العضوة: 1427795 , 3 years ago

صح عيدك حبيبتي وكل عام وانت بخير😘😘😘... عندي 15 يوم كي ولدت... لعقوبة ليك نشالله تسلكي على خير وتفرحي باالبيبي.... راني تعب في تعب مع نفاس والعيد والله محنة وخلاص... مانتمناها لحتى وحدة... راني مدڨدڨة من ساسي لراسي... 😔😔😔😔😔ماريحتش.. مكذبة وكتاه يفوت العيد....

العضوة: 1433451 , 3 years ago

صح عيدك أختي.... الحمد لله على سلامتك حبيبتي.... و الله واعرة بزاف نفاس و تعب نتاع العيد... خاصة نتي لي عندك داك الراجل الزين لي ميعاونكش.... أنا شقايا وحده مين قلت هاد العام سكنت داري و نعيد على خاطري جات العجوز بيها بكبشها تعيد معايا و الله واحد الكشفة.... زوج كباش فاتو على ظهري غسيل و تقطاع... هي متعرف دير والو...و لالة لعشية دات الكبش مغسول مقطع و مقسم فشكاير... لحد ليوم مزال مريحت متعب 😩...

العضوة: 1433451 , 3 years ago

سلام عليكم بنات.... راني حابة نسقسيكم إلى راكم كيفي ليوم لوجع راه قاتلني...و نتوما كاش وجع... هادا عادي ولا غير أنا راني وحدي.... بليز ردو عليا...

العضوة: 158324 , 3 years ago

@user-1433451 وعليكم السلام ورحمة الله وبركاته صحا عيدكم وكل عام وانتم بخير تقبل الله منا ومنكم الوجع انا معنديش من غير يديا يتنفخو ومنجمش نمشي بزاف ولا نجمع

العضوة: 1579236 , 3 years ago

عيدكم مبارك كل عام وانتم بألف خير والله حتى انا نوض ايديا منفوخين ومزيرين وتعب والله كنت ماني حاسة بوالو وحركة نتاع لبيبي ناقصة

العضوة: 1433451 , 3 years ago

على حساب الرد نتاعكم لازمني نروح لطبيب لاخاطر الوجع باديني من كرشي حتى لفخدي... منيش عارفة غير كي رانا نباتو عريانين و نخلي التاقة محلولة...بصح أنا عندي رجليا ينتفخو بزاف أما يديا عادي... و الحركة نتاع الجنين الحمد لله راها كاينة متنقطعش....

العضوة: 158324 , 3 years ago

@user-1433451 روحي تطمني خير بلاك حاجة عادية وكل حمل يختلف عن الأخر

العضوة: 1433451 , 3 years ago

أوكي حبيبتي حتى أنا قلت نروح غدوة لطبيب نشوف بلاك غير برد لاخاطر بيبي نحس بيه عادي.. و لي فيه الخير ربي يجيبه.

العضوة: 158324 , 3 years ago

ان شاء الله يارب مايكون الا الخير

العضوة: 1584579 , 3 years ago

سلام بنات ،ومبارك عيدكم،مين فيكم دخلت الشهر السادس و لساتها تعاني من القيء!

العضوة: 825174 , 3 years ago

رب يشفيك لازم تتأكدي عند الطبيبة ممكن ولا عليك تعب العيد

العضوة: 1433451 , 3 years ago

صباحو حبيبتي... صح عيدكم... كنت رايحة لطبيب بصح صبحت مليحة راحلي لوجع... يبالي غير التعب نتاع العيد ولا عليا...خاصة مين راه الجنين يبوجي مليح.... منيش حابة نكثر زيارات الطبيب و إيكو ماشي مليح للبيبي..

العضوة: 1503148 , 3 years ago

@user-1433451 ماشاء الله انا قبلك ب يومين وبالاسبوع ٢٥ و ثلاث ايام الله يتمم انشاء الله

العضوة: 825174 , 3 years ago

الحمد لله..ايه باين نتاع تعب الحمد لله عقبت سلامات انا من التعب دميت مع راني رابطة وكي ضربت برا زيت شوي ريحت

العضوة: 1433451 , 3 years ago

أنا راني عاد كي ضربت لبرأة نتاع زيت غير سيمانة قبل العيد... لكور نحلي شوية... علابيها محبيتش نعاود نروح لطبيب...