العضوة: 1477981 , 2 years ago

أنا لما يريد ينام يرجع عصبي يجيه النوم صعب عليه ويريد نحملو ونبربروه وندورو بيه بصح نحيتلو الطبيعة تاع ندورو بيه وصار لازم تبربرو على مؤخرته هههه وتهززو ، أنا مبرمج ينام الساعة حداش هو برمج نفسو هههه صرت أطلع لغرفة النوم الساعة تسعة تسعة ونص يكون رضعان وشبعان واخليه يلعب على سريري ويزعبط برجليه بقوة وينغو حتى يولي يتعرق يعيا بعدين ارضعه مرة أخرى وديما كي يحوس يرقد الساعة تاعو المبرمجة يولي قبلها عصبي ويضرب بيديه ورجليه كأنها رسالة يبعث بيها بربروني وهززوني نولي نبربر فيه أنا أو أبوه وأحطلو سورة يس والف يسمعها منذ كان في بطني أنام بيها ولما ولدت أسمعها وهو يسمعها صار لازم ينام بيها سبحان الله الأطفال ورقة بيضاء احنا اللي نرسم عليها .

العضوة: 1440815 , 2 years ago

مام انا في نهار يتعبني بصح شوية اما رقدة ليل يبكي يبكي ومقلق مام شبعان ومقمط ..رقدة الليل عندها اغنية سبيسيال ههه وكي يرقد كل ساعتين ساعة ونص ينوض للحليب بصح ولفتو منهزوش للصباح باش ميفطنش كي نمدلو الحليب يعود يشوف فيا يلقاني غير ساكتة ونخزر يرجع يرقد كان نقلو غير بس ينوض يقصر 😂😂

العضوة: 1440815 , 2 years ago

@user-1477981 احم احم نحكيلك حكاية مرضي الي لحد الان مفهمتهاش عين والا سحر والا مرض نفسي بعد العيد الكبير مش الي فات الي قبلو ٢٠٢٢ بداني الارق في الليل هكا وحدو مع اني معنديش حاجة نخمم فيها ولا منرقدش لصباح يا ربي ساعة يا ربي نص هذا شي مأثرش فيا باسكو كنت نرقد في القايلة واحد شهر وانا هكا جبت دواء رقاد ووالو ومنبعد بشوي عدت منرقدش في النهار ثاني يعني تقريبا شهرين بدون نوم وهنا وين تدمرت خلاص غير نغمض عينيا نشوف تخايلات وحوايج نعاود نفتحهم منقدرش نسكرهم من الخوف رحت للراقي قالي عندك القولون العصبي وعين قاوية رحت لطبيب اعطاني دواء ريحت من القولون بصح قعدت منرقدش راقي قالي اقراي قران واذكار الصباح والمساء المهم من السهر وعدم النوم عادت تحكمني حالتي مع المغرب نبدا نعيط ونتخيل في عباد يمشو من ورايا ويعيطولي 😥😭😭😭وفي الليل نرقد عينيا مفتوحين كاني في عالم اوخر راجلي يحكي معايا وانا لا خبر نتخيل واحد يمس ويبوس فيا في رقبتي كانو كان عندي مس 😭نوض في الليل ابني منشوفوش نعود نمس فيه بيديا نحس بيه بصح كي شغل عمية واذا قعدت في صلاية نصلي وخلاص نغييييس لدرجة نحط راسي ونعود في عالم اوخر ساعات بسوايع وانا قاعدة ماكلتي ديما تتحرق ننساها مرضت ومرضت عايلتي معايا راجلي مسكين ينوض يهترف ويبكي ويقولي مكيش مهبولة راكي لباس بيك مام ابني عمرو ٣ سنين ويبكي ويقلي ماما متبكيش 😥😭😭😭😭😭

العضوة: 1440815 , 2 years ago

ومنبعد عدت مناكلش خلاص عدت نخاف من الماكلة نشوفها نبعد ونحس روحي راح نتقيا رهمت بزاااف وعدت نخلع وجهي الي كان مراية عاد تقول غرايف حب واصفر وشعري طااح كامل وعدت نمشي ونطيح فقر دم حااااد عدت نخاف نشوف روحي في المرايا صراولي عفايس كبار نسيت نصهم باسكو يحكولي واش كنت ندير وانا ناسيتهم المهم انا حسيتها عين والا كشما في كليت في فيونساي بنت عمة راجلي كنت صابغة شعري اصفر وانا بلوندة ودرت ليلونتي بلو تقول قاورية وشحال من روبة لبست المهم الي يعرفوني معرفونيش والي تقرب ليا تقلي والله معرفتك وواش من حفافة رحتيلها وانا والله درت كلش وحدي افامي راجلي من باباه مسمومين وغيورين قاتلي ماما قبل منروح للفيونساي نعس روحي ونعس قشي تقول كانت حاسة بيا راح تصرالي حاجة سبحان الله حاسة الام من ثما حلفت على اعراسهم ومنساباتهم حسبي الله ونعم الوكيل في الي كان سبب والحمد لله لقيت عائلتي وسيرتو راجلي الي هبلتو معايا والحمد لله مهبلتش ومخليتش العديان يستشفاو فيا كي نتفكر عندي بوبي احمر كنت نتخيلو يشوف فيا وذرك كي نشوفو تحكمني الدمعة والضحكة نفس الوقت ههه

العضوة: 1477981 , 2 years ago

كتبت تعليق طويل وماتبعتش خسارة رايحة نكتفي بالحمد لله على سلامتك وربي يصونك من كل شر انتي وعايلتك وربي وكيلهم اللي كانوا سباب هذا الشي المهم شفيتي والحمد لله اللي يتمسك بربي مايضيعوش

