5 months ago
  • ما قبل الحمل
انضمووو إذا كاين حوامل من الجزائر نتوانسو ونجوزو كيف كيف فترة الحمل نستفاد ونستمتع ونتشارك هاد الفترة مع بعض 🫡🫡🥰🥰

3654 تعليقات

العضوة: 1061381 , 4 months ago

أهلين وسهلين حمد لله ونتي راكي مليحة

العضوة: 1061381 , 4 months ago

@user-1240822 ربي يشفيها أنا لوكان نحكيلك مرة بنتي الكبيرة هادي العام لي فات كانت بالحمى مرضت بزاف هاديك الضربة درتلها الشميعات مع العشية ومارقدتش حتى لحقو ست سوايع درتلها وقعدت نسناها تهبطلها أيا حتى هبطت وكلشي تمام باش رقدت تخيلي تلحق الثلاثة تع الصباح حكمتها لاكريز تسوووغ بواحد الطريقة لم اسمع بها من قبل😭😭😭ايماجين الثلاثة الناس كامل راقدين هي تسوغ وأنا نسوغ كيفها شغل وجهها اتخطف عمري في حياتي ماننسى هداك النهار جااامي الجيران كااامل نوضناهم أيا كي رفدتها روماركيت برك بلي كانت تحححرڨ أيا رحت نجري غسلتلها وجهها وخرجها باباها للبالكون باش تكالمات حطيت بنتي الصغيرة باتت عند الجيران وهبطناها للسبيطار زادت غدوا من داك حكمتها فنفس الوقت😭😭بصح عرفت نتعامل معها

العضوة: 2047977 , 4 months ago

@user-1061381 الحمد لله نعمة ربي

العضوة: 2047977 , 4 months ago

@user-1061381 الحمد لله على سلامتها شفتي الام محال ترقد ووليدها بالحمى انا خطرة كانت بنتي دير في تسنين حشاك الاسهال مع ترجاع شيانة زعما مثال كانت توزن 9كيلو ولات 5ونص هكا يعني بانت فيها ياسر عينيها دخلو لحقت وين تكون تبكي متقدرش من الفشلة خطر ضحكت بانت غير في عينيها ضحك مننساش ذلك نهار كنت نودع فيها حسبتها خلاص راح تموت ربي يحفظهالي قعدت نبكي وكانو طبيب وطبيبة يقولو لحليب مطحاش عليها وحدة تقول دخلتولها لماكلة بكري وانا كنت نقول راه تسنين ديما تقول يما كاين بيبيات يتعبهم تسنين ياسر فوق الازم وبنتي كانت وحدة من هذي الحالات ومن بعد صدق بلي صح تسنين وكي خرجت سنيناتها تحتا ريحت ورجعت خير من قبل الحمد لله الي شفاهلي ربي 🌺

العضوة: 1061381 , 4 months ago

ايه فكرتيني فبنتي الصغيرة كثر منها لحقت ربع شهور مازادتش بالعكس ولات تهبط حتى قريب راحت وجهها صفرر ولي يشوفها محال يقول تع لي تعيش بعيد الشر عليها تسع شهور مازادت حتى ڨرام درتلها كامل التحاليل لاباس بيها وكل شهر كونترول عند الطبيبة بلا فايدة ايا فعرس لوستي هما عائلتها تع بلاد خوالاتها وكامل قالولي هادي تع عجوزة تقطعلها قلت مستحيييييل وشبيهم يخلطو كاين لي قالولي دخلت على عروسة علابيها صرالها هكدا ومالفة تصرى عندنا😬😬انا ما نأمنش بهاد الجهل مي كي لحقت للمحال اضطريت باش نديها عند عجوزة سمعت عليها بلي عندها غاشي و مليحة أيا توكلت على ربي وديتها تخيلي من أول حصة بدأت تاكل وتفطن وكي كملت العلاج مع انو ماكنتش منظبطة مئة بالمئة مي الحمد لله النتيجة خياال طبعا بعد مشيئة الله الطفلة بدأت تكبر حتى طبيبتها تخلعت قاتلي هااه شفتي قتلها في قلبي وش شفت شفت غير كي ديتها للعجوزة ماقلتلهاش للطبيبة على العجوزة باااينة بعد فترة لي يشوف بنتي يقولي لالاااا مستحيل هادي هي والله ما أمنو حمد. لله كثيرا الشفاء كان بيد ربي وبقدرته أولا وقبل كل شيء وثانيا حالة بنتي ماكانتش تع طبيبة بقدر ماكانت تع دوا عرب والحمد لله كثيراا

العضوة: 1061381 , 4 months ago

@user-2047977 👆👆👆👆

العضوة: 1240822 , 4 months ago

والله صح،صعيبة كي يمرضو لولاد ولا تشوفيهم مايكلوش انا تاني بنتي جاية ضعيفة ساعات وجها يولي قد دورو لبارح قاتلي توزن 14كيلو قلتلها نورمال لعمرها قاتلي نورمال بصح ان ماقنعتش كون تشوفيها راهمة خلاص والله حرت

العضوة: 1240822 , 4 months ago

ربي يحفظكم لي سقسيتيو عليا وعلى بنتي تعيشو

العضوة: 1061381 , 4 months ago

شفتي الله المستعان حبسيلها الحلويات كاامل وعطيلها غير ماكلة بلاك ماهيش تاكل الحلوة تخليهم ماياكلوش مليح ومايسمانوش

العضوة: 1061381 , 4 months ago

ٱمين بلا مزية أختي ربي يشفيكم ان شاء الله ونتي دوك كي تبرى بنتك ان شاء الله استحفظي على روحك وكلي ملييح

العضوة: 2121601 , 4 months ago

حمدالله على سلامتها ساعات تلقاي دواء عرب خير من دواء طبيب حتى ولدي صارتلي خلعو كلب وانا منيش عارفة ولا مياكل ميرقد كي لعباد تعبت معاه ولا سكولات حتى كي قالولي علاه مدويهش عند عزوجة معروفة عندنا بالخبر نتاعها بالدواء عرب ديتو حمدالله غير شفتاتو قاتلي بلي راهي قاتلاتو خلعة على خليته حتى ولا.هاك قتلها بلي راني مخليت حتى طبيب وتحاليل ويقلولي مكاين والو نحتلو خلعة من اول مرة واش نقلك عطاتني حوايج قاتلي ديريلو في صباح وقطرة بالاعشاب رجع خير من كان حمدالله

العضوة: 2047977 , 4 months ago

@user-2121601 علابالك علاه ينجح دواء لعرب خير من طبيبات لخطر طبيب ما يشخصوش كلش يعني ماعندهمش حاجة يسموها شينةو ولا لخلعة وبزاف صوالح ديما يا فقر الدم يا كالسيوم يا حشاك دود تقولي هذا ماقراو

العضوة: 2047977 , 4 months ago

@user-1240822 بلاك توزن غي في العظام ولحم مكانش

العضوة: 2121601 , 4 months ago

ايه دوك ولدي راه مريض طلعتلو سخانة ولادياري داه راجلي قاتلو دود ملا لبارح بايت يبكي قلت لختي صباح اديه لصبيطار راحت قاتلها هبطلو ميكروب انا حسيتو تسمم

العضوة: 2047977 , 4 months ago

@user-2121601 قالو راه من دلاع كلاه؟!