1 year ago
  • ما قبل الحمل
كاين شي مغربيات هنا حوامل شهر 6

8127 تعليقات

العضوة: 1483502 , 1 week ago

@user-2139203 اه فاش كانت عندي 19 العام هاداك هو الوزن ديالي ولكن من بعد ما جلست حبست القرايا بديت كانتزاد شوية المهم ديك 70 هههه قفرتها شوية مانبقاش نبان ههههخخ الحمد لله البنات ولاو احسن جنى لي منفوخ ليها اللحم ولكن مزال مابان والو ماعرت شحال كايبقاو ديال الوقت وكايبداو يبانو كي غادي لقمان مع الماكلة؟

العضوة: 2120392 , 1 week ago

سلام البنات لباس عليكم وليداتكم و بنياتكم لباس عليهم لقيتكم هاضرين على الضعف حتى اختكم راه ضعافت بزاااف والله حتى الميزان كاين و مزعمتش نتعبر خازناه عالي غير باش منتعبرش هههههه ولاكن شعري منعاودش ليكم راه كيطيح بواحد الشكل خرافي اللي شافوا كيقوليا راه كيطيح لينا مع الرضاعة ولاكن ماشي بحالك انت راه بزاااف يلاه غادي ندير تحاليل نهار الثلاثاء و نشوف شي طبيبة على حساب الجلد ديال الشعر و نشوف أشنوا غادي تقوليا

العضوة: 2120392 , 1 week ago

انا أمير اليوم كمل 5اشهر و نهار الاثنين عندوا رونديفوا مع البيدياترا ديالوا و غادي نبدا ليه الماكلة نصحوني باش نبدا و أشنوا بروكرام اللي ندير ليه زعما شحال من وجبة و أشنوا نطيب ليه فالاول اشمن خضرة

العضوة: 2139203 , 6 days ago

سلام لباس عليك فين كتغبرو تبقاو تشاركو معانا ههههه الضعف لا تسالي لا تسولي انا بكل روح رياضية كنمشي ندير تلقيح للقمان كنوزن راسي وخا مزانهم خاسر اه سيري ديري تحاليلك ممكن تلقاي فقر الدم

العضوة: 2139203 , 6 days ago

الماكلة بداي بأي خضرة جربيها ليه 3ولا يومين سلقيها وطحنيها وعطيه يدوق باش تشوفي واش معندوش حساسية من شي حاجة تبقاي تنسمي ليه بزويتة بلدية ومن بعد دوزي لنوع اخر المهم دبا هاد المرحلة ديال تدوق ماشي خاصو ياكل بزاف ومن بعد كتزيدي الكمية ولل. نسيت شي حاجة تفكرني فيه الصديقة فاطمة الزهراء هي راه خبرة عليا

العضوة: 1483502 , 6 days ago

@user-2139203 هههه ضحكتيني انا خبرة هههه كاندخل نجاوب كايحميو عليا زازة هههه

العضوة: 1483502 , 6 days ago

@user-2120392 الحمد لله اختي لاباس عليهم كي بقيتو من البرد؟ هههه عرفتي حتى انا شعري بزااااف بزاااف حتى قطعتو عاد شوية قطعت نصو بقا فيا غادي تقدر يكون نقص الفريتين ولا b12 راه هوما لي مسؤولين على الاغلبية غير خليها على الله صبيطار وصافي على شعرك جربي طبيبتكم بعدا تديري التحاليل والى كان شي نقص فيتامينات ولا تاخذي المكملات وتصبري واحد الشهرين ولا 3 الى مابانش ليك تحسن عاد سيري عند طبيبة الجلد ان شاء الله يكون خير

العضوة: 1483502 , 6 days ago

@user-2120392 على قبل امير بداي ليه بالخضر مثلا بطاطا خيزو ولا كرعة خضرا ديري ليه حاجة وحدة النهار الاول فالغذا والثاني نفس الحاجة الى بغييتي تزيدي تتأكدي تقدري تزيدي النهار الثالت عاد تزيدي على ديك الحاجة نوع جديد ولا تقدري تديري ليه نوع جديد بوحدو ثاني يومين ولا ثلاثه ايام كيف قالت ليك اميمة غير الغذا فالاول باش الله يحفظ الى كانت عندو شي حساسية ولا تبان بقاي هاكا شي زوج ولا 3 سيمانات عاد دخلي ليه اللحوم والفورماج و تحاولي شي يومين تجربي ليه التفاح ولا البنان فالغذا باش ملي يكمل 3 السيمانات تزيديه الكوتي حتى هو تقدري ديري ليه دانون مسوس ولا بنان ولا تفاح ولا حتى دانون مسوس مع الكاكاو ولا كركاع مطحون زنجلان ....ومن بعد ثاني تزيدي الروز ليباط الكسكس ... وتقدري تدخلي ليه حتى العدس ولوبيا ههههههه

العضوة: 1483502 , 6 days ago

@user-2120392 اي نوع خضر وفواكه تقدري تجربيه ليه الا الفطر لي لا حتى ل 12 لعام والعسل خلاص السكر والملح حكا كيف قالت ليك اميمة تقدري تنسمي ليه بزويتة بلدية و حتى كمون مزيان ليهم قرفة كاتعطي بنة مع التفاح القرعة حمرا ...و فينما تلفتي حنا هنا هههههه

العضوة: 1483502 , 6 days ago

كي جيتكم ههههه

العضوة: 2120392 , 6 days ago

اهلا الله يعطيكم الصحة و خلاص صافي هاني معاكم مرة مرة ان شاءالله يا رب العالمين انا راه دابا كنتحول و ولاو ساكنين معايا ناسي اوى القضية شوية حامضة هههههه

العضوة: 2120392 , 6 days ago

بغيت نجرب لي كام لشعري صراحة و معرفتش اشنوا نقدر نستعمل و بالنسبة المكملات حتى نشوف التحاليل و أشنوا كاين عاد ناخد

العضوة: 2139203 , 6 days ago

واه الفطر حتى يدير 20 عام ههههه

العضوة: 2139203 , 6 days ago

واه وفاول طحني ليه وشوية بداي تمعسي بالفرشيطة باش ما يوالفش لك غي المطحون بزاف خاصو يتعلم يمضغ انا لقمان دبا 7 شهور كاين الحوايج لي كنطحنهم وكاين لي كنمعس