1 year ago
  • ما قبل الحمل
كاين شي مغربيات هنا حوامل شهر 6

8137 تعليقات

العضوة: 1483502 , 10 months ago

@user-939943 لا لا دوزنا الكثير باقي لينا شويكيك نصبرو راسنا وصافي ههههه

العضوة: 1483502 , 10 months ago

@user-939943 الى عقلت للاواخر ديال السابع دابا مامفاوتاش انا وياها ببزاف

العضوة: 1483502 , 10 months ago

@user-1955957 اهلا اختي الحمد لله ها حنا غادين مع التربية والدار والثقل عرفتي والفتق ههههه والغازات والاسهال ناري جبدتيني ها انا بديت بحال شي شارفة هههههههههه وانت كي غادية فين وصلتي مع التوجاد؟ اشنو كملتي اشنو باقي ليك؟

العضوة: 939943 , 10 months ago

متجبدوش التوجاد قدامي انا وليت باغا غي التاسع ونولد بخير ونعيشو انا والبيبي أن شاءالله راه بدات جدي فوبيا الولادة وشوفة ولدي قبل مندخل كلينيك خليوني ساكتا

العضوة: 939943 , 10 months ago

الله سمعنا خير عليها يارب

العضوة: 1483502 , 10 months ago

@user-939943 ناري غير سكتي حنى انا والله الى بديت كانفكر فالولادة ولكن كايقولو الولادة الثانية كاتكون اسهل كاتولدي عادي ولا سيزاريان؟ اما بنتي مابغيتش نفكر اني غادي نبعد عليها 3 ايام كاملة المشكلة هي باقا صغيرة شي مرات العيا يكون فيها النعاس تبقى تنغنغ تنغنغ وتبوحط باش تمشي تنعس باقا ماكاتعرفش فيها الجوع ولا وماكاتاكلش كولشي وموالفاها ماكلة دافية يالاه طايبة الدموع جاوني دابا ابتي خلينا خلينا هههههه التوجاد خليني حتى انا ساكتة بلاما نهضر بلاش احسن

العضوة: 1483502 , 10 months ago

@user-939943 امين ياربي امين اختي

العضوة: 2026607 , 10 months ago

صباح الخير بنات كيف صبحتو لباس عليكم

العضوة: 2026607 , 10 months ago

بنات سمحولي مبقيتش دخلت طفا ليا لبارح تلفون و مجيناش بكري للدار جيت عيانا ونعاس طحت كاااو الحمد الله لقاو كلشي مزيان تحليلة مخرجتش باينا عطاوني نعاودها ديال البول حشاكم شكو ليا فالكلاوي حيت ملي كنبغي ندير الما بزز بحال شي حاجة كتبغي طرطق فجنبي ليسر كانو عندي شي عاماين دابا ودازوني وعطاوني واحد كينا خفيفا نبقا نشربها ملي نحس بالالام وخاص يخرجو تحاليل نمشي لعند طبيبة ليوم شويا الحمد الله

العضوة: 2026607 , 10 months ago

@user-1483502 غي سكتي انا لبارح بالخلعة شدتني رعدة كيجيو بزاف كيتوجعو وحدة كانت حدايا هيا كتنين وانا واحد الخلعة الله يسر لينا فولادتنا ياااربي

العضوة: 2026607 , 10 months ago

@user-1483502 بحال فاش ولدت بنتي الثانية كان عند الأولى 3سنين صغيرة ومعندي تاحد فالعائلة هنا كي كلت ليك كتبات غي معا باباها فاش تيمشي خدمة كيخليها عند واحد صحبتي وملي تيجي عندي كيجيبها معاه

العضوة: 2026607 , 10 months ago

@user-2001270 ربي يخليك اختي انشاء الله ياربي يكون كلشي مزيان

العضوة: 2026607 , 10 months ago

@user-939943 انا دابا فالشهر السابع ليوم 29اسبوع و 5ايام لي عاطياني الحاسبة والإيكو زائدة بيوماين

العضوة: 939943 , 10 months ago

الله يتمم بخير يارب

العضوة: 939943 , 10 months ago

انا ماما لي كنكساب اتمشي العمرة أن شاءالله اوا مكاين عندي حد الحمدلله خوتي وحدة كازا وحدة سلا وحدا اسبانيا ولادهم كيقراو يلا دارو زوين طلة فالكلينيك من نهارهم يرجعو اما اسبانيا مفقود فيها الامل هههه واخا كدخل وتخرج لأصيلة وحدة لي فقنيطرة مدابزا مع راجلها ومباغاها توقف معايا فوالو وليت نعتبرها ضيفة وخلاص @user-2026607