العضوة: 750823 , 4 years ago

أمس الأربعاء زوجي عمل عملية غضروف بالركبة ان شاء لله الله يكتب له الشفاء ويتخلص من الألم ويرجع طبيعي زي قبل وانا عندي موعد الساعة ٩ الصبح لازم اروح لان صايرة معي مشكلة تكررت معي ٣ مرات والله مستحية اقول بسأل الدكتورة واشوف ان شاء الله يكون في حل

العضوة: 742297 , 4 years ago

حمد الله دوم حمد الله نحن بخير منشكر الله و البنات بيبعتولك سلامهم ياقلبي 🌸

العضوة: 742297 , 4 years ago

هلا فيكي ياقلبي ربي يسعدك دخيل قلبهم ربي يحميهم ويسلمهم حمد الله بخير منشكر الله والبنات بخير و بيبعتولك سلام الك ولاميراتك تربية حمد الله مع هالجيل منمشي خطوة خطوة الله يهديهم ويقوينا ع تربيتهم تربية صالحة يارب تخرج ناطر اقدر انزل مشكلة انو صعب سافر فهالسنة مافي تخرج للاسف و سوريا من دول قائمة الحمراء فلو نزلت اساسا لح ارجع انحجر بالفندق ١٠ ايام انا والبنات وهالشي جدا صعب لما تكوني راجعة من سفر بدك عالسريع توصلي للبيت واضبضبي غراضك خاصة لما ارجع من عند اهلي بتكون ماما باعتة معي اغراض زيادة الله يهونها ويختار الخير مشكلة فيني اخد اللقاح وما انحجر فندي بس مابدي اخدو اسولة تمام حمد الله شقية ربي يحفظها لسا ماطلعو سنانها بس شكلهم قريب بيطلعو لان في سن كتير قريب شكلو اي بتقعد بالمشاية بس مابخليها اطول بس بتحب تلعب فبحطها تلعب شوي و بعدين بشيلها هيك والله غير لما حدا من اخواتها يضايقها بتعصب بضحكني من قلبي كيف بتعصب حبيبة قلبي امين وربي يصونك انت و اميراتك وكل حبابك

العضوة: 742297 , 4 years ago

حيا الله قدرك ياقلبي حمد الله بخير منشكر الله والله ياتنضيف يا تدريس يادراسة وكان في قراءة فاتحة من كم يوم و جمعة عخير تلبيس محابس لابن بنت حماي الله يتمم عخير الف حمد الله ان شاء الله مابصيبهم الا العافية ماشاء الله الله يكمللكن عخير يارب وتقومو بالسلامة ويكون البيبي خلقة تامة يارب والف نعيما حلاقة عمورة عقبال حلاقة الحج و حلاقة عرسو سلامة قلبك الاوليفيرا ممتازة بتبرد وبتخفف الحكة سلامة قلبك الله يكتبلو شفاء العاجل لزوجك و يصير بصحة وعافية @user-750823

العضوة: 1040989 , 4 years ago

اني اخر دوره ٢٠٢١/٣/٢٢

العضوة: 742297 , 4 years ago

الله يكملك عخير وتقومي بالسلامة ويرزقك اللي نفسك فيه نحن تجمع سنة ماضية 😊

العضوة: 1063581 , 4 years ago

انا اخر دوره لي 17/5 هذا الولد الرابع داعوتكم

العضوة: 750823 , 4 years ago

يعطيك العافيه وان شاء الله الف مبروك الله يتمم لهم على خير تسلميلي كمان عموري مشاكس وبعصب ويأشر بأيد يرفعها انو انزعج وغير صوتو هههههه لحمدلله زوجي منيح هلق هو بالبيت اجى من المشفى وانا مارحت لموعدي واتصلت للمركز ٥٥ مرة محدا يرفع السماعة لازم اروح واحجز موعد من جديد المشكلة المكان بعيد بمنطقة ثانية الله يكتب لنا الخير جميعاً🌸🌸🌸🌸🌸🌸

العضوة: 244211 , 4 years ago

@user-742297 الحمدلله طلعو لجوليا سنين 🤗 وصايرة توقف عالحواف وعم تطلع من المشايه ف شكلي رح شيلها وضبها مشان ما توقع اليوم منيح انتبهت عليها آخر لحظة كانت رح تقلب على راسها مشاكسه هالبنت ،،، انتي كيفك وكيف البنوتات ومبارك لابن بنت حماكي التمام على خير

العضوة: 244211 , 4 years ago

@user-750823 الحمدلله على سلامة زوجك ،، وسلامتك بالنسبه للاكزيما في فازلين طبي ممتاز كانو ايدي يتشققو من الاكزيما كل ما اثني اصبعي يفتح جرح واخدت ادويه كتير ما زيط معي الا الفازلين الطبي متل هاد الابيض جربيه

العضوة: 244211 , 4 years ago

الله يحفظكم ما تشوفو مكروه ،،، الحمدلله يا قلبي بخير جود عم يلاعب جوليا بدفاشتو وهي مبسوطه عليه 🤦🏻‍♀️😅

العضوة: 750823 , 4 years ago

الله يسلمك يارب ولا يضركم والله عندي هذا الفازلين جبتو من اسبوع عموري صار شق بشفايفو واستخدمتو له وطاب الجرح حطيت كم مرة منو بس خلاص رح انتظم عليه أجرب هذا ما يضر ما شاء الله على أسنان الارنوبة 🐇 جوليا هلق العضة فيهم توجع😂 كمان عموري يوقف على الحيط و على حواف السرير الطاولات والكنب يمشي وهو ماسك بالحواف

العضوة: 244211 , 4 years ago

عمري الله يحميه البطل 💙 ما عرفتي جنس الجنين

العضوة: 750823 , 4 years ago

ويحمي ويحفظ ولادك يا روحي لا والله لسى ما عملت سونار حتى موعدي اليوم مارحت ان شاء الله بس اعرف جنس الجنين أخبركن انتو اول الناس الصراحة مقررة هذا الحمل ما اخبر حدا من يلي حوالي عن جنس الجنين

العضوة: 868393 , 4 years ago

ربي يرزقك الخلقة التامة و الجنس اللي متمنيتيه و ربي يبارك لك و يختارلك الخير. ربي يشفيلك راجلك و يسخرهولك و بخصوص الإكزيما لازم تنتظمي،تعطيها وقتها و حقها كما ينبغي باش تتهناي. و المشكل لي قلتي عندك ربي يشفيك و يجعل لك الخير،لكن ما دام كاين شي لازم تشوفي الدكتور ما تأجليش خصوصا لأنك بالحمل و ربي يحفظك يا غالية أنت و يعطيك الخير