العضوة: 1515292 , 2 years ago

يا ملاك شوفي حتى حنا تصرانا أمور وين الطب مايلقالهاش تفسير بصح فالعرف هي سحر و عين انت بغض النظر واش كاين لكن ننصحك بحل لبزاااف مشاكل هو المسك الأسود بالاك أول مرة تسمعي بيه ، بالاك شافية بلي اجهضت مرتين و ديما قبل الاجهاض نشوف عقرب أسود يعضني بعدها نشوف الدم و يطيحلي الجنين لما نصحتني أختي بالمسك الأسود و سورة البقرة الحمد لله ولدي بين يديا و حتى المنامات تغيرت و نفسيتي تحسنت الطريقة ساهلة اشريه يكون أصلي و اقراي سورة الفاتحة و البقرة و المعوذتان و الإخلاص و ادهني جسمك هي ريحتو شابة بزاف جربيه نصيحة مني انت كي ترقيهم جيبي أي حاجة زيت زيتون مسك .... المهم اللي عندك و اقراي مرة وحدة و التزمي بالأذكار و سورة البقرة كل يوم و رجعيلي الخبر

العضوة: 1440815 , 2 years ago

ايه سبحانو باسكو نصحوني بطبيب نفسي وقلتلهم مدام كاين الصلاة والقران هوما خير من طبيب

العضوة: 1440815 , 2 years ago

ايه صح بصح يقدر يكون سحر و كي يرقيني الراقي متجي حتى أعراض؟

العضوة: 1477981 , 2 years ago

أول الشفاء يا سومة هو نزع الخوف من الناس ومن شرورهم ومكائدهم وأن الله هازمهم أنا في عرسي لقيت روبة ماكانش في لافاليز كانت في الجيب اللي من برا كي جيت عروسة حطيتها باش نغسلها هي والملابس الداخلية لبستهم نهار هذاك اللي جاية عروسة قبل ما نتصدر مالقيتهاش وماخفتش اكثر شي غاضتني الروبة لانها ماكانش هاذاك الموديل ومارايحاش نلقى كيفها ههه والحمد لله بالاك النية تاعهم سرقوها عجبتهم ماشي باش ياذيوني وحتى اذا داوها باش ياذوني ربي لم يوفقهم لاني كنت محصنة والحمد لله.

العضوة: 1477981 , 2 years ago

ايه كاين اللي عندهم سحر وماتجيهمش أعراض قادر الجن ينفر يسموه الجن الطيار وكي يكمل الرقية يعاود يولي. أهم شي أنك بريتي لابغا تبقى هاذي ذكرى أليمة وتولي تخافي وماتامني في حتى واحد .

العضوة: 1440815 , 2 years ago

علبالك في الفيونساي وقت العشاء مع المغرب تخيلي طابلة فيها كل خير طعام مرقة زيتون رفيس وسلاطة دلاع وفقوس ...جات عمة راجلي هازة دجاج مدت لبنات اختها طرف طرف وكي لحقت ليا كي شغل طرف مش كامل منحية منو وسوست وقلت مناكلش خليتها حطاتو وقلت متاكليهش يا امينة على فكرة اسمي امينة مش ملاك هههه ومنبعد شافتني وقاتلي وين راه ولدك؟قلتلها راه برا مع باباه قاتلي كولي ووكلي ولدك قلتلها ذرك يتعشا مع باباه قاتلي وكليه نتي خير وانا هنا زدت وسوست اكثر ومنبعد منعرف كيفاه لتاتني بالهدرة وكليتو 😥الحمد لله موكلتش ابني معاها والي وسوستني اكثر اعطيت منو لبنت اختها باش نشوف اذا مرضت يعني كاين حاجة وهيا كانت تتوحم الغدوة طاح صغير

العضوة: 1515292 , 2 years ago

مرات لما يكون الجن اللي يحرس السحر صبور يحمل جلسة جلستين مرات حتى ستة لسبع جلسات بعدها ينطق ، يعني من اول جلسة مرات تحسي بتنميل أو ضيقة فالصدر فقط و مرات لما تتعرضي للعين تصعف النفس فتقدر الشياطين تخترق الجسد انت تحصني و ديري المسك الأسود نصيحة مع سورة البقرة و إذا تحسنتي الحمد لله و إلا شوفي راقي متمكن و اتوكلي على ربي و تاني الحجامة مليحة و لما ماتنفعش هادي الطرق شوفي طبيب نفسي ممكن نقص امور معينة تسبب الهلوسة

العضوة: 1477981 , 2 years ago

كيما فهمت أنا راهي برات دوكا والحمد لله

العضوة: 1440815 , 2 years ago

شفتي .. الراقي يرقي وانا نتخيل في ناس مجمعة لتحت وراح يطلقوني من راجلي ويحطوني في حبس المهابل ونخزر في راقي ونهبط راسي نزيد نشوف راجلي ونعاود نشوف راقي تقول مهبولة هههه ونقرا معاه في القران ههه تقول نرقي فيه كي شغل حكمني توحد والهبال بصح قالي لباس بيك والا كشما قال لراجلي وراجلي مقاليش منعرف مام كي تقييت حشاكم قالي عادي معندك والو

العضوة: 1440815 , 2 years ago

ايه الحمد لله كس مرضت حبست حبوب منع الحمل زادو عليا الحال وثما وين قررنا نجيلو منذر ههه ٥ اشهر ارتحت مليح وهزيت ومنها عدت نحوس غير على الحمل والأمومة تقول اول مرة نهز استمتعت بالحمل خير من اول حمل والحمد لله بعد العسر يسر 💜🥰