اللهم اجعله قرّة عين لي ولوالده ولأخوته وللمسلمين، اللهم إنّي أعيذه بك وذريّته من الشيطان الرجيم، اللهم سهّل حمله، وسهّل ولادته، ويسّر سبيله، أنت الذي خلقته، وأنت الذي أنشأته، وسويّته، أبرأ إليك من حولي ومن قوتي، لا إله إلا أنت، اللهم احفظه من بين يديه، ومن خلفه، وعن يمينه، وعن شماله، واقذف التوحيد فى قلبه، وأعنّي على تربيته يا أرحم الرّاحمين
العضوة: 376934 , 4 years ago
Hhhhhh hta ana jatni lkhal3aالعضوة: 915459 , 4 years ago
البنات عارفة راسكوم أدى يبقى داركوم نعاود ليكوم القصة ما حد البيبي ساكت، البارح جاني إسهال بصح قلت عادي يمكن شي حاجة ماوفقتنيش، هادي أكثر من 5 أيام الحركة ديال البيبي كاينة بصح قليلة ، كرشي نزلات بزاف ، كرشي كانت كاتحجر كل نص ساعة هادي 5 أيام ولكن بطبيعة الحال قلت هادو ماشي إعراض الولادة لأن فاش كنت كانسولكوم كاتقولو ليا حتى أنتما عندكوم نفس الأعراض، هاد صباح كنت ناعسة و نضت مشيت للطواليط لأن في هاد سيمانا تالية كانمشي ل طواليط مرة في كل 15 دقيقة تقريبا مع 8 ديال صباح رجعت ل بلاصتي نعس و من بعد 5 دقائق حسيت ب شي حاجة نازلة مني بحال بيبي بغيت نحبسها مابغاتشالعضوة: 915459 , 4 years ago
نوضت من بلاصتي وقفت و هو ينزل الماء بزاف بصح لا وجع لا والو فيقت راجلي قلت ليه طرطقات ليا سقية بصح ماتخلعش راه مافيا لا وجع لا والو هو دااار بلبالة و فيق كلشي أنا دخلت دوشت و جمعت داك شي لي كان خاصني و فطرت على خاطري و درت ليكوش و جيت للكلينيك، غي وصلت ديك ليكوش بدا كايقطر بالماء صافي عيطو للطبيبة ديالي أنا دخلوني ل واحد شومبر حيدت حوايجي كاملين حتى الفولار هما كايعطيوك داك البوني ديال طبيب دارو ليا تخطيط القلب ديالو هو و بقيت غالسة شي نص ساعة و شوية جابو البياص طلعوني فيه و داوني للبلوك لأن البيبي مامقبلش و أنا الرحم مسدودالعضوة: 894737 , 4 years ago
سلام كبقيتو مزيان لي ولدات مبروك عليها ولي مزالة بحالي الله يفكنا علا خير انا مشيت لطبيب قلباتني وقلتلي محلولة لوالدة 2 سنتيم قتلي مين يهبط عليك دم ولا لما اجي ولحد الساعة مزال معنديش حريق بزاف وترابي كتتحركلي فكرشي بزاف وخصوصا فليل وبعد لمرات كنتزير بحال شواحد كيخنقني اخير دورة 26 11العضوة: 915459 , 4 years ago
إوا في البلوك حكاية أخرى، ديك الأجواء كنت كانشوفها غي في الأفلام بصح لي ضحكني في الكلينيك كاين طبيب و طبيبة أخصائيين و راجلي نهار جينا نفتحو دوسي ختار طبيبة زعمة كايغير، هاد نهار في البلوك دخلت معايا طبيبة و طبيب و البنااج و جوج دراري فراملية هههههه المهم رجال غي هما، ندخلو في المعقول داروني في في واحد البياص ديال العملية بحال لي كانشوفو في اليويتوب عادي و البنااج دار ليا الإبرة في ظهر ماضراتنيش و صافي نعسوني و بقاو يديرو ليا الخيوط في صدري في يدي المهم كل حاجة و لاش صالحةالعضوة: 885788 , 4 years ago
تلله بفكنا على خير ياربيالعضوة: 885788 , 4 years ago
على سلامتك اختي بعدا الله يشافيك و نونوس كيف داير بوييه ليناالعضوة: 376934 , 4 years ago
L hamdoulilah 3la slamtkالعضوة: 915459 , 4 years ago
و دارو ليا ديك ليزار لي تايغطي التحت مانقدر نشوف والو و صافي ديك دقيقة نيت مابقيتش كانحس ب رجلي و جهة تحتانية كلها شوية بديت كانحس ب كلشي تقريبا بصح ماكينش الوجع و عرفتي داك الإحساس ديال كاتحسي بالأيدي عليك كاتحسي أنهم كايجي و شي حاجة منك بصح ماكينش الوجع داك الإحساس غريب صعيب نوصفو و من بعد 3 دقائق ماكملاش يمكن جيدو البيبي و جابوه ليا و داوه بدلو ليه و مشى عند باباه أذنو ليه و صافي داوه ل طبيب الأطفال يفحصو أنا بقيت كانتغرز و صافي بين دخلت البوك و خرجت منو يمكن ربع ساعة أو عشرين دقيقة و داوني ب واحد شومبر بقيت هكاك عريانة و معطيني ب ليزار و كاندوز بالدمالعضوة: 885788 , 4 years ago
الله يا ختي الله اللله يشافيييكالعضوة: 881117 , 4 years ago
تبارك الله عليك وعلى تعاويدك مفصل ومفيييدالعضوة: 885788 , 4 years ago
منى كيف بقيتيالعضوة: 915459 , 4 years ago
و من بعد تقريبا ساعة جاو بدلو ليا و و البنات للمعلومة ليكوش ليا هما كايجيبوه أنا هادي المرة 3 و أنا كانبدل هما كايجيبوه ، صافي من بعد ما بدلو ليا طلعوني ل شومبر لي راني فيه دابا و طلعو ليا البيبي و صافي ممنوع ناكل شي حاجة ولكن صيروم معلق ليا منين جيت، و صافي دازت شي 6 ساعات و جاو وقفوني تمشيت شوية واخا جاتني دوخة و هادي القصة دابا البيبي داوه لقسم الأطفال و أنا نعس حتى للغدا و يجيبوه ليا مع 7 ديال صباحالعضوة: 881117 , 4 years ago
مزيانة لحتى هاد ساعة هير هو فخادي لقيتهم وااااااارمين بزااااااف ورمو حتى لصقو انا هادشي ولا. كيخلعني واللهالعضوة: 885788 , 4 years ago
الحمدلله شوفي بقاي توقفي و وقفي مقادا باش تبراي دغيا انشاء الله