مسالخير بنات كيفكم . اليوم عم اكتبتلكم هل كلام لأنو ماعندي حل تاني غيرو وبحاجه لنصايح اي حدا فيكم ..أن كان المجرب الموضوع او لا ويتمنى يلي عندا نصيحه أو حل تفيدني . انا بنت عندي كل مقومات الجمال وماناصني شي مو غرور بس هيك بسمع عني عمري 18 سنه تزوجت بعمر 15 ونص ولأن صرلي سنتين ونص متزوجه فيكن تقولو دخلت ب 3 سنوات . تزوجت ابن خالتي بيني وبينه 10 سنين فيكم تقولو زواج تقليدي اكتر من زواج عن حب لأنو صار حكي للاهل قبل مانتعرف ويحببني بحالو ويحبني . قبل مانتعرف على جوزي كان قلبي متعلق بشخص حبني وكسرتو اي كسرتو وفكرتو عم بتلعب كسرت قلبو وحظرتو بدون اي سبب مع أنه كان جاد وكتير وكان طاير فيني وحكا مع امي وامو حكت مع امي وكان يحكي هو مع امي ويقلى خاله حبابه قوليلي انو سيدرا الي كان يخاف الله ومايقطع فرض وكان يقلي دوما انا عم ادعي بكل صلاه تكوني نصيبي .المهم اول ماتعرفت عجوزي كان شوو احكي لكم كريم وحنووووووون لابعد حد يجي يجبلي معاه هدايا واكلات وكوني كنت صغيره كنت حب هشغلات كان كل ما يجي يدلعني وينسدح على اجري وبوس ايدي ومايزعلني ويضمني ويمزح معي كتير حسسني بل أمان يلي كنت فاقدته عند اهلي . المهم تزوجنا بعد شهرين خطبه بس . تخيلوا. المشكله مو بفترة التعارف القصيره المشكله بعد زواجي بأسبوع الزلمه نقلب صار غير شخص تماما اجا فيوم لعندي وقلي امي قالتلي انو من لما تجوزت تغيرت علي وماعدت تسأل عني وبعد هل كلام تغير زوجي . انا شو عملت صرت احكي لامي واقلا شو عم يصير من باب تنصحني لأنو اشوفه عم يحكي كلشي لأمو ليش هو بصير وانا لا . وفجأى بيوم زوجي بفتح تلفوني القديم بصدقه وبسترجع محادثات وبيعرف كلشي عن الشخص يلي قبلو وبحرد عن اهلي شهر ونص وبعد شهر ونص اجا اخدني وكان شي ماكان .بس الجديد بجوزي صار كل مشكله يضربني .اي يضربني وبشراسه . كوني صغيره مرا عن مرا تعدت وماكنت استرجي قول لاهلي لاني ما بدي ارجع لعندهم .بعد 8 شهور من زواجي حملت بأبني . ومع الحمل استمر الضرب ويقلي انتي نفسيه وشايفه حالك .جوزي نرجسي كتيرررررر بدو يكون هو الكل بالكل مابصير يكون تعلقي بغيره انو مثلا بأهلي وبحملي .وضل مع كل مشكله مع وجود الحمل يضربني ويخجلني قدام امو واحيانا اخواته . سكتت وصبرت لبين ماصار عمر الحمل 6 شهور قلت بسسس لهون وبس رحت عند امي بعتلو طلقني وقفات تلفوني بعد يومين بدقلي وبقلي وقفتني دائرة حكومه بسبب هويته الضايعه وانو دفتر العيله بثبت هويته وصورتلو دفتر العيله وسكرت تلفوني رجعت اجا تاني يوم وصالحني ووعدني هشي مايتكرر . المهم رجعت وجهزت لابني لاول عراضه ولبسه وسريره وولدت بنص الشهر التاسع ومع لاسف اجا ابني عنده مرض وتنكسات الماده البيضاء . بشان افتل بأبني بعمر شهرين ودكاترة هاد يقلي لحجز لشهر وهاد لشهرين لبين ماصار عمره 6 شهور رحت عدكتورة بطرطوس انا وجوزي وطلب رنين مغناطيسي وعملناه وبين