العضوة: 1427795 , 3 years ago

الحمد لله.. كي راكي بخير.. والله طال غيابك.. فكل مرة تجي فبالي ومانلقاكش... قلت واقيلا منهار حكينا على تلمسان.. زعفت مني ههههههه... ولادي ان لاباس.. وانا هاذ السمانة اذا كتب ربي نشاااااالله ندخل للثامن... بديت نتحس بالثقل يامحينك... وانت وين عدتي.. نورمالمو فالرابغ اذا ماغلطتش؟؟؟؟

العضوة: 1427795 , 3 years ago

سلام زهرة حبيبتي... وصح عيدك انت ثاني... راني لاباس الساعة الحاضرة... والكرش رانا نتعافرو معاها ونسايسو وخلاص... والعيد فوتتو الحمد لله مع اولادي اليوم الاول فالدار والثاني رحت هومت نغفر ههه مالصباخ للعشية... تعب تاع العيد زاد كمل علينا هذوك الشوية اللي بقاونا من رمضان هههه..... الصحة والهنا وخلاص.... انت قوليلي.. ديفوا ندخل للڨروب تاع مروى.. وحدة ماتسعى.. وين راحو.. هجروه؟؟ كيما تاع سامية؟؟ زعما يكونو بدلوه؟؟؟

العضوة: 1433451 , 3 years ago

سلام.... نتي ختي عزيزة منزعفش منك.... أنا راني فالرابع.... مبقالكش بزاف إن شاءالله لقبال لسلاكك نفرحو بيك.... كاش توجاد و لا مزال.... و الله حتى لقروب موليتش ندخله أنا فرمضان نحب نتلاها مع صلاتي و قرآني و ديني.... علابيها موليتش ندخل... هاد لقروب ندخل خطرات كي نفضى....

العضوة: 743068 , 3 years ago

السلام عليكم.صحا عيدكم وكل عام وانتم بخير .حبيت نسقسيكم انا ليوم درت ايكو وراني في الاسبوع 15و5ايام وقاتلي دكتورةلبيبي مليح بصح خاوت صغير هابطين ليق سيركلاج بعد مرحت في حالة ولقات لاطونسيو 9 اسكو نورمال

العضوة: 1532229 , 3 years ago

@user-1433451 مزال إن شاء الله حتى مرة جاية ونعرف وأنت بين معاك جنس الجنين

العضوة: 825174 , 3 years ago

وعليكم السلام فرق بين الكول مفتوح اللي يحتاج سركلاج وفرق بين المشيمة هابطه تحتاج الراحة انا درت الساركلاج عندي 15 يوم قاتلي كي درتيه في كرشك الأولى لازم اي كرش تديريه كن زدتي شفتي طبيبة أخرى احتياط

العضوة: 1552223 , 3 years ago

سلام البنات انا معاكم من حوامل جانفي من الجزائر ولاية بومرداس

العضوة: 158324 , 3 years ago

@user-1552223 وعليكم السلام ورحمة الله وبركاته مرحبا بيك معانا شحال آخر دورة

العضوة: 1552223 , 3 years ago

آخر دورة 8 جانفي

العضوة: 158324 , 3 years ago

@user-1552223 انا 12 جانفي عرفتي واش عندك انا قالتلي بلاك طفلة مزال متأكدت

العضوة: 1552223 , 3 years ago

مبروك عليك حبيبتي ربي يكملك بخير أن شاءالله. انا تان قالتلي احتمال كبير طفلة.

العضوة: 1552223 , 3 years ago

والبارح رحت لطبيبة وحد اخرى قالتلي ماراهش باين الخطرة لجاية نقولك

العضوة: 158324 , 3 years ago

@user-1552223 ربي يفرحنا بشوفتهم ان شاء الله

العضوة: 1433451 , 3 years ago

سلام عليكم.... مرحبا بيك معنا حبيبتي... إن شاءالله تفوتي حمل عادي مفيش مشكله.... أما طفل و لا طفلة المهم الخلقة التامة... و جميع العائلات الجزائرية عندهم نفس العقدة يحبو طفل يجي فالأول أنا عندي طفلتين... و عانيت هدا المشكل في بنتي أولى و عاود في بنتي الثانية هاد الخطرة قلتلهم ماقاليش الطبيب و هانيت روحي موجع الراس قاع فترة الحمل... مالڨري طبيبب قالي إحتمال كبير يكون طفل... هاكدا راهم ساكتين عليا شويا...

العضوة: 1433451 , 3 years ago

سلام حمولات... حبيت نسقسيكم شكون لي راها تحكمها دوخة كيفي... نكون نتمشى نورمال خطرة وحدة نسخف تحكمني دوخة نيغي نطيح هادي 3 أيام و هي تجيني و خاصة صباح... مالڨري راني نشرب قهوة و ناكل غاية... مكانتش تحكمني حتى في رمضان كي نكون صايمة... من فضلكم جاوبوني......