السلام عليكم ورحمة الله وبركاته
كيفكم خواتي الغاليات ؟
اعتبرو موضوعي هذا مناقشه او فضفضه.
انا متزوجه لي ١٢ سنه لاكن ٩٥٪ من مشاكل حياتي من ام زوجي
كرهتني عيشتي تنكد علي بكل لحظاتي الحلوه
زوجي ضعيف شخصيه لدرجه العدم كلمه توديه وكلمه تجيبه.
ويخاف من المواجهه هذا عيبه
يعني مشاكلي معه قليله بس اهله وجماعته عدو واغلطو
ممكن وضعي غريب عليكم لاكن حرفيا الكل يبي يبدي رايه لدرجه الحمل والولاده والتسميه والبس والتصرفات واشياء ماتخطر ع بالكم.
تعبت وانا اصد هالكم من المشاكل لحالي
هو بكل مصيبه ساكت ساكت او يعتذر عنهم
والقهر اكثر انه يبرر غلطهم فيني
عمره بحياته مادافع عني !!
ا
معقوله اتطلق واشتت اولادي عشانهم ؟؟
او اخيره بيني وبين اهله واتحمل ذنبه ذنب قطع وعقوق والدين
حرفيا انا بين نارين.
اكيد بتتسالون ليش هالعداوه بيني وبين اهله
اولا .. هما مو نفس منطقتي فعادتهم ان زوجه الابن عباره عن خادمه لاتستحق المصروف او حرية الراي بحياتها
ثانيا .. يبون اصرف على ولدهم من حلال ابوي واهلي للمأكل والمشرب
ثالثا .. مواقف كثيررره رفضت تعاملهم معي وفرض ارائهم وبدون تصرف (( عباره عن السكوت وعدم الرد ))
وانسعرو علي لدرجه القذف في شرفي بسبب سميت ولدي باسم عاجبني قالو سمته ع حبيبها وماخليتهم يختارون الاسم
وغيرها من المواقف.
الان شيرو علي بتصرف عقلاني.
العضوة: 2141427 , 10 months ago
@user-1295997 تعبت من المحارب لين متى ؟؟ انا مااحب الحياه الي كذا ابي اعيش لنفسي وهم كل شي حرب حرب وكلام رايح وجاي وغدرات فجاءه كذا اصحى القى مسوين لي مصيبه مره ابوه متصل عليه يقول عطني ارقام اهلها يقصد اعمامي يقول لازم افضحها عندهم ويعرفون بنتهم ايش حسبي الله عليه وش يفضح ورب الكعبه ماادري وماسويت شيء دعيت عليه بقيام الليل يمين بالله فجاءه طاح عليهم له الحين ٥ شهور حتى كلام بالقوه يتكلم ويضيع حتى اسماء عياله من نزيف بالدماغ جاه انا مااتشمت لاكن دعوه مظلوم اجيبت تظنين هالامر اثر فيهم ؟ لا طبعاالعضوة: 2141427 , 10 months ago
@user-2118372 اللهم امين الله يعجل باامرها ويكفيني اياها بما يشاء ولا يوريك بأس يارب ♥️♥️العضوة: 2145007 , 10 months ago
@user-2141427 انا مشاكلي كلها من سلفتي عايشات بنفس العماره حسد لا يطاق حتى ظيوفي تدخل بكل تفاصيل حياتي طلعاتي اكلي شربي عيالي صار لنا تقريبا سنه في هذي العماره وكرهتني عيشتي بختصار الحياه كذا يا عزيزتي اذا سلمتي من حماتك تطلعلك اخت زوج وغيرو الحل تتعايشي مع وضعك وتتجاهلي السلبيات وتطلعيها من راسك ولاتعطيها حجم اكبر من حجمها الله يعينك اختاري بيتك وزوجك واولادك هما الاساسالعضوة: 2141427 , 10 months ago
@user-2183633 الله يكتب اجرك حبيبتي ♥️العضوة: 2141427 , 10 months ago
ايمان_مانع اكيد طبعا الحياه لاتخلى لاكن انا وضعي ان زوجي يتاثر بالكلام مايثبت ع موقفه هذا الي مقلقني اكثر. يعني مافي امان نفسي. يصدق كل شيء ينقال الثقه مهزوزهالعضوة: 2145007 , 10 months ago
@user-2141427 اقسم بالله ان زوجي كمان مايعطيني فرصه افضفض بمجرد ما اقول زوجة اخوك يسكر بوجهي ما يحب يسمعني اطلاقا حتى لو انا مظلومه واكتشفت ان زوجة اخوه تسعى لخراب وهو نبهني فليش اعطيها فرصه حماتك تكون امو مستحيل يكرها حتى لو هيا غلطانهالعضوة: 2141427 , 10 months ago
@user-2135891 مصوره كل المحادثات لان الكلام انتشر لاكن سكت عشان وعدني انها اخر مره منهم. انا قاطعه الصله فيهم نهائيا ماعدا عيالي يرحون لهم من فتره لفتره يعني كافه خيري وشري ولا سلمت. تخيلي مجمعه سلفاتي ٤ وجلست تتكلم بخصوصيات بيتي والفضل يرجع لابو العيال متكلم لها يحسب ان امه بتصون سره ونشرت غسيله عند حريم اخوانه سبحان يارب ربي طيحهم ببينهم ومرت اخوه نقلت لي كل شيء يعني حرفيا امه جالسه تدمر قواعد حياتي الزوجيه من كل جههالعضوة: 2141427 , 10 months ago
@user-2145007 انا مبلكه كل سلفاتي من بعد المشاكل وحوسة الكلام لان مااحب تناقل الكلام وكل واحد يزود بهارات احنا ٥ سلفات يعني كثير وتناقل اسرار البيوت مصايب. فاخارجت نفسي وريحت راسي طالما ام زوجي انسانه ظالمه مو عادله بينا وتحب الفتنه.العضوة: 2145007 , 10 months ago
@user-2141427 هههه عملتلها بلوك واتجاهلها بس ايش تسوي اذا عندك سوسه الله يكتب اجرنا على الصبر والتحملالعضوة: 2126343 , 10 months ago
لا حول ولاقوة الابالله يعني حتى فالبعد ماسلمتي ان شاء الله ربي يجزيك خير ويحقق طموحاتك ويبعدهم عنكالعضوة: 2141427 , 10 months ago
@user-2145007 طنشيها طالما زوجك عارف نيتهاالعضوة: 2141427 , 10 months ago
@user-2126343 امين ياربالعضوة: 2061105 , 10 months ago
حسبي الله على الحماوات الله ياخذ عمرهم اختي مثل وضعك عندها اولاد اثنين عمرهم ٨ و ٦ حاليا ببيت اهلي والاولاد مع ابوهم راح تطلق والسبب امه ساكنين بنفس البيت لكن الام الطابق الاول واختي الثاني يكرهون اختي ويعايروها بكل شي وزوجها معهم ضدها تحملت كثير خلاص فاض صبرها الهي تشوفني فيها يوم مره ظالمة مفترية هي وبناتها حتى امي الميته ماسلمت منهم يسبون فيهاالعضوة: 2145007 , 10 months ago
@user-2141427 هذا اللي صار طنشتها وصرت اتجاهلها وشلتها تماما من راسي والله اني ارتحت كثير الله يبعد عنكم مشاكل الحياهالعضوة: 2141427 , 10 months ago
@user-2061105 حماتي ماخلت احد مادخلته بمشاكلها وتحب يكون لها جيش لاكن وين بيرحون من ربي