العضوة: 2226508 , 2 months ago

هههه لا خيتي غي خليني نشبع رقاد هاذ ليام معدودة لي بقات لفكرة راهي عندي بلا ما نديها اويلي على سهرات وخكيلي على أيوب واش راه يقول كاش غيرة

العضوة: 2226508 , 2 months ago

معليش تعطيني فكرة واش ندي معايا لسبطار واش نحتاج نسيت كلش

العضوة: 2140229 , 2 months ago

@user-2226508 هههههه ايوا شبعي رقاد مع سهرات تقولي قاع مكنت نرقد ايوب راهي عجباتو غير يبوس ويمس في شعر وليدين وغير يعسها .يقولي ماما راهي حالة عويناتها ههههه ويغنيلها كان تشوفي تضحكي عليه

العضوة: 2140229 , 2 months ago

@user-2226508 تدي معاك اولا يكوش نتاع سليب وليبوند لكبار وتديري زوج بدلات بغيتي بيجامات ولا روبات نعالة نتاع بلاستيك من تدخلي خبي نتاع لخرجة ولبسي هيدك لبلاستيك ودي معاك صابون سائل تغسي بيه حشاك يديك بروسا دو ومعجون اسنان وسربيتا لوجهك .ومتنسايش سشيات ترمي فيهم ليبوند ليكوش حشاك ودي كوفيرتا خفيفة مع كوفر لسرير وكوفر مخدة . لبيبي ديري ليكوش زوج لقغونياغ بيهم بلبوني سربيتا صغيرةولينجات تكون زيرو اركول ولموفل وكوفيرتا وقماش باه يمسحو لبيبي ديري بيبرو صغير سكور متعرفيش . وراقيك كامل دفتر العائلة ودفتر الصحي قشك ديريه في كابة ونتاع لبيبي في صاك

العضوة: 2226508 , 2 months ago

هههههه ياعمري عليه ربي يخليهم ويحفظهم حرزيها راه مزال صغير ما تعرفي واش يقوله راسه

العضوة: 2226508 , 2 months ago

ايه وانا كنت نقول ندي غي لبسة وحدة لبيبي تسما زوج خير

العضوة: 2140229 , 2 months ago

ادي معاك برت مونجي صغيرة فيها تمر وادي معاك كونديا وقرعة ماء بلاك يهبط لك سكر تلقايهم واجدين

العضوة: 2140229 , 2 months ago

@user-2226508 انا ديت ثلات بدلات للبيبي حقاش تخافي كاش ميطشالك لقش تبغي تبدلي لها وانا روحت لابسة روبة ميدي لونها غامق زيدت بيها ومن بعد لبست روبة نتاع رضاعة وبايتا وصباح بدلت لبست بيجامة

العضوة: 2226508 , 2 months ago

ايييه هنا كنت حابة نعرف شرط تكون روبة باش تولدي خير من بيجامة

العضوة: 2140229 , 2 months ago

@user-2226508 لبنوتا ديلها كوفيرتا حقاش يديرو لكليماتيزور يقولك لازم دفيه كيما يكون في لكرش

العضوة: 2140229 , 2 months ago

@user-2226508 واه البسي روبة تكون غامة زيدي وتفوتي كامل هداك لحفن حشاك من تولدي ان شاءالله يبدلو لك قشك البسي بيجامة ولا روبة واش تبغي

العضوة: 2226508 , 2 months ago

انا راني موجدة كوفريطة مي مرات نقول الصيف بلاك درا خفيف خير على هذا قررت نديهم في زوج وصاي

العضوة: 2226508 , 2 months ago

هههه فكرتيني في ولدي كي زيدت روبة لي ولدت فيها كرهتها ماعيااات عزوجي عاودي لبسيها غسلتها وقطعتها قلتلهم تفكرني في عذاب ولادة ههههه

العضوة: 2140229 , 2 months ago

@user-2226508 واه معليش اديهم لزوج وحدة زيدت معايا جايبة قش صيف لبيبي ومجابش كوفيرتا تعرفي مبغاوش يخرجوها لها حتى جابواها كوفيرتا باه مدوها لها

العضوة: 2140229 , 2 months ago

@user-2226508 هههههه واه شوفي كاش روبة عندك قديمة البسيها ومن بعد طيشي لهم لمهم تسلكي سلمات