المرض وحولنا لدكتورة استقلابيه ودكتورة لاستقلابيه طلبت معالجه فيزائيه وادويه وبعد شهر ونص لازم نحلل تحليل ويس يلي مابيعرفو هاد تحليل وراثه سعروه جدا غاليه السعر 1200 دولار . المهم انا اهتمامي بابني تفاقم وصار حبه يزيد بقلبي لانه طفل بحاجه ام طفل مريض لازم تتعاطف معه اكتر . وللاسف حملت للمرا التانيه بلغلط لما كان عمر ابني 6 شهور . جوزي لأن صار يعاملني بوحشيه اكتر وخصوصي بعد موت أبوه وصار يصرف على أمه ويقلي من وين بدي جبلكم كل يوم مصاريف كل يوم طلبات انتي عندك الله وابني كرهت ابنك بسببك نسيتيني مافي اهتمام لجوزك ويشهد ربي اني بتزين له ويهتم فيه أن مرض وبطمن عنه بدخل للحمام بحضر له لبسه وبسأله اذا بدك شي وهو بشغل برسل له يجي يفطر معي وباخد رأيه بل طبخ بحسسه بموده بس هو مابتحترمني عامل مشاعري مهزله انا تعبت وصرت احس انو رب العالمين عم يعاقبني لاني كسرت قلب شخص بحبني .وبنهايه انا اهتمامي بأبني جدا عادي بس مابقدر قصر بأبني ابدا بهتم بجلسات العلاج الفيزيائي وادويته منتظمه بأكل همه اكتر من حالي ابني روحي فيه اموت انا وابني يضل بعافيته .. جوزي لازم يتعاطف متلي مع ابنه مو يقلي كرهته بسببك .جوزي اخر فترة صار كتير يحسسني أنه مابحبني ومبارحه بدون اي سبب . قلي انتي دوما بتقولي لي جيب وجيب ومصاريف واكله هم ابنك وعندي اجار البيت والمحلات وتحليل ابني وسعر للجلسات المعالجه .طيب اقسم لكم . عندي مستلزمات كتيره مابقدر قلو عليها بسبب ظروفه ابني هلق لازمه لبس شتوي بلبيت اغلب الوقت ماعندي فطور تخيلوا انا مرا حامل لازم احصل على التغزيه المناسبه .لازمني كتير شغلات الي مابحكيها بس طلباتي كل اسبوع حفوضات لابني وكل يوم قنيتين مي صحيه لطفلي وكل 4 ايام علبه حليب .انا معم اطلب شي الي لحتى هيك تصرفاته معي اكتر جمله حزت بخاطري أمس هي لما قال روحي عالجي ابنك لحالك وانقلعي انتي وابنك عند اهلك .بدك تقولي متنازل قولي . فقت تاني يوم رحنا على جلسه ابني واخدت بشنتاي لبس ابني ومستلزماته وبيجمه وحده الي .كرمال كلامه أمس قلت بلكي لعلى وعسى بروح لاهلي .. لما كنا رايحين كان هادي طول الطريق ويحاول يحكي معي ونحن بطريقنا للرجعا صار يقلي من وين الحق لكم انا مامعي مصاري انا فقرت لو بعرف انو مافي بقلبك رحمه ماتجوزتك لو بعرفك حقوده ماباخدك وانا بقلبي عم قول يارب اروح لاهلي واطلق لاني تعبت . رجعت عل بيت وانا عم ابكي اتصلت بأمي وطبطبت علي وحكيتلا كلشي لاني تعبت .قالت لي ضبي غراضك وتعي لعندك اناوابوكي منربي ابنك هاد ابننا وبنتك يلي ببطنك نحن مسؤولين عنها .. بيتي بعيد مابقدر روح لحالي وإذا هربت وحس علي رح يرجعني عل بيت ويقفل الباب .لأن مالي مرتاحه لاروح لاهلي مابعرف ليش مقلوب علي انا تعبت انصحوني .بس انا حاطه براسي لانفصال اذا مو بشاني بشان ولادي مابدي يعيشو بهيك بيئه سامه أو يتعرضو للعنف وقت الكبر ..انصحوني .💔