العضوة: 1097653 , 6 months ago

ترا انا بولادتي السابقة كنت زيك بالضبط وكان فيني بعد سكر حمل وجلست طنتشتهم كنت اروح اسوي تخطيط وارجع البيت اذا كل شي تمام انتظري طلق ربي لاتتسرعين البيبي بيطلع مهما جلس بس اهم شي تروحين تشيكين ، انا زيك الحين باقي يومين واخلص التاسع ولا فيه اي بوادر اصلا الولادة تجي فجأة سبحان الله انا بحملي قبل كنت رايحة بسوي قهوة لي عادي ماحسيت الا بشي نزل مني صارت السدادة وبعدها بدا الطلق وكنت ماخذه ٨ ايام بالعاشر والله ماكنت متوقعه ان الولادة بتداهمني كذا والحمد لله تيسرت ولدت طبيعي يارب هالمرة تيسر لي بعذ واولد طبيعي ، انا مسويه قيصري قبل وبعدين جبت طبيعي وكان الدكتور معصب يقول وقعي اخلاء مسؤوليه ووقعت وطلعت ويارب لك الحمد اني ما استعجلت جلست اسوي تخطيط بس كل كم يوم وبعدها يارب لك الحمد فرجها علي ربي حتى بعد ماولدت كنت احس اني بحلم مو مستوعبه ، ويارب ياكريم مثل ماتيسرت بالمرة الماضية تيسر لي ولك ولكل حامل تتنتظر ولادتها بولادة طبيعيه سهله ميسرة ياكريم

العضوة: 1097653 , 6 months ago

واعتمدي حسبة السونار لانها الادق خصوصا اذا الدورة عندك مو منتظمة انا احسب على السونار ومع ذلك تاخرت ٨ ايام عن موعدي وهالمرة بعد بحسبة السونار والجمعة بعد بكرة اكمل التاسع والله تعبت نفسيتي وخايفة بس اقول هانت اصبر كم يوم ولا اندم سنين غلى اني استعجلت واتخذت قرار القيصري وانا مافيني شي يستدعي ولا في الجنين يمكن يكون خطأ بالحسبة وهذا المتوقع لان ربي حاط حسبة للحمل سبحان الله ماتتأخر لكن الدكاترة طبيعي بشر وحسبتهم مو دقي واساسا اذا الحمل عندك طبيعي والبيبي بخير المفترض يعطونك اسبوعين زيادة مهله فلاتخافين ولا تقلقين ترا هالكلام مو لك بس حتى لي لاني حتى انا تعبانة نفسيا واحس شوي وانهار خايفه تتأخر ولادتي وخايفه من اشياء كثير فيه سيناريوهات براسي الله لايوريك بس اتعوذ من الشيطان واقول هذي كلها وساوس

العضوة: 1825697 , 6 months ago

الله يسعدك ع كلامك اللي طمني حتى انا

العضوة: 2029118 , 6 months ago

انا في الأسبوع ٤١ والدكتورة تقول ٤٢ وخوفتني اني لا اتأخر أكثر من كذا وبكرة الصباح بدخل طلق صناعي وخايفة مره مره دعواتكم لي وللبيبي

العضوة: 606389 , 6 months ago

مثلك انا اليوم خلصت التاسع ومعاي سكر حمل قلت بكره بروح اشوف الوضع ان شاءالله يجيني طلق اليوم 🙏🏻

العضوة: 2029118 , 6 months ago

الله يهونها علينا يارب

العضوة: 2030919 , 6 months ago

@user-1097653 قصتك زي قصتي بالضبط ، ونفسي انا السبت اخلص ٤٠ اسبوع ولدت الطفل الاول قيصري لعبو علي ودخلت طلق صناعي ولافتح الرحم ودخلت قيصري طارىء الثاني صبرت لين ٤٢ اسبوع وجاني سبحان الله عادي هاذي اللحين تحاول فيني بالتحريض وارفض اقول بصبر زيادة، انا اكتب اللحين وضايقة فيني الدنيا من التعب بس ان شاءالله نهاية سعيدة لي وللجميع يارب بولادة طبيعية ميسرة واكون انا وجنيني بخير

العضوة: 1097653 , 6 months ago

@user-2030919 الله يهون علي وعليك وعلى كل حامل صدقيني الولادة بتجيك مستحيل تجلسين طول وقتك حامل بس للاسف الدكاترة صاروا يستعجلون على الوحدة ويلا اولدي طيب اذا كل شي تمام ليش تولدوني ليييش تحرموني الولادة الطبيعيه والله مافيه زي الطلق من ربي ، اغلب الولادات الان تحريض وطلق صناعي او قيصري خلاص يبون الفكة مايبونك تجين كل شوي تسوين تخطيط قسم بالله شي يقهر ، وبعدين تصير اخطاء بالحسبة هم مايعرفون بالضبط متى صار التلقيح ومايعرفون باي يوم صار الحمل فيجيبون تاريخ مقارب وبعد ماتتعدينه يقولون خلاص تاخرتي.! طيب ليش يمكن يكون خطا منكم في الحسبة ! الحمل له وقت معلوم سبحان الله بس وش نقول الله يعين ويسهل علينا

العضوة: 2030919 , 6 months ago

@user-1097653 ايه والله انك صادقة بيفتكون وخلاص انا دكتورتي زعلت لما رفضت التحريض قلت ليش توني بالاسبوع ٣٨ و ٣٩ ! يوم شافت اني فاهمة خلاص اسكتت

العضوة: 2029118 , 6 months ago

انا خوفتني قالت الجنين كبير ومعاد يصير اتأخر

العضوة: 2029118 , 6 months ago

دعواتكم الصباح بدخل طلق صناعي

العضوة: 1977111 , 6 months ago

الله يهون عليكي حبيبتي وربي يجعلهها ولادة سهلة ميسرة ياااااااارب

العضوة: 2001625 , 6 months ago

أنا ربيت قيصري اول مره بعدين ربيت طبيعي مع انهم اصرّوا علي رفضت قلت لهم بجرب الطبيعي والحمد لله ربيت طبيعي اكثر عن مره وانتظرت لين الطلق يجي لا تستعجلون حتى لو كلمتوا ربي ييسرها باذن الله انتظري الطلق يا الم او ينزل عليج ماي او دم المهم الطلق ولا تستعجلين

العضوة: 2001625 , 6 months ago

@user-2029118 أنا قالوا لي الجنين كبير بعد مع اني بعدني ما دخلت التاسع ما شاء الله وخوفوني والله يسهل عليج حبيبتي

العضوة: 2001625 , 6 months ago

الي عندها سكر حمل وضغط تسمع كلام الدكاتره ما اقدر اقولها اصبري بعد بس الي أمورها طيبه وكل شي تمام لا تستعجل نصيحه