العضوة: 868393 , 4 years ago

صحة و هنا يا روحي..الله يجعل أيامك أحلى من هذا الحلو

العضوة: 750823 , 4 years ago

"اللهمّ يا منْ توزعتِ الأرزاق بكرمِه، وتنفس الصُبح بأمره، بلِغنا أسمى مراتب الدُنيا وأعلى منازل الآخِرة. اللهم ارزقنا إجابة الدعاء، وصلاح الأبناء، وبركة العطاء"

العضوة: 750823 , 4 years ago

يسعد اوقاتكن صبايا وين ماعاد لكم حس انا ابني كل فترة الصباح فايق لين الظهر ما قدرت اغير روتينو

العضوة: 871261 , 4 years ago

صباح الفل هههههه انا لسا بنتي ما الها روتين كم عمر ابنك ما شاء الله

العضوة: 750823 , 4 years ago

هلا حور كيف امورك وسارونا الأمورة كيفها عمرو شهرين و ١٣ يوم الله يحفظو

العضوة: 750823 , 4 years ago

يسعد صباحك أم دانية كيف امورك عم تنامي منيح انا بالليل ما بنام ولا ساعة إلا ما ندر بالصدفة نومي بالنهار فترة من بعد الظهر للمغرب

العضوة: 244211 , 4 years ago

كيفكم صبايا وكيف الكتاكيت 🐣🥰

العضوة: 868393 , 4 years ago

صباح الخير يا روحي..أنا مثلك نومي متذبذب و البارح آلاء قضت اليوم كله تبكي دون توقف تطلب أحملها و الرعاية رفضتها..و دانية تطول بالسهر..يعني لما تنام وحدة تستيقظ الثانية..و أنا أنام و أفيق..حتى النوم صرنا النام و نظل واعيين😅. ربي يقدرك و إن شاء الله ينتظم نوم أميرك و ربي يسعدك

العضوة: 868393 , 4 years ago

صباح الخيرات..بخير و لله الحمد..كيفك و كيف الأميرة الصغيرة جوليا و أخوها..اليوم عندنا برد و أمطار..السنة هادي ما نزلت أمطار فصار الماء بالحنفية يجي على فترات..

العضوة: 742297 , 4 years ago

يسعد اوقاتكن جميعا كيفكن وكيف الاولاد والبنات ان شاء الله اموركن بخير انا والله ماعم يصحلي ادخل أسيل الله يهديها صرلها كم يوم مابتنام قبل ٥ صبح يادوب نام معها وبناتي بفيقو ٨ واوقات ٩ بفيق معن و بعدين لبين ما فطرن و خلصلن امورن واطبخ و اذا صحلي نام بتكون فاقت اسيل وهيك كل اليوم بحس نهار بيطير بدون مانحس وعم دور ع روضة لهمسة وجع راس و مسؤولية المدارس والله الله يقوينا جميعا @user-868393 انا بخير ياقلبي حمد الله والبنات بيبعتولك بوسات انت كيفك وكيف اميراتك ربي يحفظهم @user-750823 صحة عالكنافة ويعطيكي العافية عالباستا والله يقويكي عالسهرة تعب والله @user-244211 كيفك ياقلبي وكيف جوليا و جود طلعو لعبو بالتلج همسة وزينة نفسهم يلعبو بالتلج @user-871261 كيفك ياقلبي وكيفها ام سوس العسل ربي يحفظها @منوشة كيفك وكيف البيبي ان شاء الله اموركن تمام @user-870144 كيفك وكيف الاولا و البنوتة ان شاء الله امورك بخير

العضوة: 244211 , 4 years ago

@user-868393 الحمدلله بخير جوليا صرلها كم يوم ما بترضع متل الخلق بتاخد شوي من الحليب وبتصير تبكي اليوم غيرتلها الحليب لأشوف ازا رح تتقبله وعم اتضل نايمه بس وقت تصحى بتطلع الفرقيه ،، اليوم اخدت اول جرعه من تطعيم كورونا وايدي كتير عم توجعني الله يبعد هالوبا عنا ،،، الله يبعتلكم الخير والرزق الواسع 💙

العضوة: 244211 , 4 years ago

الله يعينك يا قلبي ويوقيكي يا رب الحمدلله بخير 💝والله بمنطقتنا ما مسك التلج يا دوب اتلجت شوي وبعدها وقفت جود يا حرام حكالي ماما صحيني الصبح العب بالتلج صحينا ما في شي واولاد صفه عم يبعتو صورهم وهني بيلعبو ف زعل 🤷🏻‍♀️

العضوة: 870144 , 4 years ago

هلا ي قلب وعليكم السلام الحمدلله بخير انتي كيفك وكيف امورك عمر بنتي الكبيره 10 سنين وابني عمرو 6 سنين وبنتي التانيه 4 والصغنونه شهرين الله يرزقنا برهم ويرزقهم رضانا ي رب

العضوة: 756470 , 4 years ago

أنا وبنوتي الحمــدللـّہ بخير إن شاء الله تكون كل أموركم بخير

العضوة: 870144 , 4 years ago

الحمدلله بخير بنوتي الصغيره عينها مجرى الدمع مسكر أعطاني الدكتور تمارين من العين لانف 120 مره اعملها باليوم أن زبطت معها لأربع شهور منيح وان لا عمليه ويارب تزبط التمارين ي رب ومرشحه والبيت كلو رشحه الجو زيئ جدا والله ماهم بنام بليل من رشحته تختنق وابني كمان استفراغ الحمدلله ي رب