العضوة: 1433451 , 3 years ago

و عليكم السلام.... سوال عليك حبيبتي.... أنا تعجبني كي نتقال نحس بالجنين رافداته معايا... إحساس الأمومة روعة... رحت ليوم عاودت ليزاناليز خرجلي السكر مليح قالي طبيب عادي خطرة على خطرة يطيح كي متسقهوايش غاية.... بصح عاودلي مشكل نتاع كوليسترول رفدت بيه بنتي صغيرة و هاد الخطرة عاود ولالي راهو يطلع... طبيب قالي بدي ديري ريجيم كيما لخطرة لي فاتت.... لحوم بيض و دجاج و حوت ليب و حليب... حتى أنا عجبوني مقلي فرمضان.... دروك نقص منهم ناكل حاجة فالنهار و منكثرش... نولي للحم نتاع البقر و لا الجدي... نزيد الخضروات المبخرة... راني موالفة بيهم... إن شاءالله ربي يكملنا بخير الحمل و يفرحنا بولادنا... عندي كل شهر ندير تعيار نتاع الكوليسترول حتى لي نولد دعيلي معاك يتمملي ربي الحمل نتاعي... ياك دعوتك مستجابة... هههههههه.. كيما نهار لي مكنتش نرقد فالليل كي دعيتيلي و ليت نرقد غاية...

العضوة: 1528034 , 3 years ago

عرفتو نوع الجنس ولالا

العضوة: 1433451 , 3 years ago

سلام عليكم.... كل واحد و كيفاش كاين لي بين معها و كاين لي مزال... طبيبي قالي 99٪ ولد و العلم عند الله و عندي موعد 28/05 نزيد نتأكد... و أنتي بين و لا مزال.

العضوة: 1427795 , 3 years ago

نشالله مايكون غير الخير.... كي نجي نولد نشالله نتفكرك باذن الله... باه يكمل حملك ويخرجلك صحيح ولاباس عليه.... انا ثاني راني ريجيم.. نقصتلي الماكلة حوايج بزاف قطعتهملي طبيبة ... علاجال لارني.. من ضرك راني نباصي... ربي يقدرنا ويسلكنا على خير.. ماهيش ساهلة بصح الصبر الصبر ثم الصبر...

العضوة: 743068 , 3 years ago

والله شت طبيبة اخرى قاتلي مديريش راح الحال دخلت في 4 ومتحتاجيش اصلا سركلاج المول فيه قريب 4 اما خاوت الصغير هابطين من تعب ليق راحة توتال وعطاتني فيتامينات ومثبتات بصح انا مريحتش اي فشلانة وعندي وجع في منطقة أسفل البطن أحيانا معرفتش

العضوة: 158324 , 3 years ago

@user-743068 لازمك راحة فترة وتفوت انا ثاني كان البيبي موخر من بلاصتو لتزمت براحة مش كاملة مي منخدمش بزاف نظل مكسلة الحمد لله كي رجعت لقيت رجع مكانو

العضوة: 743068 , 3 years ago

كل شيء علي ربي سبحانه .شكرا

العضوة: 1433451 , 3 years ago

الله يتمملك على خير... و ديري تكلك على ربي إن شاء الله مايكون غير الخير... و لازملك الراحة التامة...

العضوة: 743068 , 3 years ago

انا هاذا البيبي الثاني في الأول مصراليش هاك محسيتش كنت ساكنة عند طبيب نحسب كاش مصرالو.اما هدا حتى هو محسيتيش بصح أواخر رمضان والعيد صاي تعبت مرة وحدة ودوك غي راسي يوجع بزاف ونحس وجهي شاعلة فيه نار.معرفتش قالولي من الوحم بصح صاي انا راني في 4

العضوة: 1433451 , 3 years ago

الله يبارك فيهم.... بصح كاين الوحم حتى لشهر السادس و كاين حتى تولد... أنا لوستي بقى معاها و جع الراس و السخانة حتى قربت تولد...رحتي لطبيبة بان معاك جنس الجنين و لا مزال..

العضوة: 743068 , 3 years ago

رحت قاتلي ولد والله اعلم

العضوة: 1433451 , 3 years ago

إن شاءالله ربي يعطيك على حساب قلبك..

العضوة: 743068 , 3 years ago

إن شاء الله يارب .شكرا اختي بارك الله فيك

العضوة: 1433451 , 3 years ago

و فيكي بركة حبيبتي..

العضوة: 1433451 , 3 years ago

صباح النور والسرور.... مازل موعد الدوة زيدي ستناي شوية و ديري تاست.... بصح على اقل كنت تشربي لابيليل و لا حابة تزيدي ولدك راه عاد صغير...