العضوة: 742297 , منذ 3 سنوات

امين يارب حبيبة قلبي والك بمثل مادعيتي واضعاف مضاعفة يارب ربي يسعدك ويحققلك كلشي نفسك فيه🌸🌸🌸🌸

العضوة: 756470 , منذ 3 سنوات

مساء الخيرات كيفكم بنات لي كم يوم بدأت اعطي بنتي وجبات فالاول اعطيتها بطاطس ما تقبلته واليوم اعطيتها كوسه واطلع لي لسانها مرة اقول يِمكن لسى ماتعودت ماتعرف تاكل وأحيانًا اقول ماتقبلته وفالاخير استفرغت الكوسا 😮‍💨هذا الشي عادي كل ما اعطيها الملعقة ادفها بلسانها ولا فعلا ماتقلبته

العضوة: 868393 , منذ 3 سنوات

بالأول ما يتقبلو غير الحليب لهذا ابدئي بإعطائها ملعقة واحدة باليوم و راقبي إذا ما ظهر عليها حساسية هيك خبرتني سارة جزاها الله خيرا عم تقاسمنا خبرتها و كل نوع حاولي معاه ثلاث أيام ورا بعض بعدها تخلطي وربي ييسرلك و يحفظهالك.

العضوة: 868393 , منذ 3 سنوات

شكلو اليوم الكل مشغول..كيفكم؟

العضوة: 756470 , منذ 3 سنوات

اهلين ام دانية شكلك تسهري زيي أنا لحد الان عَلى نظام رمضان نوم فنهار وسهر فالليل

العضوة: 750823 , منذ 3 سنوات

هلا يسعد أوقاتك @user-756470 اذا تاكل سيريلاك ضيفي معلقة سيريلاك لكوسا تعطيها طعم وتقدر تتقبلها انا كمان أضفت لعموري سيريلاك مع الاكل و حب الطعم صراحة مو معتمدة على سلق الخضروات مالي نفس اسوي شي لذلك اعطيه وجبة سيريلاك باليوم و اي نوع فواكه أكله اعطيه منو و كمان أكلي أذوقه منه ويحب أكلنا لان فيه طعم وحتى زبادي أعطيه بالمعلقة يعني نفس نظام أهلنا القديم أعطي طفلي من اي شي أكله بس ما يكون فيه بهار والاعتماد الأكثر على الحليب

العضوة: 750823 , منذ 3 سنوات

أهلين أم دانية انا اليوم طلعت مشوار غيرت جو انا وعموري رحت لبحر وحديقة

العضوة: 868393 , منذ 3 سنوات

أهلا يا قلبي،بصحتك..كثير أسعد لما أحسك مبسوطة..ربي يسعد أيامك و يفرح قلبك دوم و يصلح لك أولادك و يجعل حياتك جنة دنيا و آخر و حتى الهواء مليح للجنين..بديتي تحاكيه ولا لسه؟

العضوة: 868393 , منذ 3 سنوات

أنا عندي برنامج لتنويم بناتي و بس ينامو يظل التعب و تروح الرغبة في النوم..و بس أجي أنام تكون آلاء استيقظت تبكي و هكذا..بين آلاء و دانية تستيقظ تنادي علي: أمي أرواحي ترقدي معايا..

العضوة: 742297 , منذ 3 سنوات

يسعد اوقاتك ياقلبي طبيعي طلع الاكل ياقلبي لسا مابتكون تعودت ع قوام الاكل لاتنسي الحليب سائل سهل البلع لما ندخللهم الاكل قد ماكان مضروب بالخلاط بيكون اسمك من قوام الحليب ف بياخدو وقت ليصير في ادراك للملمس وقوام الاكل وليعرفو كيف يبلعو وماتعطيها كمية كبيرة بلشي شوي شوي و حتلاقيها مع الوقت تقبلتو باذن الله @user-756470

العضوة: 742297 , منذ 3 سنوات

@user-750823 ياقلبي مابحب كون غليظة بس صدقيني هالشي غلط مع احترامي لاهل اول بس كتير غلط الموضوع اكلنا مستحيل مايكون فيه ملح او بهار او سمن او زيت وهدول كلن غلط حتى سيريلاك فيو كمية شكر رهيبة لهيك طفل بيحبو و بيتقبلو ولما بينخلط سيريلاك مع الخضار حيحبن بس مع الوقت وقت بيصير يدخل الخضار لحالن ممكن مايتقبلن لان حيكون تعود عالاكل الحلو بس غير هيك ممكن يصير طفل انتقائي وتتعذبي معو بالاكل لما يكبر و بالنسبة للسلق مابياخود وقت حبة البطاطا بدها ربع ساعة و الحبة الوحدة بتكفي كذا يوم بعرف حامل وتعبانة بس مشانك ومشان عمرانو بعدين واسفة ع غلاظتي بس كرمالك وكرمال عمران مشان ماتتعذبو بعدين

