1 year ago
  • ما قبل الحمل
كاين شي مغربيات هنا حوامل شهر 6

8136 تعليقات

العضوة: 2158446 , 1 year ago

سلام عليكم كاين شي ترحاب ولا نمشي بحالي هههه

العضوة: 2158747 , 1 year ago

@user-1868858 واحنا ماشاء الله خطينا شي بلاصة😂😂😂موجودين غير حنا الله يحفظنا ويحفظ جميع المسلمين

العضوة: 2026607 , 1 year ago

@user-2158446 عليكم السلام اختي مرحبا بك اشمن شهر فحمالة عندك؟

العضوة: 1483502 , 1 year ago

@user-2026607 فبنتي لا الصراحة ماجانيش وجع خايب فالاول باقؤ نعقل داك النهار بنهار كنا وجدنا بلاطويات الحلوة وستفناهم وكان كل شوية يضرني ظهري بحالا كاتنغزني شي حاجة وصافي سالينا مشيت ندير القيلولة فقت دخلت نتوضا اعزكم الله لقيت البروتيج فيه شوية الدم احمر فااتح وانا نتخلع خرجت كانجري لعند راجلي قلت ليه ديني للصبيطار ملي مشيت قالو ليا لا باااقي غير سيري للدار ملي انت قريبة ماكاين والو والى بقاو فيك داكشي مازكاش جي اوا اختكم جات للدار وعجنات وطيبات العشا وصايبت غذا راجلي ماجلست حتى ل 00 ديال الليل كانتعشاو و بدا كايزيرني كرشي كانحط معاهم ايدي باش مانحرمش عليهم داك العشا صافي بان ليا داكشي ماحبسش وبقيت مخلوعة وحنا نرجعو للصبيطار دخلوني بقاو دايرين ليا ديك الالة لي كاتحسب التقلصات ودقات القلب ديال الجنين ومرة مرة يجيو يطلو عليا ويديوني يشوفو صافي المرة الاخيرة طرطقات السكية وتخلعت صافي تما داوني شافو وعطاوني بيت وقالو ليا نبدل حوايجي والى انتاظم الوجع نعيط ليهم وصافي ماحد الوجع كازيد وانا مابقيتش قادرة نجلس و لا نوقف حوايجي دايقوني هههه وصندالتي كولشي ههههه وليت نقول لراجلي عيط ليهم يدكو ليا شي برا ولا شي حاجة الساعة صافي بقيت حتى شد فيا مزيان ودخلوني والحمد لله داز كولشؤ مزيان والطبيبة لي كانت ديك الليلة مابغاتش تنسا ليا صورتها ولا معاملتها سبحان الله لي سخرها ليا وحتى راجلي مابغاتش تنسا ليا هضرتو وملامحو ديك الليلة مسكين وولدت مع 8.30 ديال الصباح

العضوة: 1483502 , 1 year ago

@user-2026607 عادي دوك التقلصات اختي بحالا كاتبغي ترجع الوالدة كيف كانت وعلى تفلاح حتى انا طرات ليا ولكن كنت كاندير ليهم حليب ديالي بالزربة براو كانت قالتها ليا غير الممرضة تما

العضوة: 1483502 , 1 year ago

@user-2026607 عادي دوك التقلصات اختي بحالا كاتبغي ترجع الوالدة كيف كانت وعلى تفلاح حتى انا طرات ليا ولكن كنت كاندير ليهم حليب ديالي بالزربة براو كانت قالتها ليا غير الممرضة تما

العضوة: 1483502 , 1 year ago

@user-1955957 وييه اختي ولكن اللهم هوما ولا السيزاريان كايتمحنو بزااااف الله يجعلها ليهم ولينا مغفرة الذنوب راه حنا كانعيشو الالم ديك اللحظة وشوية صافي كايبا غادي وينقص حتى كايمشي سيمانة كاااع هوما راه ماكايحسو بيه حتى يفيقو وعاد الخياطة الله معاهم

العضوة: 2026607 , 1 year ago

@user-2158446 اااه مزال فأسابيع الأولى الله يتمم حملك على خير اختي

العضوة: 2026607 , 1 year ago

@user-2158446 اول حمالة ليك ؟

العضوة: 1955957 , 1 year ago

ايوا هادي زدتيها ليا فلمعلومات ݣاع كانعانيو منهاد لموشكيل مورا 3 يام او لوجع ضروري منو ولايني منبعد 7يام كاتولي بعدا قدا تنوضي تحركي فلبيت تجمعي بلاصتك شوية تشغل او صافي

العضوة: 2158446 , 1 year ago

@user-2026607 امين يارب شكر أختي

العضوة: 1483502 , 1 year ago

@user-1955957 اه اختي حتى انا غير كانبقى نقرا وداكشي لي قريت لقيتو بالصح نيت تجربة ههههه اه اختي مورا 3 ايام بعدا شوييية ولكن ماتقدريش لا تجلسي بزاف لا توقفي لا والو ولكن 7 ايام شوية احسن الحمد لله

العضوة: 2026607 , 1 year ago

@user-2158446 فيها خير اختي الله يكمل حملك على خير يارب

العضوة: 2026607 , 1 year ago

@user-1483502 اااه تأنا معا غراز شي 7 ايام عاد شويا كنوض وندير شغل

العضوة: 2158446 , 1 year ago

@user-2026607 اللهم امين يارب شكرا ختي ،الله يكمل عليك بلخير حتى نتي وتفرحي