العضوة: 1024508 , 3 years ago

مع تزول الدورة المفروض آخد حبوب المانع بتاعت ال21 حبة بعدها تنزل الدورة 7 أيام و أرجع آخد علبة جديدة،يعني حبوب ثنائية الهرمون بس من تحاليلي حكتلي أنو يضرو جسمي و ما يتحملهم فحكتلي أنو لازم تعطيني حبوب أحادية الهرمون يعني المحتوات على 28 حبة،علبة ورا الاخرى..بس هالحبوب ما يتركو وقت للدورة لتنزل..يعني كيف راح تنزل؟؟؟ و حاليا وصفتلي حبوب وقف النزيف،حبتين ثلاث مرات باليوم،العلبة راح تخلص وما وقف النزيف أعزكم الله

العضوة: 1024508 , 3 years ago

استمريت عليهم بس مثلما توقعت الدكتورة جسمي تلخبط..من كلامها فهمت أنو كانت متوفعة هالشي

العضوة: 645664 , 3 years ago

اله يعينك والله غلبة هالحبوب ووتعب

العضوة: 645664 , 3 years ago

كتير سمعت انو الحبوب بتلخبط وبتعمل عصبية كمان

العضوة: 742297 , 3 years ago

يسعد مساكم جميعا كيفكم شو الاخبار كيف الاولاد والبنوتات ان شاء الله اموركم بخير جميعا

العضوة: 742297 , 3 years ago

@user-1347195 الله يسلمك ياقلبي تسلميلي والله جد الله يقوينا ويكتبلنا الاجر اجمعين بدك تحافظي عالفيتامينات ياقلبي انا وقت حملي بزينة كتير كنت دوخ لهيك كنت اخود مالتي فايتمن و كمان اخد حديد غير اللي موجود بالمالتي فايتمن لا تنسي اللهم بارك ويحفظهم ويحميهم ويقويكي بس جسمك ما ارتاح كتير ضروري ترتاحي وما تبذلي مجهود زيادة لان كلو بيطلع بجسمك ريحي قد ماتقدري وكلو ملحوق بس صحتك بعيد شر اذا صرلك شي ماحدا حيحس فيكي لهيك انتبهي عحالك كتير منيح ولا تتعبي

العضوة: 742297 , 3 years ago

@user-1207505 الله يسلمك امين يارب عالجميع الله يشفيها ل سلفتك ويارب ترجع بالسلامة لبيتها وولادها يارب بالنسبة الك الله يكتبلك اللي نفسك فيه ويرزقك توام اولاد يسرو قلبك وخاطرك ربي يخترلك الخير وييسرلك امرك

العضوة: 742297 , 3 years ago

@user-1024508 كيفك ياقلبي كيف اميراتك ان شاء الله بخير حاولي تريحي جسمك فترة واستخدمو واقي واذا بتخافي حاولي ايام الاباضة يصير تباعد وباقي الايام يكون بالواقي الحبوب ولعب الهرمونات كتير بشع او حاولي تركبي لولب اذا بيناسب جسمك الله يخترلك الخير ياقلبي

العضوة: 742297 , 3 years ago

@user-645664 كيفك ياقلبي كيف الاولاد ان شاء الله اموركم بخير

العضوة: 1024508 , 3 years ago

و ربي يختارلك الخير ،الحساب بخصوص أيام الإباضة مستحيل بهذه الحاله لأني ملخبطة،إذا الدورة مستمرة 13 يوم و النزيف لساتو قوي حتى دواء وقف النزيف أعزكم الله ما وقفو،يبقى إمتى فيني أحرز التبويض..و لطالما كان معي أنيميا لهيك خايفة طول فترة الدورة و نزيفها يؤثر على كل الأصعدة. جزاك خيرا يا عمري و كل الأخوات على النصائح اللي حاستها طالعة من القلوب الطيبة.سلامي للأميرات

العضوة: 645664 , 3 years ago

مشتاقين والله الحمد لله انتي كيفك كيف البنات

العضوة: 645664 , 3 years ago

حبيبتي برأيي اتركي الحبوب كم شهر شوفي مانع تاني استعملي واقي امن جدا سنين بنقعد نستعملو اذا التزمتي فيه زي الحبوب بتضلك متطمنة ومابيلخبط الدورة ولا اي شيء

العضوة: 1347195 , 3 years ago

أهلين ام اكرم اشتقنالك الحمدلله انا و الولاد تمام عموري ما شاء الله صايرة تصرفاتو وحركاتو ملفتة للانتباه كل شي بيسويه حلو الله يحفظو وعلوش عم يسنن ومتبهدل😅 بس الوضع ماشي عم اخذ مع الفوليك حديد وان شاء الله تضبط اموري يارب يا كريم يرزقك توأم ذكور و بخلقة تام وصحة وعافية وسلفتك الله يشفيها ويعافيها ويردها لعيلتها بصحة وسلامة بعض الدكاترة الله يصلحهم ويهديهم مطفين الضوء و ماشين انا والدي صار معاه تقريبا نفس الشي من ٥سنوات بعيد الشر عنو شكو انو فيه كانسر بكليتو وفورا شالوها وبعد ما شالوها عملو زراعة طلعت سليمة وهلق بكلية وحدة الله يعطيه الصحة والعافية

العضوة: 1347195 , 3 years ago

أهلين ام دندون ماعليك الا العافية يا عمري حاولي تعوضين نقص الدم باكلات معينة اذا في مجال كبدة عصير بنجر (شمندر) عصاير ومي بقدونس بدل الحبوب اذا اللوب النحاسي تقدر تركبينه عليه مدح وافضل من الهرموني الله يكتب لك الخير يارب حاولي ترتاحين شوي

العضوة: 1347195 , 3 years ago

أهلين ام عبدالرحمن كيف حالك كيف مقضين الاجازة بالنسبة لي سهر لصبح ونوم لبعد العصر مو حلو هل الروتين لكن بهل الشوب مافي غير هيك