1 year ago
  • ما قبل الحمل
كاين شي مغربيات هنا حوامل شهر 6

8137 تعليقات

العضوة: 2139203 , 6 months ago

سلام بنات لباس عليكم وليداتكم لباس بغيت نتجمع معاكم ولكن الله غالب انا حاليا كنعاني من لبواسير قتلوني مكنقدرش نمشي لطواليط وكينزل الدم معندكمش شي فكرة على شي وصفة ولا دوا كانت فاطمة الزهراء صورات لي شي قويلبات مجربتهمش

العضوة: 1483502 , 6 months ago

@user-2139203 اهلا اختي اش اخبار جنى ولقمان ؟ ناااري يااختي راهم اكبر حاجة كاتكرهك فالولادة دوزوها عليا فبنتي الاولى واحد العذاب 5 شهور من بعد الولادة وانا كانعاني اخر حاجة درت هي زيت السانوج وزيت قشور الرمان و كنت كاندير الما تبخ فيه الثومة وكانعقم بيه عاد كاندير دوك الزيوت وكل نص ساعة ندخل نديرو حتى جاب الله الشيفا هاد المرة ياد كنت مصايبة زيت السانوج درتو قبل مايشدوني بزاف و فاش بديت كانحس بيهم والله الى نفعوني دوك القويلبات والبومادة ديالهم درتهم 4 ايام يمكن بحال الرحمة

العضوة: 1483502 , 6 months ago

هوما هادو اختي فبني ملال فين كاينة عدوزتي مالقاتش القويلبات والبومادة جاتها غير بالكوموند اما ماما كاينة فطانطان عطاوهم ليها فالصبيطار ماعرفتش واش تلقايهم بزوج

العضوة: 2139203 , 6 months ago

عاودي اختي صوريهم وقوليلي طاريقة زيت السانوج المشكلة انا ماشي فداري معنديش الحرية الكاملة باش نخرج ونشري لي بغيت ونصاوب لي بغيت كرهت والله

العضوة: 2139203 , 6 months ago

كانو قالو لي العرعار ولعسل ولكن ما جربت والو ومعنديش الوقت ولا الخصوصية طواليط حشاك كنبقا نخليها ليل حتى ينعسو الدراري كرهت راسي والله

العضوة: 1483502 , 6 months ago

@user-2139203 اختي شدي السانوج وديريه فالزيت الزيتون و ديريه فوق حمام مائي وغطي عليه وخليه يتبخ داك الما مزيان و صافي طفي عليه ملي يبرد وبداي تستعمليه كل شوية دخلي ديريه فلانجيت ولا فونصمون وديريه لبلاصتهم و بركي شوية بحالا بغيتي ديريه حتى لداخل مايكون عندك باس اختي الله يشافيك منهم

العضوة: 2139203 , 6 months ago

@user-1483502 امييين هادي بعدا ساهلة نديرها الى كتاب

العضوة: 1483502 , 6 months ago

@user-2139203 حاولي تشربي الما بزاااف بزااف باش مايجيكش القبط وكولي مطيشة شلاضة والتفاح وكيوي البرقوق الباربة هادو كل مرة دخلي لي قدرتي عليه فماكلتك فالنهار والما الما

العضوة: 1483502 , 6 months ago

@user-2139203 اه اختي ساهلة انا راه ماخليييت مادرت مانفع معايا غير هادشي حاسة بيك والله ربي يكون معاك هاااه و حاولي كل نهار ديري واحد الوقت وتدخلي للحمام حاشاك حيت الى مادخلتيش داكشي كايبقى ينشف من الما وكايقصاح واجا مايفكك اعزك الله

العضوة: 2139203 , 6 months ago

@user-1483502 هاد الشي قلبت عليه وسولت شات جيبيتي قالهم كنحاول نشرب وكنحاول ناكل الخضرة وفواكه انا جاوني مور لولادة ديريكت حيت مكنتش كناكل وقصاحت كرشي ومكنتش كناكل الشوربات و لحراير

العضوة: 2139203 , 6 months ago

@user-1483502 اه عرفت انا من الخوف كتبقا نحبسها فيا و وكنخاف من داك لوجع لي كيجي من بعد الله يشافي كل واحد منهم والله الى العداب

العضوة: 2139203 , 6 months ago

@user-2139203 مقلت بالله تجمعو دوك لغراز جاو هوما الله يجعلها من مغفرت الدنوب

العضوة: 1483502 , 6 months ago

@user-2139203 اه اختي هذا هو السبب و كايجي القبط مورا الولادة حيت كولشي كايكون فذاتنا مخربق مورا الولادة كولشي كايبغي يرجع لبلاصتو وكايبانو الديفويات

العضوة: 2139203 , 6 months ago

كي بقات جنى ليوم شفتكم كتهدرو على السكاتة انا جنى مكنتش بغيت نديرها لها مدرتهاش ولقمان صراحة مكرهتش ولكن مدرتهاش ليه دبا بعدا

العضوة: 1483502 , 6 months ago

@user-2139203 ديري انت الصباح مورا ماتفيقي باش داك الوجع يدوز بنهار بالليل يهمد و تنعسي ترتاحي فاش ماكنتش عارفة اختك اي وقت تدخل وكنت بالليل ماكانعس ماكانشوفو كانبات واااقفة حتى الحلسة ولا نتكا ماكانقدرش والله الى دوزت العذاب ومع التربية الاولى والسهير معاها والنهار كايكون تابعك الشقا والسخرة ولكن كي قلتي الله يجعلها مغفرة الذنوب ياربي