العضوة: 742297 , منذ 3 سنوات

@user-868393 كيفك ياقلبي شو اخبارك كيفهم اميراتك ان شاء الله بخير

العضوة: 868393 , منذ 3 سنوات

الحمد لله بخير..و بنوتاتي يسلمو عليك و على قمراتك، عاملة اليوم نشاط تلوين لدانية لتتعلم الألوان و أنا عم أشتغل و أفاقدها..دق الباب فحاليا هربت لعند بنت عم زوجي😅..من عمر الثمان شهور و أنا أعلمها الألوان لكن عبس كلما مسكت شي تجي تقولي : أمي هذا برتقالي؟ فقلت لها يا بنتي ليس برتقالي بالذات أصلا هدا اللون نادر..😅 وهيك ..مقضيتها أركض شوي شغل و شوي أفاقدها هي و أختها ..التربية صبر..إذا صبرتي تقدري تستمتعي بكل لحظة فيها و إلا ماراح يقدر يستمر..ربي يديم علينا النعم

العضوة: 750823 , منذ 3 سنوات

هلا سارونا بالعكس أتقبل النصيحة وانتي كثير مشغولة مع هيك بتعطي من وقتك لكن انا مالي نفس اتقيد و أعمل شي خاص لعموري مع انو اسهل شي سلق الخضروات وحتى أشترت حافظات اكل من سنتربوينت ومعالق مشان اتشجع واعمل ممكن بالايام الجايه عملت من ٤ أيام كوسا مسلوقة وجزر طعمتو وخزنت باقي الكمية بالثلاجة اجت بعد يومين بدي أطعمو منها تاكسلت اسخنها كبيتو 😑 موضوع كسل لا أكثر بالمقابل لمن زوجي يطلب أكل مو ع الغدا على العشا بعملها اول امس طلب شاكرية الساعة ٩ بالليل وعملتها و عموري ساحبة عليه

العضوة: 742297 , منذ 3 سنوات

دوم تبقو بخير ياقلبي حبيباتي ربي يحفظهم ويسلمهم ويحميهم والبنات بيسلمو عليهم وبيبعتولهم بوسات بالنسبة للتعليم الالوان حاولي تغيري طريقة ل طريقة تانية تجذب نظرها فيكي تعلميها الالوان بالفواكي مثلا اذا في برتقال و ليمون بالبيت تخليها تمسكن وتشوفن بلشي مثلا بالبرتقالة و تمسكها تشوفها ان لونها برتقالي بعد يومين حبة ليمون و برتقالة مشان تميز لونين واذا مو متواجد حاليا يعني مثلا مو موسم الشي اللي بدك تعلميها ياه ارسمي انت و لوني انت بعدين اعرضي عليها تاني يوم ارسمو انتو الاتنين و لونو سوا تالت يوم قليلها ترسملك حبة برتقال مثلا تو الشي يلي عملتو مبارح وكل ما شفتيها ماسكة لعبة فيها لون عطيتيها ياه رجعي اسأليها انو ماهذا اللون مرة ع مرة و عالتكرار بتعرفن واذا بتحب تلعب مع بنات العيلة اذا اكبر منها حاولي تخليهم هنن يساعدوكي بهالموضوع مثلا ترسمي برتقال او فراولة و تعطيهم اللون المناسب للرسمة وهنن يلونوها هيك بيشتغل كذا مدرك الايدين و نظر ف بيرسخ الموضوع براسهم اكتر وبس تعطيها اكتر من لون فيكي تقصي ورق مربعات و تلونيهم و تحطيهم عالارض و تقليلها تروح تجبلك اللون اللي بدك ياه او تقفز عاللون اللي بدك ياه هيك بتحس حالها عم تلعب وبتحفظ ولما تكوني مو رايقة او حاسة حالك مضغوطة مادرسيها عادي ماتضغطي حالك باذن الله مع الوقت بتتعلم كلشي وفعلا كلشي بدو صبر الله يقويكي ويقوينا جميعا يارب @user-868393