العضوة: 732966 , 5 years ago

رب يشفيك ويعافيك يارب العالمين

العضوة: 671525 , 5 years ago

@user-743165 اه بلثامن لا عادي طبيعي بس بنتي الاولى خلقت اسبوعين بلثامن وكانت الرئتين مو مكتملات وما اخذت ابر الرئتين واحتاجه حضانه اسبوعين وهيها عمرها 11سنه واشطر واذكى وحده بوخواتها ما شاء الله

العضوة: 743165 , 5 years ago

الله يتمملك عخير ويرزقك الخلقه التامه خبريني شو بيكون الوزن بعد مراجعتك

العضوة: 671525 , 5 years ago

@user-743165 الثانيه اول يوم بتاسع وما احتاجت حضانه الثالثه ثلاث اسابيع بثامن وخلقت بوزن 2500وما احتاجت حضانه

العضوة: 743165 , 5 years ago

ما شاء الله الله يخليلك ياهم وتفرحي فيهم يارب😘😘وتكون ولادتك ميسرة بإذن الله

العضوة: 743165 , 5 years ago

@user-671525 شو بتاخدي معاكي عالمستشفى

العضوة: 671525 , 5 years ago

@user-743165 تسلمي ربي يسعدك 😘

العضوة: 671525 , 5 years ago

@user-743165 اناجهزت شنطة الولاده قبل اسبوعين لاني ما بضمن اثبت بدك اتجهزي تبان داخلي قطن وبنطلون بأجر وبلوزه جولف قطن وتبان خارجي ثقيل لانو ع الاغلب بتخلفي بكون برد وملف ليلفو البيبي تحت الحرام وحرام ثقيل وفوط حفاضات للبيبي هاد غيار كامل وحطي من كلشي قطعتين يعني تبانين خارجيات بنطلونين بأجر داخلي قطن وهكذا مشان اذا نمتين ليلتين انا بنام ليله فقد ف ما باخذ الا من كلشي قطعه

العضوة: 671525 , 5 years ago

وبلنسبه لالك خلي ملابسك لحال وملابس البيبي لحال مشان ما تتخربشي وتسهلي ع الممرضه يعني شنطه الك وشنطه للبيبي انا جبت هاي للبيبي والي وحده تانيه

العضوة: 671525 , 5 years ago

بدك تحطي بشنطتك غيارات داخلي وفوط منيحه تشرب وبجامه ومنشفه وعلبت شامبو صغيره وليفه صغيره مشان تاخذي دش سريع بعد الولاده ومعطر للجسم وقميص نوم تلبسي خلال الولاده اذا بتخلفي بلحكومه ام الخاص بلبسوكي من عندهم

العضوة: 696888 , 5 years ago

انا حطيت ملابس البيبي كل غيار كامل بكيس صغير شفاف عشان ماتنحاس وسهل على الممرضة تاخذهم

العضوة: 742297 , 5 years ago

الله يكملك عخير وباذن الله بتولدي بخير و سلامة ويكون وزن مناسب وماتحتاج حضانة وتكون سليمة

العضوة: 742297 , 5 years ago

بدك تاخدي تياب للبيبي من جهتي باخود ٣-٤ غيارات كاملة يعني بحط اول شي الكوفلية وفوقها الطقم او الافرول اللي بدو يلبسو و بحط فوقو داخلي و الكولون والطاقية و الكفوف و الدقونة و البامبرز وبطويهم وبضبن هيك مابياخدو مساحة و بس بدي لبس البيبي بيكونو كل الغراض موجودين مابدور و بضل ساعة عم طلع من الشنتة و بحط كمان حوالي ١٠ حبات بامبرز احتياط بالشنتة ممكن احتاجهم اول فترة كتير بيغيرو بامبرز وبحط محارم معطرة بس يلي نسبة المي فيها ٩٩٪؜ افضل من المعطرة العادية لان ممكن يتحسس البيبي و بحط مي مقطر من صيدلية مع قطن طبي مشان امسح عيون البيبي كل يوم صبح و كريم مشان تحسس البامبرز بحطو احتياط بجيب سودوكريم وباخود منشفتين للبيبي و شامبو للاطفال و زيت اطفال و غسول للجسم للاطفال اذا بتحممي البيبي بالمشفى هدول لازم تاخديهم و حرام سميك لان ولادة بالشتا و اذا بتحبي احتياط تحطي ببرونة و لهاية انا مابستعملن فما بحطن في ناس بتحب تستعمل بودرة انا مابستعملها مابحبها

العضوة: 742297 , 5 years ago

بالنسبة ل شنتة الحامل بالمشفى من جهتي باخود فساتين نوم بحس اريح خاصة اذا في خياطة صعب لبس البنطلون كمان بحط الفستان او اذا بتحبي البيجامة وبحط فوقو الداخلي و كوتكس للصدر و كوتكس مشان بعد الولادة وبضبن وكريم للصدر مشان مايصير تشققات انا من جهتي بحب استعمل فازلين و زيت زيتون بخلطن سوا و بحطن بقلب علبة صغيرة وبستعملن ممتازين مابصير تشققات ابدا واذا صار فبيكون خفيف مهم بحط كمان ١٠ كوتكس اضافية بالشنتة لان بصير تغيير كتير خاصة اول كم يوم وبحط بشنتة صغيرة عطر خفيف كتيررررر و مسكرة و كحل ومرطب شفايف و محارم مزيلة مكياج و مرطب ايدين وبكلة او ربطة شعر مع فرشاية شعر ومراية صغيرة و شنتة صغيرة تانية بحط ليفة حمام و شامبو و غسول للجسم وفرشاة اسنان و معجون اسنان طبعا كلو مقاسات صغيرة مو العلب الكبيرة ليوسع و ميبو مشان الخياطة اذا صار خياطة كتير ممتاز الميبو في ناس بتحب تاخود معها سشوار مشان وقت تتحمم تنشف شعرها مايجعها راسها اذا مابتقدر عالشعر المبلول في سشوارات صغيرة وبحط منشفة للوش ومنشفة للحمام و العفو شحاطة للحمام و وحدة تانية مشان ماضلي لابسة شوز الله يكرمكم وجاكيت سميك شوي مشان البرد وشرابات كمان هاد يلي متذكرتو اي وبحب حط اكياس زبالة العفو مشان وقت غير الي او للبيبي بحب حطن بقلب الكيس بعدين كبهم بسلة مشان المنظر و ريحة العفو واهم شي الكاميرا و شاحن الموبايل😅

العضوة: 671525 , 5 years ago

@user-742297 ههههه انسيت شحاطه ومشط وبقله كمان ضروريات