1 year ago
  • ما قبل الحمل
كاين شي مغربيات هنا حوامل شهر 6

8137 تعليقات

العضوة: 1483502 , 10 months ago

@user-1955957 انت دابا دخلتي فالثامن هذا هو الوقت لتوجاد سلو يمكن بالخصوص الى كنتي غادي تصايبيه كثير و ماكاينش لي يعاونك فالتنقية والتحمار وداكشي باش تحيديه وتبداي ليك الحلوة ربي يكون عوينك نتوما اش كيديرو فسلو ديالكم حيت كل وكيفاش كايصايبو كل منطقو واشنو حنا بني ملال وكل وكيفاش كايدير ليه وكاين لي مسمينو سلو كاين التقاوت كاين الزميطة كل واشنو حتى انا الحوايج خاص نتقدا للتربية حيت لي عندي كبار شوية ماشي ديال الزيادة حيت فالاولى دعقوني شري الكبر شري الكبر فاش جات التريبية وليت نلبسها فداكشي كبيييير عليها ههههه ومافيهمش الحوايج سخان شوية ديال الربيع

العضوة: 1955957 , 10 months ago

سليلو كانديرو انا اصلان كتير فرمضان نيت او كيبقى ليا شحال من مورا رمضان حيت هو ليكاناكل فرمضان ماعنديش معا شباكية كاندير 3كيلو دقيق فورص محمر او كيلو اونص جنجلان 2 كيلو كاوكاو او كيلو تلوز او نص كيلو ديال صوجة او رابعة تنافع او نص كيلو زريعت لكتان او رابعة من حبة حلاوة او نص رابعة من الكروية او لقرفة او شوية راس لحانوت او سكر ݣلاصي او كانجمعو بزيت نوار شمس او زيت العود كانخلط او كانحيد منو لمسوس لعݣوزتي او لمي دروكة نيت ماعرت واش نفس لكمية ليغاندير اولى نزيد لقوام او شوية تدݣيݣ

العضوة: 2081598 , 10 months ago

دخلنا السابع ❤️

العضوة: 1483502 , 10 months ago

صباح النور البنات كيف صبحتو رتاحيتو شوية؟

العضوة: 1483502 , 10 months ago

@user-1955957 انا ماما لي كاتصايب قريب لهذا لي كاتصايبي انت كادير فيهم الان والصوجا وكاوكاو واللوز والزنجلان وحبة حلاوة والنافع وزريعة الكتان والكوزة والقرفة كايجيو الصراحة بنان وكاتزيد دقيق القمح وكاتخلط بالزيت البلدية و العسل الى كان ماكانش كادير سكر كلاصي وهذا لي مصايبة السيدة لعدوزتي فيه دقيق الفورص واللوز وزنجلان والنافع وحبة حلاوة وكاتخلطو بالزيت ديال نوار الشمس والزبدة و سكر كلاصي وحتى هو كايجي بنييين الصراحة وهو لي غادي ندير حتى انا كثير شوية باش نقادو ان شاء الله منو للبيفي ونحطوه للناس ديال ماما بغيت ناكلو انا ههههههه ولي فالدار صافي

العضوة: 1483502 , 10 months ago

@user-2001270 اه فهمت اختي الزميتة كاجي صحية اكثر اصلا النافسة كاتكون محتاجة لهادشي بزاف باش تصحاح وتبرا اه على الحوايج تقولبت بزاااف انا كانت عدوزتي فاش كنت نتقدا داكشي باش خذينا الكبر اما كون خذيت الزيادة راك عارفة ضروري الخاطر هاهي كبرات تبارك الله وبقاو موراها ماعليش كل يلبس لي مكتاب ليه دابا ان شاء الله نتقدا قبل ههههه اصلا غير ديال الزيادة الاولين لي خاصيني

العضوة: 2026607 , 10 months ago

سلام عليكم بنات كيف دايرين لباس عليكم شميت ريحة سفوف شهيتوني هههههههه انا مرييضة رواح تا مشا وعاود رجع بخصوص الكحبة قتلتني ضلوعي ولاو ضريني

العضوة: 2026607 , 10 months ago

سفوف غندير 4ولا 5 كيلو انشاء الله دقيق والقمح كنخلطهم .4 اللوز 3 زنجلان إلان زريعة كتان نافع حبة حلاوة قرفة كوزة كنخلطهم بالعسل وزيت العود

العضوة: 1955957 , 10 months ago

انا مكاينش لبيفي ليجا عندي نحط ليه الا في حالات بيت ندير سبوع ان شاء الله

العضوة: 2026607 , 10 months ago

@user-1955957 تأنا اختي بيفي تاكنجي من سبيطار كيجيو شي صحاباتي صافي اللي جا نحط سفوف و بلاطو الحلوة فاكية مملحات صافي تال سبوع نشاء الله عاد ناخد ليدراججي فين كدار الحلوة ودوك قريعات فين يدار سفوف

العضوة: 1955957 , 10 months ago

انا الى درت لبيفي بايهزوه غير دراري او تبارك الله شحال خصني هنا ها الجيران ها ليدخل ها ليخرج او الناس هنا باقي تقليدين باقي بحالكوم نتوما لي فبرا مسحكم ليكوم ديروه فالدار الناس تماك قلال ليبايجي ليجا ألقى داكشي زوين ويدي بنادم داك لباروك انا راه فنهار بايمشي لبيفي هههههههههههه هادشي ليعطى الله

العضوة: 1483502 , 10 months ago

@user-2001270 هههه اه لكل حاجة بداية ضروري اختي

العضوة: 1483502 , 10 months ago

@user-2026607 الله يجييب ليك الشيفا اختي خايب حتى انا شاد فيا

العضوة: 1483502 , 10 months ago

@user-1955957 ههههه ضحكتيني حتى حنا فاش درنا السبوع فالمغرب للبنية الاولى ماحطيناش داكشي حتى بغا يتفرق حيت تبارك الله الدراري الصغار مايخليو والو وحتى هنا هاكاك ولكن هنا مادرتش ليهم عراضة وحدة كان عندي بنادم مفرق بحالا طيبت شي 4 المرات هاد المرة غادي نحاول نجمعهم ولا على الاقل ندير زوج مرات ولا ان شاء الله حنا راه عندنا البيفي على زوج مرات خاص نديرو هنا وملي نهبطو للمغرب نديروه ثاني ان شاء الله مشكل صافي ههههه

العضوة: 1955957 , 10 months ago

اودي نتفكو غير على خير ولي كتبها الله هية ليكاينة مكرهنا نديرو شيحاجة ماحسن ولايني كانهضرو اوربي كايرزق او كايعطينا داكشي لي مكتب لينا لحمد الله اجيو واش فكرتو فسمية انا هاد لمرة او حلت فسمية اي سمية ݣلت مكانتفهامش فيها معا راجلي او اي سمية ݣالها مكتعجبني ݣلت ليه خليها تاوكان تزاد او نسميوها