1 year ago
  • ما قبل الحمل
كاين شي مغربيات هنا حوامل شهر 6

8137 تعليقات

العضوة: 939943 , 7 months ago

قتلاتني البنت البنات غي كتبكي وكتبغي غي تبقا مهزوزة مكنعس مكنشوفو عييت الحمدلله على كل حال

العضوة: 2139203 , 7 months ago

@user-939943 اختي صبر قوليلي مزالة بوحدك ولا معاك شي واحد

العضوة: 1483502 , 7 months ago

@user-939943 اختي كلنا فالهوا سوا البارح والله الى النهار كامل ماخلاتني فين نشقى يالاه نرضعها ونحطها ماكاملاش 10 دقايق وااااااع وعدوزتي بغات تشدها وااالو مابغاتش تسكت ليها مابغاتش تشد السكاتة عادي فهاد الوقيتة كايبغيو يبقاو قراب لينا حنا الصبر اختي دابا تفوت يمكن البنات هاكا هههه حيت حتى فبنتي الاولى هادشي لي طرا ليا

العضوة: 1483502 , 7 months ago

@user-939943 الى كان نعاسك خفيف وماكاتقلبيش بزاف نعسيها فوق صدرك وغادي تنعس وتنعسي هادشي لي وليت كاندير ليها انا بعدا شوية احسن من والو

العضوة: 939943 , 7 months ago

انا راه ما كاتنعسش بتاتا في بلاصتها كاتبقى غير في يدي وكاتبكي من الفوق وما عجبهاش الحال وكاتبقى شاده غير الراس ديال الصدر شي رضاعه ما كاترضع وتحطيها تبدا تبكي وغير الا بدلتي لها النعسه اللي هي ناعسه وقفتيها على صدرك تحيح انا هذا الشيء ولا خالعني واش عادي راه بكثره البكه واقيلا ذاك الشيء باش عيونها تنفخو راه كانبقى بجوع نهار كامل ما كانتحركش من بلاصتي بتاتا كنبقى غير شاداها وعاطيها الصدر وجالسين اش كانديروا حتى حاجه المهم غير تبقى ساكته ويا ربي تبقى ساكته والو وتقول

العضوة: 1483502 , 7 months ago

@user-939943 اختي تربية البنات قاصحة الصراحة نفس الحالة كانت دايرة ليا بنتي الاولى كانقول عا هي شد فيها النعاس نحطها نوض نعتق راسي كاتفيق ليا مزال ماتفاوتش من حداها والسكاتة كنت نديرها ليها يالاه تمص وتدفعها بلسانها بشك ههههه كاتعيق بيها وتبدا تبكي عادي فالاخر وليت نخليها لاصقة ونشقا بايد والله العظيم الى كنت نعجن بايد ونقرصها بايد ونطيب بايد كنت كانتفقص ديك الساعة وكانبقا مستريسيا ونغوت دابا لا ولفت ههههههه دابا يفوت هادشي الصبر والله غير تولي تحبو وتمشى صافي تخفي شوية

العضوة: 2026607 , 7 months ago

سلام بنات كيدايرين لباس عليكم كيغادين معا شي سهير وتربية

العضوة: 2026607 , 7 months ago

@user-1483502 هانا اختي باقا وجع بحال دورة وصافي مرة مجهد مرا خفيف تمشيت كل نهار دوش صخوون صباح عندي غنمشي

العضوة: 1483502 , 7 months ago

@user-2026607 اللهم يسر الاومور ياربي الله يعطيك فكاكة ساهلة ماهلة لهلا يمحنك اختي توملي على الله وسيري بغيت نقوليك ديري الزعفران والحليب كايسهل الولادة ولكن خفتو مايوافقكش ولا شي حاجة فبنتي الاولى شربتو فاش كنت غادية للصبيطار ماعرت واش هو لي عاوني ولا من عند الله و الثانية مادرت والو من غير داكشي لي قلت ليك

العضوة: 2026607 , 7 months ago

@user-1483502 لا اختي مندير والو الله يسر ياربي يدوز كلشي مزيان نشاء الله فبنتي صغيرة كنت تعطلت وكالو ليا طبخي حبرشاد مع حليب كيدير وجع وتايعون درتو مبقاتش كتحرك ملي مشيت صبيطار كالو ليا نشفات عطاوني شي دوا وبايتا نشرب فالما عاد شويا واحد الخلعة وليت نكول اش داني كون قتلتها الله يحفض

العضوة: 1483502 , 7 months ago

@user-2026607 لا اختي راه قلت ليك يقدر مايوافقكش الله يحفظ و حب الرشاد راه يدير ايموراجي هو والقرفة والحلبة الله حفظها من عندو الله يسر ليك اختي ويعطيك فكاكة ساهلة ياربي

العضوة: 2026607 , 7 months ago

@user-1483502 أمييين اختي 🤲🏻 كولي ليا ملي عطاوك شربتي الكينة بحساب دير ليك الوجع شحاااال ديال الوقت وتجهد كالو ايعطيوني نشرب كينة كنتسناو لكملت ساعتين ومتجهدش وجع غيديرو شي برا

العضوة: 2026607 , 7 months ago

وعطاونا وراق سنينا بلي موافقة

العضوة: 2026607 , 7 months ago

@user-2001270 اميييين اختي 🤲🏻🤲🏻🩷❤️ سنيت اختي باش منديرهاش تيكولو كترجع بالضهر وانا اصلا عندي مشكيل فضهر ويزيد نصبر وصافي حر نهار يفوت نشاء الله

العضوة: 1483502 , 7 months ago

@user-2026607 اختي ماعطاوني حتى كينة داكشي جا بوحدو واحد السيدة كانت معايا فالبيت هي لي دارو ليها وجع اصطناعي عطاوها 3 ديال دوزات ووالو خرجت خليتها باقا مسكينة