشفى اية اجيب ٦ متبرعين بالدم بمستشفى الملك عبدالله او الملك فيصل واذا ماجبتهم ياخذون على كيس الدم الواحد الف و٢٠٠ ريال ماادري اذا باقي المستشفيات كذا ولا بس هم ؟

العضوة: 767799 , 5 years ago

@user-810646 زوجك معاه حق يا اختي أفضل لك من التعب الأطباء متساهلين أن شاء الله معاكي بس لزم تاخذي مواعيدك من قبل لاتجيهم احسن عشان مايكون تعب عليكم والله يكتب لك الخير ❤ ❤

العضوة: 665349 , 5 years ago

خليكي على الأطباء احسن لك انا امس اتصلت على ايه بسأل عن أسعار الولاده عندهم تقولي مااعرف احولك على مكتب الدخول بس بطلت قلت خلاص خليني على سمير عباس بما اني ارتحت معاهم خلاص

العضوة: 665349 , 5 years ago

انا زي كده الاماني طلبو مني أكياس دم شوفيلك متبرعين من فين اجمعهم لكم قلها زوجي انا اعطيكم وانتو بدلوه قالوله لا ماعندنا مره كان اسلوبهم كأني بشحت دم من عندهم لما رحت سمير عباس قالتلي لا احنا ندبرلك الدم حتى لو مافي ناخد من زوجك ونبدلها مافي مشاكل طمنتني تقولي أن شاءالله ماتحتاجي بس للاحتياط نجيب كم كيس دم

العضوة: 732097 , 5 years ago

@user-789219 طيب تحسي بنغزات بالمهبل والرحم مع حركة الجنين ؟

العضوة: 678376 , 5 years ago

@user-693794 انا ف عيادة النساء والولاده والدكتورة الي انا عندها زوجي كلمها وحطتني معاها لانه شغال هناك بنفس المستشفى ،، اذا ولادتك طبيعي مايفرق مين تراجعي عنده لانو الي موجود ف الطوارئ هوا الي يولدك انا عشان ابا عملية وحامل بتوأم ماشاءالله وبنص الثامن ف سارت ف مراجعات كثير كل 10 ايام تقريبا مراجعات وتحاليل ومدري اش . بس عموما لاتسكتي لو ماشفتي خبر ارجعي دقي الين تلاقي وحده ماشية معاكي مزبوط في بعضهم مهووين مره

العضوة: 789219 , 5 years ago

ايه احيانا مو كثير يمكن انو البيبي حقي اصلا ضاغط على المثانة و الحوض لكن مو داخل الحوض انا حوضي صغير و اولد قيصري

العضوة: 727690 , 5 years ago

@user-665349 يختي سمير عباس مره غاالي تخيلي عشان تجيك الدكتوره تعملي استدعاء بفلوس هذا اللي سمعته والفلوس مو هينه حوالي ٥ الاف 🙂 مستشفى آيه ارخص وارحم بكثير ويقولون عندهم عنايه ونظافه

العضوة: 732097 , 5 years ago

@user-789219 انا لانه اول حمل لي ومره خايفه