العضوة: 1053758 , 4 years ago

@user-921794 راني نستنا نتاكد يكون البيبي بخير برك و ندير حل لعمري خلاص الواحد تعمر . علابالك مرات نقول انا منيش نورمال حساسة

العضوة: 409161 , 4 years ago

سمحيلي رحت وخليتك 🌹🌹🌹عندها 5سنين تحضيري

العضوة: 409161 , 4 years ago

هما لي ماشي نورمال عندهم حسنة يخدموا عليك لخاطر لحمل ولوحام واعر وانتي ماشي غرضك وطبيبة وصاتك تستحفظي وهما ميخدموش عليك راه ملايكة وروح في كرشك بلى مزيتهم يخدموا اصلا لكان راكي بصحتك تخدمي على روحك وبلاك تخدمي عليهم معليش حنونة انتي استحفظي على البيبي وخلي شغل متتحروايش ربي يهديهم

العضوة: 409161 , 4 years ago

لالا حنونة فلحكاية كامل غير انتي لي تخلصي وتعاني استحفظي على روحك حتى تفوت المدة هذي وترفدي روحك واذا على يمك بلعكس متقلقيهاش هيا تفرح بيك اذا قدرتي روحي لداركم متخدمي علهم ما تشبعي زعاف ربي يهديهم

العضوة: 409161 , 4 years ago

لا حنونة صح الحامل تكون حساسة زيادة بصح فهذوا صوالح تزيدي كثر لازم تتفاهمي مع راجلك وتلقاي حل

العضوة: 1053758 , 4 years ago

@user-409161 والله حكمني وحد الزعاف اسكتي برك يخاه المرة لولة شافو واش صرا فيا كي ماتلي البيبي تعرفي صرا فيا البااطل طلع راجلي الدم حاشاك و انا اول حمل ليا منعرف والووو و ضك قلت المرة هاذي شوي يستحفظو بيا والله والو . تعرفي راني نبكي ضك و هاذاوين كملت شغل حسبيا الله و نعم الوكيل المشكل لي يقلق تمرضي يقلولك حنا منخدموش عليك

العضوة: 409161 , 4 years ago

شوفي اختي راني عايشين كامل فيها غير والديك لي يحسوا بيك ويخافوا عليك متستنايش منهم يتهلاو فيك ولى يقوموا بيك يتهلاو غير في بناتهم ويخافوا عليهم صافي تهلاي فصحتك وفلبيبي يجي يعمرلك دارك ومتطمعيش فيهم

العضوة: 1053758 , 4 years ago

والله يا ختي ماني طامعة فيهم قادرة على روحي و راجلي بصح على الاقل يعاونوك سلافاتيةمش مزوجين و كبار ميخدمو والو غير قاعدي وحدة برك تخدم خفيف و غير لروحها . بصح لي تقلق تمرضي روحي لداركم يخدمو عليك تكوني نورمال تخدمي عليهم حاجة تقلق . و الشغل بزاف و الدار كبيرة خايفة كشما يصرا لبيبي خايفة على صحاي . وكيلهم ربي و خلاص واش نقول

العضوة: 409161 , 4 years ago

دوك اذا خفتي على روحك وعلى البيبي احكمي بلاصتك وحذري على روحك اخدمي على روحك متخدميش عليهم ومعندهمش الحق يزعفوا لخاطر معذورة وربي يتمملك حملك وتفرحي بيه

العضوة: 1053758 , 4 years ago

امين ربي يحفظك لعزيزة

العضوة: 1083097 , 4 years ago

راني في نفس الحالة بصح لازم تكوني قادرة علي روحك و خبري راجلك بلي ماكيش خديمه عندهم شوفي واحد ما راح يعيش حياتك صحفضي علي صحتك هك انا صراتلي رفدت اول مرة وضيعتو بسباب الشغل ودوك كي زدت رفدت لوستي عملت روحها ماتهدرش معاي ودخلتها غير المشاكل بصح والله ماني سامعة بيها نخدم حاجة خفيفة ونشد بلاصتي والحاجة لي ضرك وضر وليدك بعدي عليها يا بهلولة غدوة يقعدو غير يخدكو فيك بصح كي تشدي وليدك في حجرك تفرضي رايك

العضوة: 921794 , 4 years ago

سلام بنات وين راكم

العضوة: 502594 , 4 years ago

راني جيت

العضوة: 921794 , 4 years ago

أهلا بيك كاش جديد كاش سطر

العضوة: 502594 , 4 years ago

غير هو عيطت لطبيبة قاتلي نورمال اشربي دواء لي مدتهولك نتاع سطر يتنحلك قاتلها يما ياخي ماشي نتاع ولادة 😂 قاتلها لالا يما مسكينة راهي مخلوعة كتر مني كل ما يحكمني سطر تقولي اوقفي نشوف كرشك ادا حبطت 😂 و معندكش ماء 😂