1 year ago
  • ما قبل الحمل
كاين شي مغربيات هنا حوامل شهر 6

8137 تعليقات

العضوة: 2131339 , 5 months ago

صباح النور البنات لاباس عليكم اموركم بخير؟ الوليدات لاباس عليهم صحيحتهم مزيانة؟ كيف غادين مع توجاد العيد ؟ مبروك عواشركم والله يدخل عليكم هاد الشهر بالصحة والسلامة ومابغات خاطركم وتشوفوا وليداتكم فأعلى المراتب ان شاء الله

العضوة: 2131339 , 5 months ago

الله يشافيهم يارب حتى انا بغيت نصوم ولكن خافت مانقدرش حيت الرضاعة كتجيب ليا الجوع والعطش وغادة نغامر ونشوف ايلا قديت اصلا كنفكر فديك 25 يوم لي عندي كتشدني السخفة 🤣🤣🤣🤣

العضوة: 1483502 , 5 months ago

@user-2131339 ياربي امين اختي ولك بالمثل وافضل الحمد لله ياربي شوية وصافي بدينا نعاودو نتعودو هههه العيد لي مزال مادرت والو التخمال بغيت نخليه حتى تمشي عدوزتي ان شاء الله ونخمل والتوجاد كيكة بالزربة هههههه الحلوة يالاه سالات مايجي عندنا احد من بعد ونصايب لينا ثاني شوية هذا ماكان وانت وجدتي شي حاجة ؟ اش اخبار اسولة

العضوة: 1483502 , 5 months ago

@user-2001270 امين ياربي اختي لهلا يخطيك عبروها فاش ديتيها للجلبة طمأنوك عليها بعدا

العضوة: 1483502 , 5 months ago

@user-2131339 ههههه انا 21 يوم علاش انت 25 ياك ولدتي نهار 25 وانا ولدت نهار 27 بيناتنا يوماين هههههه خلي اختي بلاتي حتى يديرو ديك 6 شهور ولا 7 يبداو ياكلو ويشبعو بعدا بنهار يوقرونا واخا غير شوية هههههه انا راه كل شوية كانبدا نقب فشي حاجة ضروري كايجيني الجوع بالزربة حتى البيليل زايدة نغيزة واخا صمت زوج ديال العوام رمضان وانا كانرضع والحمد لله دازو على خير النهار الاول لي كايكون قاصح و لا الى درت شي مجهود بزاف

العضوة: 1483502 , 5 months ago

@user-2139203 واهيا تي فين غابرة جالسة تصايبي فالحلاوي ولا كاتخملي للعيد؟

العضوة: 2026607 , 5 months ago

سلام عليكم بنات كيف دايرين لباس عليكم بخير كيغادين معا شي سهير ورضاعة وتربية وليداتكم لباس عليهم بداو يكبرو شويا

العضوة: 2026607 , 5 months ago

@user-1483502 اهلين اختي كيدايرة لباس عليك بخير انا لباس اختي الحمد الله ااه لبارح كانت عندي فيزيتا ديال 40 فصباح كلشي مزيان كتبان ليا تأنا 🌺azalia وكاتلي ندير حتياط فشهر الاول و العشية كان عندي كونترول لخالد الحمد الله كلشي مزيان

العضوة: 2026607 , 5 months ago

ضربو شويا البرد معا هاد الجو وتخنقو ليه نيوف بخصوص بليل

العضوة: 1483502 , 5 months ago

@user-2026607 الحمد لله اختي على سلامتكم ملي بزوجكم على خير الحمد لله اختي البنات شوية وصافي جنى اليوم صبح محنها بزاف البرد نيوفها يسيلو والعطيس غير بعدا الحمد لله ماكايناش السخانة هاد الساعة غادي تستعملي azalia نيت ولا غادي تبدليها؟ بديتي توجدي للعيد كي كاتدوزيه؟

العضوة: 2131339 , 5 months ago

أمين يارب ختي انا ماخملت مادرت والو اصلا نحمد الله لي كنوجد ماناكلوا ونجمع شوية دار ونصلي اسولة كتنعس ساعة ونص بنهار صافي والباقي كتبقى غير تغمض وتنوض وتبدل وتبقى شادة البزولة ههههههه دايراها لهاية واخا كنعطيها الرضاعة كتشربها وكتبدى تقلب على البزولة ههههههه حتال ليلة العيد ان شاء الله ندير كيكة والبطبوط

العضوة: 2131339 , 5 months ago

صمت غير 5 ايام النهار 6 فطراتني الطبيبة حيت أسولة كانت سخفانة ذاك الشيء اللي غادي ندير ان شاء الله دير سته شهور تولي تاكل ان شاء الله مزيان و تولي عندها البزوله غير اربعه المرات ولا خمسه في النهار ونصوم

العضوة: 1483502 , 5 months ago

@user-2131339 ههههه يااختي انا جنى ولات تنعس عليها واخا تكون شبعانة رضعات حتى تقيات وتبقى تبكي حتى نعطيها ليها وتنعس ولاو قويلبياات هههههه غير سكتي ملي تمشي عدوزتي حتى انا غادي نقفرها حيت ولفات ليا حتى الهزان والشدان الارض بزز باش كاتبقا واحد 5 دقايق فديك الفراشة لي معلقين فيها الالعاب اما فاش كانخرجو كاتقوليا الى جلست ليك فالكونة ها وجهي ملي نخرجو وهي تبكي حتى نهزوها وتصقل ههههههه ف جوديا الصراحة كنت نعجن بايد وحدة و تلقايني نشطب بايد وحدة حيت ماكنتش كانقدر نركبها كنت كانخاف

العضوة: 1483502 , 5 months ago

@user-2131339 ان شاء الله ياربي اختي الله يقدرنا ونردوه ياربي نتافقو ونوليو ديك الساعة نزعمو بعضياتنا ونصوموه جميع

العضوة: 1483502 , 5 months ago

صباح الخير البنات كي صبحتو رتاحيتو شوية اش اخبارطم؟ كي بقاو الفناكيش دياولنا من الوجيعات وكثرة الفياق بالليل ؟ كي دايرين مع هاد الجو لي ماعرفنا نلبسو خفيف ما عرفنا نثقلو هههه كي دايرة اجواء العيد بدا شي تبعبيع فالسطوح ولا مزال؟