بنات انصحوني وافيدوني .. انا اول حمل لي وحالياً بالشهر السادس ، التعب يزداد يوم بعد يوم ونفسيتي مو كويسة المهم تهاوشت مع زوجي بيوم من الأيام قال لي الغدا مالح بطريقة مو حلوة ما اكل منه غير لقمة حتى ما جاملني وقام من السفرة وانا اوريدي تعبانة واشتغل بره البيت دوام طويل .. غير كذا مقصر معاي بالمصروف أو بالأحرى الصرف معدوم المهم تنرفزت وقلت له اذا مالح لا تاكل وقام بيطلع ويتركني، وهو طالع قلت له انا رايحة بيت أهلي ، سوا لي حركة ب إيده ب استخفاف يلا يلا روحي تيسّري بيت أهلك (كأنها طردة) وانا بروح عندهم زيارة عادية زي كل يومين ثلاثة اروح عندهم ساعتين زمان وارجع الحركة استفزتني انه كيف كذا تسويلي كأني حشرة ، فقلت له متأكد من الحركة هذه؟ ترى اذا رحت ما رح ارجع؟ قال لي بكل برود ايه يلا لا ترجعين أحسن المهم انا صارلي اكثر من اسبوعين ببيت اهلي ولا سأل فيني ولا اهتم ، يكفي تعبي وهرموناتي المتقلبة ومع ذلك مافي تقدير لأي شي ولا عنده حماس أصلاً للبيبي الأول انا اسوي كل شي بنفسي واروح مواعيدي بنفسي وكل شي .. يعني معقولة انتهى كل شي؟ هو المفروض يتفهّم ولا أنا؟ شنو ممكن أسوي